روايه ياريت

(الحلقه الثامنه والعشرين ) ( ام مالك )

(الحلقه الثامنه والعشرين ) ( ام مالك ) <3
...................
(الحلقه السابقه )
احمد : كلم اختك يابنى شوف عندكو اكل ولا لا . انا واقع م الجوع وسقعان
مالك : طيب يا عم يلا ....
مجدى : يلا ياعم انت وهو انا هخلع انا . زمان هبه مستنيانى وهتعملى فيلم وخط سير عن اليومين دول كنا فين وروحنا فين
احمد : ربنا معاك ... يلا سلام يا ميجو
مجدى : سلام يا حب . سلام يا درش . هكلمكو بكره بقي
................... ( الثامنه والعشرين ) <3
( بيت مالك )
احمد : احم احم . ادخل ولا لا ؟
ملك : لا . هما كلهم هيدخلو وانت لا
احمد : قلبك اسود اوى يا محمود
ملك : هههههههههههههه لسا بردو بتقولى يا محمود
احمد : امال اعمل لابوك ايه . من قلة الاسامى يعنى رايح يسمى مالك وملك ؟ هههههههههه امك فين ؟
ملك : ماما جوه مستنياكو . بتطبخلكوا ياعم .. ازيك ياصاصا . والله زمان .
مصطفى : ازيك يا لوكا . اخبارك ؟؟ اخر مره نشوفك كانت ف فرح احمد : ماكنتيش طايقه حد ههههههههههه
ملك : هههههههههه ماهو الخاين الغشاش ده سابنى وراح اتجوز واحده حلوه كده وزى القمر . ال ايه كان بيحبها من زمان هههههههههههههه
مالك : طب ايه . هنفضل نرغى كده . اتلمى بقي سيبيهم دول واقعين م الجوع غير المشوار
ملك : لا يا حبيبى مافيش الكلام ده .. هنلعب الاول . دنا طلعت الكوتشينه وحضرتها لما عرفت انكو جايين . خصوصا الواد ده
احمد : الله ! ما تلم اختك ياعم بدل ما اديها ف نافوخها ..
ام مالك : اهلا .. ازيك يا درش . ازيك يا واد يا احمد
مصطفى : اهلا بحضرتك يا طنط وحشانا والله
احمد : يعنى ايه يعنى . تقوليله درش وانا تقوليلى احمد ؟ تيجى ازاى دى هههههههههههه
ام مالك : هههههههههههه طول عمرك لمض يا واد يا حمو
احمد : ايوه كده ... وحشتينى والله ياست الكل .. اخبار حضرتك ايه
ام مالك : انا اهو تمام
احمد : ربنا يجعلك على طول تمام . المهم يلا عشان تيجى تعيشو معانا ف اسكندريه هناك ...
ام مالك : ونسيب هنا ؟
احمد : اه تسيبو هنا . وبعدين هو احنا مسافرين ليبيا يعنى ؟ دى كلها ساعتين . نبقى نجيبك ياستى تزورى اللى ليكى هنا كل فتره ..
ام مالك : ان شاء الله يا حبايبى .. تلاقيكو جعانين صح ؟
احمد : ايه ؟ لا مش اوى . شويه يعنى
ام مالك : يا واد
احمد : بصى ياست الكل ..انتى لو فتحتى بطنى دلوقتى هتلاقى العصافير مسكت ف بعض ونازلين ضرب ف بعض ... ف احنا على الاخر هههههههههه
ام مالك : هههههههههههههه اه منا عارفاكو . طب يلا غيرو هدومكوا بس الاول واخرجوا يلا
احمد : طيب بنتك دى حاطانى ف دماغها ليه ..
ام مالك : ههههههههههههه لا دى بتحبك بس
احمد : يا حبيبتى تحبنى ايه بس ههههههههههههه سلام قولا من رب رحيم انا متجوز واحده بتشم على ضهر ايديها
ام مالك : مانتو ماينفعش معاكو الا كده بصراحه ههههههههههههه
احمد : يا خفى الالطاف .. اهى بترن .. شوفتى ؟ جبتش حاجه من عندى بقي ؟ اعمل ايه انا دلوقتى
*الروايه ملك خاص للكاتب / أحمد سعد
ويتم نشرها في بيدج قصص وروايات للناشر محمد فريد

ام مالك : رد وهاتهالى . اسلم عليها الندله دى
سلمى : الو !
