روايه بنت الاكابر

(الحلقه الثالثه عشر ) ( يعنى ايه حب )

(الحلقه الثالثه عشر ) ( يعنى ايه حب ) <3
................
(في الحلقات السابقه )
(احمد بيكلم نفسه) : كنتى وحشانى اوى يابنت الجزمه وعملت الفيلم ده كله
عشان اقعد معاك واعزمك من غير ما احسسك ان انا اللى عازمك ....
كان واحشنى اوى اطل ف عينك من قريب واقعد معاك واسرح ف جمال عيون اللى خلفوك .... وحشتى قلبى يا سلمى .... بس بردو هطلع عينيك وعينيكوا كلكوا قبل ما اخدك ف حضنى تانى ...
بحبك اوى يا اجمل مخلوقه ع الارض
........................ ( الثالثه عشر) <3
مصطفى : الو ! ايوه يابنى انت فين ؟
احمد : موجود ياعم .. خرجت من ساعه كده ومروح ع البيت
مصطفى : ليه كنت فين ؟
احمد : لما اشوفك بالليل هقولك ... ايه هو الموضوع اللى عاوز تقوله ده والمقلب اللى هيعملوه فيا ؟
مصطفى : ههههههههههههه لا ياعم دى ضربه الموسم .. هحكيلك بالليل احسن ... خلص كده واتغدى وارتاح شويه وعلى بعد العشا هكلمك واكلم العيال ونتقابل ف الكافيه
احمد : ماااااشى يا مولانا ... مع السلامه
مصطفى : سلام
.................
( ف البيت )
ندى : سالى سالى ! ساره اللى كانت بتكلمك دلوقتى ؟
سالى : اه هى
ندى : بتقولك ايه بقي ؟
سالى : هههههههههههههه هيعملوا حته مقلب ف اخوك بكره انما ايه .. عنننننب هيقولوا ان سلمى جايلها عريس وبتفكر ف الموضوع ومعرفش ايه .. ومصطفى كمان معانا ف اللعبه وهيحاول يسخن اخوك بقي وكلمتين وعاوزين يعرفوا اخوك لما هيعرف هيعمل ايه ؟
ندى : هيعمل ايه ف ايه ؟ ده هيطين عيشتهم وعيشتنا كلنا ... ربنا يستر
سالى : اخوكى بيرن الجرس روحى افتحى على ما اخلص السلطه واغرف الرز
ندى : ماشى
...........
احمد : عامله ايه يا لمضه ؟
ندى : كويسه يا حمودتى ... اتأخرت ليه ؟
احمد : مافيش الدنيا زحمه شويه .. امك واختك فين ؟
ندى : ماما بتصلى وسولا بتغرف . ادخل غير هدومك بقي
احمد : لا أنا ماليش نفس دلوقتى . هدخل اريح جسمى ولما اصحى هبقى اكل .. انتوا طابخين ايه ؟
ندى : سمك مشوى
احمد : الله ... هى ايه حكايه السمك دى
ندى : سمك ايه ؟
احمد : لا مافيش ... انا داخل انام بقي شويه . لانى هلكااااااااان
ندى : ماشى ياحبى ... هات حضن بقي
احمد : لاء مافيش احضان ... خلوا الموضوع اللى انتوا مخبيينه من ورايا ينفعكوا بقي
ندى : هه ! موضوع ايه ؟
احمد : وحياه امك ؟ يعنى مش عارفه
ندى : هه ! بتتكلم عن ايييه انا مش فاهمه حاجه يا عم ؟
احمد : ازاى يا كلبه انتى خالتك فاطمه تيجى وتمشى من غير ما تقوليلها تستنى عشان اشوفها
ندى : ياعم حراااااااام عليك ياعم .. انا قلبى وقع ف رجليا يخربيتك
احمد : ليه ؟ هو انتى مخبيه عنى حاجه ؟
ندى : حاجه ايه لا طبعا ... بس اتخضيت كده لما لقيتك بتقولى موضوع ومخبيينه عنك
احمد : متأكده انكوا مش مخبيين عنى حاجه ؟
ندى : وهخبى عليك ايه يعنى ؟
