روايه هو و هي

(الحلقه التاسعه عشر )__( صدمه )

(الحلقه التاسعه عشر )__( صدمه ) ❤
ف الحلقه السابقه :____
أحمــــد : مش قادر يا مريم انا جسمى هلكان طول النهار وما صدقت جيت البيت
مريم : انت بتهرج يا احمد الساعه لسا ماجتش 8 .. يلا يلا قوم بلاش دلع
وبعدين منا لازم اعرف اللى حصل النهارده يا استاذ ولا ايه ؟ هههههههههههههه
أحمــــد : سوسه انتى وهتفضلى تسالينى 50 مره
مريم : طبعا امال ايه ؟
أحمــــد : خلاص ماشى هتروحوا فين ؟
مريم : البس انت بس واجهز وانا هكلمهم حالا واقولك
أحمــــد : ماشى
..............( الحلقه التاسعه عشر ) ❤
مريم : حبيبى احنا هنروح الكافيه بتاعنا بتاع المره اللى فاتت .. ماتتأخرش بقا مستنياك
أحمـــد : ماشى يا حبيبى انا ف الطريق ... مين معاك م البنات
مريم : ساره ونور ومعانا واحده صاحبتنا تانيه بقالى كتيييير ماشوفتهاش .. بس حبيبتى
أحمـــد : مين هى ؟
مريم : اسمها رقيه . بس بنقولها يا روقا
أحمـــد : ماشى .. انا 20 دقيقه وهكون عندكوا
...........................
أحمـــد : مساء الخير يا مزز
مريم : مساء الفل يا حمو . اتأخرت ليه ؟
أحمـــد : مافيش الجو ملبش والطريق واقف .. حاجه زهق
مريم : اعرفك على روقا .. صاحبتى من اولى ثانوى وف كليه صيدله .. حبيبتى البت دى
أحمـــد : اهلا اهلا يا روقا .. بس المهم تكونى ف صفى انا مش ف صف البنات دول , مطلعين عين اللى خلفونى
روقا : لا يا عم انا مع مرمر ..
أحمـــد : لا بقولكوا ايه ؟؟ انتوا كده تلاته ضد واحد .. ماينفعش والله
مريم : يا حبيبى امال انا روحت فين ,,, دنا معاك بقلبى وروحى
ساره : بقولكوا ايه ؟؟ اهمدوا بقا مش ناقصه تعب ووجع بطن الله يكرمكوا
نور : ههههههههههههه مالك يا ساره ماتسيبي الواد يحب ف البت شويه
مريم : ايوه صحيح انتى مالك انتى يا ساره هههههههههههههههههه حاجه غريبه والله
مريم : قولى بقا ... ايه اللى حصل مع بابا ؟
أحمـــد : هو حاكالك حاجه ؟
مريم : ليه هو فيه حاجه حصلت ؟
أحمـــد : لا انا بسأل يعنى قالك ايه ؟
مريم : مافيش هو قالى انها كانت قعده تعارف وكده
أحمـــد : تمام ماهو ده اللى حصل بس ... يعنى انت مين ؟ منين ؟ ناوى على ايه ف حياتك بعد التخرج ؟؟ بس كده ماطولناش ...
ساره : طيب يعنى من وجهه نظرك كده يا احمد تفكيره رايح لفين
أحمـــد : والله يا ساره انا مش عارف رايحين فين وجايين منين ...
اللى اعرفه ان المقابله عدت ومش عاوز افتكرها بقا خالص
الا لما هو يطلب من مريم انه يقابلنى تانى واشوف رايه موافق ولا مش موافق ...
وبعدين احنا خارجين نسهر ولا خارجين نعيش ف الضغط العصبى ده كتير
مريم : لا خلاص خلاويص ياعم اهو . تشربوا ايه الاول . انا عازماكو
أحمـــد : عازمانا على اساس ايه ؟ قاعده مع دكر بط مثلا ولا ايه مالك ؟
انتى تعزمينا اه ؟ لكن طول منا موجود انا اللى ادفع ...
مريم : وفيها ايه ياعم ؟ فرحانه وعاوزه اعزمكوا انا
أحمـــد : لا
مريم : افضل اكبت فيا كده يارخم ... خلى بالك لما نتجوز هغيرك شويه هاا ومش هتقول لا
أحمـــد : ان شاء الله نتجوز واعملى فيا اللى انتى عاوزاه
مريم : ايه انت عندك شك انه هيحصل ؟
أحمـــد : لا يا حبيبتى ماعنديش شك .. بس لازم اسبق المشيئه ومانقاطعش
مريم : اكيد يا حبيبى ان شاء الله
..........................
