روايه بنت الاكابر

(الحلقه السابعه ) ( غمضى عينيك )

(الحلقه السابعه ) ( غمضى عينيك ) <3
................
(في الحلقات السابقه)
سالى : هههههههههههههههههه انا بدات اكرهك يابت انتى ... هتاخديه مننا كده ... طب نروح فين ونيجى منين من بعده
سلمى : هنفضل مع بعض يا روحى انتى وهى ومش هنسييب بعض خالص ...
سالى : انشاء الله .. العبى يلا
...........................
احمد : الو ! ايوه يا عمى احنا جايين لحضرتك دلوقتى عاوز افاتحك ف موضوع جوازى انا وسلمى .. وعاوز احدد معاد مع حضرتك
ابو سلمى : طب تعالوا ونشوف
.................... (الحلقه السابعه ) <3
احمد : يلا ياسلمى ولا ايه ؟
سالى : والله انتوا رخمين . خليكو .. خليها تنام معانا النهارده يا احمد
احمد : انتى مجنونه ؟ ماينفعش .. عمك ابو سلمى يقول علينا ايه
سلمى : لا مالكش دعوه ب بابا ؟ هكلمه واقوله البنات مسكوا فيا
احمد : طب قومى البسي ويلا ..
سلمى : هكلمه اهو زعلان ليه ؟
احمد : قومى يابنت الهبله ماينفعش ... انتى بتستهبلى ؟ قومى اخلصي
سلمى : طيب قايمه ماتبصش كده . وبعدين انت فكرتنى بحاجه صحيح . بس خليها تحت واحنا مروحين ف العربيه
احمد : حاجه ايه ؟
سلمى : لا يا حبيبى دى خناقه ومش عاوزه اخواتك يسمعونا ههههههههههه
احمد : اه منا عارف انك فقر .. اى لحظه حلوه بتعدى علينا لازم تبوظيها بهبلك ههههههههههههههههه بحب واحده هلاهوطه .. انتى يابت انتى بتديرى شركه راس مالها بملايين ازاى مش فاهم وانتى بالهبل ده ؟
سلمى : هههههههههه اقسم بالله دماغى توزن بلد بس باجى لغايه عندك انتى وبكون اهبل خلق الله لدرجه انى باخد كلام ساره ده كأنه كلام منزل وبصدقه على طول ههههههههههههه وهى اللى غرقتنى المرتين بنت الجزمه
احمد : ساره ؟ يا حبيبتى ياساره دنا هخليها تلف حوالين نفسها ... صحيح فكرتونى ... بقولكوا ايه انتوا التلاته ... انا وسلمى لسا متخانقين مع بعض .. محدش يعرف اننا اتصالحنا فاهمين ؟
سالى : فاهمين بس ليه ؟ وهتعمل مقلب ف مين ؟
احمد : هو فيه غيرها .. ساره باشا .. دنا هجيبهالكوا هنا تعيط بس صبركوا عليا
سلمى : ههههههههههه ياريت والله تجيبلى حقى منها ...
احمد : طيب قومى يا حبيبتى يلا عشان لسا هنقعد مع ابوك شويه
سلمى : حاضر .. ثوانى هغير هدومى
احمد : اجى اساعدك ؟
سلمى : ياريت . قصدى لا احترم نفسك ههههههههههههه
سالى : ماتتلموا بقا انتوا الاتنين رفعتوا ضغط اللى خلفونا
احمد : هههههههههههه
سلمى : انا داخله
احمد : الله ! ماتخلصى يابت بقالك ساعتين بتقولى داخله داخله فيه ايه
سلمى : ههههههههههه ياباي
...................
( ف العربيه )
سلمى : على مهلك وانت سايق يا مولانا
احمد : هههههههههههههه اهلا .. انتى علقت معاك كلمه مولانا دى ..
