روايه هو و هي

(الحلقه الرابعه عشر ) __ ( الطريق الى اسكندريه )

(الحلقه الرابعه عشر ) __ ( الطريق الى اسكندريه ) ❤
ف الحلقات السابقه :____
علاء : انت يابنى سايبنا وماشى رايح فين . البنات قالتلك ايه ؟
أحمــــد : كانت بتلبس وجايه وحاجه اكيد حصلت خلاها تقولى انها مش قادره تيجى
علاء : طب اهدى بس اهدى .. رايح فين ؟
أحمــــد : رايحلها اشوف مالها .........................
............. (الحلقه الرابعه عشر ) ❤
علاء : طب استنى جاى معاك طيب
أحمـــد : لا لا خليكو .. انا مش هتأخر . هتطمن عليها بس
علاء : خلاص ماشى وابقى طمنا انت كمان عليها ..
أحمـــد : تمام .. سلام
.....................
((أحمد بيكلم نفسه وهو سايق ))
أحمـــد : يا ترى مالك
ايه اللى خلاكى تكدبى عليا لأول مره وتقولى انك تعبانه ومش جايه
ابوكى مثلا عرف حاجه عننا وبيعاقبك ولا ايه ؟
....
أحمـــد : الو ! ايوه يا مريم انا قدامى ربع ساعه وادخل عليك
هاجيلك البيت ولا نتقابل بره
مريم : أحمـــد ! انا مش قادره يا حبيبى وتعبانه شويه
أحمـــد : اخلصى يا مريم انا عرفت انك كنتى جايه ورجعتى ف كلامك على اخر لحظه
ها هنتقابل فين ؟
مريم : طب خلاص ف الكافيه بتاعنا اللى قعدنا فيها المره اللى فاتت ربع ساعه وهكون هناك
أحمـــد : تمام . وانا داخل على هناك اهو هستناك
.................
((بعد ربع ساعه ))
مريم : أحمد 😔
أحمـــد : اقعدى يا حبيبتى ...تشربى ايه الاول ؟
مريم : اى حاجه ماليش نفس
أحمـــد : طب ها قولى بقا .. مالك ؟ ايه اللى تاعبك ؟ ايه اللى مضايقك كده
مريم : مخنوقه يا احمد وحاسه انى مش طايقه حد
أحمـــد : مريم ... كل مشكله وليها حل . مافيش حاجه ف الدنيا مالهاش حل
مريم : كلامك امبارح وتفاؤلك معايا كان عاتينى امل كبير جدا اننا نقدر نكمل حياتنا مع بعض وبحب
أحمـــد : طيب وهو ايه اللى حصل ؟
مريم : بابا يا احمد . كلمنى رسمى النهارده ف موضوع حسام ابن عمو سليم
وقالى انه ابوه طلب ايدك لابنه ومستنى رايك ...
أحمـــد : وبعدين !
مريم : ومش كده وبس ؟
أحمـــد : فيه حاجه تانيه اكبر من كده ؟
مريم : بالنسبالى انا اكبر ..... الست مى !
أحمـــد : مالها مى ؟!
مريم : كلمت بابا وقالتله على اللى بينا واننا بنحب بعض والجامعه كلها عارفه وإلحق بنتك وكلام من هذا القبيل
أحمـــد : مى عملت كده ؟
مريم : وانا من ساعتها ومش عارفه اتصرف ..
حتى هو سالنى عنك وقالى مين الشخص ده وتعرفيه منين ومعرفش ايه ؟
قولتله احمد ده شخص كويس حتى كان عاوز ييجى يتقدملى وانا اللى قولتله يستنى لما اعرف بابا موافق على المبدا من الاساس ولا لا ؟
أحمـــد : وبعدين !
مريم : بس ... ومن ساعتها وانا مش عارفه اتصرف ازاى ولا اعمل ايه
وخوفت اجى الجامعه عشان ماواجهكش ولا اقولك على اللى قولتهولك دلوقتى
أحمـــد : هو ده يا ستى اللى مزعلك ؟
مريم : وده مش يزعل يا احمد .؟؟ دنا مقهوره من ساعتها
لانى استحاله هقدر استغنى عند حد منكوا .. سواء انت ولا بابا
أحمـــد : انتى بتعيطى ليه دلوقتى يا عبيطه انتى ؟
خلى اللى يقول يقول واللى يحصل يحصل وبردو مش هستغنى عنك ولا هتكونى لغيرى
.......................
