روايه ياريت

(الحلقه الخامسه والعشرين ) ( كيد العوالم )

(الحلقه الخامسه والعشرين ) ( كيد العوالم ) <3
...................
(الحلقه السابقه )
هشام : الو ! بقولك ايه ... اعمل اللى اتفقنا عليه .... عاوز الفجر اسمع خبر العربيه دى ... مش عاوزه يفكر ف اى حاجه غير انه ييجى يطلب منى ان انا اللى اتجوز بنته عشان ماسجنوش .... تولع ف العربيه النهارده .. فاهمنى ......؟ وماتسيبش وراك دليل
.............. ( الخامسه والعشرين ) <3
مالك : ماتسيب التليفون اللى ف ايدك ده بقي .. بتعمل ايه انت دلوقتى
احمد : ايه ياعم كنت ببعت حاجه . انت مالك انت
مالك : ياعم بقي .. ها هنلعب ولا مش لاعبين ف ليلتك دى
احمد : منا خلاص اهو يابنى . هلبس الشراب اهو .. انزل بس انت الاول فك نفسك كده ولفلك لفتين حوالين الملعب شويه بدل مانت رربيت كرش كده . ايه الكرش ده ياض
مالك : هههههههههه اخرس .. انجز بقي وحياة امك المغرب فاضل عليه ساعه مش عاوزين نتعور ، وبعدين تعالى هنا انت خدت منى رقم حبيبه ليه ؟
احمد : ماشى ياعم ،، خليه معايا هنحتاجه الفتره اللى جايه كتير
................
( بالليل ف شقة احمد )
سلمى : موكاااااا ازيك يا واد ياصايع . بقا ماتجيش غير لما تكون فيه مصيبه ههههههههههه
مالك : اعملكو ايه بقي . منا بلف بلف وبرجعلكو تانى . ازيك يا لوما . ايه ياجماعه عرفتو واد ولا بنت اللى ف بطنك ؟
احمد : لا لسا . وبعدين احنا مش ناويين نشوف السونار . نخليها على ربنا كده . ما يمكن يطلع توام ولا حاجه يبقى انا اتسرع بدرى ليه خليها تبقى مفاجأه كده يمكن الواحد يفطس ويخلص ساعتها هههههههههههه
فريده : ازيك يا ابو الامكاك ههههههههههه ازيك يا مجدى اخباركو ايه . والله ليكو وحشه
مالك : والله انتى اكتر يا ديدا ..
مجدى : فريده هانم بذات نفسها هنا يا جدعان .. ايه الحلويات دى .. ههههههههههه لسا حلوه زى مانتى
احمد : ما تلم لسانك ياض . ع فكره يا فريده مراته مربياله الرعب زى ناس كده
سلمى : اححححححم بتقول حاجه يا قلبي ؟
احمد : قلبك اخرس مانطقتش ولا فتحت نفس امى . فيه ايه بقي
سلمى : اه بحسب
فريده : هههههههههههههههههه
منه : هههههههههههههههه ارحمنا ... وحشتنا يا مالك والله ووحشتنا ايامكو يا عيال . ايه اللمه الحلوه دى
مجدى : اه والله كانت ايام ... دنا ماليش سيره للبت مراتى غير عنكو ..
احمد : ربنا يطمنك ياخويا ،،
مصطفى : هو فيييييييييييييييييييين ؟ فينك يا صايع يا ضايع انت وهو
مالك : انت على طول جاى متأخر كده يابنى هههههههههههه كنت فين ؟
مصطفى : روحت غيرت هدومى ياعم وجيت اهو . بس غلبناهم النهارده
احمد : غلبت مين يا مصطفى ؟
مصطفى : الفريق اللى كنا بنلاعبه ..
احمد : هو انت بتعرف تلعب ؟
مصطفى : عيب يابنى .. عيييييب دنا جايب جونين النهارده
*الروايه ملك خاص للكاتب / أحمد سعد ,
و يتم نشرها في بيدج قصص و روايات للناشر محمد فريد
احمد : منا اللى خليت الواد الجون يسيبهولك عشان تتبط وتقعد على جنب ههههههههههههه
مصطفى : هههههههههههههه جاتك داهيه يا جدع ..
