روايه ياريت

(الحلقه السابعه عشر) ( ياريت )

(الحلقه السابعه عشر) ( ياريت ) <3
غير.مصرح.بنشر.القصة.الإ.معرفه.الكاتب.او.الناشر
...................
(الحلقه السابقه )
ليلى : اقرب وقت ،، انتى هتيجى بكره كأنك جايه تشوفينى ، واهو بالمره تسلمى على مالك
مى : يابن الجزمه يا مالك / دنا بقالى بتاع شهرين تلاته ماشوفتوش
ليلى : هههههههههههه اه ماهو كان معايا انا الشهرين دول . الصراحه واد واد يعنى
مى : انتى هتقوليلى ؟ خلاص تمام . اعتبرى بكره الموضوع خلصان ، واللى ما يشترى يتفرج هههههههههههه
ليلى : فعلا ، اللى ما يشترى يتفرج ،،، وعلى عينك يا تاجر ههههههههههه
غير.مصرح.بنشر.القصة.الإ.معرفه.الكاتب.او.الناشر
................ ( السابعه عشر ) <3
( بيت حبيبه )
ندى : مالك يابنتى داخله مسهمه كده ليه ؟
حبيبه : بس بس سيبونى ف حالى ..
سمر : ههههههههههههه ايه مالك يابت الواد اتغرغر بيك ولا ايه
حبيبه : ههههههههههه يخربيت ألفاظك يا بعيده
ندى : طب ها . احكى . داخله فرحانه ليه ومسهمه ليه ؟
حبيبه : النهارده بس اتأكدت من شعور مالك ، مالك مش شايفنى حبيبته بس يا بنات . ده شايفنى اكتر من كده
لمعة عينه وهو بيكلمنى النهارده وبيقولى بحبك كانت هتخلينى اعيط
قلبى اتزلزل من جوايا بالطريقه اللى كان بيبصيلى بيها
يا حبيبى كانه خايف يخسرنى
كأنه بيقولى ماتسيبينيش انتى بقيتى اخر سور هتسند عليه
مالك انا حاسه دايما انه مخبى حاجه
مش عاوزنى اقرب لحاجه
هو بس عاوزنى جنبه وعاوزنى احبه زى ماهو بيحبنى
ندى : اعترفلك انه بيحبك ؟
حبيبه : اه
سمر : فين ؟
حبيبه : مافيش . عزمنى بره . قولتله دى اخر مره هنخرج فيها لانى مش متعوده على كده ، قالى والله اخر مره تعالى بس .. واعترفلى هناك
ندى : ( بتعيط ) اول مره اشوفك مبسوطه كده ووشك منور من زمان يا بيبه ، ربنا يحميهولك يا روحى ويتمملك على خير
حبيبه : يارب
سمر : خلصوا بقا ف ليلتكو دى انا جعانه
حبيبه : روحى يابنتى اعملى الغدا عشان ام بطن مخرومه دى اللى فاضحانا
ندى : هههههههههههههه ماحنا كنا داخلين اصلا نعمل بس لقيناك جايه .. روحى انتى يلا غيرى هدومك وتعالى ساعدينا
حبيبه : اجى اساعدكو مين لا انتو تسيبونى خالص اليومين دول استجمع قوايا العقليه هههههههههههه
ندى : سيبيها يابنتى . ويلا احنا .. دقيقتين بالظبط وتكونى غيرتى هدومك يابت انتى .
حبيبه : طيب . ابوك وامك فين خير
ندى : ابوك ع القهوه وامك بره عند ام خاطر جارتنا
حبيبه : طيب
غير.مصرح.بنشر.القصة.الإ.معرفه.الكاتب.او.الناشر
..............
مجدى : الو !! ايه يا حب فينك
مالك : مروح
مجدى : طب ايه الدنيا عندى
مالك : الدنيا حلوه يا مجدى
مجدى : ههههههههههه يا حنين ؟ اشمعنى
مالك : هبقى احكيلك بالليل
مجدى : خلاص اشطا . ريح انت وناملك شويه وهستناك بالليل
مالك : اوكى ياحب . سلام
مجدى : سلام
غير.مصرح.بنشر.القصة.الإ.معرفه.الكاتب.او.الناشر
.............
( اسكندريه )
سلمى : ايه يا حمو قاعد كده ليه ؟
احمد : الواد مالك
سلمى : ماله مالك
*الروايه ملك خاص للكاتب / أحمد سعد
ويتم نشرها في بيدج قصص و روايات للناشر محمد فريد