روايه ياريت

(الحلقه السادسه والعشرين ) ( قلوب متشعلقه )

(الحلقه السادسه والعشرين ) ( قلوب متشعلقه ) <3
...................
(الحلقه السابقه )
مى : وايه هو الكارت اللى ماسكاه على هشام
ليلى : ههههههههههه سجلته فيديو من غير ما يحس وهو بيعترفلى انه اتفق مع واحد عشان يولع ف العربيه بتاعة ابو البت اللى اسمها حبيبه .. اللى هما اساسا بيتخانقوا عليها
مى : يابنت الحرااااااااااااااااااام ... ايه الدماغ دى .. دانتى كده جبتيه على حجرك العمر كله ههههههههههههه شوفى انتى بقي فيديو زى ده هيتدفع فيه كام
مى : كام ايه . ده كتير اوى . دى جنايه . ههههههههههههههههههه يا لولو يا جامد
.................... ( السادسه والعشرين ) <3
( بالليل )
محمد : وبعدين يا منى . اعمل ايه ؟ انا حاسس انى مشلول
منى : سيبها على ربنا انت بس وهتتعدل
محمد : ونعم بالله ... الناس بقت وحشه اوى يا ام ندى
الكل بقي بتخانق وبياخد حق مش حقه
عالم مقرفه ولاد كلب
والله انا هاين عليا اروح اكله بسنانى ابن الكلاب
( حبيبه بتخبط عليهم )
منى : تعالى يا حبيبه . تعالى يا ماما ادخلى
حبيبه : بابا !
محمد : ايوه يابنتى
حبيبه : كلم هشام قوله ييجى بكره ومعاه اهله . عاوزين نخلص الموضوع ده بدرى
محمد : انتى بتقولى ايه
حبيبه : عشان خاطرى يا بابا اسمع كلامى . منا مش هقدر استنى ولا اصبر لغاية ما الاقيه جاى بامين شرطه وجاى يقبض عليك عشان يذلك ف القسم ويقولك يا الدفع يا الحبس
محمد : يابنتى اسمعى
حبيبه : يا بابا بعد اذنك الموضوع خلاص انتهى وخليه ينتهى بقي عشان بقي مر وعلقم . بعد اذن حضرتك
غير مصرح بنشر القصة الا معرفة الكاتب او الناشر
..........
ندى : انتى ايه اللى عملتيه ده يا حبيبه
حبيبه : ههههههههههههه اللى المفروض يتعمل يا ندى من بدرى ( بتتكلم بفقدان أمل )
اللى زينا مالهمش حق اختيار ف اى حاجه
تعرفى انى اكتشفت حاجه مهمه اوى اليومين دول
ندى : حاجة ايه
*الروايه ملك خاص للكاتب / أحمد سعد
ويتم ناشرها في بيدج قصص وروايات للناشر محمد فريد
حبيبه : انى بحب الواد مالك ده اوى
بعده عنى ف حد ذاته خانقنى . حاسه ان روحى بعيد عن صدرى
بفكر فيه وبفكر ف ملامحه
بفكر ف ضحكته اللى كانت مجننانى
بفكر ف كلامه وحركة جسمه وهو بيتكلم
بفكر ف مشيته وهو جنبى
بفكر ف نضارته اللى بيلبسها وهو سايق عربيته وادهالى البسها وانا قاعده جنبه عشان الشمس كانت مسلطه عليا وعلى عينى
بفكر ف لبخته ورعشه ايده
بفكر ف كلامك عنه ف المستشفى واد ايه كان ملهوف عليا وخايف
كل دى حاجات تشفعله عندى انى ازعل منه اه لكن ماقساش عليه
مالك ممكن مايكونش ذنبه ان حياته كانت مليانه قرف
كانت مليانه حاجات كتير ممكن يكون هو نفسه ندمان عليها
انا قررت مازعلش من مالك
بس بعد ايه بقي .. كل حاجه راحت
ومعرفش هو راح فين وسابنى
سابنى غرقانه الغرقه دى
زعل منى يعنى ولا زعل من ابويا
طب ماهو حقى عليه انه يرجع ويقولى سامحينى يا حبيبه ويشدنى من دراعى ويقولى مش هسيبك
حقى ولا مش حقى ؟
حقى عليه ان لما الدنيا تيجى عليا اوى كده الجأله وارمى حمولى كلها عليه
امال هو كان مفكر كلمة بحبك اللى قالهالى دى ايه معناها
ندى : ياااااااااااااااااااااااااه . اد كده وصلتى معاه للدرجه دى ؟
حبيبه : مالك يا ندى هو الحاجه الصح اللى جات ف الوقت الغلط
ندى : ارمى حمولك على ربنا
حبيبه : منا رميتها خلاص
احنا واللى زينها . نحب ناس . ونتجوز ناس تانيه عشان ييجو يقرفونا ويطلعوا علينا القديم والجديد كله عشان حبينا غيرهم
ههههههههههههه مجتمع فله ... بلد فله اللى احنا عايشين فيها دى
ندى : اقسم بالله حاسه بوجعك يابنتى .. تعالى يا روحى هاتى حضن
حبيبه : اللى محتاجاله دلوقتى هو حضن مالك . جايز اهدى والثوره والمرار اللى جوايا ده يهدى شويه
.................