احمد : طب استنى ... ياسااااااالى ... ساااااااااااااااااالى . انتى يا زفته يا كبيره
سالى : ههههههههههههه طالما بتقول زفته كبيره يعنى ندى الزفته الصغيره .. خير يا حمو ؟
احمد : مافيش .. بس انتوا خبيتوا الموضوع ده عليا ليه ؟
سالى : هه ! موضوع ايه ؟
(ندى بتغمز لسالى )
احمد : ماتغمزيلهاش يا كلبه انتى استنى لما تعترف هى لوحدها ... انطقى خبيتوا عليا ليه ؟
سالى : طب خبينا ايه طيب انا مش فاهمه بتتكلم على ايه ؟
احمد : مامسكتيش ف خالتك فاطمه ليه اسلم عليها ... مانتى عارفه انها وحشاااانى
سالى : تصدق وتؤمن بالله . انت لو مامشيت دلوقتى انت حر بقي عشان انا دمى نشف
احمد : هو فيه ايه يا حماره انتى وهى ... مالكوا كده ؟ ودمكوا ينشف ليه يعنى ؟ هو فيه حاجه مخبيينها عنى بجد ؟ اتكلموا ماتخافوش
سالى : لا خالص .. انت بس بيتهيالك . روح انت غير هدومك وتعالى نتغدى يلا
احمد : لا انا هنام . هاكل لما اصحى .... محدش يصحينى
سالى : مااااااااااااااشى ....
......................
سالى : اوووووووف انا قلبى وقع اقسم بالله .. ايه الرعب اللى احنا فيه ده . امال لو كان عرف بجد كان عمل فينا ايه ؟
ندى : يالهوووى يانا يامه ... انا نزلت كميه عرق رهيبه ههههههههههه
سالى : استرها يارب من عندك ههههههههههه ايه ده سلمى بترن عليا ؟ استنى اشوفها عاوزه ايه
سالى : الو ! ايوه يا مزه
سلمى : ايوه يا سولى . اخوكى وصل ولا لسا
سالى : ايوه وصل ودخل ينام
سلمى : طيب الحمد لله طمنتينى ...
سالى : ليه هو فيه حاجه ولا ايه ؟
سلمى : مافيش . هبقى اكلمك على الواتس احكيلك بعدين ... المهم هو هينزل تانى ولا لا
سالى : اه هينزل بعد العشا كده مع اصحابه
احمد : ساااااااااالى ! اعمليلى كوبايه شاى
ماك يابت مبلمه كده ليه ؟
سالى : مااافيش
احمد : بتكلمى مين ؟
سالى : واحده صاحبتى ...
احمد : امال بتقولى لمين ده هينزل بعد العشا
سالى : هه ! لا بتسألنى يعنى بتقولى بتعملى ايه واخبارك واخبار اخواتك
احمد : مااااشى . والنبى اعمليلى كوبايه شاى .. هى اسمها ايه صاحبتك دى ؟ ورينى كده ... يانهااااااار اسمها سلمى كمان ... ايه الصدف دى النهارده اللى عماله تحصل .... المهم يا حبى ظبطيلى كوبايه شاى وحطى فيها حبتين قرنفل
سالى : هه ! ماااشى من عنيا ...
سالى : اقفلى بقا يابت يا رغايه انتى ... انا ماجاليش من وراك غير تعب الاعصاب والضغط العالى منك لله
سلمى : ههههههههههههههههههههههه انا بلمت والله وكنت خايفه ياخد التليفون يكلمنى
سالى : الواد ده بوظلى اعصابى
سلمى : اتوكسي والنبى داحنا كلنا اعصابنا سابت النهارده بما فيه الكفايه ... حسبى الله ونعم الوكيل ف اخوك وف اللى بيعمله فينا هههههههههههههههه
سالى : عمل ايه والنبى ؟
سلمى : ههههههههههههههههه هحكيلك ع الواتس يا حبى بس كمان ساعه بس ... المهم اول ما ينزل ابقى عرفينى
سالى : ماشى يا مزه .. سلام
سلمى : سلام
.............................
