روايه ياريت

(الحلقه التاسعه عشر) ( اشمعنى انا ..؟ )

رواية_ياريت
(الحلقه التاسعه عشر) ( اشمعنى انا ..؟ ) <3
...................
(الحلقه السابقه )
ليلى : مووووووووووكا
مالك : اهلا ازيك يا ليلى
ليلى : ايه رأيك ف المفاجاه دى
مى : ازيك يا صااااااااااااايع هههههههههههههههه واحشنى كتير
مالك : هو انتو كنتو فين ؟
ليلى : كنا عند هشام فوق مى كانت عاوزه تسلم عليه
مالك : اه ... فعلا
................. ( التاسعه عشر ) <3
مى : اخبارك ايه يا موكا . واحشنى كتير ياض
مالك : تسلمى يا مى . انتى اللى عامله ايه ؟
مى : ايه ياض مالك بتكلمنى رسمى كده ليه وايه مى دى هههههههههه
مالك : اخبارك ايه يا زفته . كده تمام
مى : اه كده تمام هههههههههه ايه مش هشوفك قريب
مالك : ربنا يسهل .
ليلى : هههههههههههههه اهو شوفتى زى ما قولتلك كده . عنده حالة من التناحه والبلاهه بقاله كم يوم
مى : هههههههههههههه لا واضح اهو . معاكى حق يا لولا .... المهم بجد وحشتنى يا جدع وعاوزه اشوفك
مالك : ما قولنا ربك يسهل ... انتو رايحين فين ؟
ليلى : لا كنا عند هشام كده بنخلص مصلحه كده مع مى وخلاص خلصنا ...
مالك : مصلحة ايه اللى بينكو وبين هشام ؟
مى : هههههههههههههه لسا عندك الفضول ده اهدى شوية
مالك : والله ؟ طيب تمام
ليلى : يلا يا موكا هنسيبك بقي .... ( بتوشوشه ) هشوفك بالليل ؟
مالك : لا . وانسينى الفتره دى شويه
ليلى : يا بااااى عليك واد رخم . هتلف تلف وترجعلى هههههههههه يلا باى انا مستأذنه من هشام ورانا مشوار كده انا ومى
.............
( بيت حبيبه )
ندى : ايه ده ؟ انتى ايه اللى رجعك بدرى ؟
حبيبه : ( بتعيط ومش قادره تمشى )
ندى : ايه ده حبيبه .. حبيبه ... مالك يا روحى تعالى ريحى جسمك
حبيبه : امك وابوك فين ؟
ندى : ( بلهفه وخوف ) بره ... الاتنين بره . تعالى تعالى يا روحى نامى
حبيبه : نيمينى يا ندى . نيمينى وغطينى انا بردانه
ندى : تعالى يا حبيبتى ..... استنى اقلعك هدومك وغيرى يلا عشان تعرفى تنامى
مالك بس ايه اللى مزعلك
حبيبه : سيبينى دلوقتى يا ندى والنبى
ندى : حاضر حاضر مش هكلمك دلوقتى . ارتاحى انتى ( بتبوسها ف راسها )
...........
( مكتب مالك )
سعد : ماااالك .. يا مااااااااااالك . انت يابنى
مالك : ايوه يا سعد عاوز حاجه
سعد : مالك انت كويس ؟
مالك : كويس كويس ماتقلقش ..
سعد : طيب يابنى لو حالتك صعبه كده قوم استأذن وروح .. انت وشك محمر خالص ... قوم قوم ريح ف البيت
مالك : اه فعلا . انا شكلى كده
*الروايه ملك خاص للكاتب / أحمد سعد
ويتم نشرها هنا في بيدج قصص و روايات للناشر محمد فريد
سعد : طيب ادخل ل مستر محمود واستاذن .. امشى
مالك : تمام . ابقى لم الليله بتاعتى دى
سعد : تمام ماتقلقش
...............
( ع القهوه بتاعة ابو حبيبه )
اكرم : اجيبلك حاجه يا استاذ
مالك : اه هاتلى فنجان قهوه مظبوط والنبى يا اكرم وحجر شيشه .. بقولك هو عم محمد وعم عادل ماجوش النهارده ؟
اكرم : لا كانو هنا من شويه ... ومشيو . بس زمانهم جايين . هما كده بيخلصوا مصالحهم وييجو يكملو قعده ع القهوه
مالك : طيب يا حب هاتلى الطلبات
اكرم : عيونى يا عم مالك
..........
( مالك بيكلم نفسه ) : مالك يا حبيبه فيكى ايه ؟ وايه حكاية تعبك المفاجا ده .. ولا بتتنيلى تردى على رسايلى ولا على رناتى . فيه ايه بس ؟
................
( حبيبه بتنام من كتر العياط ) : ربنا يسامحك يا مالك
.....................
