روايه بنت الاكابر

(الحلقه الثانيه عشر ) ( المطعم )

(الحلقه الثانيه عشر ) ( المطعم ) <3
................
(في الحلقات السابقه )
احمد : هههههههههههه (بيقف وبيمشى وبيقولها ) قمرين يا سلمى مش قمر واحد ... عن اذنك بقا ورايا شغل
ساره : خير فيه حاجه
احمد : حاجه ايه ؟ خلصنا كلامنا وماشى
ساره : ماشى ياباشا ..
...............
ساره : ايه يابت اتكلمتوا ف ايه ؟
سلمى : ياساره الحقينى الواد ده هيجننى وهيطير البرج اللى فاضل ف نافوخى ... اطلبيلى كوبايه لمون والنبى
...................... (الثانيه عشر ) <3
ساره : ماتنطقى يابت الهبله فيه ايه وقالك ايه خلاكى مبلمه كده
سلمى : طول كلامنا وهو مقفل وبيبصلى وبيبرقلى .. وكنت هودى مصطفى ف داهيه بس لحقت نفسي ... بس ف اخر كلمه قالهالى بقوله انت لسا شايفنى حلوه وزى القمر . رد عليا وقالى دا كان زمان كنتى زى القمر قولتله طب ودلوقتى . ضحك وبصلى وقالى قمرين يا سلمى ومشى
ساره : يالهووووووووووووووووووى . ... الواد ده بيلعب بأعصابنا والمصحف .. هههههههههههههه ايه الواد ده عايز مننا ايه مش فاهمه
سلمى : اعمل ايه يا ساره .. انا كنت باخد نفسي بالعافيه وانا بكلمه وخايفه اغلط ... ولو كان ضغط عليا اكتر من كده شويه كنت اعترفتله بكل حاجه . بس عملت حوار عماد ده وكلمتك عشان تلحقينى
ساره : اه منا حسيت انك عكيتى الدنيا عشان كده دخلت الحقك ..
سلمى : اه وكله كوم ولما شاف الكاميرا ومكتبه كوم تانى . دلوقتى يعرف انى براقبه
ساره : اه يا موكوسه ... وكتاب الله انتى هبله
سلمى : شوفى ؟ بردو مافيش فايده ف اهله . رايح يتكلم معاها بردو ويقف معاها
ساره : يابت اقفلى ام الكاميرا دى بقا وركزى ف شغلك
سلمى : بس انا مبسوطه اوى النهارده على كلمه قمرين دى ههههههههههههههه
ساره : يا عنيا .. بقا مبسوطه عشان قالك قمرين .
سلمى : يالهوى دا كان هيجرالى حاجه وانا بكلمه .. الحمد لله الموضوع عدا ...
ساره : طب خدى نفسك خدى نفسك ههههههههههه
سلمى : انزلى بقا قوليلهم يشوفوا شغلهم ..
ساره : حاضر حاضر .. بقولك ايه انا هتصل بمصطفى اعرفه الخطه بتاعتنا اللى هنعمله .. ونعملها بكره ..
سلمى : قصدك يعنى خطه العريس وكده
ساره : اه وخصوصا بعد كلمه قمرين دى انا متأكده انه هيبهدل الدنيا وهيطلع هنا المكتب وهيزعق معاك وهيقولك انتى ليا انا وبس والكلام ده
سلمى : يسمع من بؤك ربنا .... اتصلى عليه يلا قوليله
ساره : ماشى
ساره : الو ! ايوه يا درش .... فيه خطه جديده هنعملها ف احمد بكره وعاوزينك معانا لانه اكيد لما هيعرف هيحكيلك وانت بقا تقوم بالواجب
مصطفى : خطه ؟ خطه ايه خيييييييييييير ؟
ساره : بص يا سيدى
...................
مصطفى : الو ! ايوه يا حب
احمد : خير
مصطفى : هيعملوا فيك مقلب بكره هههههههههههههه
احمد : مقلب ايه ؟
مصطفى : لا يا بابا دا المقلب ده مايتحاكاش ف التليفون . لما اشوفك بالليل هكلمك
احمد : ماشى ياعم ...
.........................
