روايه بنت الاكابر

(الحلقه الثانيه ) ( هدوووء )

(الحلقه الثانيه ) ( هدوووء ) <3
................
(في الحلقات السابقه)
امانى : طب خلاص خلاص انا هنزل ف نص السكه . نزلنى بيتنا مش بعيد اصلا
احمد : تمام ... ساكنه انتى فين ياست منه
منه : ماتاخدنى تفسحنى شويه
احمد : يابت اخلصى هديك ف وشك
منه : تؤتؤ فسحنى
احمد : طيب .. دى عربيتك اهى وانا نازل انا .. سلام
منه : طب خلاص خلاص ... سموحه ياباشا ...
احمد : كويس .. ف طريقى ...
..................... (الحلقه الثانيه ) <3
احمد : شيلى ايدك يابت من على ايدى
منه : الله ! هو فيه ايه ؟ مالى انا ومال ايدك انا بجيب حاجه من جنبك
احمد : حاجه ايه ؟ ها حاجه ايه ...
منه : اهى حاجه وخلاص .. ماتزقش ... يارب بتنيتةبىلتيالنبيتلنيتزتلنتانا
احمد : انتى بتبرطمى بتقولى ايه ؟
منه : ههههههههههههههههه بدعى ف سرى
احمد : بتدعى لمين ولا على مين ؟
منه : اهو بدعى وخلاص هههههههههههه مالكش دعوه
احمد : ابو شكلك .. هتنزلى هنا يا امانى ؟
امانى : اه تمام هنا .... مع السلامه
احمد : سلام
منه : سلام يا مونمون هكلمك كمان شويه
امانى : ماشى يا حبي
..........................
احمد : قوليلى بقي بما اننا لوحدنا دلوقتى .... انتى اغمى عليك بجد ولا كان فيلم عملتيه ؟
منه : ايه ؟ حرام عليك طبعا بجد دنا كان وشى اصفر
احمد : منه ! على فكره انا احمد صاحبكو ايام الجامعه ، ها ؟ ف قولى وماتصيعيش على أمى ..هسألك اخر مره . كان بجد ولا اشتغاله
منه : من غير ما تبرقلى عينك ولا ترفعلى حاجبك .... كان هزار ياباشا . عاوزه اعرف انا غاليه عندك وهتتخض عليا ولا لا
احمد : اه يا ولاد المجنونه .. هو انتوا على طول كده تعترفوا من اول قلم ... وبعدين يعنى انتى بصياعه خدتينى من اهلى وصحابى وعملتى الفيلم ده . وانا عشان طيب صدقتك وجيت معاك
منه : بالظبط ... واتأكدت من حاجه النهارده
احمد : حاجه ايه بقي ؟ وبعدين مافيش حاجه جنبى عشان تمدى ايدك تانى تمسكى ايدى .. شيلى ايدك ياروح امك
منه : ههههههههههههه (بتمسك ايده ) حاجه وخلاص يا احمد ... انت وحشتنى بجد
احمد : ومنه صاحبتى الجدعه اللى كنا سوا سنتين جوه الجامعه قضيناهم كلنا حبايب واصحاب وحشتنى .. غير كده ماتحاوليش (بيشيل ايده )
منه : طب وهو انت يعنى لسا مأمن لسلمى بعد اللى هى خبيته عليك
احمد : مالكيش دعوه بسلمى انا اعرف اتعامل معاها . وبعدين انا اللى كنت عاملها المفاجأه النهارده يعنى هى مش مرتبه حاجه وكمان ماتكلمناش مع بعض كتير الفتره اللى فاتت . ف اكيد هى كانت هتقولى ..
منه : طب اتحداك
احمد : على ايه
منه : انك لو سألتها هتقولك لا ماكنتش مخطوبه وهتخبى عليك
احمد : مانتى لسا قايله ان الموضوع ده مابيستخباش واكيد اكيد هعرف
منه : لا بس هى هتخبى عليك بردو
احمد : ايوه يعنى اشمعنى ؟
منه : عشان هى كانت مخطوبه لابن عمى وكان مسافر امريكا وكانت هى اصلا هناك فضلوا مخطوبين وهما هناك .. وتقريبا محدش يعرف عن الموضوع ده غيرنا احنا القريبين مننا يعنى ...
احمد : بردو هعرف .. هو ده البيت ؟
منه : اه هو ... لو عاوز العربيه بقا خليها معاك وابقى هاتهالى بكره او ف اى وقت
احمد : عربيه مين يامه خدى . هو انا ناقص تهمه
منه : طب ادينى رقمك
احمد : لا
منه : هاته بدل ما اجيبه من الشغل زى ماجبت عنوانك وساعتها هقرفك رنات
احمد : لااااء بردو .. وسلام بقا
منه : سلام يا حبيبى
احمد : بردو ؟ طب اطلعى .. سلام
.............................
