روايه هو و هي

(الحلقه التاسعه ) ❤

(الحلقه التاسعه ) ❤
ف الحلقات السابقه :____
أحمــــد : اتوكلنا على الله ...علاء . تجرى دلوقتى على الفيلا تشوف ابوها . اول ما يخرج وانت تدينا التمام .. هنتحرك .....
علاء : الفاتحه على روحنا يا رجاله . قصدى الفاتحه ان ربنا يوفقنا
مجدى : انا حاسس ان فيه مصيبه هتحصل ؟
أحمــــد : ماتخافوشش انا معاكوا
مجدى : هو انا حاجه مخوفانى غيرك ... بس اعمل ايه ,, قدرى انى صاحبك
أحمــــد : يلا يا علاء اتحرك . مستنيين اشارتك
........................ ( الحلقه التاسعه ) ❤ _ ( 2 Mission Impossible )
علاء : بقولك ايه ! ابو مريم لسا خارج حالا من البيت
أحمــــد : طيب اثبت مكانك احنا ف الطريق ....
مجدى : ايه يا شويه مجانين اللى بتعملوه ده .. احنا بنروح ف داهيه على فكره دلوقتى اهو
..............
أحمــــد : ها يا علاء انت فين .. احنا على اول الشارع
علاء : انا قدام الفيلا بس قبلها بفيلتين عشان .. انا ف طريقكوا اهو تعالوا خدونى
أحمــــد : يلا يا رجاله وصلنا ... انزلوا
......................
(فيلا الدكتور محمد منصور )
البواب : عاوزين مين يا افنديه ؟
أحمــــد : مش دى فيلا الدكتور منصور بردو ؟
البواب : ايوه هى .. اى خدمه ؟
أحمــــد : اه احنا عندنا ميعاد مع الانسه مريم ..... انا مهندس ديكور وكانت كلمتنى عشان عاوزه تعمل شغل ف الفيلا ...
البواب : طب لحظه واحده يا فندم اديها خبر
أحمــــد : اتفضل يا حاج
(ف نفس الوقت بيبعت أحمد رساله لمريم بيقولها )
البواب بتاعكوا هيتصل بيك دلوقتى يسألك على مهندس الديكور اللى انتى اديتيله ميعاد
لو قولتى لا معرفوش هروح ف داهيه .. عشان انا المهندس وانا واقف مع البواب تحت
.............
البواب : ألو .. ازيك يا ست مريم
مريم : ايوه ياعم عبدو
البواب : فيه اربعه بيقولوا انهم معاهم ميعاد من حضرتك بخصوص ديكورات الفيلا
مريم : اه اه دخلهم الفيلا وانا نازلالهم حالا
البواب : ماشى يا فندم
البواب : اتفضلوا اتفضلوا الهانم ف انتظاركوا
علاء : هما ايه دول يا عم عبدو ...
البواب : دول كلاب حراسه يابنى .. بعيد عنك الحراميه ف المنطقه هنا حاجه تشل
علاء : اه ... ربنا يسترها يارب
أحمــــد : خليك يا باشمهندس مصطفى انت بره مع عم عبدو عشان تعاين المكان من بره
مصطفى : ماشى يا هندسه
..............................
(بيدخل احمد وعلاء ومجدى الفيلا وبيستنوا تحت ومريم نازلالهم )
مريم : أفندم ؟
أحمــــد : علاء !! مجدى !! معلش استنوا على باب الفيلا
............
