روايه ياريت

(الحلقه التاسعه والعشرين ( قبل الأخيره ) ) ( الصاحب المجنون رزق )

(الحلقه التاسعه والعشرين ( قبل الأخيره ) ) ( الصاحب المجنون رزق ) <3
...................
(الحلقه السابقه )
ليلى : مالك ! انا عاوزه اشوفك
مالك : ماشى بس مش هعرف اجيلك البيت ... تعالى نتقابل بره
ليلى : خلاص انا نصايه وخارجه م الشغل اشوفك ف المطعم اللى جنبنا ؟
مالك : كويس اوى انا اساسا قريب منه ... هستناك هناك من دلوقتى ...
ليلى : ماشى يا حبيبى ... مش هتأخر . هستأذن اصلا وخارجه اهو
................. ( التاسعه والعشرين ) ( قبل الاخيره ) <3
( في مطعم )
مالك : ايه بقي الحكايه ، وبجد يا ليلي لان ده يمس شكلى انا .. تولع حبيبه على هشام على الكل . انا مايهمنيش غير شكلى انا ولو عرفت ان حد قال عليا حاجه مش تمام هزعله . وبصراحه انا مش عاوز اخسرك
ليلى : طيب هقولك بس من غير زعل . انا اتحطيت ف موقف بايخ زيي زي مى بالظبط
وهشام هو السبب .. قالنا اننا لو مخبطناش ف مالك هيرفدنا . عشان كده انا سجلتله التسجيلات كلها عشان ابقى ف الامان لانى مش عاوزه اخسرك يا مالك . انا بحبك بجد
مالك : يعنى يا ليلي توافقى ان صورة البنى ادم اللى بتحبيه تبقى بالشكل ده
ليلى : لا طبعا ! وزعلت من نفسي جدا انى عملت كده حتى لو كنت هطلع من ورا هشام ده بمصلحه كبيره
مالك : يعنى انتى كنتى مع مي يا ليلي ف الليله دى ؟
ليلى : مالك ! وحياة امك ما تزعل منى انا ما صدقت انك بقيت حلو معايا واتعدلت .. انا كان كل همى انى مش عاوزه البت اللى اسمها حبيبه دى تقرب منك ولا تقرب منها . لانى كنت بدات اشوف منك اهتمام .
مالك : مش قادر يا ليلى . طب هبص ف وشك ازاى دلوقتى وهنام جنبك ازاى وانتى مع اول فرصه طعنتينى ف ضهرى
ليلى : انا اسفه . شوف انت عاوز ايه وخده
مالك : ولا عاوز منك اى حاجه . مش عاوز اشوفك تانى
ليلى : ممممممممممالك ! وحياة امك مانت ماشى . اقعد بقي عشان خاطرى .
مالك : مالهاش حل يا ليلى مالهاش . انتى طعنتينى بسكينه زفره ف ضهرى . وليه وعشان ايه .. عشان سي زفت بتاعك ده ...
ليلى : طب خلاص هديلك الفيديوهات اللى مسجلاها بس تشيل صوتى
مالك : مش عاوز منك حاجه ولا حاجه فارقه معايا
ليلى : خلاص بقي ماتزعلش ... هبعتهملك النهارده . انا نقلتهم ف فلاشه معايا . بس وحياة النبى تشيل صوتى خالص . اتصرف بقي مش عاوزه ابان ف الصوره
مالك : ماشى يا ليلى . ماشى
ليلي : ايه ماشى يا ليلي دى بقي . فك بقي انا اسفه والله ..
مالك : ابعتى الفلاشه يا ليلى وانا هربي الكلب اللى اسمه هشام ده
ليلى : حاضر . هوصل البيت وابعتهالك .