(اخر اليوم )
احمد : يلا يا منى ولا ايه ؟
منى : لا شكلى مش هعرف
احمد : نعم ؟ ليه انشااااء الله
منى : والله ما اعرف ... استاذه سلمى كلمتنى وقالتلى عاوزانى ف موضوع
احمد : بقولك ايه ؟ مش وقتك خلص
منى : اه
احمد : طب يلا بينا و سيبك منها
منى : ياعم دى مأكده عليا
احمد : يلاااااااا سيبك منها . اخلصى مابحبش المناهده
منى : ماشى يلا واللى يحصل يحصل
احمد : اه . منى معلش استنينى دقيقه فيه حاجه نسيتها ف المكتب هجيبها وجاى
منى : ماشى بسرعه بقي
...........
احمد : بقولك ايه يا عم صالح ... انت بتمشى امتى ؟
صالح : لا انا لسا قدامى ساعتين بمشى ف الفتره المسائيه
احمد : طب بقولك ... الاستاذه سلمى ممكن تيجى تسال على منى دلوقتى ... لو سالت عليها قولها ان هى طلعت مع الاستاذ احمد على مطعم Fish Market .... عارفه ؟
صالح : هههههههههههه عارف ماتقلقش انا حافظ اسكندريه شبر شبر
احمد : ربنا يديك الصحه يا حبيبى ... ماتنساش بقي واوعى تعرفها انى انا اللى قولتلك تقولها
صالح : حاضر تمام
.................
سلمى : يلا ياساره قبل ما البت منى تمشى ولا احمد ياخدها ويمشوا
ساره : يلا
................
سلمى : ايه ده هى راحت فين ؟
صالح : مساء الخير يا استاذه سلمى .. انتى بتدورى على الاستاذه منى ؟
سلمى : اه يا عم صالح انت عارف هى فين ولا ايه ؟
صالح : لا هى طلعت مع الاستاذ احمد على مطعم كده نسيت اسمه يابنتى مش فاكر
سلمى : لا بقولك ايه ؟؟؟ ركز كده وصحصح وافتكر الاسم ابوس ايدك
ساره : ها يا عم صالح افتكر والنبى
صالح : اه اه افتكرت اسم المطعم حاجه ماركت كده
سلمى : اه مطغم فيش ماركت تقصد ؟؟؟؟؟؟
صالح : ايوه هووووو ده بالظبط
سلمى : شكرا يا عم صالح .... يلا يا ساره ... ورنى ع البت مروه خليها تنزلنا يلا هعدى عليها واحنا رايحين كأننا داخلين بالصدفه
ساره : هتودينا ف داهيه يا سلمى
سلمى : ودينى لنا معرفاك يا جزمه انت وهى .. بس لما اشوفكوا بس
ساره : بقولك ايه اهدى وانتى سايقه مش عاوزين نعمل حادثه الله يباركلك
سلمى : بقولك ايه اخلصى رنى ع الزفته التانيه خليها تنزل
ساره : اوووووف طيب ..... الو ! انتى فين يا مروه ؟
.........................
ساره : ايوه اركنى بقا يا سلمى . المطعم اهو
......................
أحمد : ايه ده هما ايه اللى جابهم هنا دول ؟
منى : مين ؟ يالهوى .. ايه صحيح جابهم هنا ؟ دلوقتى سلمى تدينى كلمتين ف جنابى عشان سيبتها ومشيت
احمد : سيبك منها .. انا هرد عليها ده لو جم وكلمونا
منى : ربنا يستر ومايجوش
احمد : ههههههههههههههه هييجوا
منى : ايه اللى مخليك واثق كده ؟
احمد : عادى الكافيه اهو مفتوح واحنا ملموحين الصراحه يعنى اكيد هيشوفونا يعنى
منى : فعلا
.................
سلمى : (بشويش ) اهم قاعدين هناك اهو يا ساره .. امشى جنبهم كده كأنك شوفتيهم بالصدفه واقفى معاهم وانا هاجى
ساره : اعوذ بالله منك ... طيب طيب
..........
