الهَواجس

الحـلقة الخـامسة عشـر

الكـاتبة شهـد 🖤

بياضـچ حَاد مو فاهي ،
وشمسنا ڪبال وجهچ گمرة تتحَول ،
ما بين الڪطن والغيم والنجمات لونچ ماخذ الأول.

____________________________

روند

نايمة ع الأرض بين الصاحية وبين الي غايبة عن الوعي يفتر فوگ راسي مثل ملك الموت الي يريد يسحب روح الانسان هيچ كان حمزة بوقتها..

عيني احسها صارت كتلة من النار وبأي لحظة تنفجر من الالم وكان عندي امل ان رب العالمين راح يهدي حمزة عليه ومايخليه يتهور..

وفكرة بـ بالي ابد ماراح اسامحه على هالرعب الي يعيشني ياه للمرة الثانية وبدون ذنب مستحيل اسامحه

صوته الخشن وصل سمعي وهو يفتر بدون كلل او ملل..

-شگد تضلين اسبوع اسبوعين شهر ما تحچين راح تضلين بهالشقة وما نطلع اذا ما تحچين

-حمزة راسي راح اموت

-سولفي روند حتى نطلع واخذچ للدكتور بطريقي

بصوت عالي صرخت -:يامريض والله ماعرررف عن شنوو تحچيي

صك اسنانه بقوة ورجع يجر بشعري -:انتِ گلتيها مريض واعتبري الي راح يطلع من هالحلگ علاج الي سولفيلي..

تهسترت من ردوده بچيت بقهر وشهگاتي تطلع بقوة اضرب الأرض بأيدي واصيح ..

-طلعنيييي الله ياخذكك طلعنني وشوف منوو تضل وياااك..

-بس ريحيني گليلي منو هو

-حمزة عيني ماتحمل بعد

سحب ايده من شعري ونظرته تغيرت حط ادينه الأثنين على خصري يريد يسحبني لحضنه تخبلت هذا اكيد مو صاحي بيه شي دفعته بسرعة ونهضت نفسي ركضت للباب اريد اطلع سمعته يصيح وراي..

-مقفول ارجعي

-طلعني

-تحچين

-شتريد تعرف

-تحبين احد قبلي

-قبلك؟! ههههههههههههه
ضحكت بوقتها من الخوف يمكن وهو صافن عليه گاعد ع الأرض رجله ثانيها والثانية ماده ع الأرض

-صدك تحچي انت احب احد قبلك ليش حبيتك اني بالأول وبعدين انت عقل ماكو براسك منو راح يحب وحده عوره وبعين وحدة ..

سكتت شوية ورجعت صحت بصوت رج البيت رج ..

-العوررة الي تعيب عليهااا انت واصدقائك ياا ناااقص غيررة..
رجعني للبيت وماراح تشوف خيالي بعد ارجع لأهلي وانت عيش حياتك ويه الي تحبها..

رد عليه بهدوء:-وانتِ تروحين تتزوجين الي تحبيه والنهاية السعيدة مو بالله..

-اي يجي الي يقدرني ويقبلني بالنقص الي بيه ويحبني مثل ما اني