( ف البيت )
احمد : ايه اتأخرت عليكو ؟
سلمى : ايه يا بابا كنت فين بس قلقتنى عليك
احمد : معلش ... الموضوع جه على فجأه كده ومعرفتش اكلمكوا
مصطفى : ايه يا عمنا . انت بتهزر بقي
احمد : معلش يا درش بقي ... ايه يا زوز جبت التورته
زياد : اه ياعم جيت ومالقيتكش كنا هناكلها ههههههههههههه
احمد : واطى وتعملها ... امال ماكلتوهاش ليه ؟
زياد : الست سلمى ياسيدى قالت اللى هيقرب منها هغزه . دى طلعت بلطجيه اوى هههههههههههههه مع ان اللى يشوفها يقول عليها رقه وشياكه وجمال
احمد : ايه يا مولانا ... فيه ايه ماتلم نفسك يا حيلة أمك انت كمان ، ودينى لاعبطك
الكل : ههههههههههههههههههههه
مصطفى : وانا همسكهولك ههههههههههه
زياد : ههههههههههههه طب ايه انا جوعت ..
احمد : طب يلا ...
.............................
(اخر السهره )
مصطفى : هنقوم احنا بقي يا عمنا ... عاوز حاجه
احمد : مانتوا قاعدين يابنى
مصطفى : لا خلاص بقي ...
على : اه يلا واحنا كمان
ساره : طب انتى هتقعدى ياسلمى ولا هتيجى
احمد : لا سيبوا سلمى شويه انا هببقي اروحها ... مصطفى هيوصلكوا انتى ومروه ومنى ...
مصطفى : طب يلا يا بنات ولا ايه .. يلا يا اسماء
اسماء : يلا
سالى : احم احم ... اسيبكوا مع بعض بقا ولا ايه ؟
احمد : لا بتفهمى اهو . وبعدين انا دقيقتين هنزل انا وسلمى افسحها
ندى : طب ماتاخدونا معاكوا طيب
احمد : هههههههههههه طب ايه الدنيا .. عاوز اقعد مع البت شويه . دى شبه بقت خطيبتى خلاص
سلمى : ههههههههههههههه ماتسيبهم معانا شويه
احمد : وحياه امك انتى كمان ؟ عادى انا ممكن اسيبكوا مع بعض وانزل انا ههههههههههه
سلمى : لا خلاص خلاص . كفايه انك مشيت النهارده وسيبتنا
سالى : طيب انا هاخد ندى وهندخل نعمل شاي .. وهتطمن على ماما عشان دماغها وجعها من الزيطه بتاعه النهارده
احمد : ماشى يا مزتى ...
..................
سلمى : قولى بقا ؟ مبسوط
احمد : ده سؤال ياسلمى .. اكيد طبعا
سلمى : طب ايه اللى زعلك فجأه . انا حسيت انك من ساعه ما جيت من بره وانت شبه متعكنن كده . انا بفهمك من عينك . وماتقولش مافيش حاجه
احمد : لا فعلا مافيش حاجه . يمكن اكون اتخضيت على الواد اللى اتعور ده . بس الحمد لله جات سليمه
سلمى : طب الحمد لله . هو ده صاحبك يعنى ولا ايه
احمد : هو معرفه .. كان زميلى ايام الثانوى واعرفه يعنى .. بس مش صاحبى للدرجه اللى اقول عليها صاحبى
سلمى : ماااشى .. هو انا لو عاوزه ابوسك دلوقتى اعمل ايه ؟
احمد : طب ايه . نلم نفسنا شويه بقا ولا ايه . احنا ف البيت على فكره يامجنونه يابنت المجانين ههههههههههههههه
سلمى : طب عاوزه احضنك طيب ... اقسم بالله انا لسا مش مصدقه اللى حصل النهارده ده .. مش مستوعبه . انا بجد كان هيجرالى حاجه لو ده محصلش .. وبينى وبينك بقا انت خدت منى شويه شتيمه وانا جايه .. ههههههههههههههه
احمد : ههههههههههههه لا منا اتوقع بصراحه قولتى ايه بقا
سلمى : لاياخويا مش قايله دى كانت لحظه شيطان وكنت متعكننه اوى وكل اللى ف بالى انك جايب منى معاك عشان توريها لمامتك عشان تتجنن ف نافوخك وتخطبها .. اااااااااااه كل ما افتكر الوقت اللى انا كنت فيه ده احس انى بتخنق ... شعور وحش اوى لما تحس ان حبيبك بيضيع قدام منك
احمد : سلمى هو انتى كنتى م.........