سلمى : ياباشا انت مافيش كلمه بتقولها الا ولازم امسكها ... طب تعرف انى فضلت ماسكه ف كلمه كده كنت بتقولها سنه كامله لما اصحابى كرهونى
احمد : هههههههههه كلمه ايه ؟
سلمى : خد ياض خلاص روح ياض هههههههههههه
احمد : هههههههههههههههههههه اااااااااااااااه قلبى ... وكنتى بتقوليها لصحباتك ؟
سلمى : صحباتى ايه ؟ دنا كنت بقولها لامه لا اله الا الله . اللى اعرفه واللى ماعرفوش . دنا كنت بقولها للموظفين ف الشركه . لما كان شكلى بقا وحش والله .. ابو شكلك
احمد : الله ! ماتلمى لسانك يابت وهو انا كنت قولتلك امسكى فيها يعنى ..
سلمى : مانت عارف انى بحب نطقك لبعض الكلام كده .. زى مولانا دى .. لما بسمعك بتقولها بحس ان الدنيا حلوه كده ههههههههههههه اما خد ياض خلاص روح ياض لما بفتكرها بس ببقى هموت م الضحك .... ومش هنسي ساعه ما عملتها ف مصطفى واحنا كنا ف الكافتيريا ... ياااااااااااااه .. الواد فضل متنح بعدها ومش عارف يعمل ايه
احمد : ههههههههههههههه اوعى تفكريه بالموقف ده بيزعل كل ما يفتكره هههههههههه
سلمى : المهم ياروح امك عاوزه اتخانق معاك شويه
احمد : ايوه بقا ادخلى عليا . انا عمال اقول هى نسيت ولا ايه .. يالا بينا يا باشا . تحبى نتخانق ف ايه بقا ؟
سلمى : انت ازاى تخرج مع الزفته وتوصلها المستشفى وتقعد ترغى معاها ومعرفش ايه وتملالك راسك من ناحيتى وانا معرفش وكمان لما رجعت سالتك قولتلك كنت مع مين قولتلى كنت مع صاحبى .. ليه خبيت عليا ؟
احمد : بس ؟ هو ده الموضوع اللى هنتخانق فيه ؟
سلمى : اه ؟ ماله
احمد : ياشيخه ايه ده ؟ فين ايام الخناقات الجميل . شوفى موضوع تانى طيب ماينفعش ده
سلمى : ههههههههههههههههه لا هو ده اللى فاكراه دلوقتى
احمد : (بيمسك ايديها )
اولا انا خرجت لمنه عشان مش عاوزك تشوفيها وكنت بحافظ على ليلتنا اللى عيشناها سوا
وخدتها ونزلنا تحت وكنت همشيها . فجأه لقيتها طبت منى ساكته لما بقولها ان انا وسلمى تقريبا اتخطبنا . خدتها ووديتها ع المستشفى . عاوزانى اسيبها يعنى ؟
سلمى : طب ولما رجعت ماقولتليش ليه ؟
احمد : منا قولتلك مارضيتش ابوظ ليلتك خصوصا ان ظهورها من عدمه مالوش اى تأثير لان انتى عارفه هى كانت عاوزه منى ايه . وانا ماديتلهاش وش واختارتك انتى ... وبعدين انا مش هستريح على فكره لو فضل الخصام بينك وبينها كده .... انتوا المفروض اصحاب واللى اعرفه انكوا انتوا الاتنين كنتوا اقرب اتنين لبعض .
سلمى : قريبين من بعض جدا وبحبها وهى بتحبنى بس لغايه عندك وممكن اخسرها وعادى بردو ... وبعدين بتقولى ماخسرهاش ازاى وهى السبب ف زعلنا سوا ؟
احمد : لا .. مش هى السبب . انتى السبب انك خبيتى عنى ... انا سمعت منها الكلام وماحطيتوش ف دماغى . بالعكس جيت اسالك واديتك الامان وفضلت احب فيك شويه عشان تعرفى اننا بقينا واحد بس انتى اللى خوفتى وماقولتيش . وده اللى زعلنى
سلمى : انا اسفه
احمد : لا لا لا .. ماتتأسفيش ...
وبعدين ياسلمى يعنى احنا مش معرفه يوم ولا يومين عشان تصالحينى بآسفه دى..