احمد : دى بقي يا سيدى حتة الكريزه بتاعة الواد مصطفى اللى مايستاهلهاش اصلا . اسماء مراته
مالك : اهلا بيك يا اسماء . الشله نورت بيك
اسماء : دى منوره بيكو والله . بصراحه عمرى ما شوفت شله زى دى . حاجه كده مش موجوده غير ف الروايات والقصص وبس . ده حتى لو موجوده ف الروايات والناس بتقراها هتقول عليها خيال ومابيحصلش ومافيش صحاب كده دلوقتى
مالك : ياستى ! احنا اكتر من مجرد رواية ... تعرفى ان لو فيه واحد شاطر يقدر يكتب عن الشله دى .. هيحتاج روايات كتير يكتب لكل واحد روايته لوحدها منفصله .. كأنها متفصله لوحدها ...
سلمى : اه والله فعلا ... بس مين يقدر يطلع روايات بقي تبقى واقعيه عن عيشتنا
على : اه والله مين ؟
مصطفى : فعلا ميييييييييين ؟
فريده : مييييييييييين ؟ ها ميييييييييييين ؟
احمد : انتوا بتبصولى ليه وحياة ابوكوا ؟ مالكو
سلمى : هههههههههههه مافيش . اصل بنفكر ف حاجه كده
احمد : لا انا مابعرفش افكر .. وشيلونى من نافوخكوا . انا اساسا ماليش ف الروايات ولا احب انى اطلع ف روايه ههههههههههه
سلمى : ههههههههههههه
مالك : ههههههههههههههههههههه على بابا ..
احمد : ياعم فكها وهتتحل . خلونا بقا ف موضوعنا الاساسي اللى احنا اصلا جايين نسهر مع بعض بسببه
فريده : ايوه قول بقي
احمد : اقعدوا بس الاول
دلوقتى البنى ادم الاهبل ده بيحب واحده
والواحده دى فيه واحد تانى بيحبها
والواحد التانى ده اتفق مع واحده تانيه هى وواحده تالته تروح للبت اللى بيحبها الواد ده عشان تقولها انه هو بيحبها هى التانيه والتالته ومابيحبش الاولى
اوم ايه بقي الكلام يوصل للى بيحبها
ف طبعا حقها تزعل وتضايق
ف تسيبه وتمشى وتتعب وتدخل المستشفى
انتو فيه ايه متنحين كده ليه ؟ داهيه لاتكونو مش فاهمين
مالك : يا اخى دنا صاحب المشكله ومش فاهم انت بتتكلم عن مين ربنا يهدك
سلمى : ههههههههههههههههههه هههههههههههههههههههه هموووووووووووت ربنا ياخدكو انتو الاتنين
فريده : هههههههههههههه ( ضحكة رقاصات ) ياخرابي يا جدعان . شله الخولل . انت بتقول ايه ياض
احمد : مش فاكر الصراحه . بس هو الموضوع كبير كبير .... ولو ماشوفناش حل الواد ده هيكتئب وهيدخل ف نوبة حزن . ولا السبع العجاف .. فاهمين . لانه واد حلوف اصلا
مالك : الله ! طب ليه الغلط يا مولانا . لم لسانك يا بابا
احمد : حلوف ولا مش حلوف ؟
مالك : بصراحه
احمد : اه
مالك : حلوف ههههههههههههههههه
احمد : نركز بقي شويه .. هقول من اول وركزوا معايا
اوم ايه بقي البت التالته اللى قالت للاولى دى انها بتحب الواد ده
سلمى : وحياة ربنا انت عاوز تتكتف .
مالك : وحياة امى ما حد مكتفه غيرى
مصطفى : وانا معاك
احمد : اه يا شوية كلاب . اوعى ياجدع انت وهو . ااااااااااااى انتى بتعضى ياسلمى ؟ يخربيتك دى عضه كلب دى
سلمى : عشان تتعدل
احمد : يخربيت معرفتك ايه الهبره دى
......................
( الفجر ف الشارع )
عادل : حرما يا محمد
محمد ( ابو حبيبه ) : جمعا يا عادل .. الامام بتاع الجامع مطولش النهارده يعنى ف الصلاه
عادل : اه الشيخ شريف ماجاش النهارده . اللى صلى بينا واحد تانى
محمد : اما اطلع اريح بقي شويه
عادل : ايه ده ؟ فيه دخانه جايه من نواحي بيتك
محمد : نواحى بيتى ؟ يا نهار اسود . تعالى بسرعه نشوف فيه ايه ؟
........
محمد : يا نهار اسود . الحقنى يا عادل العربيه بتولع
عادل : طب سيبها وابعد يا محمد لاتولع وانت جنبها
محمد : ااااااااااااااااه يا مصيبتى السوده اعمل ايه . يا خلق ياهوووووووووووو فيش حد
رضا : ايه ياعم محمد اللى حصل ...
محمد : شوية ميه بسرعه يا رضا يابنى وطفى معايا ..ياخراب بيتك يامحمد
......................
