روايه بنت الاكابر

الحلقه السادسه عشر ) ( قبل النهايه بكلمتين )

(الحلقه السادسه عشر ) ( قبل النهايه بكلمتين ) <3
................
(في الحلقات السابقه)
( ف البيت )
احمد : ايه بتعملوا ايه ؟
سالى : مستنيينك ... أكلت ولا اعملك اكل
احمد : اه اعمليلى عشا وتعالوا انتو الاتنين عشان هنتفق على حاجه ونقولها واحنا بناكل
سالى : ماشى هوا
........................ (الحلقه السادسه عشر ) <3
سالى : ايه بقي ؟ هتعمل ايه بكره وهتخرج فين ؟
احمد : بصى .. لما اجى بكره ان شاااء الله هاخدك انتى وندى وهفسحكوا ف احلى اماكن ف اسكندريه بس الاول انك هتتصلى بسلمى وتقوليلها خارجين نخرج مع احمد واحتمال منى صاحبته دى تيجى معانا . هتقولك طب انتوا فين دلوقتى وتقوليلها مكاننا وهنستناها ساعتها ... ماشى ؟
ندى : ماشى هتبقى خروجه حلوه واهو كمان بكره الخميس . يعنى براحتنا ممكن نتأخر
........................
(تانى يوم )
منى : الو ! ايوه يا احمد .... غاده كلمتنى اهى وجابتلى عنوان سلمى
احمد : ايوه بقي انا جايلك اهو خليه معاك
.........................
احمد : الو ! ازيك يا مستر وليد . انا هستأذن حضرتك ساعه واحده بس هروح اتطمن على امى وجاى تانى
وليد : خير ؟ مالها الحاجه
احمد : مافيش . اختى كلمتنى وقالت انها تعبانه شويه .....
وليد : طب خلاص لو عاوز تروح تتطمن عليها وتخليك ماتجيش تانى خليك مش مشكله وانا هعتبر اليوم عادى شغل
احمد : تسلم يا فندم . لا هى ساعه وراجع مش اكتر
وليد : اوكى
..................
احمد : فين العنوان يا منون ؟
منى : اهو .. انت رايح فين ؟
احمد : مافيش امى تعبت شويه .. ساعه وراجع تانى اتطمن عليها بس
منى : الف سلامه عليها
احمد : تسلمى
............................
(على باب الشركه أحمـــد خارج ومنه صاحبه سلمى واحمد القديمه واللى كانت بتحب احمد بتشوفه وهى راكبه عربيتها مع صاحبتها )
منه : ايه ده ؟ هو ولا مش هو ؟
امانى : مالك يابنتى ؟
منه : انزلى انزلى .. انا شكلى شوفت احمد
امانى : احمد مين الله يخربيتك ....
منه : انزلى يابنت الجزمه بسرعه قبل ما يمشى .... شوفيه هو ولا مش هو ... ياخرابى . هو ايه اللى جابه هنا
امانى : داهيه لايكون قصدك على احمد بتاع الجامعه
منه : ايوه يا زفته هو ... الله يحرقك مش عارفه انزل م العربيه وزمانه مشى
امانى : بسيطه .. مش انتى داخله الشركه عند سلمى ؟؟؟ اسأليها
منه : انتى متخلفه ؟ علشان لو كان هو هتخفيه ومش هتخلينى اشوفه تانى ... هو انتى مش عارفه سلمى واد ايه اتضايقت انى قربت من احمد وتقريبا كنت هاخده منها ... لولا انه قلب الترابيزه علينا كلنا ومشى وقالنا مش عاوز اعرفكوا تانى .... بس ايه اللى رجعه . داهيه لايكون شغال مع سلمى .... اااااه انا حاسه ان هيجرالى حاجه
امانى : هو فيه ايه ؟ هو انتى لسا بتحبيه يابت انتى ولا ايه ؟
منه : احبه ؟ انا مش بس بحبه وبس .. انا ماملاش عينى اى راجل ف حياتى غير اتنين .. ابويا واحمد ... والوحيد اللى كنت بحس معاه انى صغيره برغم فلوسى وفلوس ابويا ورغم انه ماكنش معاه فلوس كتير او يملك كتير .. بس دايما كان محسسنا ان هو اللى كتير علينا مش العكس ..... امانى لازم تعرفيلى الموضوع ده بجد وتعرفى اللى شوفناه ده احمد ولا مش احمد ولو طلع احمد تعرفى هو بيعمل ايه هنا
امانى : خلاص ياحبيبتى اعتبريه حصل ... انتى هتتأخرى عند سلمى جوه
منه : لا انا مش هقدر ادخل .. انا هتصل عليها وخلاص واسأل من بره بره
امانى : لا تمام حاضر
.............................
