Unicode
ဂျောင်ကုအိမ်ကိုပြန်ရောက်တော့ အမေဟာ ထုံးစံအတိုင်းပင်ရှိမနေခဲ့ပေ။လေးလံထိုင်းမှိုင်းနေတဲ့ စိတ်ကိုသယ်ဆောင်ရင်း သူ့အခန်းထဲကိုသာ တန်းနေအောင် သွားလိုက်တော့သည်။သူ့အမေရဲ့ကိစ္စနဲ့ပတ်သက်ပြီး ခံစားချက်က ထင်ထားတာထက်ကိုပိုပြီး ဆိုးရွားလွန်းနေ၏။
သူက အခန်းထဲကိုရောက်တာနဲ့ လွယ်အိတ်ကိုပစ်ချကာ ကုတင်ပေါ်ကို ပစ်လှဲချလိုက်သည်။မီးခိုးရောင် မျက်နှာကျက်အား အရူးတစ်ယောက်လိုစိုက်ကြည့်ရင်း ထွေရာလေးပါးတွေးတောနေမိသည်။
အမေကတကယ်ပဲ အဖေ့နေရာမှာ တခြားလူကိုအစားထိုးဖို့ ကြိုးစားနေလားဆိုတာ မသေချာပေမယ့် သူကတော့ ထိုကိစ္စမျိုးကိုဘယ်တော့မှလက်ခံမှာမဟုက်ပေ။ကောင်းကင်ထက်မှာရှိနေမယ့် အဖေ့ကို သူကတော့ အမေ့ကိုယ်စား အားနာနေမိသည်။အမေဟာ စိတ်နှလုံးလှပါလျက်နဲ့ အဖေ့အပေါ်မှာတော့ အမြဲလိုလိုမာကျောနေခဲ့သည်။ထိုအချိန်က အဖေ့ရဲ့ခံစားချက်တေကိုနားလည်ပေးနိုင်တဲ့တစ်ဦးတည်းသောသူက သူတစ်ယောက်တည်းသာရှိခဲ့သည်။
အဖေကရော အခုသူခံစားနေရတာတေအားလုံးကို သိနေနိုင်လောက်လား။တကယ်တော့ အဖေ့ရဲ့အမှတ်တရတေက သူ့ခေါင်းထဲမှာပျောက်ကွယ်လုနီးနီးပင်။အဖေဆုံးသွားတာ ၈နှစ်မျှရှိပြီဖြစ်ပြီး အဖေ့ရဲ့ပုံရိပ်တေကလည်း သူ့အမြင်အာရုံထဲတဖြည်းဖြည်းနဲ့ဝေဝါးလာပြီဖြစ်သည်။တစ်ကိုယ်ကောင်းဆန်လွန်းတဲ့အမေ့ကြောင့် သူ့မှာ ထုတ်ကြည့်စရာအဖေ့ရဲ့ဓာတ်ပုံလေးတစ်ပုံတောင်မှ မရှိလေပဲ။
မျက်ဝန်းထောင့်ကနေဖြတ်စီးသွားတဲ့ စိုစွတ်မှုက သူ့ရဲ့အသိစိတ်ကို နိူးဆွပေးပြန်သည်။သို့ပေ မျက်ဝန်းအစုံကိုမှိတ်ချရင်း အတွေးနယ်ထဲ လွင့်မြောဖို့ရာသာ ကြိုးစားမိပြန်သည်။သူ့စိတ်တေအရမ်းကို ပင်ပန်းလွန်းနေတာကြောင့် မျက်ခွံများမှာလည်း တစ်ခဏတွင်းပင် လေးလံလာခဲ့၏။
ရောင်ခြည်ဖြာသည့်မနက်ခင်းလေးမှာ မွှေးကြိုင်လှတဲ့ ဟင်းရနံံ့များစွာဖြင့် လွှမ်းထုံနေသည်။စားပွဲပေါ်၌ စီရီထားသည့် ဟင်းပန်းကန်များအနက် အချို့မှာ အငွေ့တထောင်းထောင်းထ၍ လှိုင်သင်းနေ၏။စားပွဲဝိုင်း၏အနီးနားတွင် အဒေါ်ကြီးတစ်ယောက် အလုပ်ရှုပ်နေသည်။