ساره : ايه ده انتوا بتيجوا هنا دايما ؟
احمد : ههههههههههههه
ساره : ايه ياعم بتضحك على ايه ؟
احمد : هاتى كرسي واقعدى ياساره نتغدى سوا . ولا معاكى حد
ساره : اه معايا سلمى ومروه
احمد : ايه ده بجد ؟ طب ماتجيبيهم ونتغدى كلنا
ساره : مش عاوزين نكون متقلين عليكوا ولا حاجه ياعم لاحسن منى تضايق
منى : ياخبر ابيض يا ساره ؟ بتقولى ايه بس هى فين استاذه سلمى
احمد : استاذه ايه ؟ احنا بره الشغل يعنى هى دلوقتى سلمى .. ولا ايه يا ساره ؟
ساره : اه طبعا . طب حيث كده بقا استنوا اندهلهم
احمد : ماشى
منى : انت عامل حسابك ولا ايه ف الفاتوره
احمد : هههههههههههههههههه
منى : بتضحك على ايه ؟
احمد : مافيش .. ماتقلقيش عامل حسابى وكله تمام
منى : ماشى
...............
سلمى : مسااااااااااااء الخير ايه الصدف الحلوه دى ؟ انتوا متعودين تيجوا هنا ولا ايه ؟
احمد : مسااااااء النور . اه فعلا هى صدفه جميله .. جميله جدا .. وبعدين متعودين ازاى اذا كان انا لسا عارف منى من يومين
سلمى : اها فعلا
احمد : ما تقعدى يا مروه واقفه ليه ؟
مروه : تسلم يا ابو حميد ....
احمد : انتوا متعودين تيجوا هنا كتير ولا ايه ؟
ساره : اه طبعا تقريبا كل يوم هنا بنتغدى هنا
احمد : ماشاء الله ... طب اندهى ع الجرسون باسمه بقي لاحسن محرج الصراحه اقوله يا جرسون وكده وهو ماشاء الله عليه شاب وحلو كمان ...
ساره : ايه ؟
احمد : اندهى انتى يا سلمى عليه باسمه طالما ساره جالها طاسه الخضه
سلمى : مين انا ؟ لا ده مش هو الجرسون اللى بلاقيه كل يوم .. الظاهر ده واحد جديد
احمد : اهاااااااااا طيب هنده عليه انا .... حبيبى !! ثوانى بعد اذنك
احمد : اسم الكريم ايه ؟
سامح : سامح يا فندم
احمد : فندم ايه يا مولانا خلى البساط احمدى ..اخوك احمد ...
سامح : شرفتنى يا ابو حميد
احمد : بص عاوزين تشكيله سمك على ذوقك كده لينا كلنا .. وزود الجمبرى عشان فيه ناس هنا بتحبه
سلمى : (بتبتسم وخدودها بتحمر )
سامح : اى حاجه تانيه ؟
احمد : تسلملى يا حب .. صحيح انت شغال هنا من امتى ؟
سامح : بقالى سنتين اهو
احمد : الشيفت بتاعك نفس الوقت ده على طول ولا ايه ؟
سامح : اه .. يوميا من 12 الضهر ل 10 بالليل ...
احمد : حبيبى ... مانتحرمش منك
سامح : عن اذنكوا
......................
ساره : (بتوشوش سلمى ) احنا منظرنا بقا زباله .... الواد عمال يعلم علينا ههههههههههه
سلمى : يالهوووووووووووى دنا هموت م الكسفه . شكلى بقا زفت قدامه
مروه : الله يخربيوتكوا انتوا الاتنين اودى وشى منه فين
ساره : بس اخدتى بالك من موضوع الجمبرى ده ؟ قصده عليك يا مزه
سلمى : اه ماهو كان بيبصلى وهو بيطلبه ... يخربيت عينه وهى باصالى وبتضحك .. اقسم بالله حسيت انى ف دنيا تانيه
احمد : فيه حاجه يا بنات ولا ايه ؟
ساره : لا ابدا خاااالص ادينا بندردش
احمد : طب ايه لو مضايقين من وجودنا ممكن اقوم انا ومنى نسيبكوا شويه ؟
سلمى : ايه لا خليكوا رايحين فين .... احنا خلاص خلصنا خلاص
احمد : ماشى
منى : بس بصراحه ماكنتش اعرف ان علاقتكوا ببعض حلوه كده سوا
ساره : احنا اصحاب من ايام الجامعه يا منى واحمد كان معانا ف الجامعه
منى : ايه ده بجد ؟ اول مره اعرف .. عشاااان كده قاعدين سوا وبتتكلموا عادى كأنكوا عارفين بعض من زمان
احمد : اه ...اهى ايام بقي وراحت لحالها
سلمى : وراحت ليه ؟ دى كانت احلى ايام والواحد عايش على ذكراها لغايه دلوقتى
احمد : اهو انتى اللى قولتى كانت ... عشان هى فعلا كانت .. الأكل اتأخر ليه ؟ ايه يا عم سامح احنا واقعين ههههههههه لسا فيه سينما هندخلها
سامح : هههههههههههه حاضر يا استاذى خلاص دقيقتين
احمد : ثوانى يا بنات ... هقوم اعمل حاجه وراجع
سلمى : اوكى اتفضل
احمد : بقولك ايه يا سامح
سامح : خير يا ابو حميد ..