أحمـــد : بلاش عياط وهبل بقا يابت انتى .. قومى يلا عاملك مفاجأه
مريم : لا انا هروح مش قادره اعمل حاجه
أحمـــد : هو بمزاجك ولا ايه ؟ يلا
مريم : طيب ماتزعقش .. هتودينى فين ؟
أحمـــد : انتى مالك انتى ؟ امشى وانتى ساكته
مريم : طيب طيب .. اوووووف
أحمـــد : انتى بتقوليلى انا اووووف ... طيب انا كنت ناوى اوريلك المفاجأه دى واروحك على طول ... لكن دلوقتى وبعد اوووف دى وحياه امى مانتى مروحه دلوقتى خالص
مريم : ههههههههههههههه ياسلام ياخويا
أحمـــد : اه ياختى ...
مريم : طب بجد هتودينى فين ؟
أحمـــد : مش هوديك ف حته ... هنقضي اليوم مع بعض ومش هنتكلم ف اى حاجه تعكنن عليك ...
مريم : بحبك
أحمـــد : وانا بموت فيك .. قومى يلا
......................
مريم : ايه يا احمد ايه اللى طلعك ع الطريق هنا .. رايح فين ؟
أحمـــد : اسكندريه
مريم : يامجنون !! هنعمل ايه ف اسكندريه
أحمـــد : هننزل البحر ونشم هوا نضيف ونتفسح شويه بعيد عن خنقه القاهره الكبرى وضواحيها وعلى المقيمين خارجها مراعاه فروق التوقيت
مريم : طب بابا هقوله ايه ؟
أحمـــد : ماليش دعوه اتصرفى
مريم : مجنون انت والله !! طب استنى ماتتكلمش !
...........
مريم : الو ! ايوه يا بابا انا مع واحده صاحبتى خرجنا من شويه ... عاوزه اغير جو
ابو مريم : ماشى يا حبيبتى طب كويس اهو تغيرى جو ......هتتأخروا
مريم : والله على حسب بقا دماغها..... دى مجنونه ولاسعه
((أحمـــد ماسك بطنه من كتر الضحك بالعافيه ))
(( ومريم بتغمزله انه يسكت عشان مانتفضحش ))
ابو مريم : ماشى يا حبيبتى ... خلى بالك من نفسك
مريم : حاضر ... مع السلامه
ابو مريم : بايباى
...................................
مريم : بتضحك عليا ليه ياض انت
أحمـــد : ههههههههههههههههههههههه
مريم : الله .. ماتغيظنيش وبطل ضحك بقا ..
أحمـــد : بقا انا مجنون ودماغى لاسعه
مريم : نعم ياخويا ؟ طبعا .. امال اللى احنا فيه ده ايه ؟
أحمـــد : ده اسمه عشق .. انا وصلت معاك لمرحله عشق مخليانى مستغنى عن العالم كله ؟؟ مستغنى عن الوقت والزمان والمكان ,,
مريم : احمد حاسب يا احمد انت ماشى على 140.... بالراحه شويه
أحمـــد : ايه ده انتى بتخافى ؟ امال بتسوقى ازاى ؟ ادى سواقه البنات ياعم عشان محدش يقول بتتريقوا عليهم ليه ؟
مريم : ياسلاام ياخويا هو علشان ابقى بعرف اسوق لازم اجرى على 150 و 160 والكلام ده ؟
أحمـــد : اه طبعا امال هى رخصه بالساهل كده
مريم : طب هات اما اسوق
أحمـــد : لا
مريم : ههههههههههههههه خايف ليه دلوقتى
أحمـــد : حضرتك انا مش خايف ولا حاجه اهو
مريم : هههههههههههههههههههه همووووت يخرب عقلك .. انت خايف من سواقتى بجد
أحمـــد : هو مش بالظبط اوى يعنى بس انا ماتعودتش ابقى قاعد جنب ست وهى اللى بتسوق ... فيا سنه رجعيه شويه وشرقيه الراجل الشرقي مبهدلانى انا عارف عشان ماتتريقيش عليا
مريم : لا يا حبيبى دى شرقيتك دى اللى مجننانى فيك ... يا خرابى هو انا اطول يبقى حبيبى حمش كده ويمسينى ويصبحنى بعلقه
أحمـــد : شوف ازاى ؟
مريم : ههههههههههههههههه طبعا يا سي أحمد طبعا
أحمـــد : وحياه النعمه احنا لو اتجوزنا هنبقى خطر على البشريه
مريم : ههههههههههههههه طبعا .. بحس اننا اخوات ودماغنا واحده
أحمـــد : بلاش ام موضوع اخوات ده لاحسن هدخل بينا ف اى عمود واخلص
مريم : هههههههههههههههههههههههههههههه ارحمنى بقا .. بطنى وجعتنى حرام عليك افصل شويه وهات اسوق بقا
أحمـــد : لا قولت
مريم : حمودى !!