سلمى : طيب منا غلطانه وعاوزه اوضحلك انى ندمانه
احمد : اه يابنت الهبله ... بردو مش فاهمانى
سلمى : فهمنى طيب
احمد : افهمك ايه بس ؟؟ دنا لو بفهم ف بقره كانت فهمت عاوز اقولها ايه ؟
سلمى : الله ! ما تقول يا مولانا تقصد ايه مش فاهمه والله
احمد : بقولك مش معرفه يوم ولا يومين عشان تتاسفيلى بكلمه اسف .. المفروض ان فيه طرق تانيه للصلح مش كده ولا ايه ؟ هههههههههههه
سلمى : ااااااااااااااه هههههههههههههههه احم احم ..
احمد : ايوه بالظبط اللى فهمتيه ده هههههههههههه
سلمى : طيب بص ع الطريق
احمد : اهو باصص
سلمى : والله مش متطمنالك حاسه انك هتغدر
احمد : هغدر ليه طيب .. انتى هتبوسينى ولا هتاكلينى
سلمى : لا هبوسك من خدودك بس مش عارفه ليه مش مستريحالك هههههههههههه
احمد : تبوسينى منين ياباشا ؟
سلمى : ايه ؟ خدودك ؟
احمد : خدودى ايه هو انا عيان وبتقيسيلى الحراره ... ماينفعش الخدود
سلمى : خلاص من جبينك
احمد : هو انا ابوك فيه ايه ياعم انت ياعم هههههههههههه
سلمى : نزلنى يا احمد هنا هههههههههههه
احمد : طيب بقولك ...
سلمى : ايه ؟
احمد : غمضى عينك
سلمى : ليه بقي ؟
احمد : غمضى عينك وبطلى لماضه
سلمى : اهو مغمضاها
احمد : فكرى فيا
سلمى : بفكر
احمد : انا وحشتك ؟
سلمى : اه اوووووووى
احمد : خليكى مغمضه عينك يابنت الهبله ماتفتحيهاش مش هقربلك والله
سلمى : حاضر اهو
احمد : من تانى ... انا وحشتك ؟
سلمى : اه والله يا حبيبى وحششتنى جدا .
احمد : طيب ناولينى ايدك
سلمى : اهى
احمد : (بيبوسها من ايديها ) .. بحبك
سلمى : ايه ؟
احمد : ب ح ب ك
سلمى : ايوه قولها تانى كده
احمد : بحبك يا احلى وارق واجمل خلق الله
سلمى : (بتفتح عينيها وبتديله بوسه ف شفايفه )
احمد : يالهووووووووى ايه اللى انتى عملتيه ده ؟
سلمى : اعملك ايه مانت جننت اللى خلفوا اهلى
احمد : طب استرى عليا وماتقوليش الكلام ده لحد هههههههههههههه
سلمى : حااااااااضر هههههههههه بس تصدق انهم طعمين اوى انت حاطط ايه على بؤك مش فاهمه ؟
احمد : ههههههههه لا ده نعناع باكل فيه من ساعتها عشان لما تبوسينى
سلمى : بطل هزار بقا يعنى هو انت كنت عارف انى هبوسك
احمد : اه
سلمى : بتكلم بجد
احمد : الله ! وانا والله العظيم بتكلم بجد
سلمى : احمممممممد !
احمد : ياشيخه ورحمه ابويا بتكلم بجد . وباكل النعناع ده من ساعتها عشان لما تبوسينى تسالينى السؤال ده واقولك انا اللى قاصد ههههههههههههههه
سلمى : احمد! انت بتتكلم بجد فعلا
احمد : اه يا حبيبتى ... سبق وقولتلك انى بخليكى تعملى الحاجه اللى انا عاوزها بمزاجك هههههههههههههه غلباااااااااااانه والمصحف معايا .. عارفه انا ناوى على ايه معاك
سلمى : ناوى على ايه تانى ؟
احمد : بعد جوازنا ان شااء الله . هتتدلعى دلع . يانهار اسود يا جدعان ع اللى هعمله فيك ومعاك ههههههههههههه
سلمى : طيب ماتقول دلوقتى
احمد : منا رايح اكلم ابوك اهو وهنتفق . عاوزه الجواز يبقى امتى ؟
سلمى : انا عاوزاه النهارده .. نروح نتجوز والنبى النهارده هههههههههههه
احمد : هانت يا قلبى .... هانت والله اقل من شهر هتكونى ف حضنى . وساعتها مش هاكل نعناع ههههههههه
سلمى : طيب خد دى بقا
احمد : ايه ؟
سلمى : انا وكتاب الله اللى هجننك
هطلع جنانى وشقاوتى وانوثتى المتفجره دى على اهلك ههههههههههههههه
احمد : اوبا . الكلام ده كبير . طب هنتفق اتفاق
سلمى : ايه ؟
احمد : اللى يقدر يعمل حاجه يجنن بيها التانى يعملها . اشطات ؟
سلمى : اشطات ... ماتجيب بوسه تانيه بقا
احمد : غمضى عينك
سلمى : ههههههههههههه هو انا لسا هغمض .. (بتبوسه تانى )
احمد : ههههههههههههههههه يا مجنونه يابنت المجانين ... خلاص وصلنا اهو .. انزلى يلا اما نلحق ابوك قبل ما ينام
...........................