(بعد العشا على الكافيه )
مصطفى : ناموسيتك كحلى يا عم اتأخرت ليه ؟
احمد : مافيش كنت جعان نووووم
مصطفى : ماشى يا حب ... سمعت اخبار انك كنت بتتغدى النهارده مع منى وساره وسلمى ومروه ههههههههههههههههه يا جبروتك يا اخى ... ايه اللى جابهم وراك
احمد : انا اللى عزمتهم
مصطفى : انت هتستهبل .. ساره قالتلى انهم طلعوا وراك عشان يقفشوك مع منى ههههههههههههههه
احمد : طب وهما كانوا هيعرفوا انا ومنى طلعنا على انهى مطعم منين يا قفل ؟
مصطفى : يعنى ايه مش فاهم
احمد : ههههههههههههههه ياربى .. مصاحب حلاليف ههههههههههه انا اللى قولت لعم صالح معانا ف المكتب . راجل بيعملنا شاى وقهوه وقولتللوا لو سلمى سألت علينا انا ومنى تقوله ان احنا طلعنا ع المطعم الفولانى .. عشان عارف انهم هييجوا ورانا
مصطفى : يابن الجنيه هههههههههههههههه دماغك ابوسها ياسيد المعلمين
احمد : وقعدتهم معايا واتغدينا سوا وشبعت من سلمى شويه وشميت ريحتها
مصطفى : وحياه ابوك بطل الكلام ده عشان انا هعيط منك دلوقتى
احمد : لا وحياه ابوك ماتعيطش هههههههههههه ايه هو الموضوع اللى قولتلى هتقوله بالليل بقي
مصطفى : استنى بس قبل الموضوع .. عاوز اسألك سؤال صغنن كده
احمد : اسأل يا شملول
مصطفى : عرفلى الحب من وجهه نظرك يا احمد .. يعنى ايه حب
احمد : الحب !؟
يابنى الناس كلها بتتكلم عن الحب واغلبهم فاكر انه وحشتينى وبحبك وعاوزه ورد وعاوزه شوكولاته وابعتلى صورتك دلوقتى عاوزه اشوفك وعاوز اشوفك
الحب مسؤوليه كبيره اوى يا درش مش زى ما البعض فاكر
الحب انك بتطلع روحك من جواك وتديها ل ترزى يفصلها جاكيت للشخص اللى انت بتحبه
تحتويه وتتطبع بطبعه وتواجه الدنيا كلها معاه
الحب اكبر من بحبك
الحب يعنى قلب واحد بيدفى 48 ضلع
روح واحده جوه جسدين
انت بتاخد نفس من هنا وحبيبك هو اللى بيطلع النفس الناحيه التانيه
حبك لحاجه فجأه مع انك كنت بتكرها قبل كده ... عشان اكتشفت ان حبيبك بيحبها ولو دورت هتلاقي ان انت كنت بتحبها وماكنتش عارف
الحب لما بصه واحده من عينك لعينه تغنيك عن العالم وما فيه
الحب انك تبقى قاعد مع اكتر من شخص ومش حاسس ولا شايف ولا شامم ريحه حد غير حبيبك
الحب احتلال يا صاحبى .. احتلال كيان . واحتلال روح .. زلزله كده بتزلزل جسمك وعقلك وبتشل تفكيرك ف اى حاجه غير انك ازاى تخلى وش اللى بتحبه منور وبيضحك على طول
حبيبك ده بيملك روحك ومعاه سرك وانت معاك سره
مصطفى : يخربيتك يا جدع ... ايه الوصف ده انا توهت ؟ طب حبك ل سلمى عامل ازاى ؟
احمد : هههههههههههههه سلمى ؟
سلمى دى الروح وما بعدها
القلب باوردته .. الخيال والواقع
حبى ل سلمى ده عامل زى حبل طويل ومتين وانت جيت وعقدت الحبل ده عقده رخمه اوى تفتكر لو انت وواحد صاحبك كل واحد مسك ناحيه وفضل يشد .. هل العقده دى هتتحل
مصطفى : بالعكس .. دى هتتربط اكتر من الاول
احمد : وهو ده حالى مع سلمى .... تصدق وتؤمن بالله .. النهارده وانا قاعد معاهم .. اقسم بالله ماكنتش شايف غيرها ولا سامع غيرها .. الكون كله كان عباره عن زمن بيعدى وناس بتتحرك حواليا وانا وهى قاعدين لوحدنا ... كان فاضلى تكه وهقوم ابوسها قدام الناس بس جمدت قلبى كده ههههههههههههههه لسا عاوز اطلع عينيهم شويه كمان ... وعلى فكره .. انا لما بطلع عينيها ده من حبى فيها .. وعاوز احكى الحكايات دى لعيالى انا وهى
مصطفى : افهم من كده انك هتتجوزها ؟
احمد : هو انت مفكر ان سلمى لحد غيرى ....
