ياقوى عينه يكلمني برسميه نسى مابيني وبينه

البارت السابع . .

اباخذ الدنيا ..
دلع<<
ولعب <<
وهبااال <<
وماعاش منهو يكدر مزااجي ..
::::::::::::::::::::::::::::::::::::::::

الســــــــــــــــاعه 6 صباحاً بقصر فهد العبدالله ..
كان الجميع متحمس ومستانس ..والدنيا رجه وهيصه ..
الرجال طلعوا الاغراض للسيارت وكل السيارت جاهزه وشغاله ومصفوفه بجنب بعض ..

ابو عبدالله :هاه ياعيال جاهزين
ابو فيصل :اي كل شي جاهز بس باقي البنات ..
ابو عبدالله :ماعليك الحين نازلين ..
فيصل وهو جاي من برا:هاه جدي باقي ماخلصتوا؟؟
ابو عبدالله:الا خلصنا بس باقي البنات مانزلوا
فيصل عصب:بتقعد تستنهم يابوي ذولي ماراح ينزلون..شوف الشمس راح تطلع وهم باقي حظراتهم ماخلصوا
ابو عبدالله:بس انت الحين جايين..وبعدين حنا طالعين بر عشان نستانس وننبسط مو نقعد مكشرين ومعصبين
فيصل:ياجد قسم بالله هالبنات يرفعون الضغط
**نزلوا البنات وهم مره متحمسين وراح يطيرون من الفرحه ..
فيصل:وينك انتي واياها ساعه ننتظركم !!
رنا:شوفنا نازلين وبعدين شوفكم باقي ماطلعتوا..وشو له يعني معصب كذا؟
فيصل:قدامي اقول ولايكثر ..
ابو عبدالله وهو يناظر بالجيمع :يالله توكلنا على الله..

طلعوا السيارات ..وكان توزيعهم كالاتي ..

بالجيب تبع فيصل كان ابوه راكب قداام ..وامه وعمته الجوهره وجدته وام سمير ورا ..((يعني الحريم الكبارر))
بجيب بدر كان ابوه راكب قدام ..وام بدر وقروب حبتين ورا ..((سارا ميلاف ورويدا))
بجيب ابو عبدالله ..كان سمير يسوق وجده راكب قدام.. والبنات ورا ((رنا ورهف وهاجر والعنود ))
بجيب متعب كان ابو سعد قدام ..وعلي وراشد ومحمد ورا ..
اما الاغراض قسموها ع السيارات ..

طبعا طوال الطريق هيصه وضحك وسواليف وونسه عالاخير ..
وصلوا للمكان اللي يبونه ونزلوا كلهم نصبوا ثلاث خيام ورتبوا الاغراض ..وبدأو يجهزون الفطور ..وهم مستمعين بشروق الشمس
حطوا خيمه للحريم ..
وخيمه للرجال ..
وخيمه فيها بقيه الاغراض يعني حقت اكل وماأكل ..

بخيمه الحريم ..
كانت ام عبدالله جالسه تتقهوى وعيالها بجنبها سواليف وضحك ..
ام عبدالله وهي تتأمل جمال الصباح:ياحلاه جوك يالرياض وياحلاه براريها ..
ابو بدر:ايوالله الجو روووعه هاليومين
ابو سعد:تدرون عاد وش احسن شي سواه ابوي ؟؟
الكل~:؟؟؟؟؟؟؟؟؟؟؟؟؟؟؟
ابو سعد:انا طلعنا للبر والله احس ان روحي ردت لي
ابو فيصل:هههههههههههه كل هذا كابته بنفسك يابو سعد !!
ابو سعد:ااخ انت ماتعرف كيف البر يونسني
ابو فيصل:عسساها دوم يارب
ابو سعد:وياك يارب
سمير دخل وكان لابس اسبورت ورافع البنطلون من تحت لحد الركبه لانه قاعد يشتغل :سلام عليكم
ام عبدالله:حيالله وليدي
سمير:يسلمك يالغلا
ابو فيصل :هاه خلصتوا؟؟
سمير:اي خلاص مابقى شي ..بس الحريم يسوون الفطور والعيال يجهزون عشان يلعبون كوره ..
ام عبدالله:تعال تعال تقهوى معنا ..
سمير وهو ذايب مع ريحه البن والهيل :يالبـــــــــــــــــــــــــــيه ياقهوتك يالغاليه تسلم ايديك
ام عبدالله:عوووافي
متعب وقف عند بدايه الخيمه وبدأ يستهبل والدله بيده :ياحيالله الرجال
ابو فيصل يستهبل معه:الله يسلمك ويبقيك
متعب يموت بالبر وكان حيل مبسوط ويتكلم بدوي خالص:تسلم يابو فيصل لك علينا حق وواجب
ابو فيصل :هههههههههههههههههههه روح روح الله يهديك بس
ابو بدر:سنايدي والله تعال وقهوني من قهوتك
متعب اخذ الفنجال وصب له :سم
ابو بدر اخذ الفنجال وتذوق روعه طعمها:اسم الله عدوك وااخ ياقهوه الجمر ..
متعب:اااييه هذي قهوه الرجال ..مو الخمبقه اللي تشربونها ..
الكل:ههههههههههههههههههههههههههههههههههههه
سمير:اقول واللي يسلمك بلا هياط زايد على راسي خل اروح اشوف للعيال وش سووا ؟؟
متعب:زايد والامنصور خخخخخخخخخخخخخخخخخ
سمير مر من حنبه:ههههههههههههههه الحمد لله والشكر شكل البر لعب بحسبتك ..
جلس متعب جلسه البدوي الاصيل والقهوه بيده وهو يغني مواويل بدويه وعن البراري..
طبعا عمانه وابوه تحمسوا معاه عالاخير وجلسوا يغنون معاه ..
متعب:يامحلا سيحه البال ..في مجلسن مافيه نفسن ثقيله..
هذا ولد عمن وهذا ولد خال..وهذا رفيقن مالقينا بدليه.