مالك : طب قومى يلا اوصلك . انا جاى معاك
*الروايه ملك خاص للكاتب / أحمد سعد
ويتم نشرها في بيدج قصص وروايات للناشر محمد فريد

ليلى : ما تيجى نتغدى سوا . هجيب اكل ونروح البيت ناكل هناك
مالك : ماشى .. هطلب اكل ويجيلنا ع البيت . بس ماتحلميش بحاجه تانيه ههههههههههه بصراحه مش طايقك . اخد حقى م هشام الاول
ليلى : هههههههههههه وانا موافقه . كفاية عليا انك ضحكت
مالك : ماشى يلا
....................
( بيت ليلى )
ليلى : اهى يا مالك الفلاشه . بس بقولك . هشام مسافر النهارده باريس . بيقول رايح يظبط كم حاجه كده عشان شهر العسل بتاع سيادته
مالك : شهر اسود عليه وعلى نافوخ اللى جابه
ليلى : ههههههههههههههه عسل يا بطه . ماتجيب بوسه ياض
مالك : اتلمى بقي .. افتحى الاكل انا نفسي اتفتحت وعاوز اكل
...............
( بعد المغرب )
مالك : انا حاسس ان الدنيا حلوه اوى
احمد : اوباااااااااا حصل ولا ايه
مالك : ههههههههههههههه الفلاشه معايا
احمد : طب اطلع هات اللاب بتاعك وانا عرفت السكه اللى هقلبك الترابيزه على الكلب ده ازاى
مالك : ههههههههههههه بسلامته ف باريس بيتفق على شهر العسل . ومنها فسحه بيتفسحها شويه منا عارفه تلاقيه بيجرب قدرته على الجواز .
احمد : يولع اكتر ماهو مالع
مالك : طب ايه . سكة ايه اللى بتقول عليها
احمد : ههههههههههههه لا خليها مفاجاه .. وحياة امك لاتتسيط تسيطه عنب . بس ورينى ام الفيديو الاول اتطمن بعينى
مالك : استنو . دقيقتين ونازل . هجيب اللاب من فوق وانزل عشان امى ماتقلقش او تقول فيه ايه ؟
احمد : انجز طيب
.................
مالك : اهو ياعم اللاب ...ورينى الفلاشه
احمد : اهى . ادعى وحياة امك يكون فيها حاجه لاحسن كيد العوالم ده انا عارفه ههههههههههههه
مالك : ماتكركبش بطنى بقي . استنى . اهو شغلتهم اسمعو
......
احمد : يا موكااااااااااااااا يا جامد . مبروك عليك حبيبه ياض
ده صوت وصوره وواضحه واخر عنب
دى كوم قضايا يابن المحظوظه وممكن يتسجن مش اقل من 7 سنين
مالك : انت بتتكلم جد ؟
احمد : وحياة امى بتكلم جد
خد عندك ، تحريض على عنف ، رشوه عشان يعمل عمل منافى . دى حرق عربية ابوها دى يابنى جنايه . وانت بتقول انه معمول محضر . واكيد المحضر متقيد ضد مجهول . ف لما المجهول يظهر بنفسه وهو بيتفق على حرق العربيه وكمان ادا رشوه عشان الموضوع ده يتم يعنى فيه قلة ادب هههههههههه غير السمعه يابنى وشركات وليلة سوده . الناس دى بيفرق معاها اوى
مالك : طب قولى بقي وحياة امك هتجيبها ازاى ؟
احمد : ماتشغلش انت بالك ... البت ماوحشتكش ؟
مالك : وحشتنى ايه بس دنا عاوز استخبى جوا حضنها بنت الجزمه . وحشتنى بغبااااااااااااااااء
احمد : طب تعالى ورينى بيتها وورينى القهوه بتاعة ابوها