أحمـــد : ياخرابى يا جدعان .. اعصابى هتسيب كده هو ده وقت تتدلعى فيه على اللى خلفونى .... انا ماشى على 160 اهمدى
مريم : تؤتؤ اش هبطل دلع بقا .. حاوزه اسوق
أحمـــد : مريم انتى مالك يا حبيبتى ؟ مال لسانك
مريم : هههههههههههههههه والله ما عارفه . سيبنى اسوق وانا ابطل ومش هتكلم خالص يا حمودى
أحمـــد : يامه قولتلك بلاش حمودى دى .. اعصابى بتسيب والمصحف
((مريم بتقرب لأحمد وبتبوسه ف خده ))
أحمـــد : الهى ربنا يجبر بخاطرك
عاوزه ايه ؟
مريم : اسوق عربيتك
أحمـــد : بس كده ؟ دا العربيه وصاحب العربيه تحت رجليك ... دنا هبروز البوسه دى واحطها ف اوضتى واكتب التاريخ والساعه اللى بوستينى فيها
مريم : ههههههههههههه طب اركن بقا
أحمـــد : استرها معانا يارب
.............................
أحمـــد : العربيه مانوال مش اوتاميتك زى عربيتك .. هتعرفى ؟
مريم : السؤال ده لو اتكرر تانى هقطع وشك ... الاولانى ازاى ؟
أحمـــد : هه !!
مريم : الاولانى ياعم ازاى ؟ والتانى ؟ انت بس قولى ع الاتجاهات وانا هتلاقينى فوريره
أحمـــد : هه !! 😲
مريم : ايه بهزر ياعم ... ربنا يستر ... عارف دعاء السفر طيب قوله قبل ما نضيع
أحمـــد : وجعلنا من بين ايديهم سدا ومن خلفهم سدا فأغشيناهم فهم لايبصرون
مريم : مش ده ياعم .. مش ده
أحمـــد : لا منا بدعى الدعاء ده عشان ربنا يسترها معانا دنيا واخره
((أحمد بيخرج راسه من شباك العربيه وبيرفع ايده للسما ))
أحمـــد : يارب ... يارب معانا يارب انا غلبان ولسا مادخلتش دنيا وعاوز افرح بشبابى
مريم : هههههههههههههه اهو ياعم ماشيه على 60 اهو . حلو كده ؟
أحمـــد : حلو اوى .. لو ينفع تمشى على 40 مش هقولك لا
مريم : طب ايه رأيك بقا دلوقتى ؟
أحمـــد : يالهوووووووووووى .. بالراحه يابنت المجنونه .. العداد طالع فوق ال 120 . اهدى يابت .. يابت اهدى هضربك والمصحف
مريم : مش ههدى بقا .. هه بس !!
أحمـــد : مريم .. اهدى يا حبيبتى العربيه بترقص
مريم : هات اللى انت خدته منى الاول وانا اقف
أحمـــد : حاجه ايه اللى خدتها منك
مريم : لا أخدت منى حاجه دلوقتى
أحمـــد : اه معاكى حق .... (( بيقرب على خدها وبيبوسها ف خدها ))
اقفى بقا
مريم : خلاص يا حمودى احنا داخلين على البوابه اهو
أحمـــد : طب وقفى العربيه انا اللى هسوق عشان هدخلك على اماكن حلوه وفيه شاطئ حلو هننزله ..
