منذ رحيلك منذ ذلك اليوم وأنا في مكان ما بداخلي أحاول ألا أخرجك أبداً ،لا زلت أتذكر كلماتك كيف توصيني أن أعتني بنفسي ،كيف اكون قوية في ظل ازماتي ، تأتي طيوفك تبدد أوهامي ووجعي وتقول لي :
مثلكِ لا يليق بها إلا السعادة وبعدها ترحل
"بكيت بحُرقة ، ڪأني رڪضتُ ڪل الطريق و غيري وصل
شايفين من تكتمون هواي وتكابرون هواي وتحاولون تتأقلمون ويه كلشي يأذيكم وتقنعون نفسكم انو تكدرون تقاومون وفجأه وبعد فترة تحسون بأنطفاء غريب وتعيش انكسار وانهيار وكأنو الروح تحاول تطلع لكن تبقى محبوسه بهالجسد بخنكتها،،، ماكو أصعب من هالاحساس ابد
هلشعور يجي من تفقد اعز واحن شخص بدنيا
نزلت ع صوت ضرغام يصرخ بصوت عالي
ماتذكر بالضبط شنو صار بهل ثواني احس فقدت الذاكرة بحيث مادري شلون لكيت نفسي جوى اباوع بوجوههم اريد اسئل واخاف اريد احجي ومترددة احس نفسي بحلم احجي وي نفسي ماكو شيي ماكو شي لاتخافين ماكو شيي
جسمي كله يرجف عيوني غوشن وشه صارت ب اذني اريد انطق ماكدر
خليت ايدي ع حايط لان حسيت راح اططيح بعد مابيها مجال بدون ماافهم وبدون مااسمع شنو الصار طحت بالكاع منتجيه ع حايط لان ماكدر اوكف رجلية ماسندني
اباوع لضرغام يدك ع راسة ويبجي
لو الجدي الكاعد بالكاع وكابل التربة ودموعه بعينه لو ل ود الحاضنه ضرغام وثنينهم يصرخون اباوع ل مها التباوع مثلي مصدومه بس فاكه عيونها وتخاف تسئل اخوها لو زوجها !!
هنا انتهيتت واحس كل ذرة قوى انتهت عندي هنا حسيت بكسرة الضهر من صدك هنا عرفت شنو معنى يكون اخو حنين بحياتج ويروح بلمح البصر هنا
وبهذا اليوم وبهذا التاريخ وبهاي الساعه ندفنت روحي ويا هنا كلبي مات
وانه اسمع ضرغام يرد ع تلفونه
عليك الله لاتكلي راححح
من شفت ضرغام لطم ع راسة بيدة الثانية وصرح ضرغام انهار اول مرة اشوفه هيج شمر تلفون اخذه جدي يحجي ويا
الهبار وين؟؟
ماندري بيهم صاحبنه وياهم وصللنه الخبر كال كولو ال اهلة واحنه بلغناكم
من كال الهبار وين عرفت اخوي راح عرفت كسرة ضهري راح
بوقتها ماحسيت بنفسي فزيت ع ريم تشمر ع ماي ودموعها عشرة عشرة
اباوعلها مابدرت مني اي ردة فعل مامصدكه ورافضه هاي الفكرة اقنع بروحي مابي شيي
ع صوت ود والبنات اجن نسوان المنطقه والصريح والهوسة البيت انترس قرايبنه كلهن اجن ولهسة مامصدكه وماريدددددد اصدك راح مابي شي والله ياربي يطلع حلم ياربي يرجع شوي ويرجع اي هو كال راح ارجع كال راجعين
عفتهن ورحت ركض لغرفته فتحت الباب لكيت مها بيها حاصرة روحها بزاوية الغرفه وصافنه
باوعتلي
مابي شي موو شوي ويرجع همام عايش مو
أنت تقرأ
جبروت الهبار
Aktuelle Literaturها انا انثى ذات شخصية قوية كنت دائما اقول الحق وها انا الان ادفع ثمن خطأ لم ارتكبهُ عشت في قوقعة مظلمه سلب مني كل مااحب اخذ مني اغلى ماتملكه كل امرأة حطموني اذوني بدون رحمة لم يغفرو لي ذنب خطأ ليس لي كنت دائما الطرف المذنب حاربوني وتركوني في ود...