( 55 ساعات بيقعد مالك ع القهوه لغاية ما بيظهر ابو حبيبه وعادل صاحبه الساعه 6 مساءا )
مالك : اكرررررررررررم حجر شيشه تانى والنبى يا اكرم
اكرم : حاضر يا استاذى . انت مش هتاكل يا استاذ مالك . اجيبلك سندويتشات ولا حاجه انت قاعد كده م الصبح مكلتش حاجه وعمال تحرق ف دخان
مالك : ماليش نفس والله هات القهوه والشيشه بس
اكرم : طب اروح اجيبلك سندويتشين من جنبنا هنا . واد نضيف
مالك : خلاص ماشى ... ازيك يا عم محمممممممد
محمد ( ابو حبيبه ) : اهلا ... ازيك يا استاذ مالك . اخبارك ايه ؟
مالك : بخير والله يا غالي . ازيك ياعم عادل ..
عادل : بخير يا استاذنا . اخبارك انت ايه
مالك : تمام يا حبيبى والله .. ايه اطلبلكو شاى
محمد : اخد نفسي بس ياعم مالك . النهارده اتسحلنا
مالك : خير ان شاء الله ولا ايه
محمد : ان شاء الله خير الحمد لله . قدمك علينا كان قدم خير
مالك : هههههههههههههه انشالله دايما بس ازاى ؟
عادل : النهارده عم محمد جاتله شغلانه الحمد لله كويسه .
مالك : طيب يا حبيبى ربنا يبارك . المهم انت اخبارك ايه يا عم محمد واخبار الاهل
محمد : بخير والله يابنى الحمد لله
مالك : كلكو تمام يعنى ... واخبار البنت ام زعرورتين اللى ف الصوره ايه ههههههههههههههه
محمد : ههههههههههههه ام زعرورتين كبرت خلاص يا مالك يابنى ههههههههههههه تعبانه يا حبة عينى النهارده . جات م الشغل دخلت نامت . من كتر التعب عماله تعيط . اتحايلت عليها اوديها اى مستشفى مارضيتش .. مديرها ربنا يصلحهاله هو اللى وصلها النهارده ... ربنا يكرمه ويساعده
مالك : طيب الف سلامه عليها يارب ، اى خدمه طيب يا حاج ممكن اعملها ؟
محمد : تسلم وتعيش يا غالي . ماتحرمش ... هى بس تكمل نوم
مالك : انشاء الله ...
اكرم : السندويتشات خلصت من هناك يا استاذ مالك .. اروح اجيبلك وجبه او حاجه
مالك : لا لا متشكر يا اكرم
اكرم : يا استاذنا كده هتقع هههههههههههه دانت م الصبح كده . يرضيكو كده ياعم محمد الاستاذ مالك قاعد القعده دى م الصبح ولا كل حاجه ولا اى حاجه وعمال يحرق ف شاى وقهوه وشيشه
محمد : ليه كده يابنى ؟
مالك : مافيش والله . حبيت اقعد ف الهوا شويه
محمد : طب قوم
مالك : لا انا قاعد شويه كمان ... مستنى رساله بس
محمد : طيب ماشى قوم تعالى اتغدى معايا
مالك : تسلملى والله ما ليا نفس .
محمد : عليا النعمه لاتقوم .. قوم ياض انت هتكبر علينا ولا ايه هههههههههههههه اطفى ع الشيشه بتاعة الاستاذ مالك ياض يا اكرم .. قوم يا جدع انا كمان واقع م الجوع ...
عادل : قوم مع عمك محمد يا مالك يابنى
محمد : هرن ع الجماعه بقي عشان يعملو حسابهم معايا
مالك : طاااااااايب يا حاج تمام
محمد : الو ! ايوه يا ام ندى اعملى حسابك ف شويه اكل فايضين كده هههههههههههه
مالك : هههههههههههههههههه فايضين كمان ايه الكرم ده
منى : ليه ؟ مين اللى جاى
محمد : الاستاذ مالك ياستى اللى اتعشى معانا المره اللى فاتت .. م الصبح قاعد مكلش قولتله والله ماحنا واكلين الا وانت معانا ....
منى : تشرفوا وتانسوا .. هتيجو مع مين تانى عشان اعمل حسابى
محمد : يلا يا عادل قوم معانا
عادل : والله ولا اقدر ... لسا واكل من شويه مانت عارف
محمد : طيب ... خلاص يا ام ندى اعملى حسابى انا والاستاذ مالك بس
منى : يشرف ويأأأأنس
......
سمر : بت يا ندى سمعتى اللى انا سمعته ؟
ندى : ياخرابى .. ده شكل الواد مالك جاى مع ابوك تانى ... بسررررعه تعالى نصحي حبيبه بقالها كتير نايمه
سمر : يلا بسرعه يمكن يخفف عنها شويه ..
...........
سمر : بيبه بيبه بيبه بيبه بيبه هههههههههههههههههه قومى يابت . قومى يا بت انتى هتيجى تعكننى علينا كل ده ليه . قومى . ولعى النور يا ندى .