احمد : بلغ الشيف ان الجمبرى ماتحرقوش اوى ف الفرن ورش سنه بهارات بسيطه عليه وهات عيش رقيق ... ... ونزله عند الانسه اللى لابسه اخضر تمام
سامح : حاضر تمام
احمد : اه عشان هى بتحبه بالطريقه دى معلش
سامح : حاضر يا عمنا .. ....
........................
احمد : اتأخرت عليكوا ؟
سلمى : لا خاااالص .... بقولك ايه ؟ انتوا داخلين سينما ولا حاجه ؟
احمد : اه . رايحين نشوف فيلم حلو كده
سلمى : سبحااااان الله .. احنا كمان كنا بنفكر ندخل سينما ..
ساره : اااااااااه شوفتى .. سبحان الله بجد يعنى .. وهتدخلوا فيلم ايه ؟
احمد : مش عارف بس انا برشح فيلم موانا . لسا نازل جديد ، وحبيت البت البطله من التريلر عشان هبله بتفكرنى بواحده اعرفها
سلمى : لااا انت بتهزر صح ؟ دا هو هو نفس الفيلم اللى بنفكر ندخله
احمد : ههههههههههههه لا مش معقول يا جماعه ايه الصدف دى كلها النهارده سبحان الله فعلا
سلمى : طيب ناكل ونقوم ندخل سوا ولا ايه ؟
احمد : مش عارف بقا ممكن نخليها يوم تانى .... انا يدوب ممكن اوصل منى واروح انا
سلمى : ليييييييييييييه ؟ منا معايا عربيتى اهو وممكن اوصلكوا
احمد : مانتى عارفه انى مابركبش جنب واحده وهى سايقه . يا اسوق انا يا ماركبش
سلمى : بسيطه . خد سوق انت
احمد : لا .. انتى بس ممكن توصلى منى ف سكتك وخلاص .
سلمى : خلاص تمام ... مش مشكله انت راجل وتتبهدل .... المهم منى معايا مش هسيبها .. مش هسيبها خاااالص الا لما اتطمن انها دخلت بيتها .. عيب دى ف عينى
احمد :هههههههههههههههههههههههه ههههههههههههههههه ده العشم يا سلمى .. لو هتتعبك ولا حاجه عادى انا ممكن اوصلها ف سكتى
سلمى : ايه ؟ لا طبعا انا اللى هوصلها ... خليك انت ف نفسك بس والنبى
منى : متشكره يا استاذه والله
احمد : ههههههههههههههه استاذه ايه بقولك احنا كنا اصحاب ودلوقتى احنا بره الشغل قوليلها يا سلمى .. ولا فيه رأي تانى يا سلمى ؟
سلمى : لا طبعا ..
مروه : الاكل اتأخر اوى يا احمد ... انا جوعت
احمد : اعمل ايه طيب منا لسا مكلمه قدامكوا اهو
سامح : معذره ع التأخير يا جماعه .. اتفضلوا ... بالهنا والشفا
احمد : تسلم يا حبى ... ماتقعد معانا
سامح : ههههههههههههههه حبيبى تسلم
احمد : يابنى اقعد والله ماهى عزومه مراكبيه
سامح : تسلم يا ابو الذوووووووق
.احمد : اتفضلى يا سلمى الجمبرى بتاعك اهو
سلمى : (بتبصله وبتبتسم )
..................................