( اخر الليل ف شقه احمد )
مالك : مراتك نامت ؟
احمد : اه نامت .
مالك : حلوه السهره . رجعتنى 88 سنين ل ورا ... حسيت ان الدنيا لسا بخيرها
حسيت ان طعم المرار اللى كنت شاربه الفتره اللى فاتت اتبدل ل عسل بس العسل اتحول تانى ل علقم لما افتكرت حبيبه
مجدى : يا موكا ماهو
احمد : هششششششششش سيبه يا ميجو ، اتكلم يا مالك . قول اللى عندك كله
مالك : حسيت انى وحش اوى
لان المفروض الانسان الوحيد اللى المفروض تحبه وتديله روحك وتذهرها
انت اللى كنت السبب ف انك تطفيها وتضلم حياته وتكسره وتدوس عليه من غير ما تقصد
حبيبه اول ما شوفتها قلبى اتخض
قولت معقول ؟
قولت معقول تكون بالشبه ده ؟
اقسم بالله العلى العظيم اول ما شوفتها تخيلت لثوانى كده انها هى
هى اللى كانت عباره عن روح ساكنه روحى
شوفت حبيبه لاول 33 ثوانى ماعرفتش انا فين وبعمل ايه . وركزت على كلمه منها وهى بتقولى مع حضرتك يا فندم
كل حاجه اتبدلت
بس ساعتها كابرت
وقررت معترفش انى اتهزيت من جديد
لانى كنت خايف اتوجع من جديد
بس غريبه
لقيت الخوف اللى جوايا اتبدل فجاه من انى اتوجع لانى ممكن اكون سبب ف وجع حد
ساعتها عرفت واتأكدت انى وقعت وطبيت وحبيت
وده اللى قالهولى مجدى وداس عليا بيه وخلانى قلبت عليه الترابيزه لما قالى انت بتحبها يا صاحبى
ساعتها روحت للبت ليلى عشان اقضى ليله معاها واحاول اشيل فكرة انى بحب حبيبه من راسي وانساها وماشغلش بالى واقول لنفسى انا اهو عرفتها وحبيبتها وهخونها حالا يبقى انا مش بحبها ولا حاجه
لقيت نفسي دخلت عند ليلى
بجاهد نفسي انى اعمل معاها حاجه .. معرفتش
صورة البت كانت قدامى
صورتها وهى بتبصيلى واقفه حاجز بينى وبين ليلى
كنت كل ما اقرب ل ليلى الاقيها وشها زعلان
اقسم بالله يا صاحبى من كتر التعب والارهاق اللى انا فيه نمت وانا مكانى
تعبت
تعبت من الخيله اللى كنت فيها
عدم اتزان تاااااااااااااااااااااااااام بتدخل فيه مابتعرفش انت فين ولا مع مين
ساعتها اتأكدت وعرفت ان خلاص حصل اللى حصل ووقعت ف حب انسانه هتشيلنى من اللى انا فيه
لانها ازاى قدرت تمنعنى انى اعمل حاجه غلط مجرد ما عرفتها
ما بالك بقي بانى احبها وتدخل حياتى
يااااااااااااااااااه حاجات حلوه كده اتبدلت جوايا ماكنتش حسيت بيها من زمان
او كنت بدأت انساها
طب هى دخلت حياتى ليه ؟
طب اشمعنى تدخل حياتى ف الوقت ده
طب هى ليه شبهها اوى كده للدرجه اللى تخض
احمد : عشان تاخد حقك م الدنيا يا موكا
يابنى انت اتلطمت كتير
وكنت مش انت
الكم سنه اللى فاتت كنت لما اكلمك واقفل معاك الخط اقول الدنيا سارقاك يا صاحبى وانا متأكد انك هترجع
مالك : سيبتنى انت وسافرت وده اللى كسرنى . كنت متشعلق فيك يا جدع
احمد : طب والشيلحف اللى جنبك ده مالوش لازمه ؟
مالك : رد يا مجدى ... يا مجدى ..... يا مجدددددددددى
احمد : انت يا حيوااااااان ،،، دا صباح الفل بقي ده نام خلاص
مالك : ههههههههههه ، قولى بقي هنعمل ايه