احمد : حبيبى
سلمى : ايه يا بابا وصلتو ولا لسا
احمد : اه تمام . احنا ف البيت عند مالك اهو . خدى كلمى
سلمى : احححم . مين ؟
احمد : خدى بس واصطفى معاها
سلمى : هههههههه هاتهالى
ام مالك : ازيك يا ندله
سلمى : ههههههههههههههه طنط حبيبتى .. وحشتينى كتير والله
ام مالك : يعنى تهون عليك عشره 77 سنين كده تنسينى ؟ ولا حتى تليفون تتطمنى فيه عليا
سلمى : هههههههههه يا حبيبتى والله غصب عنى . الشغل عندى كان ملبخ شويه وكانت الدنيا بايظه خالص حتى اسالى احمد ..
ام مالك : انا عارفه يا روحى .. المهم الف الف مبروك على النونو اللى جاى ف السكه ويارب يتمملك على خير وتقومى بالسلامه ..
سلمى : يارب يا حبيبتى . تسلميلى
ام مالك : حبيبتى يا سوسو .. خدى كلمى البت القرده
سلمى : هههههههههههههه لوكا هاتهالى
ملك : ازيك يا ضرتى
سلمى : ههههههههههههههههه انتى لسا معتبرانى ضرتك . اه يا جزمه
ملك : اه طول العمر هتفضلى ضرتى . اتجوزتى احمد ليه يابنتى ؟ كان زمانى انا متجوزاه قبلك ... هههههههههههههه لو كنت كبيره ساعتها بس ماكنتش سيبته
سلمى : هههههههههههه نعملك ايه بقي كنتى ساعتها لسا 11 سنه .. ده كان لما يشوفك مع مالك يعملك ضفيره هههههههههههههه
ملك : ههههههههههههههههه ايام بقي .. المهم يا حبيبتى ربنا يتمملك حملك على خير وتقومى بالسلامه
سلمى : حبيبتى يا لوكا . تسلميلى يا روحى . بقولك !
ملك : ايوه
سلمى : خلى بالك من احمد . لو عينه زاغت هنا ولا هنا انا سايبه ورايا رجاله
احمد : هاتيها هاتيها
ملك : هههههههه يا فضيحتى دا الاسبيكر مفتوح
سلمى : احييييييييييييييييه
احمد : بقا يا هبله يابنت الهبله البت بتقولك ضرتك وانتى بتشغليها جاسوسه عليا ده ايه الجبروت اللى انتى فيه ده
ام مالك : ههههههههههههههههههههههههه يخربيتك . لسا عسل زى مانت
سلمى : ههههههههههههههههههههه اااااااااااااااه حرام عليك . خلاص ياعم
مالك : ههههههههههههههههههههههههه مش قولتلك مخه لاسع
مصطفى : ههههههههههههههههههه تخيلى بقي يا طنط الواد ده معيشنا ف الجو ده على طول
ام مالك : ربنا يحميكو يا حبايبى .. يلا بس بسرعه قومو غيرو هدومكو على اما نفرش الاكل انا وملك ع السفره
احمد : ماشى بس ملك ماتقعدش جنبى
ام مالك : هههههههههههههههههههه حرام عليك يا اخى . انت لسا فاكر
احمد : اه ماكنش يحلالها تمد ايديها غير ع النوايب بتاعتى .. يبقى قدامى ورك فرخه محترم وعماله تمد ايديها وانا بتقطع من جوايا ههههههههههههه
ملك : هههههههههههههههههههههه خلاص بقي ياض ارحمنى . فضحتنى دنا 19 سنه وعلى وش جواز حرام عليك
احمد : وش جواز ايه اجرى . هتعرفى تتجوزى انتى
ملك : اه اعرف . مالكش دعوه انت
احمد : ماتتكلم ياعم مصطفى انت سايبنتى اجارى البت دى ف الكلام لوحدى ليه
دى ما بتفصلش دى
مصطفى : انا مالى انا ياعم .
مالك : ههههههههههههههه انا مستمتع بالحوار ده على فكره
ملك : ماشى .. هسيبك ل بعد العشا .. وبعد كده هنلعب . احنا اربعه اهو هدخل احضر اللودو من دلوقتى هههههههه
احمد : لودو ايه . لا دى بتقعد ساعتين
ملك : ماليش فيه
احمد : بقولك ايه هو انا ههرب من معتوهه ف اسكندريه هلاقى هلاهوطه هنا
ملك : انجر . ههههههههههههه
مالك : ههههههههههههههه خلاص ياعم . وانتى كمان يلا روحى خلصى الاكل مع امك
ملك : ماشى يلا بسرعه
...............