مالك : ياعم لاحسن يكون هناك ويسمعنى كلمتين ف جنابى
احمد : لا ... هيسلم عليك
مالك : ايه ياعم الثقه دى ؟ جايبها منين
احمد : ههههههههههههههه افتح الفيس بتاع حبيبه كده اللى هو الاكونت اللى كانت عاملاه عشان تكلمك من عليه . مش بتاعها الاصلى شوف اخر حاجه منزلاها ههههههههههه لسا شايفينها من شويه انا ومصطفى وانت فوق بتجيب اللاب
مالك : استنى كده
احمد : اقرأ بصوت عالى وحياة امك
عاوز اشوف شكلك وانت بتقرأ كلام حبيبه عنك
مالك : طيب استنى
( بيبتدى يقرا مالك )
" احيانا الصدفه بتدخل حياتك تشقلبها ، تقويك ، تصبرك على مرار ايام عيشته ايام وساعات شهور واحيانا سنين ، صدفه معينه لمدة ايام بسيطه بتقلب حياتك وكيانك وتزلزل قلبك ،
احيانا بنقسي على اللى منا
مابنكونش فاهمينهم او بنيجى عليهم لحظات
وده لسبب واحد هو ان ارتباطك بالشخص ده بيكون عامل زى الروح اللى سكنت جوا روحك
ف لما يجيلك خبر يحاول يسحب روحك دى من روحك الباقيه ساعتها بتفقد توازنك
بجيلك حالة عدم اتزان
انك مش عاوز تصدق او قلبك وعقلك مش قابلين يصدقوا
ده حصللى الفتره اللى فاتت
على قد حبى على قد زعلى
على قد ما حبيت على قد ما زعلت
شكرا يا احلى 15 يوم مروا ف عمرى
واحلى واجمل صدفه مرت ف حياتى
كلها ايام وهبدا حياة جديده ، ومش بسهوله ان الايام دى تتنسي
انا بحبك ، وبحبك اوووووووووى ولو كان الزمن غير الزمن ماكنتش هسمح لحد انه يبعدنى عنك . حتى انت ماكنتش هسمحلك انك تبعد عنى " عاوزه اشوفك قريب
مالك : ( عينه بتتدمع ) طب بزمتك هو فيه كده
احمد : ماتجيب حضن يا مالك
مالك : ههههههههههه ربنا يخليك ليا ياصاحبى ومايحرمنى منك ،،
مصطفى : ها يا شباب تعالو نتغدى بقي
مالك : ربنا ياخدك يا مصطفى انت غلبت الواد مجدى هههههههههههههه
احمد : هههههههههههههههههههههه انا شايل ف قلبى وساكت والمصحف
مالك : ياض ما تقول بقي ياض ناوى على ايه
احمد : هههههههههههههههههه لا يا حلوه . مش هقولك .. دى حاجه كده فوق الخيال
بس انا عاوز اتأكد من حاجه .. هما كتب الكتاب هيكتبوه قبل الفرح بكم يوم وكده ولا يوم الفرح وهما لابسين فساتين الفرح وكده
مالك : لا لا الناس هنا بتكتب الكتاب يوم الفرح . وهما داخلين القاعه كده بياخدو جنب ويكتبوا وبعدين يروحوا ع القاعه
احمد : مالك ؟ متأكد ؟
مالك : ياعم متأكد مليون ف الميه . عيب .
احمد : طب الحمد لله ... اشطا ههههههههههه
مالك : وحياة امك مانت ماشى الا لما تقول هتعمل ايه
احمد : لا يا حيلة وحياة امك منا قايل .. اخلص بقي خلينا نروح نخليك تشوف البت فاضل ع الفرح 4 ايام وهتتجوزها ههههههههههههه
مالك : انا مش عارف ليه قلقان منك
احمد : ماتخافش .. هتتحل والله . ربك كبير مابيسيبش حد
.............