مريم : ماشى يا معلمى ...
أحمـــد : ايووووه كده .. حمد الله ع السلامه ياقلبى احنا ف اسكندريه
...................
مريم : هتودينى فين بقا ياعم ؟
أحمــــد : هششش اسكتى وسيبيلى نفسك النهارده .. مفهوم ؟
مريم : مفهوم ياسطا
أحمــــد : مفهوم يا مين ؟ ياسطا ؟ فيه واحده رقيقه وحلوه ومزه ف نفسها كده تقول لحبيبها اللى هو بردو عيني عليه بارده حلو وامور والف مين تهواه ,, ياسطا ؟
مريم : اه عادى بتحصل
أحمــــد : ههههههههههههه خلاص تمام طالما انتى شايفه كده
استنى بقا اما نشتريلك حاجه عشان تعرفى تنزلى بيها البحر
مريم : وربنا مجنون .. احنا هننزل بجد ؟
أحمــــد : نعم يا عنيا ؟؟ امال احنا قاطعين المسافه دى كلها ليه ؟
مريم : طيب يلا روح اشتريلى مايوه بقا
أحمــــد : ايه ايه ايه ؟؟؟ بتقولى ايه وحياه ابوك ؟
مريم : ماااااااااااااااااايوه .. امال هنزل البحر بإيه ؟
أحمــــد : لا يا حبيبتى انا هروح اشتريلك جلبيه تنزلى بيها ... ال مايوه ال ..
ادى اللى ناقص ... ام حموكشه عاوزه تنزل البحر بمايوه
مريم : استنى بس ؟؟ مين حموكشه
أحمــــد : ابننا المستقبلى ان شاء الله
مريم : وانت هتسمي ابنك حموكشه ؟
أحمــــد : شوفى .. انتى تسمى الولاد وانا اسمى البنات .. اشطات ؟
مريم : اه يا خاين يا ابو عيون زايغه ... تسمى انت البنات عشان ابص الاقيك مسميلى بناتى على اسامى البنات اللى كنت تعرفها .. صح ؟ صح ؟
أحمــــد : هههههههههههههههه حلوه الافلام الهندى بتاعتك دى بتتفرجى على mbc بوليود ولا القناه التانيه ....
وبعدين انا دماغى صدعت من اول النهار عماله تتدشي كلام ف نافوخى ... انا نافوخى ورم ..
مريم : هههههههههههه براحتى .. عاجبك ولا مش عاجبك ؟
أحمــــد : وةىيبتيابنتسانيوتنمتلمتلبيبتلمستين
مريم : بتبرطم بتقول ايه ؟
أحمــــد : لا بقاااا براحتى .. من حق كل مواطن ف البلد دى انه يبرطم .. وانا مش هسكت بقا
((مريم بتقرب على احمد وبتبوسه على خده ))
مريم : برطم يا حبيبى بقا براحتك
أحمــــد : يابت انتى اقسم بالله هتخلينى اتصل بابوك واقوله انا خطفت بنتك .. اتلمى بقا جاتك نيله ف حلاه أمك
استنى شارع خالد ابن الوليد اهو هدخل وننزل نتمشى فيه شويه ونشتريلك حاجه تنزلى بيها وانا اشتريلى حاجه بردو
مريم : طيب يلا
...............................
((بعد ساعه ))
أحمــــد : حلوين دول ؟
مريم : ايوه حلوين يابنى مش انا اللى مختاراهم .. بدل الحاجات الغريبه اللى كنت بتمسكهالى دى وعاوزنى انا مريم منصور البسها
أحمــــد : خلاص يا ست حلويات خلاص .. يلا بينا ع الشط
.............
مريم : ايه الشاطئ ده انا اول مره اعرف عنه .. مع انى جيت اسكندريه كتييييييير قبل كده
أحمــــد : يلا بينا الساعه 3 ونص تقريبا اهى والشط ده مقفول مش اى حد هيدخله يعنى
عاوزين ننزل شويه قبل الدنيا ما تليل
.................................
