الهَواجس

الحـلقة العاشـرة

الكـاتبة شهـد 🖤

٧٧ نبضة في الدقيقة، إثنتان منها لضخ الدم
والخمسُ وسبعون الباقية لتغذية حُبكِ المُعلّق في قلبي

____________________________

عـلي

الساعة قربت تصير 12 واني حاط الموبايل وگاعد بـ باب المحل انتظر اخوها يجي وياخذها تعبت منا اني گاعد من وكت والعرس مال حمزة وهسه هاي طلعتلي صفح ضجت كلش گمت فتت للمحل شفتها گاعدة ومسرخية ولأ كأن اكو شي ..

-اتصلي بأخوج شوفي وين صار

-ها مو هو گال راح يتأخر شوية انتظره اذا تحب روح انت

-وعادي تضلين وحدج بهالوقت هنا

-اي عادي اقفل المحل وانتظره

ضلت نظراتي متوجهه عليها وطولت بيها اريد افهم شنو من ملة هاي لحد ما هي نزلت راسها من نظراتي تتهرب..

-اني ما احب الكذب خلي ابالج

عقدت حاجبها وگالت..

-ماكذب هسه يجي واذا مو هو اتصل بصديقتي تاخذني

-زين تعاي اني اوصلج

ضربت الميز بقوة وتخنزر بوجهي عبالك وحدة ثانية مو نفسها الي قبل شوية تحجي..

-شبيك تلححح ما ملييت لا تتدخل تريد ترووح الله وياك مالك علاقةة بيه..

-قزرقط ومرض صوتج نصيه ماگاعده بـ بيتكم انتِ فوگ ما گاعدلها صار ساعة خايف عليها لسانها بطول الن***

ضربت الكرسي برجلي وطلعت من المحل روحي طالعة من تصرفها رجعت گعدت برا انتضر والله لو ما تنحسب علينا الا اروح وطبها ستين مرض..

تقريب الربع ساعة طبگت سيارة ع الشارع الي گبالنا طلعت تركض هي من المحل السيارة مضللة ماعرفت منو الي بيها ولا شفته عبرتني بسرعة وراحت للسيارة صعدت وحرك السيارة بسرعة وراح..

ضليت صافن شنو من بشر دنزل اتشكر حتى هي بالچذب ما گالت شكرا تمتمت بيني وبين نفسي..

-سوي زين وذب بالشط...بس والله وراج مصيبة وخايف منج .

احسها مو طبيعية بيها شي و وراها شي ارتباكها وبقيتها بالمحل لهالوقت ماكو بنية بهالصلافة يعني الا اذا عدها مشكلة وأگعة بيها حاير شسوي حتى اعرف مشكلتها ..يلا تنحل ..

گمت قفلت المحل توجهت للسيارة منها للبيت اريد الفراااش وبس على تعبة هاليوم...

____________________________

حمزة

صارر الساعة بـ الستة يمكن على گد سعادتي الليل كله مانمت حاضنها لـ الينا واباوع بوجهها وكل شوية اوزع بوسات واخليها تگعد ..

-حمزة فدوة عيوني ماگدر افتحها من النعاس

-گومي بابا گومي اكو نوم الساعة ستة هسه