احمد : افصل دماغك يا مالك شويه . البت بتاعتك . ارتاح
مالك : يابنى هشام ده كلب من كلاب السكك واتعود انه مافيش حاجه تقف ف طريقه الا ولازم ياخدها بالعافيه
احمد : ياما وقفوا ف طريقنا اكبر منه بس اتحطوا تحت الرجلين
يابنى يحرق ميتين ام الظلم يتحط تحت رجلك ولا تعمله حساب
بطل خنوع وضعف يالا . فكر ف كذا حل واكتر من حل
اقولك حاجه يا مالك عشان تعرف تعيش ف الدنيا دى محدش يقدر ييجى عليك
مالك : قول ياريت
احمد : " توقع اى حاجه من اى حد ف اى وقت ف اى حته "
لو مشيت بالمثل ده ف حياتك هتعيش ومش هتتفاجأ وعمرك ما هتتكسر
لانك مش هتكون حاطط قيمه اكبر لحد مايتستاهلش
مالك : ربنا يكرمك ..
احمد : طب نام بقي
مالك : مانت اللى عمال ترغى ياعم
احمد : ارغى مين يابن العبيطه ده الواد نام منك هههههههههههههه
مالك : ربنا يكرمه والله طول عمرى تاعبه معايا
مجدى : ما تبطل هيصه يابنى انت وهو بقي عاوزين ننام ..
احمد : اهو ياعم لسا بيفقر .
مجدى : لا بس الكنبه بتاعتك حلوه يا عشرى هههههههههههه
احمد : بس يا بغل ونام .
مالك : اه صحيح . عليا الحلال من دينى لو سيبتنا نايمين هنا واتسحبت تنام جنب مراتك جوه لاجيبك من قفاك ههههههههههههه
احمد : داهيه تاخدكوا كلكو ف يوم واحد ... هو انا مصاحب عقارب وتعابين يالا . انتو بتعاملونى كده ليه
مالك : ههههههههههههههه حبيبى ياعم الناس . نام واتغطى بقي انت ف بيتك
احمد : ابو اشكالكو عيال رمم
...................
( تانى يوم بيفطروا مع بعض )
احمد : اتفضل يا سيدى . اهى سلمى بذات نفسها عملتلكو الفطار ومنزلتش الشغل النهارده
مالك : تسلم ايديكى يا لوما والله ...
مجدى : ايه يا سلمى فين الطعميه
سلمى : اسمها فلافل يا جاهل
مجدى : يامه بقي . عندكو حاجات غريبه . ايه فلافل دى اسمها طعميه . عادى يعنى .. المهم ناولينى شويه جبنه رومى من اللى قدامك دى
سلمى : اسمها جبنه تركى . ماتتعلم بقي
مجدى : طب اجرى اجرى . ال تركى ال . ماهى رومى اهى .. رومى دى ولا مش رومى يا ابو حميد
احمد : اقولك ولا تزعلش ؟
مجدى : لا خلاص مش عاوز اعرف
مالك : ههههههههههههه يابنى فيه كلام هنا غير هناك ... هنا لازم تفتح لسانك شويه . طول النهار لازم تكون فاتح بؤك لفوق كده . زى نزلت أكلت شربت .. اه ويوم الاربعاء بنقول عليه الاربع .. اخدلى بالك
مجدى : مين الاربع دى
احمد : هو كده الاربع مال اهلك انت ..
مالك : ههههههههههههههههه
سلمى : صحيح ناويين على ايه ؟
احمد : كل خير يا سلمى ان شاء الله
سلمى : يعنى هتتحركو ازاى . هتعملوا ايه دلوقتى
مالك : اسالى جوزك ياختى اللى جايبنى هنا . المفروض اكون جنب البنت دلوقتى او ابعتلها اى حاجه والباشا جوزك يقولى لا ماتعملش وخليك بعيد لغاية ما نتأكد .. نتأكد من ايه لازم افهم
احمد : نتأكد ان حبيبه لسا بتقاوم وعاوزاك . حتى لو لسانها وعينيها مش قابلك وزعلان منك .. لازم نعرف قلبها عاوزك ولا لا ...