سلمى : ايه سكتت ليه ؟
احمد : مافيش . اقصد يعنى كنتى متوقعه انى ممكن اعمل كده
سلمى : بصراحه انت تعمل اى حاجه بس ماكنتش متوقعه انك تعمل كده وخصوصا النهارده . خصوصا طبعا انى معرفش انك مجند اخواتك .ومشغلهم ضدى الجزم ... كنت باخد كلامهم ثقه يعنى
احمد : هههههههههههههه ماشى
سلمى : احمد بجد فيك ايه ؟ عينك بتيجى ف عينى بتنزلها ليه ؟
احمد : ليه بتقولى كده ؟
سلمى : مش عارفه . حاسه انك مخبى عليا حاجه او عاوز تقول حاجه
احمد : لا يابابا مافيش حاجه (بيلعب ف شعرها ) قوليلى انتى لو مخبيه عليا حاجه قوليها دلوقتى
سلمى : اخبى؟؟؟ هكون مخبيه ايه ؟ انا حياتى كتاب مفتوح قدامك اهو ..
احمد : يعنى عملتى ايه الخمس سنين اللى فاتوا . من ساعه ما اتخرجنا وبعدنا عن بعض لغايه دلوقتى
سلمى : ولا حاجه .. اتفرغت لشغلى وسافرت امريكا خدت دبلومه هناك ف اداره الاعمال .. واتفرغت لما ابابا تعب وقعد ف البيت وخدت بالى م الشغل
احمد : امريكا ؟ كنتى هناك لوحدك ولا مع حد من قرايبك ولا ايه ؟
سلمى : لا كنت عند عمتى .. قعدت معاها السنه دى
احمد : هههههههههههههه طب هو صحيح قوليلى . معقوله بنت بالجمال ده كله وبالذكاء ده كله وبالعقل والاداره دى كلها محدش فكر انه يرتبط بيك او يتقدملك
سلمى : ايه ؟ اكيد كانوا كتير بيتقدموا بس انا كنت برفض الموضوع من بدرى بدرى ..
احمد : ليه ؟
سلمى : عشان كنت انت قدام عينى وقصادى على طول .. والله العظيم يا احمد انا بحبك حب لو اتوزع ع الدنيا دى كلها مش هيكفيه
احمد : طب تعالى هاتى حضن
سلمى : هههههههههههههه ايوه بقا اهو
سالى : احم احم ... ايه يا مولانا انا جيت ف وقت مش ملائم ولا ايه هههههههههههههه
احمد : اعوذ بالله من الشيطان الرجيم انتى جايه عاوزه ايه يا بت
سالى : مافيش ياخويا .. جبتلكوا الشاى ..
سلمى : هههههههههههههههه حبيبتى ياسولا ماتحرمش منك .. فعلا هى طالبه شاى
سالى : اشربى ياختى اشربى ... حلو الشاى ؟
سلمى : اه جميل
سالى : اعملك غيره يا قلبى ؟
سلمى : لا شكرا
سالى : لا قولى قولى
احمد : الله ! ماتغورى يابت بقا (بيحدفها بالمخده )
سالى : ههههههههههههههه مش ماشيه .. انا قاعده ف بيت ابويا
احمد : طب امشى ياسولا عشان احكيلك ع الموضوع اللى انتى هتموتى وتعرفيه .. اللى بالى بالك
سالى : احم . اذا كان كده ماااااااااااااااشى عرفت تثبتنى هههههههههههه
سلمى : موضوع ايه بقا ؟
سالى : هو يقولك بقا عن اذنكوا
احمد : ولا موضوع ولا حاجه ... اهو بشتغلها . وف الاخر هقولها اى افتكاسه
سلمى : ماشى .. كنا بنقول ايه بقي ههههههههههههه
احمد : لا ماكناش بنقول . انتى كنتى ف حضنى بس
سلمى : ههههههههههههه ايوه كده فكرنى
احمد : يعنى افهم من كده ان ماكنش اى حد مستلطفك او اى حد اتقدملك وقعدتى معاه او اى مشاريع خطوبه
سلمى : ايه ؟
احمد : مالك ؟
سلمى : ههههههههههههه لا مافيش بس ماسمعتش بس
احمد : ياحبيبتى بقولك اى مشاريع خطوبه او اى حاجه يعنى اعجاب من طرف حد ناحيتك او من طرف العيله
سلمى : لا
احمد : انتى مالك ؟ ايدك بتترعش ليه ؟
سلمى : لا ابدا .. ممكن من الضغط بتاع النهارده . كنت متوتره اوى وانا جايه
احمد : ماشى ياسلمى ... ماشى
سلمى : ايه سلمى دى بقا ؟
احمد : ماااااااااااااااشى يا حبيبتى
سلمى : ايوه كده وفك بقا مش هنفضل قاعدين متوترين بسبب صاحبك اللى اتعور ده
مش قولت هتاخدنى تخرجنى النهارده ... هنروح فين بقي ؟
احمد : عاوزه تروحى فين ؟
سلمى : شوف ..... النهارده انا عاوزه اروح البيت الفجر
احمد : طب والشغل
سلمى : ههههههههههه محدش هيخصم عليا ماتقلقش . ممكن ماروحش بكره وانت كمان خد اجازه
احمد : اه هنبدتيها مريسه من دلوقتى ولا ايه .. انا اسبوع كده ولا حاجه هصفى شغلى عندك او اخر الشهر الجاى على ما استلم المطعم
سلمى : لا مش مريسه ولا حاجه .....انا بس عاوزه اقضى النهارده كله معاك ..