مصطفى : طب تعمل ايه لو قولتلك ان سلمى جالها عريس وبتفكر ف الموضوع
احمد : ولا حاجه .. هقوم كدهو بالراحه خاااااالص هجيب الشيشه اللى جنبك دى وارزعك على نافوخك اقتلك انت الاول ... واروح اجيبها من شعرها وابهدل اللى خلفوها
مصطفى : سيب الشيشه الله يخربيتك انت ما صدقت . انا بقول مثلا مثلا .. فيه ايه ياعم ؟
احمد : هههههههههههههههه لا انا اندمجت بس .. بس على فكره ممكن اعملها بجد
مصطفى : ابو معرفتك يا اخى هههههههههههههه نسيتنى كنت بقول ايه ؟
احمد : كنت بتهزر وبتقول ان سلمى جالها عريس
مصطفى : لا ماهو جالها عريس فعلا
احمد : ماتتظبط يا روح امك بدل ما اظبطك
مصطفى : هههههههههههههههههههههه يا حيله ماهو ده المقلب اللى هما هيعملوه فيك
احمد : ههههههههههههههههههه لا والنبى ؟ بتتكلم جد
مصطفى : ههههههههههههههه اه والله .. هيعملوا كده وكده ان هى جالها عريس وغنى وامور وحلو ومعرفش ايه وداخل مع ابوها ف مناقصات وكده وبينهم مصالح ... وهى بتفكر ف الموضوع
احمد : ههههههههههههههه لا ملعوبه
مصطفى : وهيعملوا كده عاوزين يشوفوا رد فعلك بقا هيكون عامل ازاى ؟
احمد : رد فعلى انا ؟
مصطفى : هههههههههههههههه ايوووون
احمد : هههههههههههههههههههههه بكره يشوفوا رد فعلى ... وكتاب الله لاخليهم يكلموا نفسهم ..
مصطفى : ناوى على ايه طيب ؟
احمد : هههههههههههههه لا انت تشكر لغايه هنا يا سيدى بكره تعرف بنفسك
مصطفى : يابنى قولى يابنى ماتبقاش رخم بقي هتخلينى اروح اقولهم انك قفشتنى وابيعك
احمد : بتقول ايه ؟
مصطفى : مابقولش
احمد : لا عيد اللى انت قولته كده ؟
مصطفى : يادى النيله عليا وع اللى خلفونى .... مافتحتش بؤى انا هههههههههههههههه
احمد : هههههههههههههه ودينى لو عرفت انك شغال ع الجنبين ل هيبقى يوم اللى جابوك اسود ودينى لاعبطك ف نص الشارع هنا
مصطفى : لا منا عارف ياخويا عارف ...
احمد : الواد على ف انهى داهيه ماترن عليه ياعم شوفه فين ...
مصطفى : اه صحيح هو كلمنى من شويه قبل مانت تيجى وقالى انه جايب زياد واسامه وعمرو واياد ورايحين المعموره
احمد : رايحين يهببوا ايه هناك العيال دى ؟
مصطفى : اهم شويه وجايين .. انت وراك حاجه ؟
احمد : لا . انا يدوبى لسا قايم ولبست ونزلت جيتلك على طول ...
مصطفى : طب ماتيحى اقطعك ماتشين بلاي ستيشن
احمد : طب اجرى اجرى اقعد ف حته ناشفه الله يسترك
مصطفى : لا ياعم هغلبك المرادى ..
