واقع ولا حلم بقلم هايدي محمد

واقع ولا حلم

نوفيلا واقع ولا حلم
اللهم صل وسلم وبارك على سيدنا محمد
بقلم هايدي محمد

واقف محتار مش عارف فى ايه بيحصل معاه ايه اللى بيشوفه ده ده بجد ولا حلم فضل يدعك فى عيونه علشان يتأكد من كل اللى بيشوفه ويكلم نفسه

ايوه ايوه انا اكيد صاحى لالا ده مش حلم يااارب يااارب اكون صاحى ماكنش بحلم يارب تبقى دى الحقيقه بس لاااااا ده انا اكيد بحلم قربت من صاحبى لاقيته بيتكلم معايا بكل ادب واحترام مافيش اى كلمه خارجه مافيش كلام مبتزل مافيش ياصحبى ويازميلى ولا حتى كلمه ياسطا ايه ده ده بجد

.....مصطفى هو ده بجد هو فى ايه بيحصل فى الدنيا

مصطفى ::مالك ياحبيب حصلك ايه انت بخير اكيد بجد فيك حاجه طمنى عليك

حبيب::فضلت ابص على الكل باستغراب الناس وشوشها بشوشه وفى ابتسامه على وشهم ورضا فى عيونهم حاجه كده غريبه استغربت اكتر فوقت من شرودى على صوت مصطفى وهو بيقولى

مصطفى::يلا ياحبيب علشان هانتاخر على الشغل

حبيب::وانا بكلم نفسى شغل وقرف ومدير تنك عمال يتآمر علينا على ثلاث الاف جنيه فى الشهر ياريتهم بيعملوا حاجه ولا بيكفوا مصاريف ده كفايه المواصلات بتاخد نص المرتب ولا اسعار الاكل إلى ولعت نار ده كيلو اللحمه لوحده بقى ب200جنيه ولا كرتونه البيض بقت ب80جنيه وغير الرز وباقى الخضار ولا الفاكهه الواحد مش عارف يلاحق على ايه ولا ايه

فوقت على صوت الاتوبيس ولاقيت مصطفى بيقولى يلا بقى الاتوبيس وصل فى المعاد

بصيت ليه باستغراب اتوبيس المواصلات العامه يوصل فى معاد وكمان وقت محدد لاااا مستحيل طلع مصطفى وانا طالع ورا لاقيت الاتوبيس فاضى وكل واحد قاعد فى مكانه وكله ملتزم بالقواعد بتاعت الاتوبيس ايه ده كمان ياخبر ابيض دى البنات البنات لابسه لبس محتشم ومافيش مكياج ولا لبس ضيق ولا بناطيل مقطعه ايه اللى انا شايفه ده ده الشاب قام لست كبيره والتانى قام يقعد انسه ايه ده كمان مافيش تحرش ولا حركات وحشه وكله قاعد فى حاله الشباب عيونها على الطريق مابتبصش على البنات

ياااربى على اللى شايفه بصيت جانبى قولت اتكلم مع مصطفى صديق عمرى اشوف أحواله ايه مع مراته اللى مش عاجبها عشتها علشان باصه على الناس

حبيب::قولى يامصطفى صح عامل ايه مع مراتك دلوقتى

لاقيته بصلى بصه غريبه

مصطفى::مالك ياحبيب بتسال ليه على مراتى ومن امتى بتسال عامل ايه معاها انت عارف ان دى اسرار بيوت ماينفعش تخرج بره مراتى حلوه ليا وحشه ليا احنا اصحاب واخوات بس بعيد عن البيوت دى ليها حرمتها وليها احترامها اكيد لو فى مراتى عيب مش هاقوله لصاحبى ولا حتى لاخويا هروح لأهلها واشتكى ليهم يعلموا بنتهم الصح من الغلط