အပေါင်လေးက ဒေါ်လေးညို့သခင်ရဲ့ အရင်း ~~
" အန်တီရေ အန်တီရေလို့ "
" ရေဆာနေရင် ကိုယ့်ဘာသာသွားယူသောက်လေ "
" ရေသောက်ချင်လို့ တောင်းနေတာမဟုတ်ဘူး။ ပြောတော့ဖြင့် ညနေစောင်းကျရင် သွဲ့နဲ့ လမ်းလျှောက်ထွက်မယ်ဆို။ အခုတစ်မျိုး တော်ကြာတစ်မျိုးနဲ့ "
" ဟောကြည့် လမ်းလျှောက်ထွက်ဖို့ကိစ္စကို မမေ့ပါဘူးကွယ်။ အပေါင်လေးက အန်တီရေဆိုတော့ ရေတောင်းတယ်ထင်လို့ပေါ့ "
မျက်စောင်းလှလှလေးတစ်ချက် ဒိုင်းခနဲရောက်ရှိလာ၏။ အဆိုးအဆာလေးက စတွေ့တုန်းကလိုပဲ ဒီလူ့အပေါ်ဆို ဆိုးချင်နေတုန်း။
ရန်ကုန်ကို အပေါင်လေးပြန်ရောက်လာပြီး နောက်ရက်မှာပဲ နှစ်ဦးသဘောတူ လက်ထပ်ဖြစ်ခဲ့ကြ၏။ ထို့နောက်တွင်တော့ ရည်မှန်းထားသည့်အတိုင်း တောင်ကြီးမြို့၌ လုံးချင်းအိမ်လေးတစ်လုံးဝယ်ကာ အိမ်ထောင်သည်ဘဝကို ထူထောင်ဖြစ်ကြသည်မှာ နောက်လထဲဆို နှစ်နှစ်ပြည့်လေပြီ။
" အနွေးထည်ထူထူ သွားဝတ်ဦး၊ အပြင်မှာ တို့စောင့်နေလိုက်မယ် "
" အင်း "
ဤအိမ်ထောင်ရေးလေးတွင် နှောင်ကြိုးတစ်ခုဖြစ်သော သားသမီးရတနာရှိမနေပါ။ ထိုအစား သံယောဇဉ်ကြိုးထုံးလေးဖြစ်သည့် ဝေါင်' လို့ခေါ်သော အမွေးပွခွေးအဖြူလေးတစ်ကောင်ရှိ၏။
လမ်းလျှောက်ထွက်ဖို့ရာ ဝေါင်'လည်း မပါမဖြစ်မို့ ချီခေါ်ရ၏။ ခြံထဲဟိုဘက်လျှောက်၊ သည်ဘက်လျှောက်ဖြင့် အပေါင်လေးအား ဝေါင်'နှင့်အတူ စောင့်နေလိုက်သည်။
" အန်တီရေ သွဲ့ပြီးပြီ "
အနွေးထည်အထူကြီးကြား မြုပ်နေသော ကိုယ်လုံးငယ်လေး။ အမှတ်တမဲ့ ကြည့်မည်ဆိုပါက ကောက်ညှင်းထုပ်လေးလိုပင်။ ဝေါင်' ကို ချီပွေ့ထားရမှ အောက်သို့ချပေးကာ မိမိဆီသို့ ဦးတည်လာသည့် အပေါင်လေးအား အပြေးလေးဆွဲပွေ့လိုက်မိ၏။
" ဟာ ဘာလိုချီတာလဲ အောက်ပြန်ချပေး "
" အသည်းယားစရာကြီးကွာ "
YOU ARE READING
အပေါင်လေး (completed)
Romanceage gap (U/Z) " အပေါင်လေးက ဒေါ်လေးညို့သခင်ရဲ့ အရင်း " 🍷 " အေပါင္ေလးက ေဒၚေလးညို႔သခင္ရဲ႕ အရင္း "