(ساره بتكلم نور على جنب )
ساره : بت يا نور انا حاسه ان احمد مش متظبط
نور : ليه يا موكوسه ماهو عادى وبيهزر اهو
ساره : عينه زايغه كده ومش مركز وكل ما عينه تيجى ف عين مريم يشيلها كأنه خايف يبصلها
نور : مش عارفه انا ماركزتش اوى
ساره : مقابله النهارده مع ابو مريم فيها لغز كبير ,, يإما حصل حاجه واحمد مخبيها عن مريم يإما انا اللى مكبره الموضوع .. يارب اكون انا فاهمه غلط
انا نفسي بجد هتعب لو حصلهم حاجه .... وخوفى اكتر على مريم .. ممكن يجرالها حاجه بجد , البت اتعلقت بيه
نور : وهو احمد يعنى اللى مش متعلق بيها
ساره : بس احمد راجل ممكن يستحمل
نور : بيتهيألك !! الراجل اللى بيحب بجد زي احمد كده هو اللى بيتعب بغباء
ساره : انا عارفه تقصدى ايه ؟ بس هو بردو شخصيته انه شيال طول عمره .. يعنى مابيتهدش .. هيتعب وهيتعب اوى كمان بس هيعيش .. لكن مريم ممكن يجرالها حاجه بجد .. ربنا يستر انا بدأت اخاف من دلوقتى
نور : بس بقا يا بت انتى ماتوجعيش بطنى .. انشالله يكون خير وكل طنونك دى تخمينات غلط وخلاص
ساره : يارب
أحمـــد : ايه يا ساره انتى ونور لوكلوك لوكلوك .. خليكوا معانا ...
ساره : ماحنا معاكو اهو ياعم ...
أحمـــد : انا دماغى نعششت عاوز شيشه ههههههههههه
مريم : يلا عشان اشرب معاك بقا المره دى
أحمـــد : الصبر من عندك يارب
روقا : ايه يا احمد خليها تشرب معاك
أحمـــد : بس يا بابا
روقا : ههههههههههههههه الله ! مش هبس بقا وخليها تشرب قدامك بدل ما تشرب من وراك
أحمـــد : وهى تقدر تشرب من ورايا ؟
مريم : لا طبعا مقدرش ,,, انا بخاف منك وانت غايب اككتر من وانت معايا ..
وانت معايا بدلع عليك وبسيب نفسي كده عشان عارفه انى لو غلطت هتشكمنى ههههههههههههههه لكن وانت مش معايا بخاف وباخد بالى من كل حاجه بعملها
ساره : والله العظيم انتوا الاتنين مش هترجعوا الا لما تخلصوا عليا ...
مريم : ياساره انتى توأمى وحبيبتى ...
وعمرى ما اخاف عليكى من احمد ولا اخاف على احمد منك ... ربنا يخليكوا ليا يا بنات ❤
أحمـــد : احم احم
مريم : هههههههههههههه ماتضحكش ... ربنا يخليك ليا يا حبيبى دانت الحاجه الصح اللى دخلت حياتى ....
أحمـــد : ما تيجوا ندخل سينما
مريم : ياريت . انا مادخلتش معاك قبل كده
ساره : ندخل فيلم ايه ؟
أحمـــد : ماتيجوا ندخل رابونزل 2010 ( tangled ) .. فيلم جديد ولسا نازل من يومين .. بتاع الاميره ام شعر طويل دى عارفينها ؟
ساره : يابنى احنا كبار كده هتدخل فيلم كرتون ؟
مريم : بالعكس ده فيلم جميل جدا وقصته حلوه ؟ بس اشمعنى الفيلم ده ؟
أحمـــد : مافيش . مضمونه حلو وشوفت اعلانه بره وانا داخل .. ها ندخل انهى فيلم ؟
مريم : خلاص موافقه على رابونزل ..
ساره : تمام موافين
............................
(( احمد اختار يدخلوا سينما عشان يعرف يبان مهموم من غير ما حد ياخد باله ))
مريم : الله ! فيلم حلو اوى على قد ما ضحكنى على قد ما وجع قلبى بس النهايه كانت حلوه ف الاخر انهم اتجوزوا
شوفت براءه البنت وتعلقها بحبيبها من اول مره
ماتسيبنيش يا احمد اوعا تسيبنى لاحسن اضربك بالطاسه ف دماغك زى البطله دى هههههههههههه
أحمـــد : ايه السيره النكد دى . ده وقته يعنى ؟
ساره : احنا مش هنروح بقا ولا ايه ؟ الوقت اتأخر
أحمـــد : يلا صحيح ...يلا يا مريم قدامنا وانا هوصلك وبعدين هنمشى احنا
مريم : ماشى ياعم .... تصبحوا على خير بقا ...
............................
((مريم داخله من باب الفيلا وبالصدفه سمعت باباها بيتكلم ف التليفون مع شريكه سليم ))
ابو مريم : ماتقلقش يا سليم انا قعدت مع الواد ده وفهمته بالطريقه كده انه يبعد .. وهو ذكى وهيبعد عن البنت
ابو مريم : يا سليم البنت متعلقه بيه .. ممكن انا من بكره اغصبها تتجوز حسام . بس مش هتبقى مبسوطه ... سيبنى انا بس امشى الموضوع زى منا عاوز وهتشوف ف الاخر هيحصل ايه ؟
ابو مريم : اه .. هو فاهم انا قولتله ايه وهيعقلها ف دماغه النهارده وهيبعد
ابو مريم : الواد وانا بهدده ماتهزش من مكانه ونظرته ماتكسرتش ف الارض ودايما كان باصصلى وبيكلمنى راس براس ...
ابو مريم : وهو ده اللى انا اخاف منه .. ممكن يستولى على مريم وعلى فلوسها زى ماهو استولى على قلبها بشويه حب وكلام فارغ .. .. قريب اوى هقولك حدد معاد الخطوبه
ابو مريم : يلا اهو كلها ايام وابشرك ... ماتقلقش
.....................
((وفجأه بيسمع صوت هبد على الارض جايه من بره باب المكتب ))
......................
((يتبع))