(شقه سلمى )
ابو سلمى : مين يا زينب ؟
زينب : دا واحد اسمه احمد وعاوز حضرتك يا فندم ؟
ابو سلمى : طيب انا خارجله
زينب : تمام
.................
زينب : اتفضل يا فندم
احمد : تسلمى
زينب : تشرب ايه ؟
احمد : ولا حاجه . شكرا
............
ابو سلمى : اهلا اتفضل
احمد : يزيد فضلك يا فندم ... انا اولا اسف على انى جيت من غير ما اكون واخد ميعاد سابق .. وثانيا حضرتك ماتعرفش انا مين ؟
ابو سلمى : مين قالك كده ؟ انا عارفك .... انت احمد صاحب سلمى ايام الجامعه وتقريبا شغال معاها مش كده ؟
احمد : ايه ده ؟ حضرتك عارفنى بقي ؟هههههههههههههه حضرتك وفرت عليا كلام كتيييييييييير
ابو سلمى : هههههههههه اتفضل استريح .. طب انت إزاى هنا دلوقتى مش المفروض انك شغال معاها هناك
احمد : انا بصراحه عملت حوار كده على انى مستأذن اتطمن على والدتى بس انا خرجت مخصوص عشان اكلم حضرتك ؟
ابو سلمى : خير يا ابو حميد ...
احمد : . انا بصراحه جاى اطلب من حضرتك طلب
ابو سلمى : وانا سامعك
احمد : (بيحكى حكايته مع سلمى كلها )
..........................
( ف الشركه بعد ساعه )
احمد : الو ! ايوه ياسالى ... لو سلمى كلمتك كمان شويه تقولك اخوك جه ولا لا .. قوليلها اه جه يتطمن على ماما ومشى
سالى : ليه ؟
احمد : اعملى اللى بقولك عليه يابنت الهبله هتضيعي اللى بعمله .. دا لو هى اتصلت
سالى : ههههههههههههه ماشى
...................
سلمى : اهلا يا استاذ كنت فين ؟
احمد : ايه كنت فين دى ؟ مانتى اكيد عارفه كنت فين وبعدين انتى رافعالى حاجبك وانتى بتكلمينى كده ليه ؟
سلمى : ماهو م اللى بشوفه منك . انت عاوز منى ايه ؟
احمد : انتى اللى عاوزه منى ايه ؟ انتى مش اتخطبتى ؟
سلمى : ماتهببتش ومين قالك انى هوافق ولا موافقه .... انا استحاله هتجوز غير واحد بحبه ومطلع عين اللى جابونى .... ومش عارفه ايه اللى مصبرنى عليه
احمد : طيب ياسلمى عاوزه حاجه انا ورايا شغل
سلمى : بردو قولى كنت فين
احمد : ايه اللى كنت فين كنت فين ؟ كنت بتطمن على امى كانت تعبانه ؟
سلمى : والله ؟ والمفروض انى اصدق بقي .. طب استنى هرن عليهم
احمد : ترنى على مين ؟
سلمى : ايه ؟
احمد : انتى بتقولى هرن عليهم .. قصدك مين يعنى ؟
سلمى : لا انا كنت هقولك طلعلى رقم مامتك او حد من اخواتك اكلمهم عشان اتطمن بنفسي
احمد : هههههههههههههه والله ؟ ماشى ... اكتبى عندك الرقم .. انا ماشى بقي اساليها بنفسك
..............