احمد : مساء الخير يا عمى . مساء الخير يا طنط
ابو سلمى : اهلا يا حبايبي.... اتعشيتوا ؟
احمد : اه الحمد لله عشيتها عندنا هههههههههههه خلصت الاكل
سلمى : ههههههههههه كنت جعانه وسالى بصراحه تسلم ايديها
ابو سلمى : ههههههههه لو كان عندى ابن كنت طلبت ايد سالى .
احمد : يانهار ابيض دنا اجيبهالكوا لغايه عندكوا
ابو سلمى : هههههه لا بجد انتوا عيلة الواحد يمسك فيها بسنانه .
احمد : تسلم يا عمى .. المهم انا عاوز اكلم حضرتك ف ترتيبات الفرح بقا ... يعنى انا يعتبر جاهز الحمد لله ... الشقه فاضللها اسبوعين تلاته وتخلص . هننزل بكره انا وسلمى نختار الالوان والعفش اللى تقولوا عليه هيكون حاضر واللمسات النهائيه ونخلصها . وممكن على اول الشهر الجاى نحجز القاعه
ابو سلمى : طيب يا ام سلمى خدى سلمى واعملولنا حاجه نشربها .. عاوز احمد ف كلمتين بس
سلمى : ماشى عن اذنكوا
ام سلمى : خدوا راحتكوا
ابو سلمى : تعالى يا احمد قرب
احمد : خير يا عمى ؟ !
ابو سلمى : انت بتعتبرنى زي ابوك ولا لا ؟
احمد : اه طبعا وربنا يعلم انا بعز حضرتك اد ايه ؟
ابو سلمى : طيب مش عاوز كلام كتير بقي .. حجز القاعه وليله الفرح كلها انا متكفل بيها
احمد : هههههههههههههه ماتحرمش من حضرتك بس دى ليلتى انا
ابو سلمى : ياض بطل نشوفيه دماغ انت طالع دماغك ناشفه لمين
احمد : ههههههههههه لابويا الله يرحمه ... ماكنش حد يقدر يمشى كلمه واحده عليه ....
ابو سلمى : ربنا يرحمه ويبارك ف عمرك ويجعلك سبب عوض لاخواتك وسلمى ... المهم الليله عليا انا وماترفضش
احمد : ربنا يبارك فيك يا عمى والله
بس صدقنى انا هكون مبسوط لما اكلف ليلتى انا من جيبى وعلى حسابى
انا الحمد لله فلوس ابويا اللى اخدناها من شغله بعد وفاته مكفيانا والحمد لله وهى بقالها سنين ف البنك ده غير فلوس لابويا تانيه كانت معاه قبل وفاته والحمد لله لما سافرت انا عملت قرشين حلوين ... وعاملين حسابنا ان جزء منها هيكون للمطعم اللى ناوى ادخل فيه شريك مع واحد معرفه واحد صاحبى بالنص وفيه جزء لجوازتى انا واخواتى وفيه هيتبقى جزء حلو بردو موجود زى ماهو .. ف هى مستوره والله .. وماتقلقش م القاعه هعمل حساب الناس الكتير اللى هتعزموهم . وهرفع راسك
وبعدين انا وبنتك مجانين يعنى ممكن نسيب الكوشه وننزل نقعد جنبكو او تلاقونا جعانين ف قاعدين بناكل ههههههههههههه
ابو سلمى : ماشى يا حبيبى اللى تشوفه .. المهم .... مش هوصيك على سلمى يا احمد
احمد : ههههههههههههه وصيها هى عليا .. بدل ماهى مطلعه عينى معاها كده
سلمى : ههههههههههههههههههه الله الله ! مين بيوصى مين على مين بقي
احمد : ابوك ياستى بيوصينى عليك .. بقوله وصيها هى عليا .. عندى حق ولا لا ؟
سلمى : ههههههههههههه اه والله عندك حق . وصينى انا عليه يا بابا ...
