[PART6]
دَعَنَا نَقَل أنَنا سَنُسَامحَهُ، لَكِنْ هَل سَوفَ تُسامَحهُ الدَمُوعُ التِي كَانت كُولَ لِيلَه تَصَرخُ ألمً، او سَوفَ تُسَامَحهُ الشَهقَات التِي كَانتَ تَتعَالى فِي كُلِ مَرهٍ تَتَذكَرهُ، هَل سُوفَ تُصَلحُ قَلبِي المُتَحطُم بِسَببكَ، قُولِي بِمَاذا سُوفَ يَنِفعُ أعتَذَاراك وأللعنة.
«««««««:::::»»»»»»»»:::«««««::»»»»»»
أين نهاية الالم اليس لكل شيء نهاية ؟
غفران: - ماحس بشي اريد افتح عيوني ماكدر ظليت علئ هاي الحال ليحد ما كدرت افتح عيوني ظليت اغمض وافتح ليحد ما الصورة وضحت عندي اشوف روحي بغرفه مال مستشفئ باوعت علئ الي حواليا ماكو احد بلغرفه بس اني ماطول دقايق وطب ماما وبابا وياهم دكتور والممرضه
دكتور: - صح النومه يا حلوة واخيرا كعدتي
غفران: - مجاوبته بس ظليت اباوع عليه مانطيته ردت فعل
دكتور: - اممم شكلها الحلوة زعلانه منو يراضيه
خالد: - ابوها يراضيه هسه اجيب الها تراجي وتدلل هههه
كلها ضحكوا الدكتور والممرضه وامي واني بس صافنه عليهم
دكتور: - شوفي بنتي اني مادري شنو الي مريتي بي وسبب الج انهيار عصبي بس حياة تجارب والانسان كل يوم تجربه اسوء من الي قبلها شايفه ذوله الاثنين
واشر علئ اهلي وكمل كلامه :-
هذولا تحطيهم بين عيونج وتعيشين لاجلهم ولاجل نفسج وبس غير ناس ما تستاهل ابني وعيشي حياتج محد دايم الاحد ومحد يستاهل احد انتي حلوة وزغنونه وحياة كدامج وكل الفرص متاحه الج
فا يا بابا انتبهي علئ روحج انتي شنو اسمج واشر لاهلي انو مايحجون يريد يسمعني
غفران (بصوت ناصي حيل يادوب تحجي) :-اسميي غ غفران
دكتور: -ايي يا غفورة عاشت الاسامي ولله حلو حتئ معنئ حلو
تقرب عليه وكال
دكتور: - غفران مشتق من غفار واسم من اسماء الله الحسنئ فا غفورة اغفري لنفسج وارحميها ماريد اشوفج تجيني هنا مريضه اريد اشوفج تعالجين المرضئ
غفران: - ظليت اباوع عليه وماحجيت شي
دكتور: - يلا ان شاءلله مابيج غير العافيه
التفت لاهلي وكال: - نص ساعه وتكدرون طلعوها ومابيها غير العافيه هيه بطله وراح تتجاوز هاي الازمه وهذا العلاج تاخذوا من برئ من رخصتكم.
خالد: - جزاك الله خير دكتور ماقصرت يابه
دكتور: - رحم الله والديك هذا واجبي مع سلامه
خالد& غيداء:- الله وياك
غفران: - طلع دكتور والممرضه غيرت المغذي وتحمدة علئ سلامة وراحت غمضت عيوني وغفيت