سلمى : انتى يا ابله انتى اخوكى كان عندك ولا ماجاش
سالى : احمد ؟ اه جه يتطمن على ماما ولسا ماشى ...
سلمى : طيب يا حبيبتى خلاص ظلمته
سالى : ههههههههههههه ماشى
سلمى : بتضحكى على ايه ؟
سالى : مافيش .. على انكوا طول النهار ناقر ونقير كده قط وفار
سلمى : طب اقفلى دلوقتى
.........................
( بعد نهايه اليوم )
سالى : سلمى انتى فين ؟
سلمى : انا ف البيت اهو بريح جسمى شويه
سالى : طب البسي وتعالى بسرعه .. انا وندى واحمد بره بنتفسح وسمعته بيكلم منى بيقولها تعالى اخرجى معانا
سلمى : انتوا فين دلوقتى ؟
سالى : ف سان ستيفانو .. بسرعه يلا قبل ما البت تيجى
سلمى :بسرعه اهو جايه
...................
(بعد نص ساعه )
سالى : اهى ياخويا جايه
احمد : مااااااااااشى . المهم تسيبونا شويه انا وهى مع بعض . مش عاوز دوشه كل شويه .. سيبينو اقعد مع البت قبل بكره
سالى : اشمعنى بكره ؟
احمد : بكره هتعرفوا
سالى : ياباااااااااااااى عليك واد رخم .....
............
سالى : سلمى قربت علينا اهى
احمد : طيب ماتنسيش يا هبله انكوا انتوا الاتنين اول مره تشوفوا بعض يعنى كأنك ماتعرفيهاش ... هعلم فيكو لغايه امتى يا بهايم ههههههههههههههههه
سالى : يابن اللذينه دنا اللى كنت نسيت وهقوم اسلم عليها ههههههههههههههه
سلمى : ايه ده ؟ انت هنا ياا حمد ؟
احمد :سلممممى .. انتى ايه جايه مع مين ؟
سلمى : مافيش كنت زهقانه شويه من الشغل والصداع وتعب الاعصاب قولت اريح نفسي شويه ههههههههههه
احمد : طب اقعدى معانا .. اعرفك على سالى وندى
سلمى : ازيك يا سولا ؟ ازيك يا ندى ؟
احمد : انتى عرفتى ان دى سالى ودى ندى ازاى ؟ انا ماشورتش على حد
سلمى : ايه ؟ لا انا توقعت ان سالى الكبيره
احمد : هههههههههههههههه ماشى
سالى : ازيك انتى يا قمر . والله عسل يا سلمى من اخر مره شوفتك فيها
سلمى : احححححححم
احمد : ليه هو انتى شوفتيها امتى قبل كده ؟
سالى : ايه ؟ لا انا بجامل كده ياعم بهزر مانت عارفنى متخلفه ف عقلى .... ( ف سرها ) ارحم امى بقي
احمد : هههههههههههههههههه بقولكوا ايه ماتقوموا ندخل سينما كلنا . ولا وراكى حاجه يا سلمى
سلمى : لا فاضيه . اوعى اكون انا معطلاكوا
احمد : ياخبر ابيض ... بطلى هبل يابت
سلمى : طب ايه انتوا مش مستنيين حد ولا ايه ؟
احمد : حد مين وانتى معانا ؟؟ ياباشا الكون كله بيقف وانتى معايا .. احلى واجدع سلمى ف الدنيا
سلمى : ايه الكلام ده مش مصدقه
سالى : ايوه ياعم مين قدك
احمد : اتلمى يابت انتى وهى .. انتوا ماتعرفوش ان سلمى اجدع صاحبه ليا ولا ايه
سلمى : يوووووه . هو انت ماتقولش كلمتين حلوين على بعض . ايه اجدع صاحبه دى . طب مش داخله معاك الفيلم بقا
(بيشدها من ايديها )
احمد : يلا بطلى دلع
سلمى : تؤ
احمد : يلا يابت
سلمى : طيب سيب ايدى اخواتك يقولوا عليا ايه ؟
احمد : ههههههههههههههه طز ف اخواتى . تحبى اروح اروحهم البيت دلوقتى عشان افضالك ؟ هههههههههههه .. المهم انتى معايا وبعدين انا مش هدخلهم معانا هما هيفضلوا يلفوا ف المول شويه
سلمى : طيب هتدخلنى فيلم ايه ؟
احمد : انتى عاوزه فيلم ايه ؟
سلمى : اى حاجه المهم ابقى جنبك
احمد : طيب تعالى
...............