احمد : الو ! حبيبتى
سلمى : ايه يا حبيبى لسا مطول هناك ولا ايه . انت وحشتنى بغباء
احمد : اه يا روحى اليومين دول بس لغاية ما الدنيا تظبط .. بقولك
سلمى : ايه يا بابا
احمد : يوم الاربع اللى جاى اللى هو بعد بكره . تجيلى القاهره .. عشان هتقابلى حبيبه
سلمى : حبيبه ؟ اقابلها ليه وعشان ايه . وهقولها ايه ؟
احمد : ماتقلقيش .. لما تيجى هعرفك ... الحمد لله الموضوع اتحل .... بس مش عاوزين نكبرس الدنيا على نافوخنا .. عاوزين الموضوع كله يتلم يوم الفرح . ههههههههههه عشان احتمال يبقى الفرح فرح مالك على حبيبه
سلمى : انت بتهزر ؟ وهتعملوها ازاى ؟
احمد : لا انا ليا ترتيبه كده ف دماغى قولى يارب تظبط بس ... هعمل كم مشوار من هنا ليوم الفرح ولو الدنيا ظبطت . هتتحل
سلمى : يابن الحلال قولى دماغك دى فيها ايه هههههههههههههه انت طايره منك خالص
احمد : هههههههههه البركه فيكى يا قلبى
سلمى : احممممد . بجد وحشتنى . اول مره كده تغيب عنى .
احمد : معلش يا روحى . اهى كلها كم يوم عشان الواد الغلبان ده . وبعدين انتى يومين وجايالى اهو
سلمى : ماشى يا حبيبى . انا قاعده مع سالى اختك اهو . اتطمن يعنى
احمد : الواد اللى ف بطنك ده عامل ايه ؟
سلمى : زعلان عاوز ابوه ههههههه
احمد : طب ايه . نتلم بقي عشان ماركبش العربيه وتلاقينى قدامك . انا على اخرى
سلمى : هههههههههه روح شوف بتعمل ايه . ولما تخلص ابقى كلمنى بالليل .
احمد : ماشى يا حبي .. سلام
سلمى : سلام يا روحى
.............
( قدام قهوة ابو حبيبه )
مالك : هى دى القهوه ياعم
احمد : طب اقعدو .
مصطفى : ابوها بييجى على طول هنا ولا ايه الكلام
مالك : اه . هتلاقيه جاى دلوقتى ..
احمد : طب اطلبلنا حجرين بقي وكوباية شاى .. وحياة ابوك يا اخى لو عنده شوية قرنفل خليه يحط حبايتين تلاته انا دماغى ضربت
مالك : عيونى ! بقولك يا اكرم . طقم شيش بقي وشاى . وظبطنا
اكرم : عيونى يا عم مالك ...
احمد : عندكش شويه قرنفل يا اكرم ولا ايه
اكرم : عندى يا استاذ
احمد : حبيبى والله !! املالى الكوبايه قرنفل ومالكش دعوه ههههههههههه
اكرم : عيونى يا عمنا ...
..........
مالك : بقولك ايه . هو ده ابوها . اللى جاى مع صاحبه هناك دى
احمد : طيب اقعد بقي ولما يقعد ويشوفك قوم سلم عليه واندهلنا نسلم عليه
مالك : ادخل اقوله ايه بس . الراجل زى ما يكون طردنى المره اللى فاتت
احمد : مالكش دعوه
.......
مالك : ازيك ياعم محمد .. اجى اسلم عليك ولا ايه ؟
محمد : مالك ! ازيك يابنى فينك مش باين بقالك كم يوم
مالك : كنت ف اسكندريه والله عند واحد صاحبى ...
