روايه هو و هي

(الحلقه السادسه عشر ) (ست الحسن والجمال )

(الحلقه السادسه عشر ) (ست الحسن والجمال ) ❤
ف الحلقه السابقه :____
علاء : خد ياعم السندويتشات والشاى اهو ,,, حطيتلك فيه 5 اعواد قرنفل بحالهم
البت مى ماشيه مع اتنين من صحباتها لسا معديين من شويه وانا بجيب الشاى
أحمـــد : اييييه ؟ هما فين ؟ مشيوا من أى ناحيه ؟
علاء : من هنا ؟ لييييييييه ؟
أحمـــد : هتعرفوا دلوقتى ... قوم قدامى ورينى راحت فين ؟
.......................(الحلقه السادسه عشر ) ❤
علاء : اهى هناك اهى ماشيه مع البت بسمه
أحمـــد : مى !! يا مـــــــــــــــى!!
مى : ايوه يا احمد خير
أحمـــد : لحظه من فضلك عاوزك . استنى
مى : تمام
أحمـــد : معلش يا بسمه ثوانى من فضلك
بسمه : اه اتفضلوا ...
احمد : سؤال واحد هسأله وبناء عليه هيكون طريقه كلامى معاكى دلوقتى
إنتى كلمتى ابو مريم وقولتيله عليا وعليها ؟
مى : ايوه ياا حمد انا اللى كلمته .. لانى سبق وقولتلك انى مش هسيبك لغيرى
أحمـــد : وانا سبق وقولتلك قبل كده انك لو حاولتى تتدخلى بينى وبين مريم مش هرحمك وانا اللى هصدرلك صح ؟ يبقى استحملى
_(( احمد بيلم اصحابه وزمايله وكل اللى يعرفهم ويعرفوا مى وبيكلمهم ))
يا جماعه .. يا اصحابنا وحبايبنا ومعارفنا واجدع ناس عرفناهم ف الجامعه
ويمكن ف حياتنا كلها
يرضيكوا اللى حصل ده ؟
لولا انى ابن ناس وماينفعش امد ايدى على بنت كان زمانى دلوقتى مقلعها الجزمه وبمدها على رجليها قدامكوا
الهانم بتتصل على ابو مريم وتقوله إلحق بنتك بتحب ومعرفش ايه ؟
ايه رأيكوا ؟ اعمل ايه ؟ اختاروا انتوا حاجه اعملها ف البنى ادمه دى عشان تسيبنى وتعتقنى لوجه الله وماتورينيش وشها تانى
انا ماكنتش عاوز اخسرها كصديقه جدعه زى منا كنت طول عمرى معاها صديق وفى وجدع .. هى اتهطلت ف نافوخها وحبتنى بقا دى مشكلتها مش مشكلتى
قولولى اعمل ايه ؟ اعمل ايه يا اسراء ؟ اعمل ايه يا بسمه ؟
اعمل ايه يا ست مى ؟ لأجل ما تفهمى انى مانفعكيش .
بس هقولها للمره الاخيره قدام الناس الحلوه دى
ابعدى عنى لأنى قسما بدينى لو شوفتك واقفه ف طريقى وعد منى هخليكى تخافى تشوفينى ف اى مكان .. ولأخر مره بقول انتى ممكن تاخدينى صديق ليك مش عدو . سيبينى ف اللى انا فيه . انا فيا اللى مكفينى
أحمـــد : سلام .. عن اذنكوا يا جماعه
......................
مريم : ايه يا احمد اللمه اللى هناك دى ؟
أحمـــد : كنت بحط كل واحد ف حجمه الطبيعى
مريم : يعنى ايه ؟
مريم : يعنى كنت مع الناس اصحابنا ووزمايلنا بشهدهم على البت مى انها تبعد عنى والا مش هرحمها المره الجايه ... مع انى كنت عاوز اقلعها الجزمه وامدها هههههههههههههه
مريم : يلا يا مجنون ماتقدرش تعملها ؟
أحمـــد : مقدرش ايه يا عنيا ؟ طب استنى
مريم : يا مجنون يابن المجانين ... انت يابنى اقعد بقا هو ايه دماغك دى مالها .. على طول شارده كده وف دنيا تانيه هههههههههههههههه اقعد .. بهزر يا سيدى . تقدر ونص
علاء : الله يسهلوووووو يا سيد الناس ... عملت بوليكه انت واتعصبت على اللى خلفونا وجاى هنا تتنحنح وتحب ف مريم
أحمـــد : اه ده نظام قر بقا ..... يلا من هنا يالا انت وهو يالا اهو ام عينيكو دى اللى جايبانى ورا .