مالك : طيب تمام ... هنفهما ازاى دى ؟
احمد : انت معاك الفيس بتاعها صح
مالك : اه . منا طول اليوم امبارح داخل خارج على صفحتها لما عينى اتلوحت ومابتنزلش حاجه اصلا ..
احمد : طالما مابتنزلش حاجه تبقى لسا دماغها مشغوله .. تقلق بس لو بدات تنزل حاجه غير كده شكليات ههههههههههه ماتقلقش . هتتعدل بس اللعب هنا على ناحيتين
مالك : اللى هما ؟
احمد : البت ليلي والبت اللى معاها من ناحيه .... ومن ناحية تانيه هشام افندى
مالك : مالهم طيب
احمد : يابنى ليلي دى كلمة السر ... هو مافيش بينك وبينها اى عمار خالص
مالك : يابنى ليلى دى بتاعة قرش .. كلبة فلوس .. بس ان جيت للحق عمرها ما خدت فلوسى منى ...
احمد : بتقول ايه ؟
مالك : ايه يابنى مالك ؟
احمد : لا والنبى وحياة ابوك قولى الجملتين اللى قولتهم مع بعض كده من جديد
مالك : جملتين ايه دول
احمد : ليلى كلبة فلوس ؟ وماخدتش منك اى فلوس ؟
مالك : اه وفيها ايه
احمد : ياشيخ الله يحرقك وساكت ليه يا بأف م الصبح .. طب ماهى اتحلت
مالك : ازاى يا عبقرى عصرك
احمد : يابنى يا حبيبى يا نور عينى . البنت الطماعه اللى مايملاش عينها غير التراب لو قررت فجاه كده انها تعمل معاك حاجه بلوشى او عشان تبسطك او تشوفك مبسوط من غير اى مصلحه ليها او هتطلع منك باى مصلحه .. ف دى معناها انها بتحبك يا حمار واصلا اصلا ممكن تكون عكت الدنيا على نافوخ امك لسببين
الاول منهم انها هتستنفع من وراك والتانى بدافع الغيره هههههههههههههههه بتحبك يا حمااااااااااااااااااااااااااااااار وخربت الدنيا عشان تسحبك ليها تانى وماتسيبهاش . وصلت ؟
مالك : ياختااااااااااااااااى ؟ انت بتتكلم جد
احمد : والمصحف ما ليها تفسير تانى غير كده ... واللعب كله على ليلي .. هشام جاى جاى لوحده .. ماتقلقش
مالك : طب وبعدين
احمد : زى ما قولتلك انت افصل دماغك اليومين دول لغاية ما نتأكد ان حبيبه لسا عاوزاك ،،، لان كل اللى بنقوله ده هرى فاضى طالما هى مش عاوزاك ... فهمت انا جايبك هنا ليه ؟
سلمى : يعنى يا احمد انت مش عاوز مالك يبقى جنبها ف وقت زى ده ؟
احمد : طبعا ! لازم مايكونش جنبها ف وقت ده .. البنت حقها يا سلمى تقرر وتاخد قرارها بايديها من غير ضغط من مالك
حقها تقعد مع نفسها وتشوف هى هتقبل تكمل معاه رغم اللى عرفته عنه ولا لا
من حق كل واحده انها تعرف ماضى حبيبها وتقرر ساعتها هتكمل ولا لا
دى ابسط حقوقها . وانا مش هاجى عليها لحساب صاحبى
مالك : يا حبيبى فاهمك . بس طيب هعرف ازاى انها قدرت تعدى المرحله دى وانها عاوزانى ف حياتها
احمد : كله هيبان ... اصبر بس . دول اصعب ايام هتعدى عليك ف حياتك . وبعد كده ربنا هيخلصك من الهم ده كله ...
سلمى : ربنا يهونها من عندها .. خلصت الجبنه الرومى يا مجدى ؟
مجدى : اسمها جبنه تركى يا ام جهل ههههههههههه
احمد : هههههههههههههه انت جاى غلط اصلا ف الليله دى والله . قوم يالا من هنا
غير مصرح بنشر القصة الا معرفة الكاتب او الناشر
.....................
عاوزين تفاعل مع الروايه عشان تكمل وشارك برأيك
انتظرونا ف الحلقه السابعه وعشرين بكره الساعه 8
الكاتب. احمد سعد
الناشر. محمد فريد