احمد : طب ثوانى هقوم اغير هدومى وجايلك
سلمى : مااااشى
...........................
سلمى : الو ! ايوه ياساره انتى روحتى ولا لسا ؟
ساره : اه يا حبيبتى لسا واصله البيت .. انتوا فين ؟ وعلى صوتك شويه انا مش سامعاك
سلمى : لا مش هقدر اعلى صوتى عشان عاوزه اقولك حاجه قبل ما احمد يخرج
ساره : خير ؟
سلمى : انا هببت الدنيا ومش على اعصابى ..
ساره : ليه يا حبيبتى بس
سلمى : احمد سالنى كنتى معجبه بحد او حد اتقدملك قبل كده او كان فيه مشاريع خطوبه قبل كده
ساره : كويس ..؟ وانتى قولتيله ايه
سلمى : قولتله محصلش واى حد كان بيتقدم كنت برفض الموضوع من بدايته
ساره : طيب امال انتى كنتى عاوزه تقوليله انك كنتى مخطوبه ولا ايه ؟
سلمى : اه كنت عاوزه اقوله .. .. احمد لو عرف المره دى انى خبيت عليه حاجه زى دى ساعتها هخسره خالص .. انا خايفه ياساره ومش عارفه اعمل ايه
ساره : يا حبيبتى مانتى لو قولتيله دلوقتى هتبوظوا يومكوا الحلو ده وهيتعكنن عليكو بدون سبب .. استنى شويه علاقتكوا تبقى شبه رسميه وابقى قوليله وقوليله ساعتها انى خبيت عليك عشان كنت خايفه اخسرك
سلمى : ساره ! المره دى مافيهاش هزار .. انتى عارفه احمد
ساره : خير يا حبيبتى ان شااء الله والموضوع هيبقى فل الفل . ماتقلقيش انتى نفسك بس وقومى اخرجى مع الواد ودلعى نفسك
سلمى : ماشى . ربنا يستر
...............
احمد : يالا بينا
سلمى : يلا ....
احمد : كنتى بتكلمى مين ؟
سلمى : دى ساره .. كنت بقولها روحتى ولا لسا ..
احمد : طب يلا .. هندخل سينما
سلمى : اووووكى
......................
(ف السينما )
سلمى راسها على كتفه : هههههههههههههه حلو اوى الفيلم ده
احمد : اه
سلمى : ههههههههههههههه لا حلو بجد ..
احمد : فعلا اه
سلمى : ايه مالك يا بابا ؟
احمد : مافيش معاك اهو متابع
سلمى : امال سرحان ف مين بقي ؟؟ اللى واخد عقلك
احمد : هههههههه لا مافيش حاجه انا معاكى اهو .. حلو الفيلم
سلمى : حلو ايه هو انت بتتفرج اصلا ؟ انت عينك ع الشاشه بس مش شايف
احمد : ليه ؟
سلمى : قوم نخرج يا ااحمد انت فيك حاجه ومش مركز ...
احمد : اقعدى نكمل الفيلم ... مافيش يابت حاجه اقعدى
سلمى : بجد ؟
احمد : اه بجد يا روحى ...
سلمى بتمسك ايده : بحبك
احمد : وانا كمان
سلمى : هههههههههه انت كمان ايه ؟
احمد : بحبك
...........................
(نهايه اليوم )
سالى : حمد الله ع السلامه يا حمو ... مش ناوى تقولى بقا مين البت اللى جات النهارده دى ؟
.....................
الى اللقاء ف الحلقه القادمه