( مركز الشرطه )
الظابط : بتتهم مين يا حاج ف حرق عربيتك ؟
محمد : معرفش يا بيه والله
الظابط : طيب الموضوع فيه شبهه جنائيه . تتهم حد معين بعينه ولا هتعمل ايه
محمد : يافندم معرفش والله . ولا كان ليا اى حوارات مع اى حد
الظابط : طيب ياحاج اتفضل انت . واحنا هنتمم المحضر .. اتفضل امضى هنا
..........
( بيت حبيبه )
منى ( ام حبيبه ) : ايه يا محمد عرفتو مين اللى عملها ولا لسا ؟
محمد : لسا هيحققوا بقي . ده خراب بيوت . طب الراجل اقوله ايه دلوقتى بعد ما بنتك قالتله الكلمتين بتوع امبارح .. دا كده هيقولى هات فلوسى
.......
ندى : سمعتى كلام ابوك ..
حبيبه : سمعته واتأكدت من حاجه
ندى : حاجة ايه ؟ اوعى تقولى انه نفس اللى بفكر فيه
حبيبه : هو يا ندى هو ابن الكلب ... ده ناوى بقي . دلوقتى يتصل على ابوك يقوله خير فيه ايه ومعرفش ايه ...
يابن الكلللللللللللللللللللللللب !!!!!!!!!!!
دى العربيه ب 600 الف
يخربيت كده ، ايه القرف والمرض اللى ف الناس ده . انا كرهت حياتى كلها
ندى : يا ربنااااااااااااااااااااااا خلينا نتأكد بس . ربك يسهل . كله هيبان النهارده . اما نشوفه هيعمل ايه
حبيبه : هيعمل ايه ف ايه يا ندى ... دى اتقفلت ب 1000 قفلل ... دلوقتى ابن الكلب الزباله ده هيتصل علي ابوك ويقوله الشغل شغل يا عم محمد وعاوز فلوسى
ابوك هيجيب منين المبلغ ده . يعنى حتى مافيش حد يسلف المبلغ ده
هيقوله يا تجوزنى بنتك يا احبسك
وطبعا عشان انا فقر بنت كلب هوافق طبعا وهقول ابويا اهم منى
عرفتى بقى ان احنا عايشين ف مجتمع كله مرض
وان ولاد الاكابر بيدوسوا علينا زى الفيران
ايه العيشه المقرفه دى انا مكتوب عليا كل ده ليه ؟
ندى : اهدى يا حبيبتى والنبى . اهدى معلش
حبيبه : سيبينى بقي ف حالى دلوقتى . انا مش قادره اكمل والله . والله ما قادره اكمل بالشكل ده . حرام بجد ( بتدخل ف النوم من كتر الارهاق )
....................
محمد : دبرينى يا منى . اعمل ايه ؟
منى : مش عارفه .. محمد عاوزه اقولك حاجه
محمد : عارف اللى هتقوليه وشكله صح .. شكله صح والراجل ده هو اللى عملها وكان واخدنى لعبه انه يوصل للبت ... بس انا الموت عندى اهون من انى ابيع بنتى بالشكل ده
انا مش وحش يا منى والله
مش وحش
انا عاوز اشوف بنتى احسن بنت ف الدنيا مع البنى ادم اللى يقدرها ويعيشها مرتاحه
حقى
زى اى اب ما بيدور على حق بنته
بس انى ابيعها ؟ لا مش انا يا منى . مش انا
منى : طب والعمل ... هنعمل ايه طيب
محمد : يحلها ربنا من عنده بقي .. مش عارف هرد ع الراجل ده هقوله ايه ؟
منى : يارب ما يطلع هو اللى عملها او يطلع واطى اوى للدرجه دى .. هقوم اعملك حاجه تاكلها انت على لحم بطنك من الصبح
...................
هشام : اوووووووووووووووووه ايه رايك ف اللعبه دى بقي
ليلى : يابن الجنيه ... ماكنتش اتوقع ان دماغك سوسه اوى كده
هشام : عيب عليك . مش انا اللى يتقالى لا على فكره
ليلى : يارايق انت ... ماتجيب بوسه ياض ...
هشام : لا خلى موضوع البوس ده ل بالليل . هقضي الليلادى معاك
ليلى : العب يا مللللللللللللللللعب .. هستناك ماتتأخرش عليا
هشام : اوكى يا مزه ... استنى بقي واسمعى المكالمه دى
ليلى : مكالمه ايه ؟
هشام : اسمعى بس
الو !
