قصه هديه الضابط علي تعريف الشخصيات
هلاو وياكم ملاك عمري19تاركه الدراسه شعري طويل وخشمي وسط وحنطاويه امي متوفيه وعايشه وي ابوي ومرت ابوي تكررهني وعندي اخوات من ابوي بنين... وعلياء
هلاو وياكم بنين عمري17خامس اعدادي واكرهه ملاك كلش
هلاو وياكم علياء عمري17خامس اعدادي اكرهه ملاك هم
تعالوا نتعرف ع البطل
هلاو وياكم الضابط علي عمري25عندي اخوان 3مرتضى وحسين وزيد واخوات4اسراء وسجى وفاطمه ولين
ملاك: جنت نايمه مااحس غير بدفره فزيت وشفت علياء وبنين يدفرن بيه
بنين: يلا كومي على شغلج
ملاك: وانتن شنو شغلجن عيني؟
علياء: هيوو بلا حجي زايد كومي
ملاك: كايمه امري لالله كمت غسلت وجهي ونزلت
ملاك: صباح الخير
مرت ابوي: هوه اليشوف وجهج يشوف الخير
ملاك: عفتهاا ورحت سويت چاي وطلعت المربى والاجبان وبديت اكل كملت غسلت المواعين ورحت نضفت وغسلت الطرمه فتحت المجمده طلعت الباميه واللحم وسويت تمن ولبن بديت انقل بالاكل
سرى (مرت ابوي) هاا كملتي
ملاك: ايي كملت صحت الكل
ابوي: اسمعي كلش زين ملاك اني ح انطيج هديه لضابط ومااريدج تفشليني
ملاك: شنووو ومنو كال موافقه؟
ابوي: توافقين وغصبن عليج ادبسزز
ملاك:....... عفت الاكل ودخلت للغرفه مالتي كمت ابجي بعلو صوتي💔اوووف يمه وينج ليش عفتيني تعالي شوفي بنتج شسوو بيهاا نمت ماحسيت على نفسي اندفرت وفزيت مرعوبه شفته ابوي
ابوي: يلا كومي حضري نفسج روحي وي امج للسوك حتى باجر نوديج
ملاك: وين؟
ابوي: تعرسين ونخلص منجج
ملاك: انهضمت كلش ليش اني وحيده ليش الكل يكرهني؟ 💔طلع ابوي من الغرفه كمت سبحت ولبست 👗فستان ازرق وشال ازرق بلون الفستان نزلت
ملاك: يلاا خلصت
مرت ابوي: يلا امشي
وصلنا للسوك اشتريت ملابس داخليه وفساتين وتراكات وعطوره ومكياج وخذيت السوك كله😂رجعنا للبيت واتذكرت باجر حروح بجيت انفتح الباب شفت علياء وبنين دخلن
بنين: اي واخيرا راح نخلص منج
علياء: اي وناخذ غرفتها
ملاك:........ ضلن يمسلتن عفتهن ورحت اتجهت للخزانه حضرت كل اغراضي وهنه خلن وطلعن جنت كلش نعسانه نمت وماحسيت بنفسي كعدت الساعه ب8نزلت لكيت الكل كاعد
ملاك: صباح الخير
ابوي: يلا اتريكي بسرعه حتى تولين
ملاك: بحزن ماشي كملت ريوك وصعدت نزلت الجنط وحطيتهن بالجنطه مال سياره وصلنا لمنطقه كلش حلوه عباره عن بساتين وكفت السياره يم بيت كلش حلو وجبير
ابوي: يلا انزلي
الى بيت علي
علي: كعدت الصبح سبحت وبدلت ونزلت اتريكت
ام علي: يلا ابني اليوم راح تجي البنيه
علي: اي وشعليه بيها؟
ام علي:..........
علي: سمعنه صوت سياره طلعت وشفت الرجال وياا بنيه لابسه عبايه وحلوه
ابو ملاك: هاا عمي هاي البنيه
علي: بنتر/دخلي يلا لاتبقين واكفه
ابو ملاك: مع السلامه اني رايح
علي: الله وياك
نزلت وبقيت واكفه ونتر بيه الولد كلي دخلي لتبقين واكفه غوركت عيوني دخلت وتلكتني بنيه حلوه
سجى: هلو حبيبتي تعالي اتفضلي
ملاك: زاد فضلج حبيبتي
سجى: شنو اسمج
ملاك: اسمي ملاك
سجى: ماشاء لله اسم على مسمى
ملاك: تسلمين
دخل الولد نفسه
علي: صعديهاا الغرفتها
سجى: صار عيني
سجى: تعالي حبيبتي
ملاك: صعدتني البنيه لغرفتي وكالتلي اني اسمي سجى اعتبريني اختج
ملاك: ماشي
سجى انتي تدرسين وشكد عمرج
ملاك: لا تاركه عمري19
سجى: العمر كله اني عمري21ادرس كليه
ملاك: 😢بالتوفيق
سجى: يلا اني رايحه اخذي راحتج
ملاك: راحت سجى وسدت الباب وراها بااوعت ع الغرفه كلش حلوه شفت اكو حمام رحت نزعت العبايه وسبحت ولبست فستان بنفسجي وفليت شعري وماحسيت بنفسي نمت.....