ابو سلمى : ربنا يحفظكوا يا حبايبى .. المهم قومينى يا ام سلمى دخلينى سريرى عاوز اخد العلاج وانام ؟
ام سلمى : على مهلك يا حبيبى تعالى ...
احمد : تصبح على خير يا عمى
ابو سلمى : وانت من اهله يا غالى ..
.........................
سلمى : ايه ياض انت وصيها عليا دى ماتلم لسانك
احمد : بقولك ايه اقسم بالله هعبطك
سلمى : هههههههههههههه انت مابتصدق خلاص
احمد : فين الحاجه اللى هنشربها
سلمى : اعملك شاى ولا عصير
احمد : لا هاتى حاجه ساقعه كده الواحد عاوز يغير طعم النعناع اللى ف بؤه
سلمى : هههههههههههه احم احم
احمد : اتلمى يا قليله الادب يا جزمه احنا ف البيت يا روح امك مش ف العربيه
سلمى : الله ! انا بكح ياعم فيه ايه انت .. كلها اسبوعين تلاته وبعدهم وكتاب الله هجنن امك
احمد : ههههههههههههه تقدرى انتى على جنانى ؟
سلمى : ومقدرش ليه ؟ صغيره ولا صغيره
احمد : هو سؤال واحد .. تقدرى انتى على جنانى ولا لا ؟
سلمى : بصراحه محدش يقدر على جنانك ولا يعرف انت ممكن تعمل ايه وماتعملش ايه ؟؟ بس انا ساعتها هسيب نفسي خالص لسيادتك ...
احمد : بس .. هو ده اللى انا عاوزه .... سلمى عاوز اقولك حاجه وتعتبر دى اخر مره هقولك الكلام ده
سلمى : خير يا حبيبى
احمد : (بيمسك ايديها )
انتى عارفه انك هتتجوزى احمد مش كده ؟
سلمى : اه عارفه
احمد : هتتجوزى احمد يعنى هتعيشى عيشته
هتاكلى اكله
هتشربى شربه
هيكونلك اب وهتكونيله ام
حياتك اللى انتى عايشاها هنا ممكن ماتلاقيهاش هناك معايا . ظروفى غير ظروفكوا ...
بس انا املك قلب يقدر يديلك اى احساس ف حياتك المهم ماتخبيش عليا ولا تكدبى عليا ف اى حاجه
انا واحد من الناس احب اللى يواجهنى بالحقيقه حتى لو كانت الحقيقه مره وهتزعلنى اكتر من اللى يفضل يكدب عليا ومفهمنى انى ف الجنه ... مفهوم كل ده ؟
سلمى : ممكن بعد اذن حضرتك يعنى تبطل تتكلم بالطريقه .... اقسملك بالله يا احمد انا ما عاوزه حاجه م الدنيا دى غير انى اكون ليك ومعاك وف حضنك وبس ... وان بابا وماما يفضلوا كويسين ... لا يهمنى بقا شركات ولا فلوس ولا عربيات . انت تغنينى عن كل ده
احمد : انا قولتلك الكلمتين دول عشان لو اى خناقه حصلت بينا بعد الجواز ولقيتك بتقولى انا ايه اللى رمانى ع العيشه دى ماكنت عايشه ف بيت ابويا كل طلباتى مجابه وايه العيشه اللى عايشاها دى اقسم بالله هجيبك من شعرك
سلمى : هههههههههههههه موافقه .... طيب انا عندى فكره حلوه ممكن تعجبك بس من غير قفش والنبى
.................................
والى اللقاء ف الحلقه القادمه