( بعد العشا . احمد ومصطفى ومالك وملك قاعدين بيلعبوا )
ام مالك : ثوانى يا حبايبى عاوزه احمد ثوانى بس
احمد : حاضر يا طنط .. ثوانى . ومحدش يحرك الحاجات بتاعتى
.........
احمد : خير يا طنط
ام مالك : مالك ماله يا احمد ؟
احمد : ماله ؟ ماهو كويس اهو وبنضحك وبنهزر قدام حضرتك اهو
ام مالك : ياواد انا امه وان ماكنتش انا احس بيه مين هيحس غيرى
احكيلى . ابنى فيه ايه . وحاله متلغبط ليه بقاله فتره
وسافرلك اسكندريه ليه ؟
وجيت انت معاه ليه النهارده ؟
احمد : يا حبيبتى والله انا ال......
ام مالك : احمممممممممممد . انا أمه .. قولى ايه الحكايه
احمد : حاضر بس انا هحكيلك عشان انتى تتطمنى بس مش عشان فيه حاجه يعنى مخبينها عليك ... الحكايه ياستى ف واحده
ام مالك : واحده .... واحده تانى يا احمد ؟ مش كفايه قبل كده
احمد : وهو ايه اللى حصل قبل كده ... عادى سنة الحياة والمفروض انتى اللى تشجعيه انه يعيش حياته ويكمل الواقع اللى اتحرم منه
مايفضلش دافن نفسه جوه ذكريات عماله تسرق فيه ومن عمره كل يوم
انا بعمل كده دلوقتى
دنا ما صدقت ان مالك قالى انه بيحب واحده ومطلعه عينه
اقسم بالله عينى دمعت وقولت اخيرا الحمد لله العقده اتفكت
ام مالك : طيب يا حبيبى الموضوع فيه مشاكل ولا البنت مش عاوزاه ولا ايه
احمد : لا هو الموضوع ملعبك شويه بس اتحل خلاص .. وحياتك خلاص اتحل وقريب اوى هقولك حضروا نفسكو عشان هنعمل فرح العيال دى عندنا ف اسكندريه وهتبقى احلى ليله ان شاء الله
ام مالك : يارب يسمع من بؤك ربنا .. اوعى تسيب مالك .. انا اشهدت كده وفرحت لما لقيته بيقولى انا رايح اقعد مع احمد يومين ... قولت اخيرا اتلميتو تانى لانى عارفه انتو بتحبو بعض اد ايه ... اوعى تسيبه يا احمد
احمد : ياست الكل اتطمنى واتطمنى بزياده . مالك زى ماهو ابنك . يبقى اخويا انا كمان .. كل الشله الضايعه اللى انتى شايفاها دى اخوات
ام مالك : هههههههههههههه انا عارفه يا حبيبى . يلا روح كمل لعب زمان البت ملك عماله تنصب عليهم هناك . دى بت داهيه
احمد : انا مش عارف انتى خلفتى الاشكالات دى ازاى ههههههههههههههههه دى حراميه . دى بتسرق ف اللعب والمصحف
ام مالك : ههههههههههههههههههه ياخرابى عليك وعلى ملافظك .. مجنون طول عمرك
احمد : حبيبتى والله .. هروح انا بقي . وانتى لو حضرتك عاوزه تنامى نامى . احنا شكلنا كده مسهرين شويه .. بنتك مرابطه بره وشكلها كده مش هتسيبنا ههههههههههه
ام مالك : ماشى . يلا تصبح على خير . جايه معاك اشوفهم عاوزين حاجه
..
ام مالك : ها يا حبايبى عاوزين حاجه . هسيبكو بقي وادخل انام
مالك : تصبحى على خير يا حبيبتى
مصطفى : تصبحى على خير يا طنط
احمد : ها يا ملك مش هتدخلى تنامى مع مامتك
ملك : لا . مالكش فيه . انزل كمل لعب احنا مستنيينك من ساعتها
احمد : ادخلى حضرتك يا طنط عشان لما اضرب البت دى ماتزعليش
ام مالك : هههههههههههههه وانتو من اهله
...........
( اخر السهره ف اوضة مالك )
مالك : ما قولتليش بقي . هنتصرف ازاى ؟ هنجيب الفيديوهات دى ازاى ؟
احمد : منا عمال اقلبها اهو
مصطفى : طب ماترمى على ليلي دى الحنان يا مالك زى النهارده كده وطمنها وخد منها التليفون ....