محمد : طيب يا غالى المهم انت كويس
مالك : اه كويس الحمد لله
احمد : ايه يا مالك بتسلم على مين ؟
مالك : ده عم محمد يا ابو حميد .. تعالو سلمو
احمد : اهلا بيك . ازيك ياعم محمد
محمد : اهلا بيك يابنى
مصطفى : اهلا وسهلا ازي حضراتكو
محمد : بخير يابنى . اتفضلو طيب اشربوا معانا حاجه
مالك : مالوش لزوم والله احنا مش عاوزين نتعبك
احمد : ( ايه الحموريه دى ) لا ياعم انا عاوز اتعبه . هقعد مع الراجل
مالك ( الله يحرقك بطل احراج بقي ) اه طبعا اتفضل
محمد : ههههههههههههه ماشاء الله . انتو اصحاب من زمان اوى بقي
احمد : ده حبيبى يا عمى والله الواد ده
محمد : ربنا يخليكو ل بعض . هو واد ابن حلال وطيب
احمد : طيب ايه ده عيل رمه
محمد : ههههههههههه ليه طيب .. وبعدين اتكلم كتير عشان انا بعشق اللهجه الاسكندرانيه دى
احمد : هههههههههههههه الله الله ! الحكايه فيها إن بقي . الجو بتاعك كان اسكندرانى ولا ايه
محمد : هههههههههه لا دنا كان ليا اجواء كتير قبل كده . كنا خاربينها
احمد : هههههههههههههه هو ده الكلام . قول والنبى للواد ده لاحسن بقاله كم يوم مكتئب ومعيشنا ف قرف
مالك : ايه ؟ مين ده اللى مكتئب ؟ لا انا مش مكتئب ( بيوشوشه : ابوس ايد امك كفاية احراج )
احمد : لا انت مكتئب ايش عرفك
محمد : هههههههههههههه ليه بس سلامته . مكتئب ليه خير
احمد : معرفش والله لقيته جاى يعيط ف اسكندريه ويقولى الحقنى
اقوله ليه يابنى خير حصل ايه
يقولى انا هموتلكو نفسي لو ماتجوزتش اللى بحبها ، هههههههههههههههه شوفت عبط اكتر من كده
محمد : بجد ؟
احمد : اه والله ، اقوله يابنى تستاهل انك تعمل كده
يقولى واكتر من كده ،
مالك : ( بيوشوش احمد : اقسم بالله هسيبك وامشى يا زفت . الله يحرقك فضحت امى . اخرس بقي )
احمد : ومش بس كده ياعم محمد ده كمان جابنى هنا معرفش ليه . الظاهر عاوز يقابل ابوها ويكلمه ، ده حتى بيقولى انه عاوز يشوفها ،، شوفت عبط اكتر من كده ؟
محمد : ربنا يراضيه ويجعله ف كل خطوه سلامه . واد ابن حلال وماشوفتش منه غير كل حاجه حلوه ... بقولكوا ايه . ماتيجو نتعشي ف البيت عندى
مالك : لا مالوش لزوم والله ياعم محمد داحنا لسا واكلين
احمد : هما مين دول اللى لسا واكلين ؟ انا مكلتش حاجه م الصبح . يلا يلا ياعم محمد انا جعان والمصحف من بدرى عمال يللففنى على كعوب رجلى لما ورمت منه
محمد : ( عينه بتدمع ) والله لاتيجو تتعشوا معايا . يلا اهو احس انى عملت حاجه ف حياتى
.....
مالك ( ف سره لاحمد ) : يالهووووووووووى فضحت ميتين اللى خلفونى يخربيت معرفتك ...
احمد : اتنيل يا بغل اديك هتشوف البت وتملى عينك منها .. ابوها فاهم كل حاجه . ابوها مغصوب على امره يا مالك ماتظلموش ... اقسم بالله بيحس اهو ومقدر .. تعالى تعالى نتعشي
..................
محمد : الو ! بقولك ايه يا ام ندى . حضروا عشا حلو كده عشان جاي مع ضيوف نتعشي
منى : ضيوف مين ؟ مش خلصنا بقي ، كفاية الضيف اللى فات
محمد : هو هو نفس الضيف يا منى . حضروا عشا انتى والبنات . وحياتك لانتعشي كلنا مع بعض النهارده .. يلا
.......
