°دمار الحب °

عد كما كنت

على بركة الله نبدي

نصدمت انو مريم حاظرتني
حاولت اوصل آلهة بأي طريقة ما كدرت

خابرت عليهة من جهاز اختي اول ما سمعت صوتي غلقت الجهاز اني ما حجيت بس كلت ليش اني ما نسوية شي آلهة كلت بس اشوفهة افتهم منة

ورة سبوع صارت جمعة مال أهل عد بيت جدي وشفتهة بس كل ما اجي يمهة تروح مني وما تقبل تحجي وياي تصل علي خطيبي علي ❤️علاقتي ويا جانت حلوة بدون مشاكل وكلش متفاهمين اتصل علي ومالي محتاجة شي ومن هذا الحجي وسد الجهاز

حاولت احجي وية مريم كل ما اوكف يمهة تروح اني كلت يمكن بيهة شي او سامعة كلام خلي تهدأ واجي احجي وياها

صار الليل ماما كالت خلي نرجع للبيت رجعنة للبيت
وعادي كملت يومي كعدت الصبح واشوف الجهاز مالي بي أكثر من ٢٠ مكالمة من علي اني هنا وكع كلبي يا لله شكو هاي تصلت بي اول ما فتحت الجهاز كالي زينب انتِ طالق ومع لاسف عليج وعلى الي وثق بيج يا خلينة وضل يحجي وغلق الجهاز بوجهي

طبعآ اني ما فتحت حلكي بأي شي لان مصدومة

من كلامة بس انغمة علي ما احس نفسي آلة اهلي يكعدون بية يكلولي اكعدي

كعدت واني متت بجي زين ليش سوة هيج ولله ما مسوية شي غلط

اهلي عرفوا بالموضوع وهوَ نفصل علي بس كالوا لازم نعرف السبب بعد ما حجوا ويا اكثر من مرة

كالهم بتكم ناشرة صورهة وية ولد كالولة شنو كالهة عندي دليل عليهة طلع صور وتشوفهم لأهلي

كالهم رقم غريب راسلني ودزلي هاي الصور حاولوا يعرفون الرقم بس ما كدروا
الصور ويا ولد ما اعرفة اني ولله الصور وية ولد ولابسة فستان اني بس اريد اعرف منو هذا الي ورطني بيهن زين ليش

اهلي ما صدكوا اهلي واخواني بس اني بأيدي شامة وهاي البنية ايدهة ما بيهة شامة

صدكوا ورة اسبوع انو هاي الصور فوتشوب مو حقيقة

بس بقة علي حب عمري واول شخص نعجبت بي عافني علمود كذبة

المهم خالي جان عندة معارف بهاي لأمور مال فوتشوب وهيج أمور انطاهن الهم الصور والرقم كالولة لازم شهر كامل يلة تطلع النتيجة طبعا اني كل يوم يمر علي

انقهر بي الف مرة وابجي من كل كلبي

ليش هيج يا ربي ودائماً اكول ربي اني مسني الضر وانت ارحم الراحمين

يا ربي بين الحقيقة باسرع٦وقت ياربي يا لله
تمرضت والناس اكلت وجهي بالحجي

حتى مريم الي هية أقرب الناس علي وكفت يمي تكلي ليش تطلعين وية شخص غريب وانتِ مخطوبة

ليش تفشلين اهلج

هنا صدك حسيت الدنيا صارت ضيكة بية

بجيت بجيت ودعيت من كل كلبي على الي سوة هيج