أحمــــد : مالك زعلانه منى ليه ؟
مريم : وانا ازعل منك ليه ؟ هو فيه حاجه اصلا بينى وبينك ؟ احنا المفروض اصحاب واخوات
أحمــــد : (بيعلى صوته ) بقولك ايه ماتستهبليش على اهلى
وبلاش كلمه اخوات واصحاب دى تانى فاهمه ولا لا ؟؟
مريم : ايه انت بتعلى صوتك عليا ليه دلوقتى ؟
أحمــــد : ايوه لازم اعلى صوتى
لما الاقيكى بتاخدى جنب منى يبقى لازم اعلى صوتى
لما الاقيكى لسا مش عارفه قيمتك عندى يبقى اعلى صوتى
مريم : هو انا فارقه مع سيادتك اوى كده ؟
أحمــــد : لو مش فارقه مع سيادتى ماكنتش عملتلك فيها توم كروز ومبهدل نفسي البهدله السوده دى عشان اجى اشوفك واكلمك .. هو انتى مش شايفه الهبل اللى انا فيه
مريم : هههههههههههههه ..... اه منا استغربت من الرساله بتاعتك وقولت انت بتهزر .. ولما عم عبدو اتصل بيا شتمتك ف سرى وقولت يابن المجانين
بس لغايه دلوقتى بردو يا احمد انت مش مرسينى على بر .. ماقولتليش حاجه لسا
أحمــــد : مريم ! فيه حاجات خساره اننا نتكلم فيها
لان الكلام هيبقى اقل من الوصف وبجد مش لاقي كلمه توصفلك انا شايفك ازاى او حاسس بإيه ناحيتك
مريم : حاول يا احمد توصفلى .. انا محتاجه ده
أحمــــد :
-لما قلبى يتشال ويتحط ويتهز من مكانه لما شوفتك اول مره ده يبقى اسمه ايه ؟
-لما 3 اسابيع بحالهم بجرى وبلف ف الجامعه كلها وببص على وشوش البنات زى الاهبل
لدرجه انهم افتكرونى مجنون او ماشى بعاكس فيهم على روحى . ده اسمه ايه ؟
-لما اكون مش عارف اكل ولا اشرب ولا انام وبقول يارب عترنى فيها واشوفها والمحها تانى .. ده يبقى اسمه ايه ؟
-لما ماستحملش انك تنامى زعلانه منى ف يوم على موضوع ممكن تكونى فاهماه غلط واجى وابهدل نفسي وابهدل شله المقاطيع اللى بره دول معايا .. ده يبقى اسمه ايه ؟
مريم : ايوه اسمه ايه عاوزه اعرف ..
أحمــــد : يبقى اسمه انى بحبك اوى يا مريم .. ودرجه حبي ليكى وصلت انى مش هسمح لحد يبعدك عنى .. ولا حتى انتى مش هسمحلك تبعدى عنى ولا حتى هسمح لنفسي
مريم : ( بتعيط )
أحمــــد : بتعيطى ليه دلوقتى ؟
مريم : مش عارفه انطق .. وفرحانه وزعلانه وحاسه بكل احساس ف الدنيا
لما شوفتك واقف مع البت دى ف الجامعه حسيت انى صدرى اتطبق وماكنتش قادره اخد نفسي وزعلت اوى منك ...ساعتها ماكنتش طايقه نفسي ولا اصحابى ولا الجامعه ولا اى حد
ومن ساعتها وانا مش عارفه ارد ولا قادره ارد على حد
أحمــــد : كنتى تعالى اسالينى .. كنتى تعالى اشتمينى وقوليلى مين دى ؟
مريم : اشتمك بصفتى ايه ؟
أحمــــد : مش احنا اخوات طيب ؟ ولازم الاخت تعرف اخوها بيكلم مين ؟
مريم : هههههههههههههههههه
أحمــــد : ايوه كده بقي اضحكى يا شيخه . ملعون ابو اى حاجه ولا اى حد يزعلك ويطفى نورك
وبكره ان شاء الله هوضحلك موضوع البت اللى كانت واقفه معايا بس بطريقتى انا
مريم : ماشى ياعم اما اشوف
أحمــــد : طب ايه !! مش عايزه تقولى حاجه
مريم : هههههههههههههه تؤتؤ مش دلوقتى .. بكره لما اعرف هتعمل ايه ؟
أحمــــد : طول عمرك غلسه اصلا . مش عايز اسمع حاجه
استنى الواد مصطفى بيرن
أحمــــد: الو ! ايوه يا مصطفى !! فيه حاجه ولا ايه ؟
مصطفى : ابو مريم بيركن عربيته بره . روحنا ف داهيه ....