منى : بقولكوا ايه يا بنات . انا مش فاهمه حاجه
ندى : خير يا ماما
منى : ابوك بيقول انه جاى يتعشى مع ضيوف . بقوله مين دول مش كفايه الضيوف اللى قبل كده . قالى دول هما هما اللى جم قبل كده . يعنى ايه ؟
حبيبه : ( بتتنطط ) ماااااااااااااااااااااااااااااااالك جاى
منى : ايه ده وانتى ايه اللى فرحك يابنت الجزمه
حبيبه : ههههههههههههههه هو والله هو اللى هييجى ...
ندى : احم طب نتلم بقي شويه . وبعدين هتشوفيه ازاى ؟
منى : هههههههههههههه اه دلوقتى فهمت . اتارى ابوك بيقول حضروا العشا انتى والبنات عشان هنتعشي كلنا
حبيبه : بجد ؟ انتو بتهزروا بقي .... بابا قال كده ؟
منى : اه والله .. يلا يلا تعالو حضروا معايا العشا لاحسن اتصل بيه واقوله البنات مش جايين
ندى : هههههههههههه اييييييييييييييييه ؟ لا جايين وراك ... هرن ع البت سمر تطلع تتعشى معانا لاحسن تنفخنا
منى : هههههههه بسرعه يلا
............
( على باب البيت )
مالك : وحياة امى يا احمد لو قليت معايا وعملت عليا نمره فوق لاكون قاطع علاقتى بيك يا كلب انت هههههههههههههه شردتنى
احمد : اححححم . لا ولسا . دانت هتسمع حكاوى فوق تشيب راسك
مالك : ياختااااااااااااى انا مش طالع . هقول للراجل انى مش طالع معاكو
محمد : يلا يا عيال مدوا شويه . اتفضلو اتفضلو البيت بيتكو
احمد : يارب ياساتر .... الناس ف القاهره كرما اوى يا مالك . زى عمك محمد كده . بس والنبى يا عم محمد لو مافيهاش تطاول يعنى . انا مش عاوز اكل عشا كبير او فخم . عاوز اكل اكل بيتى . مسقعه وبطاطس وحاجات كده من دى .
محمد : هههههههههه من عنيا
.........
( ع السفره كلهم قاعدين احمد ومالك ومصطفى وحبيبه وندى وسمر وابو حبيبه وام حبيبه )
احمد : سفره دايمه عليكو جميعا . اوعى اكون متقل عليكو ولا حاجه يا ام ندى
سمر : ( بتوشوش ندى ) ايه الواد العسل ده يابت يا ندى ؟ جبتوه منين ده هههههههه اتجوزوا انتو مالك بتاعكو ده انا هتجوز الواد ده ) ايه العيال العسل دى يخربيت كده
ندى : اخرسي يابنت الجزمه هتفضحينا ..
احمد : لا بصراحه نفس الجماعه ف الاكل عظيم يا عم محمد
( مالك بيبص على حبيبه من تحت ل تحت وحبيبه بتبص عليه نفس البصه )
احمد : ماكملتلكش بقي يا عم محمد حكاية الواد مالك ده
محمد : يا حبيب قلبى انا جايبك اصلا عشان تكمل الحكايه هنا بس قولها من اول
احمد : حاضر . ناولينى بس شويه بتشنجان من عندك يا ست البنات
حبيبه : هههههههههههه اتفضل البتشنجان
احمد : بص بقي يا سيدى الفاضل
انا مره واحده لقيت مالك جايلى اسكندريه وقالى الحقنى يا احمد
مالك : اححححححححم
احمد : ايوه زى ماهو كح دلوقتى كده
وقالى الحقنى يا صاحبى البت هتضيع منى
وهاتك يا عياط وكآبه وقلة ادب . وانا عارفه اصلا لما بيدخل ف دور اكتئاب مابيفصلش
قولتله بنت مين بس وتعالى احكيلى الحكايه
قالى واحده بنت ناس شوفتها وكانت بالنسبالى الكون كله