مجدى : اه .. تشغلنا مهندسين وسواقين وبردو لسا لمض ومش عاجبك ...
مريم : ههههههههههههههههه بس يا مجدى بقا انا كل ما افتكر منظركوا وانا بخرجكوا قدام بابا وبقول عليكو مهندسين وانا بموت
مجدى : اسم الله ؟ ليه يعنى مانشبهش ولا ايه
احمد : هههههههههههههههههه تشبه ايه بمنظرك اللى شبه خريجين السجون ده
علاء : هههههههههههههههههههههه
احمد : بتضحك على ايه يالا . طب هو خريج سجون انت خريج عباسيه وحياتك
.................
علاء : استنوا دى ساره ونور جايين علينا
فرصه بقا عشان عاوزينكوا ف موضوع
عاوزين نعرف كل حاجه حصلت ف اسكندريه وبالتفصيل الممل .. ولا انتى مش معايا ولا ايه يا ساره ؟
أحمـــد : يا حنين !! واشمعنى ساره يعنى اللى بتقولها
ساره : ايوه طبعا لازم نعرف ... حد يجيبلنا طقم شاى كده ونقعد ونمخمخ والاستاذ احمد افندى يحكيلنا على كل حاجه ....
علاء : ايوه اهرب اهرب .. عليا الطلاق من مراتى اللى لسا ماعرفها ولا اوعى اشوفها البعيده لاتحكوا اللى حصل
مريم : ههههههههههههههههه احكيلهم ياعم دول عاملين زى الشبطه مش هيسكتوا
نور : احكى !! احكى !!
ساره : احكى !! احكي
مجدى : احكوا احكوا
علاء : واتدحرج واجرى .. يا رمان ههههههههههههههه يلا يابنى .. يلا يا حبيبى
أحمـــد : امرى لله .. اسمع انت وهو وهو وهى وهى
...................
((احمد بيبص لمريم وبيتكلم ))
بدايه حياه الشاطر حسن دى من يوم ما عيونه وقعت على عيون ست الحسن ...
لما الزمن يقف بيك ويبقى رافض انه يتحرك وهو بعيد عنها ده يبقى اسمه ايه غير انه كل كيانه رافض يصدق بغيابها عنه ولو دقايق او ساعات
اقولكوا ايه غير انى ليها ف زمتى قلب هيفضل يحبها طول ماهو حى يرزق
ماستحملتش انا اشوفه البت اللى قدامكوا دى مخنوقه وزعلانه وشايله هم الدنيا كله على دماغها
حتى لو كان مين السبب
لقيت نفسي بقولها يالا بينا نمشى
حبيت اخرجها بره الواقع وبره الزمان وبره المكان
ماكنتش شايف قدامى ساعتها اى حاجه غير انها لازم تضحك وتفك تكشيرتها اللى خلعت قلبى من مكانه
عملت اللى عملته بقي لقيت رجليا واخدانى على طريق اسكندريه وقولت يالا اسكندريه اسكندريه مش فارقه
وانا عارف ان ده غلط
وان مش انا اللى اخليها تعمل حاجه من ورا باباها . بس صدقونى وكتاب الله ما فكرت ف اى حاجه
تانيه غير ضحكتها .. ضحكة المفعوصه دى
عارف يا علاء . وانت يا مجدى
مش كنت دايما اقولكوا ان مافيش حاجه اسمها حب من اول نظره وكنت دايما اقولكوا مافيش الكلام ده
اهو انا لسا عند كلامى لانى بحب مريم من قبل ما اشوفها
ندهتنى بنت المجنونه دى بنظره عين جابت قلبى الارض
مريم : ههههههههههههههه
احمد : ايوه اهو ده اللى باخده منك ... تفضلى تضحكى وخلاص
مريم : طب انت عاوزنى ارد اقولك ايه طيب
غير انى بحمد ربنا انى مشيت ف المكان ده ف الوقت ده عشان اشوفك
احمد : بس يا جماعه اهو ده كل اللى حصل
اما بخصوص اللى حصل ف اسكندريه
ف احنا روحنا نزلنا البحر وكلنا سمك واتمشينا ع الكورنيش واتخانقنا ,,, ومريم كانت هتصور قتيل
.............................
ساره : اوعدنا يارب بحدوته زى الحدوته دى بدل ماحنا قربنا ننسي اننا بنى ادمين
علاء : ايوه والنبى يارب اوعدنا ... ياااارب .....