احمد : ياعم كل مره بتتغلب وبيبقى شكلك وحش قدام العيال بلاااااش انت اخر مره شيلتك 8 ماتشات وكان منظرك زباله اوى .. ده سالى اختى بتلعب احسن منك والمصحف هههههههههههههههههه
مصطفى : ياعم والله انا لسا غالب اسماء مراتى قبل ما اجى هههههههههههههه
احمد : ههههههههههههههههه وهو مين اللى معلم اسماء وسالى وندى يلعبوا . ماهو انا .. واتحداك تغلب سالى اختى حتى . انما انا ماتتحدانيش
مصطفى : ماتلعبش بريال مدريد وانا اغلبك
احمد : طب لو لاعبتك ب ليفربول وغلبتك 5 تعمل ايه ؟
مصطفى : اللى انت عاوزه وانا هلعب بالريال
احمد : طب تعالى ..
..........................
على : ايه يا شباب مين اللى مسيطر
احمد : هههههههههههههههه ده سؤال يابنى ؟ده رابع ماتش . والتلاته الاولانيين صاحبك اتقطع
على : اخصص ..
احمد : وعاملى فيها زيد الهلالى وعمال يقولى هقطعك ومعرفش ايه يا شيخ اجرى
مصطفى : ياعم والله حظ . ام الدراع بايظ
احمد : اتنيل يا عجل يا اهبل .. كل مره بتقول نفس الفيلم . وغيرت الدراع معاك ف الماتش التانى .. عاوز ايه انت
مصطفى : الحكم ده ابن كلب اصلا انت مديلوا رشوه
احمد : اه كنت عازمه على حلبسه امبارح .
على : ههههههههههههههه اه انا شوفت احمد ماشى معاه امبارح ... يا نهار ابيض ده النتيجه 5 صفر ... فيه ايه يا عم الشبح مش سامع صوتك يعنى ؟
مصطفى : غريبه يعنى امال انا بكسب مراتى ازاى ؟ ومراتى بتكسب اختك سالى على فكره
احمد : هههههههههههههههههه بزمتك انت مش مكسوف وانت بتقول كده وبعدين سالى قرده استحاله اسماء مراتك تغلبها ... طيب انا هعلمك الادب ... الجمعه الجايه تجيب مراتك وتيجوا تتغدوا معانا .. وانا هعلمها تلعب ازاى هى وسالى وهخليها تعلم عليك وانت ياد يا على تجيب منار خطيبتك وتيجوا نتغدى كلنا
مصطفى : ماااااشى يوم الجمعه الجايه
على : اشطااااااااااات
.........................
(نهايه السهره )
احمد : يلا مع السلامه بقا اروح اخض اخواتى شويه والعب باعصابهم ههههههههههه
مصطفى : اه حبيت انت الموضوع
احمد : ههههههههههههههههه اصلك ماشوفتش اللى عملته النهارده
مصطفى : عملت ايه ؟
احمد : بصيت لندى وبقولها انتوا ايه اللى عملتوه ده من ورايا وخبيتوه عليا .. لقيت البت يا عينى هتعيط هههههههههههههههه جات سالى قولتلها نفس الكلمتين لقيتها هتعيط هى كمان .. بس غيرت الموضوع وقولتلهم على ان خالتى جات ومشيت من غير ما يخلوها تستنانى
مصطفى : هههههههههههههههههه ااااااااااه همووووووووت ... ارحم امى .. وارحم العيال معاك
احمد : مين ده ؟ ودينى لاخليهم يلفوا حوالين نفسهم واخليهم هما ييجوا يعترفولى بنفسهم
مصطفى : ياعم امشى ،،،، وماتنساش تعرفنى أول بأول هتعمل ايه ف سلمى وساره بكره ،، بصراحه مش قادر أصبر
احمد : مااااشى .. سلملى على اسماء وماتنساش يوم الجمعه وانت كمان يا علوه
مصطفى : ماشى يا حب . مع السلامه
..........................
والى اللقاء ف الحلقه القادمه