ساره : (بشويش ) سلمى ! بصى على احمد وهو بياكل . ههههههههههههه شوفى ماسك المعلقه إزاى ؟
سلمى : ههههههههههههه واخده بالى ... مش عارفه هو قاصد يضايقنى ولا ايه .. ولا بيتريق عليا . ماهو عارف انى مابعرفش امسك المعلقه الا بالطريقه دى ... لسا فاكر حركاتى يا ساره
ساره : بس على فكره هو مش قاصد يبنيلك انه بيقلدك ف طريقه مسكتك للمعلقه ... لا هو بيعملها من غير قصد .والله يابنتى انتوا الاتنين انا حاسه انكوا مطبعين على بعض وكل واحد شرب حركات التانى ..
سلمى : اه ... كان على طول يتريق عليا ويقولى انتى بتمسكى المعلقه كده ليه ؟ لغايه مابقى يمسكها زيي ههههههههههههه انا مش قادره يا ساره انا هقوم ابوسه
ساره : ههههههههههههههه اعقلى يا تحفه مش عاوزين ننضرب .. خلى بالك ده هو قلاب يعنى ممكن يقلب ف ثانيه
سلمى : اه عارفه
ساره : بس انا كنت همووووووت وانتى بتقوليله لا انا هوصل منى دى ف عينى ههههههههههههه مسكت نفسي بالعافيه والمصحف
سلمى : اه امال اسيبه يعنى يوصلها ويفضلوا لوكلوك لوكلوك ف الطريق مع بعض .. كفايه دمى اللى اتحرق النهارده لما كانوا بيقفوا مع بعض . ابو اشكالهم
ساره : ههههههههههههههههه بس بقي حرام عليك ... طب كنتى هتدخلى سينما معاهم لو كانوا دخلوا
سلمى : اه طبعا .. انتى عاوزانى اخليهم يدخلوا سينما لوحدهم ولا ايه .... اقسم بالله ماكنت سايباهم ... ومش هسيبهم النهارده غير لما اوصل مقصوفه الرقبه دى لغايه بيتها واتطمن انها طلعت كمان ...
احمد : فيه ايه يا بنتى انتى وهى . دودودو من اول ما بدأنا ناكل فيه ايه ؟
ساره : مافيش بناكل اهو ... بس كنت بقولها حاجه
احمد : حاجه اييييييه ؟
ساره : عادى افتكرنا حاجه وبقولهالها يا عم ...
احمد : ماشى .. اضربى يا مروه اضربى هههههههههههه
مروه : مش محتاجه وصايه يا احمد مانت عارفنى
احمد : كلى يا منى زى الناس انتى ايه مكسوفه ولا ايه ؟
منى : لا ابدا ... بس حاسه انى غريبه وسطيكوا بس ههههههههههه ومتفاجئه بصراحه من علاقتكوا ببعض
احمد : لا انتى بقيتى واحده مننا وخلاص ....
سلمى : احححححححم ... احححححححححم
ساره : اشربى ميه يا سلمى اشربى .. انتى ايه زورتى ولا ايه ؟
سلمى : مش عارفه .. الظاهر حاجه وقفت ف زورى ... حاجه رخمه ودمها تقيل اعوذ بالله ...
احمد : ههههههههههههههههههه بقا حته بتاعه رخمه تطلع روحك كده
سلمى : معرفش والله ايه ده .....
احمد : طب خدى اشربى ميه بلعيها
سلمى : شكلها مش هتتبلع ويومها مش معدى النهارده
ساره : ههههههههههههههههه
......................................
(نهايه العزومه )
أحمد : مع السلامه يابنات . خلوا بالكوا من منى وصلوها لغايه بيتها دى امانه ماشى
ساره : هههههههههههههه حاضر ماتقلقش
سلمى : سلام .. ومااتتأخرش بكره لاحسن اخصم عليك
احمد : هههههههههههه . طب فكرى اعمليها كده
..............
(احمد بيكلم نفسه وهو باصص على عربيه سلمى وهى بتتحرك ) : كنتى وحشانى اوى يابنت الجزمه ، عملت الفيلم ده كله
عشان اقعد معاك واعزمك من غير ما احسسك ان انا اللى عازمك ....
كان واحشنى اوى اطل ف عينك من قريب واقعد معاك واسرح ف جمال عيون اللى خلفوك .... وحشتى قلبى يا سلمى .... بس هطلع عينيك وعينيكوا كلكوا قبل ما اخدك ف حضنى تانى ...
بحبك يا اجمل مخلوقه ع الارض <3
..........................
والى اللقاء ف الحلقه القادمه