العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|16

لاحظ سكوتها و ملامحها القلقة و هو يعنقها بدفئ بايس فوق راسها: هادشي مغينقص حتى حاجة تنحس بيها من جيهتك غنلقا الحل ماتخافيش

جوهر بفضول: و الى بالفعل صدقت عاكرة؟ واش غتخلا عليا؟! ولا غتجيب وحدة اخرى لي تقدر تولد ليك ولي العهد؟!

آزاد بعد منها بإستغراب: علاش اصلا تفكري هكا؟! (شد يديها) جوهر نتي رفيقة روحي يعني مايمكنش ليا ابدا نشوف فشي وحدة من غيرك ولا حتى نفكر فيها و نتي الوحيدة لي باغي منها ولادي..يعني الى صدق هادشي بصاح فراه عمر غيكونو عندي ولاد ولا ولي عهد من غير الى اضطرينا نتبناو شي واحد

جوهر تقبط قلبها و هي تتشوف الصدق فعينيه زاد أنبها ضميرها على فعلتها و تصرفها المتهور ولكن فديك الوقت مكانت عندها حتى فكرة عليه من غير انه ساحر و ستيني خصوصا الصورة لي بنات فمخييلتها عليه انطلاقا من عمرو مكانتش متخييلة راسها ابدا تنعس مع واحد يبان كي جدها ماحساك تولد ليه لي يزيد يعلقها بيه!...

جوهر بتوتر: بصاح؟؟

آزاد شدها من وجهها بابتسامة: غنشوف مع سحرة الشفاء اكيد غيعرفو الى كان شي واحد مول الفعلة و حتى الى كان عقم

جوهر بلعات ريقها بإرتباك: فيا الجوع...

آزاد: اه مزال ماكليتي والو...

شدها فيدها و خرجو من الحمام كانت الشارفة باقة تما و الأرضية تنظفات من طرف خادمة عييطات ليها جمعات داكشي فالوقت لي كانو هوما فالحمام...

آزاد بصرامة: شنو هوما مكونات هاد الشاي؟

بيلادونا رمقات جوهر بنضرة متفحصة عاد شافت فآزاد: الهيليون..أشواغاندا..تشاستيبيري..الكوهوش السوداء..عرق السوس..داميان..القرفة..الفاوانيا البيضاء و كيفما معروف كلهم تيعاونو فالحمل و عروسنا أدرى ولا لا؟ (مييلات ليها راسها)

جوهر عقدات حجبانها: شنو القصد ديالك؟؟!!

بيلادونا ببراءة مصطنعة: زعمة نتي منيعة ضد السموم و عندك خبرة فالأعشاب و الزهور اكيد غتكوني فاهمة كلامي و بلي لي وقع ليك ماشي بسبب الشاي و انما بسبب شي حاجة اخرى فيك ا بنتي خصنا نلقاو ليها الحل ياك ا ولدي؟

آزاد شبك اصابعو مع اصابع جوهر: طبعا غندير جهدي كاملو باش نعرفو المشكل فين كاين!

بيلادونا حركات راسها بالإيجاب: تنتمنى يتحل هادشي من كل قلبي كون تعرف قداش تنتسنا اليوم لي نشوف فيه ولادك..حفاد ختي الحبيبة لي ماعاشتش باش تشوفهم اكيد غتكون تتشوفنا دابا من السماء فين غتكون ملاك طااير لأنها كانت روح طاهرة عمرها آدات شي واحد (غرغرو عينيها بصاح من كلامها الأخير)