((ساعتين ف البحر هما الاتنين ... من احلى واجمل ذكرياتهم سوا . لعب وهزار وتنطيط وجمال روحهم انعكست على كل اللى موجودين ف الميه معاهم ... لدرجه ان كل الناس كانت بتيجى تسألهم انتوا منين ومخطوبين ولا لا زى كده 👇 ))
واحده : ماشاء الله عليكوا انتوا منين من اسكندريه ؟
مريم : لا احنا من مصر مش اسكندرانيه .. بس بنقضي اليوم ده عندكوا هنا
واحده : ماشاء الله .. جايين تقضوا يوم بس ؟
مريم : اعمل ايه ف خطيبي اللاسع ده ... جابنى على ملا وشى من غير حتى ما اعمل حسابى ف هدوم انزل بيها
أحمــــد : بتقولى حاجه يا حبيبتى ؟
مريم : ههههههههههههه هو انا اتكلمت
واحده : هههههههههههههههههههههه لا باين عليكو مجانين ... بس ماشاء الله لايقين على بعض ..ربنا يسعدكوا
مريم : تسلمى يا حبيبتى وانتى نزلتى البحر ولا لسا ؟
واحده : اه جايه مع جوزى .. متجوزين بقالنا شهرين ولسا يدوب فاكر يجيبنى البحر النهارده
مريم : ههههههههههههه معلش معلش ماهما بعد الجواز كلهم بيبقوا كده
أحمــــد : بتقولى حاجه يا حبيبتى ؟
مريم : ياعم هو انا اتكلمت ... ايه بفضفض مع المدام شويه هههههههههه
أحمــــد : طب يلا بقا عشان انا جوعت ووقعت م الجوع ماكلتش حاجه م الصبح
مريم : اه وانا كمان جعانه اوى
مريم : عن اذنك يا حبيبتى اشوف وشك على خير بقا
...........................
مريم : دى ست قليله الادب ومش متربيه اصلا
أحمــــد : الله الله .. ليه كده دانتى كنتى عماله تضحكى معاها من دقيقه .. عيب
مريم : عيب ايه دنا كان فاضلى دقيقه واقوم اجيبها من شعرها
أحمــــد : ليه يا مجنونه انتى
مريم : مانزلتش عنيها من عليك وعماله تتفحص كل حته ف جسمك
أحمــــد : ههههههههههههههههههه هموووووت
مريم : بتضحك ؟ طب وربنا لاروح اجيبها من شعرها قدام جوزها .. هه استنى ؟
((أحمد بيجرى وراها وبيشتالها وبيجرى بيها ))
أحمــــد : مش عاوزين هبل .. ايه هى الحاله اشتغلت .. هتتطلقى الوليه من جوزها ههههههههههههههههههههههه
مريم : الله : ماتغيظنيش وتضحك يا احمد بجد انا دمى محروق
((مريم بتعلى صوتها )) وبعدين كله منك انت اصلا
أحمــــد : الله .. هو انتى ماقدرتيش ع الحمار هتتشطرى على ال ... ما علينا ما علينا
مريم : تانى مره لما تيجى تنزل البحر تبقى تلبس تيشرت ولا بادى على جسمك .. بلا قله أدب
أحمــــد : حاضر يا معلم
مريم : بص .. شوف انت ماتنزلش البحر تانى
أحمــــد : حاضر يا معلم
مريم : ولا اقولك .. احنا مش هنيجى اسكندريه دى تانى . دى بناتها كلهم مزز ياعم
أحمــــد : اقولك انتى حاجه .... ((وبيشدها ف حضنه جاااااااامد ))
أحمــــد : لو بنات الدنيا دول كلهم وقفوا بينى وبينك .. مش هتتهز منى شعره ... فهمتى ولا لا ؟
مريم : فهمت ... بس بردو هتلبس حاجه وانت نازل البحر .
أحمــــد : هههههههههههههههه انا جوعت يا بنت المجنونه يلا
.........................