محمد : ايوه يا استاذ هشام
هشام : ايه ياعم محمد الاخبار اللى سمعتها دى . بجد العربيه ولعت ؟
محمد : ايوه ربنا يجازى ابن الحرام اللى عملها . بس انا قدمت محضر وان شاء الله يحاولوا يجيبوه
هشام : ان شاء الله .. طب ايه ياعم محمد دلوقتى عندنا عجز وانا ابويا ف المسائل دى مابيرحمش
دنا لسا يدوب بقوله هبدأ واعمل شركه لحسابى يقوم ينقص من عندى عربيه ؟ والعمل ايه
محمد : طلباتك يا هشام بيه
هشام : ماليش طلبات يا حاج والله . انا مش عاوز غير عربيتى بس
محمد : طب والعربيه ولعت يا هشام بيه دلوقتى العمل ايه
هشام : يا حبيبى والله انا زيي زيك بالظبط . ابويا بيحاسبنى بالورقه والقلم . لو قولتله حاجه زى دى هيقولى قدم الشيكات للبنك او النيابه .. دبرنى انت اعمل ايه
محمد : طيب ادينى لاخر اليوم كده وهرد لك خبر بكره
هشام : خلاص بكره ياعم محمد مستنى منك مكالمه بكره
محمد : ان شاء الله . عن اذنك
.............
محمد : يحرق ام اللى جابك يابن الكلب يا زباله .. طلع هو . بيكلمنى بتهديد ...
منى : هدى نفسك طيب
..........
ندى : حبيبه ! سمعتى ابوك بيقول ايه بره ؟
حبيبه : اه سمعت . طلع زى منا قولت بالظبط
..........
هشام : ايه رأيك بقي ؟
ليلى : دانت كافر يا جدع . ايه ده
هشام : طب اقولك ع الكبيره ؟
ليلى : خير ؟
هشام : القاعه محجوزه والشقه خلصانه ... ولسا عند كلامى مش عاوز حبيبه غير بشنطتها وبس .
ليلى : يابن الجنيه . وحجزت القاعه دى على امتى .
هشام : ولاد الناس الغلابه دول يا ليلى عاملين زى الطبيخ البايت ... عارفاه ؟
اللى هو مليان دسامه وعسل بينقط ده هههههههههههههه تتوقعى ردود افعالهم زى كتاب مفتوح بالنسبالك
يعنى انا لما ابو حبيبه وقع ع الكمبيالات . روحت وحجزت القاعه على اخر الاسبوع اللى جاى .. لانى مش هطلب منهم اى حاجه خاااااااااااااالص غير البنت وشنطتها وبس
ليلى : ماتنساش انى كنت منهم زمان . لولا تفتيحة دماغى بس
هشام : انتى عسل اصلا . انتى الحلويات بتاعتنا يا لولا ... هجيلك بالليل
ليلى : مستنياك
.........
مى : ايه يابنتى يعنى ماجبتليش سيره عن المصلحه بتاعة مالك وهشام والحدوته دى .. قضيت ولا لسا ؟
ليلى : تقريبا كده ... قضيت بنسبه كبيره
مى : طب ايه فين مصلحتنا هههههههههه
ليلى : ماتقلقيش هشام كده كده جاى على حجرنا خلاص
مى : ياواد انت يا خطر
ليلى : اه والنبى
مى : وجاى على حجرك ازاى بقي ؟
ليلى : هههههههههههههه بصي يا روحى ؟ مافيش حاجه بتحصل فيها مصالح بعملها او بكون جزء منها الا وبسجلها . بردو الامان حلو . مش كل يوم هنعمل مصلحه . ما يمكن المصلحه تفلسع وابقى طلعت من المولد بلا حمص . يبقى فيه كارت امسكه وااتفاوض بيه
مى : وايه هو الكارت اللى ماسكاه على هشام
ليلى : ههههههههههه سجلته فيديو من غير ما يحس وهو بيعترفلى انه اتفق مع واحد عشان يولع ف العربيه بتاعة ابو البت اللى اسمها حبيبه .. اللى هما اساسا بيتخانقوا عليها
مى : يابنت الحرااااااااااااااااااام ... ايه الدماغ دى .. دانتى كده جبتيه على حجرك العمر كله ههههههههههههه شوفى انتى بقي فيديو زى ده هيتدفع فيه كام
مى : كام ايه . ده كتير اوى . دى جنايه . ههههههههههههههههههه يا لولو يا جامد
................
عاوزين تفاعل مع الروايه عشان تكمل وشارك برأيك
انتظرونا ف الحلقه السادسه وعشرين بكره
الكاتب. احمد سعد
الناشر. محمد فريد