ندى : قومى يا حبي بقي انتى قربتى تعفنى من كتر النوم
حبيبه : طفوا النور واخرجوا لو سمحتو
سمر : ايه الرخامه دى ... داحنا حتى كنا جايين ومعانا حتة دين مفاجاه . هتخليكى تنطى من السرير ده لغاية بره
حبيبه : يا سمر لو سمحتى طفوا النور واخرجوا بره عاوزه ارتاح شويه ..
ندى : ههههههههههههه استنى بس .. عارفه ابوك جاى دلوقتى يتغدى وف ايده مين ؟
حبيبه : اووووووووووووف . مين يعنى ، اخلصوا وطفوا النور عاوزه اتزفت على عين اهلى وانام ... ايه القرف اللى انا فيه ده
سمر : حبيب القلب ... مالك شكله عمل حركه بردو وجه مع ابوك عشان يتغدى هنا هههههههههههه لسا سامعين صوت امك وهى بتكلم ابوك دلوقتى . ايوه ياعم الواد شكله اول ما عرف انك جيتى تعبانه ماستحملش وقلبه سلم على طول هههههههههههه
ندى : هههههههههههههههههه الله يسهلووووووو
حبيبه : انا مش عاوزه كلبه فيكو تجيبلى سيرة البنى ادم الزباله ده تانى .
ماكنت متنيله على عين أمى وبشتغل وبنجح وبكبر
ايه اللى خلانى احب
ايه اللى خلانى افتح قلبى تانى
عشان ايه يعنى ؟
عشان اتخدع واتصدم من جديد ...؟!
ياشيخه ملعون ابو دى كلمه بنت ستين كلب اسمها حب
حب ايه وزفت ايه بس ف الزمن الاغبر اللى احنا فيه ده
أل وانا اللى كنت بدات خلاص احب الدنيا من جديد
افتكرت
افتكرت ان اللون البمبى هيبدا يزهزه فيها من جديد
ماكنتش اعرف ان الناس بقت وحشه اوى
(ندى وسمر بيسمعوا بذهول وساكتين )
حبيبه : انا مش زعلانه من مالك ، بالعكس ده هو زيه زي غيره
انا اللى اتغابيت . انا اللى خدت على نافوخ امى والمفروض اسكت واقطم واحط 100 جزمه قديمه جوه بؤى ولا ليا عين اتكلم واخد حقى
طب ليه ؟
وعشان ايه
واشمعنى انا اللى بيحصل معايا كده
ليه انا اللى مكتوب عليا شيلة الهم وشيلة الرجاله
ليه بتباع وبتشرى من اقرب ناس ليا
ليه حظى ف الدنيا قليل بالشكل ده
واحد حبيته واترفض عشان ال ايه ماكنش حيلته حاجه
والتانى ربنا يسامحه حبيته حب فوق العشق بشويه وف الاخر ..
وف الاخر اسمه انه داير يضحك ويكسر ف قلوب كتير ومن ضمنهم وللأسف .. انا
طب انا من ساعة ما جيت وانا دمعتى مانشفتش
مش زعل على مالك ولا على حتى زعل على نفسي
بفكر
انا عملت ايه ؟
عملت ايه ف حياتى عشان يحصلى كل ده
ندى : حبيبه ! اهدى يا حبيبتى
حبيبه : محدش يقولى اهدى ، سيبونى اتكلم ( بتصوت ) سيبونى اصوت سيبونى اشكى همى وقرفى يمكن ارتاح
( بتدخل ف نوبه بكا وبيغمى عليها وامها بتسمع صويتها وبتيجى جرى )
منى : ( بتدخل جرى وبلهفه ) ايه ! فيه ايه يا بنات
ندى : مامااااااااااااا الحقينى يا ماما حبيبه مغمى عليها .
منى : يانهار اسود ، طب قومى اجرى هاتى ازازة برفانها بسرعه . بسرعه يابنتى
..
( على باب البيت تحت )
محمد : استر يارب ايه الصويت ده .( بيجرى ) . جاى من عندنا ؟
مالك : خير يا عم محمد الصويت ده عالى اوى . فيه حد من عندكو جراله حاجه ؟
محمد : ( بيجرى على السلالم ) ربنا يستر . تعالى بسرعه
.....
محمد : ايه يا بنااااااااااات انتو فين ؟ مين اللى بيصوت . فيه ايه
منى : الحقنى يا محمد .( بصويت ) حبيبه مابتنطقش ... انده دكتور ولا شوف الاسعاف بسرعه
مالك : ( بينصدم وبيفقد النطق وهو شايف حبيبه واقعه ونايمه ومابتنطقش )
محمد : ياساتر يارب ....
مالك : احنا لسا هنستنى دكتور ولا اسعاف انا معايا العربيه ( بيجرى يشيلها وبينزل بيها وهو بيعيط )
محمد : على مهلك يا مالك يابنى
.................
عاوزين تفاعل مع الروايه عشان تكمل وشارك برأيك
انتظرونا ف الحلقه العشرون
الكاتب. احمد سعد
الناشر. محمد فريد