قلبي بيدهِ

بارت 1

- ويا صباح الله شحلاته من تكلي انت هلا🥀

عفيه همتجن بنات تصويت وتعليق لدعمي واستمراري🫂
jwhrltm

اماني : الجو جان كلش بارد وامتحاناتي لنصف السنه قربت اوووف شيكومني هسة من الفراش اسمع امي اصيح عليه

ملاحظه: امي اسمها رسل وابوي اسمه محمد

رسل : ولججججججججج كومييي كافي كسل ماضل وقت الساعه سبعه الا ربع وراج دوام شوكت تلحكين

اماني : اوووف يلا كمت كمت رحت للحمام غسلت وجهي وفرشت اسناني صفنت بملامحي وشكل عيوني صفر وبياضهن مختفي حمار صاير من النوم هههه شعري طويل كلش مابيه حيل امشط ضفرته شلون ماجان وطلعت رحت للمطبخ حتى اتريك

رسل : يلا تعالي هذا ريوكج وكعدي اخوج يروح وياج

اماني : يلا تمام تمام على السريع تريكت لان ماضل وقت ورحت غسلت وبدلت وطفرت اكعد اخوي دب النوم اووووف هسة شيكعده
وصلت يم راسه وكمت اصيح

لؤؤؤؤؤؤؤؤي لؤؤؤؤؤؤؤؤي كوم

لؤي : وجع فوك وجع حتى اسلوب ماكو شنو تردين

اماني : عفيه حباب كوم وديني للمدرسه

لؤي : ولي من يمي والله فلا اوديج روحي لبيت خالة ام مصطفى خلي مصطفى يروح وياج

اماني : اهووووو كبر اي والله شنو الولد ابتله بيه لو شنو

لؤي : مشكلته محد كاله تعال صير ابن خالتنا

اماني : سلمت امري لله ورحت تكرمون لبست حذائي واخذت جنطتي  ورحت لبيت خاله ام مصطفى طبعاً بيتهم كلش قريب بيتهم كدام بيتنا ماتاخر وهم مصطفى يطلع يوميه الصبح للشغل ولؤي مستغل الفرصه حتى يخلص من كعده الصبح هل كسلان هذا

وصلت وبعدني ماداكه الباب كالعاده طلعلي مصطفى كالي ها اليوم شو متاخرة ضحكتله لان مستحيه منه دائماً يوديني

مصطفى : كعدت مثل كل يوم نشيط وكلي امل بسرعه كمت ورحت غسلت وفرشت اسناني وطبيت للمطبخ لكيت الوالده مسويتلي ريوك خطيه وراجعه نايمه
ملاحظه : امي اسمها سعاد وابوي اسمه كاظم

بسرعه تريكت رحت غسلت وبدلت وتعطرت سبحت بالعطر  واجيت افتح الباب ولكيت ملاك نازل من السمه يريد يدك بابنا اخخخخخخ اخخخخخ زرفت كلبي هل بنيه ولا جاي تحس بيه

وبنظراتي الها يلا سهله ماضل شي بس خوفي ترفضني ومابيه على فراقها هذا الي ماخرني عنها اخ اخ سئلتها على تاخيرها وضحكتلي

ذيج الضحكه الي تملي يومي كله نشاط وحيويه ياناس مدي احضنها واضمها بضلوعي نتمشى والجو كلش حلو وبيه بردوه وخدودها حمر صايرات وخشمها هم ههههه شلون بلوة باله هاي شلون الزم نفسي ماكرطها كرط هسة شلت الفاف جنت لافه على ركبتي ولفيته على وجها كتلها

لاتمرضين

مصطفى : امون ممكن سؤال

اماني : اسئل

مصطفى : لا هيج

اماني : ضليت ساكته استحيت لا يسئلني لؤي ليش مايوصلني وانحط موقف محرج

مصطفى  : ردت اسئلها وترددت مو وقت هل سؤال هذا

وصلتها للمدرسه ورحت لشغلي واني مفعم بالامل والسعاده بشوفتها احس الدنيا وردت بعيني

اماني : وصلني مصطفى للمدرسه استحيت كلش من لف الفاف عليه بس والله كلش جنت محتاجه لهيج شي بهل وقت فا مامانعت هل شي هههه حسيت بدفو  ومثل كل مرة احس يريد يحجي شي ميريد يكوله ليش مادري

هممممم ضليت افكر واحجي بيني وبين نفسي

عزة خاف يضوج من اروح وياه وربي فشله طبيت للمدرسه واني بالي هل سالفه طبعا بالسادس محد بحال احد لا صديقه ولا شي اهم شي ندرس ونجيب معدل خوفنا من الرسوب طبيت واني محضرة كل شي وهم جان عندي امتحان فيزياء وحمدلله كلش زينه بيها وخلصت الدروس كلها واخذنا درس اضافي طلعنه كلش متاخرين

طبعاً المراحل كلها طلعت بس مرحله السادس ضلت على مود الدرس الاضافي لان امتحانات نصف السنه اجت ويريدون يتوقفون على مودنا حتى نراجع

كمل الدوام وطلعت الساعه ١٢:٤٥ الظهر وحدي محد وياي واشو الشارع فارغ يخوف يما واني منا جبانه ياعيني
ومحد جاي ياخذني بالعاده لو مصطفى لو لؤي يجي ياخذني للبيت بس يجوز

اجمي ولكوني بعدني امري لله شسوي لازم ارجع للبيت يلا الحك اسبح واكل واكعد ادرس عندي هواي نقوصات

ضليت امشي ودردم بيني وبين نفسي بشنو ابدي بالبدية اراجع بيه وشنو سهل عليه اخليه بالاخير

مشيت وتقريباً كمت اصل للبيت ماضل بس كم شارع شفت بزونه سوده مرت من الطريق واني كلش أأمن بالخرافات اذا مرت من مكان ورحت مريت تصير مشكله بس تقريباً وصلت بيتي ماكدر ابدل الطريق

توكلت ع ربي ومشيت واني اطكطك خوف واوهوس كل شويه اكول هسة اوكع او تجي سيارة تدعمني

شو احس طكطكه وراي يمكن بزونه او شي مو مهم لا اضل جبانه
ولهناك وسمعت صوت خله كل جسمي يرجف وشعر جسمي يوكف

سمعت صوت شاب غريب يكلي ياحلو ممكن الرقم يما اني سمعت هيج لو كمت اركض مو امشي واسمع كلام اشكال والوان منها

على كيفك عيني شكلنه هو رقم
يلا يمعوده اونسج اريحج وارتاح وياج

يايمه هذا شبيه اشو صدك ميستحي ياربي شسوي اذا تماده عليه اني شسوي ياربي اني عايزه ولهناك وسمعت صوت ماعرف شنو بس قوي ورحت ركضت ورة شجرة واني دموعي اربعه اربعه خايفه يصير بيه شي اني من النوع الجبان ويني وين هل سوالف

لؤي : رحت لشغلي وطلعت مريت على مصطفى ولكيته بعده يشتغل ردت اساعده بس اذكرت اماني حيل تاخرت عليها وهاي جبانه مادبر تروح للبيت وحدها جبانه

مشيت بالطريق وصادفتني اماني اي حمدلله تشجعت شويه كل مرة اضل اخر البنات حتى لو فرغت المدرسه

ركزت عليها شويه ودمي كام يفور فور عيوني احسها تريد تطلع من مكانها والدم يريد يطلع من خشمي....