( ف السينما )
(بيمسك راسها وبيميلها على كتفه )
سلمى : يااااه من زمان ماشمتش ريحتك
احمد : احم احم .. الفيلم هيبدأ مش عاوزين صوت
سلمى : انت بتعمل معايا كده ليه يا احمد ؟
احمد : (بيمسك ايديها ) بعمل ايه يا سلمى ؟
سلمى : واخد جنب منى ليه ومش عاوز تصالحنى ولا ترضى عنى .. انا غلطت ماشى بس كان بحب عشان كنت خايفه اخسرك
احمد : طيب يا سلمى انا بعدت عنك دلوقتى . دنا جنبك اهو وايدى ف ايدك
سلمى : لا مش جنبى .. قصاد عينى بس حاسه انى بينك ووبينى سور عالى ... يا ااحمد انا بحبك ومش متصوره الكون ده من غيرك ... عشان خاطرى بقي
احمد : الكلام ده مش وقته ...
سلمى : امال امتى ؟
احمد : بعدين .. بعدين ياسلمى
سلمى : ايوه بعدين امتى يعنى ؟
احمد : الله اعلم .. ممكن بكره بعده الاسبوع الجاي الشهر الجاى
سلمى : انت بتقسي عليا كده ليه .. ماصعبتش عليك ؟ والله العظيم مابعرف اكل ولا اشرب ولا اشتغل .. انت مسيطر على تفكيرى كله .. حراام عليك بقي
احمد : انتى بتسحبى ايدك من ايدى ليه يا روح امك ؟ هاتى ايدك يا زفته لاديك ف وشك
سلمى : لاء
احمد : سلمى ... ماتخلنيش اخدها غصب عن عين اهلك قدام الناس ... هاتى ايدك يابت
سلمى : اهى ... والله العظيم لو روحى طلعت تبقى انت السبب
احمد : بعد الشر .. تابعى الفيلم بقي ...
سلمى : طيب ياخويا .. بكره الجمعه هتروح فين ولا بتقضي يومك ازاى ؟
احمد : مع العيال ... بنخرج شويه بس انا مواعدهم بكره اننا هنقضيه عندنا ف البيت مصطفى وعلى كل واحد فيهم هيجيب مراته وخطيبته وهنقضيه ف البيت
سلمى : كان نفسي اكون معاكوا
احمد : طب ما تيجى
سلمى : مابحبش اكون عزول وبعدين هاجى بصفتى ايه ؟
احمد : ههههههههههههههههه بكره هتيجى
سلمى : مش جايه .. بس لو غيرت رأيك ابقى تعالى نقضيه مع بعض
احمد : (بيبوس ايديها ) حاضر ياست البنات
سلمى : بحبك
احمد : الفيلم ده حلو اوى تابعيه هههههههههههههه
سلمى : ابو رخامتك
...........................
(يوم الجمعه )
سالى : الو ! سلمى .. احمد عازم منى . وال ايه بيعرف ماما عليها
سلمى : وقعه امه سوده . هجيب ساره ومروه وجايالكوا
............................
والى اللقاء ف الحلقه الأخيــــره من الجزء الاول
ايه اكتر حاجه عجبتك ؟؟