احمد : كده هنخسر كل حاجه لانها لو حست ان مالك بيعمل كل ده عشان يشتغلها وياخد منها اللى هو عاوزه قبل ما احنا نعرف هشام اننا كشفناه ف كده هيعمل حسابه بأى حجه . مش هيغلب
مالك : طب هاخد ام الفيديوهات دى او التسجيلات دى ازاى من عندها
احمد : هى اللى لازم تبعتهملك وبمزاجها كمان
مالك : ازاى ؟ دى ليلى دى مش سهله على فكره واستحاله هتضحى بالكارت ده من نفسها
احمد : ماهو لما يبقى الكارت ده قصاد كارت تانى يبقى ساعتها هتفكر
مالك : كارت ايه ... انا معرفش اى حاجه عن ليلي ولا ماسك عليها حاجه
احمد : اعوذ بالله . واحنا من امتى بروح امك لينا ف الجو ده والفضايح اللى بالنوع ده . حد الله بينا وبين فضيحة اى حد .. احنا بنقول كارت نمسكه حتى لو احنا ماسكين الهوا بس هى لازم تعرف اننا ماسكين عليها حاجه بجد ...
مالك : امال ؟
احمد : انت توصللها انك بدأت تشك فيها ... ان مين اللى جاب مى عشان تتكلم عليا كلام وحش . وانك عاوز تنتقم من هشام ع اللى عمله فيك والاتفاق اللى اتفقه مع مي صاحبتكو دى ... خليها تقلق انك تعرف انها ورا اى حاجه م الحاجات دى . لازم هى اللى تقولك عندى اللى يخليك تنتقم من هشام وتسكته . بس حسك عينك تقولها انك عاوز الكلام ده عشان حبيبه تعرف والكلام ده . هتقلب عليك واحتمال تعكنن علينا تانى والمره دى هتبقى العكننه بزياده . احنا عاوزين نسلك منها الفيديوهات وكان الله بالسر عليم . انشالله تقعد تهوهو من هنا للسنه الجايه ... لكن طول ما الفيديوهات معاها وهى ماسكانا من رقابينا
مالك : تمام تمام . فهمت ...
احمد : اه وابقى كلمها وانتو بره . اوعى تخليها تستفرد بيك ف بيتها .. لانها هتقولك عاوزه المقابل .. وطبعا انت عارف المقابل بتاعها ايه ... وانا مش عاوزك تغلط تانى .. عشان لما تحلف ل حبيبه انك معملتش حاجه غلط من ساعة ما عرفتها تبقى صادق
مالك : ان شاء الله .. ربك يحلها من عنده
.............
( تانى يوم )
مالك : الو ! لولا . ازيك
ليلي : ايه يابنى . انت مش نازل الشغل تانى ولا ايه
مالك : لا يا حبي انا كلمت مستر محمود وبلغته انى هاخد اسبوع كده ولا حاجه اجازه . احتمال اطلع انا وواحد صاحبى شرم كده نروقلنا يومين
ليلى : طالعين مع حد ولا لوحدكو
مالك : ههههههههههه ما تيجى معانا
ليلى : بتتكلم جد ؟ ياريت
مالك : اه والله بتكلم جد . وهاتى واحده صاحبتك معاك . بس بقولك ايه . هاتى واحده شديده ههههههههههه الواد ده خلاصه يعنى . اسكندرانى وعفيجى كده هههههههههه
ليلى : حليوه زيك يعنى
مالك : ههههههههههههه دنا غلبان جنبه .. ها . نعمل حسابك ولا ايه ؟
ليلى : اه اجيب مين طيب
مالك : اى واحده ياستى غير الكلبه اللى مطمرش فيها خيرى اللى اسمها مى ورايحه تتكلم عليا .. دنا هطلع ميتين اللى خلفوها لما اشوفها .. بقا هى تعمل فيا كده ؟ ماشى ماشى . ليها روقه بنت الجزم
ليلى : ياعم مى غلبانه تلاقيه عمل معاها حاجه ولا قالها حاجه خوفها خلاها تقول كده
مالك : بزمتك انتى ماكنتيش تعرفى يا ليلي
ليلى : مالك ! انا عاوزه اشوفك
مالك : ماشى بس مش هعرف اجيلك البيت ... تعالى نتقابل بره
ليلى : خلاص انا نصايه وخارجه م الشغل اشوفك ف المطعم اللى جنبنا ؟
مالك : كويس اوى انا اساسا قريب منه ... هستناك هناك من دلوقتى ...
ليلى : ماشى يا حبيبى ... مش هتأخر . هستأذن اصلا وخارجه اهو
.............
عاوزين تفاعل مع الروايه عشان تكمل وشارك برأيك
انتظرونا ف الحلقه التاسعه وعشرين ( قبل الأخيره ) بكره
الكاتب. احمد سعد
الناشر. محمد فريد