((بعد ساعه))
أحمــــد : ايه رأيك ف أكله السمك دى بقا .. لا تقوليلى لحمه ولا استيك ولا فراخ
اسكندريه يعنى سمك .. وسمك يعنى اسكندريه
مريم : فظيييييعه . انا كلت كأنى اول مره أكل ف حياتى ...
أحمــــد : يلا يا مفجوعه دانتى خلصتى ع البورى ... كان فيه بوريايه اااد كدهو طالعه من عينى نزلتى عليها التهمتى امها ؟؟؟؟؟؟ تعالى نتمشى ع الكورنيش بقا نهضم الاكل دى
مريم : ايوه ياريت والنبى لاحسن مش قادره هههههههههههههه
...............
مريم : استنى البت ساره بترن عليا
أحمــــد : ردى عليها نشتغلها شويه .. هقولك على مقلب حلو
مريم : ألو !! ايوه يا سو ...
ساره : ايوه يابنتى انتى فين ... ماجيتيش ليه النهارده ... انا قولت انك نمتى تانى ولا حاجه مارضيناش نرن عليك
مريم : لا ماكنتش نايمه ... انا ف اسكندريه
ساره : اه يا جبانه .. وماقولتيش ليه ؟ وبعدين ازاى تمشى من غير ما تعرفى احمد .. ده كان هايج النهارده لما عرف انك مش جايه
مريم : أحمد ؟! ربنا يستر بقا هبقى اقوله .. مش عارفه اقوله ايه والله لما ارجع
ساره : اه ربنا يستر ... دنا اللى .........
ساره : الو ! الووووو ! الووووووو ! ايه هو الخط قطع ليه ... هرن تانى
ساره :: ألو ! ايوه يابنتى الخط قطع ولا ايه
أحمــــد : بنتك مين ؟؟ انتى بتكلمى مين يابت يا ساره ..
ساره : هو فيه ايه انت مين ؟
أحمــــد : انتى حوله ... انا أحمد . مش انتى اللى رنه عليا ؟
ساره : رنه عليك مين ياعم , انا رنه على مريم اشوفها فين
أحمـــــد : ركزى يا هبله انتى رنيتى عليا انا
ساره : اه ممكن بقا الشبكه مهنجه ولا الخطوط دخلت ف بعض ولا انا اللى احوليت باين
أحمــــد : طب وهى قالتلك فين ؟
ساره : لسا مش عارفه الخط عمال يقطع .. وكمان ............
ساره : يادى النيله الخط قطع تانى .. احسن . اما ارن على مريم تانى
مريم : ايوه يا ساره الخط قطع منك ولا ايه ؟ الشبكه هنا ممكن تكون مش مجمعه كويس
ساره : اسكتى انا اتخضيت .. هههههههههههههههه بدل ما ارن عليك رنيت على احمد
أحمــــد : يا نهار اسود .. وعمل ايه ؟
((ساره بتبص على تليفونها بذهوووووووول وفقدت النطق ))
مريم : ايوه يا ساره بقولك احمد عمل ايه ؟
ساره : بسم الله الرحمن الرحيم ..... هو احمد معانا ع الخط ولا ايه ؟
أحمــــد : لا يا حبيبتى احمد مع مريم ف اسكندريه
ههههههههههههههههههههههههههه
ساره : اه يا جزم يا اندال .. بكرهكوووووووووو مش عاوزه اعرفكوا تانى غوروا من وشى
مريم : هههههههههههههههههه
أحمــــد : هموت يخربيوتكوا هههههههههههههههههه
مريم : اقفلى يا ساره دلوقتى عشان شكلى هرتكب جريمه ف ولاد الكلب دول اللى عمالين يبصوا ع الواد اللى حيلتى ...............
أحمــــد : ايه ايه فيه ايه ؟
مريم : ماتتدخلش ف الموضوع انت .... وخليك بعيد دى خناقه ستات ف بعض
أحمــــد : يا دى الفضايح طب راحه فين انتى ؟
مريم : رايحه اربى الهانم اللى ماشيه ورانا من ساعه دى وكل شويه تيجى جنينا تبصلنا وتضحك وتمشى ...
أحمــــد : مريم ! مريم بطلى جنان ما تبص عادى براحتها هو الكورنيش بتاعنا
..........................
((يتبع))