نور : المهم اتخانقتى ليه يا مريم ومع مين ؟
مريم : دى واحده بنت ستين ف سبعين عماله تيجى تمشى جنبي انا واحمد شويه وترجع شويه .. تبص وتضحك وتمشى .. فاكرانى هسكتلها .. روحت اديتها اللى فيه النصيب
أحمـــد : اه وانا كل شويه اجيبها من حته شكل ... دى جرستنى .. فضحتنى ف اسكندريه
مريم : نعم ؟ بتقول حاجه يا أخ انت ... مانت كمان اتخانقت
مجدى : اوباااااااااااااا اتخانقت من غيرنا يا عم . ومين اللى اتعجن
مريم : هههههههههههههههههه هو بصراحه احمد اللى عجن الواد .. بس قميصه اتقطع شويه ..
علاء : يلا اهى فسحه تفوت ولا حد يموت ... المهم يا جماعه المره الجايه بعد اذنكوا يعنى لما تبقوا ناويين تتفسحوا , ابقوا عرفوا اخواتكوا الصغيرين كده عشان نيجى معاكوا
احمد : عارفين يا ولاد .. انا قررت اتقدم لمريم رسمى واللى يحصل يحصل بقا
علاء : فكر ف الموضوع يا احمد مش عاوزين نتسرع لسا قدامك السنه دى خلصها وابقى اتقدم
أحمـــد : مش دى المشكله يا علاء ... ابو مريم دلوقتى عارف بيا والاصعب من كده ان فيه واحد صاحب باباها حاطط عينه على مريم يجوزها لابنه ,, ف لازم اتحرك قبل ما ابو مريم يقرر او يقفل دماغه من ناحيه الموضوع ده ........
أحمـــد : مريم ! تقدرى تحدديلى ميعاد مع بابا امتى ؟
مريم : هشوف وابقى اعرفك
بس انت متأكد من الخطوه دى ؟
أحمـــد : حبيبتى الخطوه دى كده كده كانت هتتم دلوقتى بقا او بعدين بردو كانت هتتم
يبقى اعملها بدرى عشان مافيش حاجه تقف ف طريقنا
مريم : خلاص اوكى هشوف بابا كده دماغه فيها ايه واعرفك
احمد : قوموا بقا انا جوعت والله ... نفسي ف اكله سمك زى امبارح كده
مجدى : لا ياعم سمك ايه الدنيا حر النهارده عاوزين حاجه تانيه كده
أحمـــد : ايه يا مريم تاكلى ايه ؟
مريم : اى حاجه مش فارقه ...
.....................................
أحمـــد : تمام يا جماعه كل واحد على بيته بقا الدنيا ليلت
حبيبتى هكلمك بالليل وماتنسيش تكلمى باباك وتقوليله احمد عاوز يقعد معاك
مريم : ماشى يا حبيبى ربنا يسهل لانى بجد بتعب وبتوتر لما بفكر ف اللقاء بتاعكوا ده وخايفه يحصل فيه اى حاجه
أحمـــد : خير ... وعاوزك تكونى مستعده لاى رد فعل ,, لان ده المتوقع يا مريم
والمفروض ان احنا نكون حاطين اى سيناريو ف تعاملنا مع رد فعل باباك .. وماتزعليش لو حصل ايه بينى وبينه ,, ولا تدخلى نفسك .. مفهوم
مريم : مفهوم يا باشا ...
أحمـــد : يلا اركبى عربيتك وانا وراك بعربيتى لغايه ما توصلى
وهوصلك وارجع للعيال اخدهم عشان وراتا ماتش النهارده
مجدى : ايه ياعم رونالدو .. هنستناك فين ؟
أحمـــد : اسبقوا ع الملعب وانا هوصل مريم واعدى ع البيت البس واحصلكوا .. يعنى على 10 كده هكون هناك
مجدى : ماشى وهنجيب مصطفى وعمرو معانا هنبقى خمسه ... العيال اللى كسبناها المره اللى فاتت مستحلفالنا النهارده ....
أحمـــد : اثبت ياض انت هتخاف ولا ايه ؟؟ معانا الكابتن علاء اهو اكبر حارس مرعى فيك يا جمهوريه
علاء : حارس ايه ؟ مرعى ؟ اجرى اجرى دنا ولا الحضرى ف زمانه يابنى
أحمـــد : يا عم اجرى ... دانت ايدك مخرومه حسبى الله ونعم الوكيل . داحنا لولا ربنا ساترها معانا دايما كان زمانا بنتغلب وبنشيل اجوازا وافرادا كل مره . اتنيل وامشى
....................................
((الساعه 1:30 صباحا ))
أحمـــد : الو ! ايوه يا حبيبتى بتعملى ايه ؟
مريم : مافيش كنت بذاكر شويه ونزلت قعدت مع بابا شويه ولسا طالعه
أحمـــد : كويس
مريم : وكلمته عليك ... وقال خليه ييجى بكره ...
..........................
((يتبع))