حبيتها ودخلت بيتها من غير حتى ما اعرف ان ده بيتها
لقيتها بتنشلنى من حياتى كلها
واتمنيت ودعيت من ربنا انها بس تكون حلالى
ايه يا جماعه انتو بطلتو تاكلوا ليه ؟ هو انا هفضل اكل لوحدى ؟
ندى : كمل كمل يا استاذ احمد
( الكل ساب الاكل ومركز مع احمد ما عدا مصطفى )
احمد : كمل اكل انت يا درش مالكش دعوه
المهم يا جماعه
قولتله طيب ايه المشكله ندخل البيت من بابه ونتوكل على الله طالما هى بنت ناس وبنت ناس طيبين زى حضراتكو كده قالى مابقاش ينفع اترفضت من قبل حتى ما اتقدم على حاجات ماليش ذنب فيها
انا حياتى ابتدت من ساعة ما هى دخلت حياتى
قبل كده او بعد كده مش عاوز افتكره
من حقى انى احب ومن حقى انى اتمسك باللى بحبه
قولتله صحيح بس الغلط اللى بنعمله زمان لازم ندفع ضرايبه حتى لو اتاسفنا مليون مره
الحب عشان يبقى حب نضيف لازم نمتنع عن اى حاجه ممكن تعكر حبك ده
حلفلى برحمة ابوه ان من يوم ما عينه جات ف عينها وهو انسان تانى
عايش ف ملكوت تانى ومش عاوز بس غير نظرة رضا
وان ربنا يجمعهم سوا
حكالى بقا على مشكله كده حصلت للبنت وحصلت لابوها خلا البنت توافق انها تتجوز غيره غصب عنها
حسينا كلنا الصراحه اننا ماينفعش نسكت واحنا شايفين بنى ادمه بنت ناس بيحصل معاها ومع عيلتها كده قولنا سورى يعنى ف الكلام مانبقاش رجاله لو حصل كل ده واحنا ساكتين
فضلنا نلف وندور ونلف وندور ونلف وندور لغاية ما الحمد لله ربنا حلها من عنده وشيلنا الطوق اللى كان متركب على رقابيهم
وكمان قولتله هخلى فرحها عليه يبقى فرحها عليك انت ياض يامالك
بس ياسيدى وكنا جايين نقعد ع القهوه عشان نعمل كل الكلام ده بس انت سبقتنا بقي يا عم محمد وعزمتنا عندك ف البيت الحلو ده ...
الظاهر الراجل ابوها وراه مشوار ولا ايه مش فاهم
ع العموم احنا هنتعشى وننزل نشوفه
حبيبه : هههههههههههههههه
محمد : ههههههههههههههههههههه ههههههههههههه
ندى : هههههههههه ههههههههههههههه ههههههههههههه
منى : هههههههههههههههههههههههههه
مالك : ( وشه بيحمر من الكسوف وبيضحك معاهم ) ههههههههههههههه
مصطفى : (بياكل ومش مركز )
احمد : ايه ده ؟ ايه اللى بيضحك طيب هههههههههههه
محمد : عمار يا اسكندريه ، هههههههههههههه
.......
( اخر العشا )
احمد : طيب يا جماعه احنا هنقوم نستاذن بقي
محمد : مانتو قاعدين يابنى
مالك : تسلم ياعم محمد احنا قولنا نسلم بس
احمد : اه . عشان نلحق ابو العروسه اللى قولتلك حكايته
محمد : هههههههههههههههههههه ههههههههههههه
حبيبه : هههههههههههههه هههههههههههههه
ندى : ههههههههههههههههههههههههه
سمر : ( بتشوش ندى ) اقسم بالله هروح ابوسه
احمد : مش عارف انتو ليه بتضحكو كلكو النهارده .. ع العموم نتقابل وقت تانى يكون فيه فرح وبهجه وسعاده يا جماعه ... وانشالله ماتتوجعوش ابدا وخلو حملكو على الله .. هنستاذن بقي
..................
التفاعل مع الروايه يا جماعه
انتظرونا ف الحلقه الثلاثين ( الأخيره )
tagإشارة