روايه بنت الاكابر

(الحلقه الثامنه ) ( لمة الصحاب )

(الحلقه الثامنه ) ( لمة الصحاب ) <3
................
(في الحلقات السابقه)
احمد : انا قولتلك الكلمتين دول عشان لو اى خناقه حصلت بينا بعد الجواز
ولقيتك بتقولى انا ايه اللى رمانى ع العيشه دى ماكنت عايشه ف بيت ابوي
ا كل طلباتى مجابه وايه العيشه اللى عايشاها دى
اقسم بالله هجيبك من شعرك
سلمى : هههههههههههههه موافقه ....
طيب انا عندى فكره حلوه ممكن تعجبك بس من غير قفش والنبى
.................. (الحلقه الثامنه ) <3
احمد : قفش ؟ اه يبقى هتنيلى الدنيا .. عاوزه تقولى ايه
سلمى : ليه يا حبيبى ماتشتغلش معايا تبقى العضو المنتدب مثلا للشركه واهو تبقى معايا بدل منا شغاله لوحدى
احمد : لا
سلمى : ليه يا حمو طيب
احمد : فيه ايه يابت انتى بتتدلعى كده ليه ؟ يخربيت اغرائك .. مابتثبتش انا على فكره وشيلى ايدك والنبى
سلمى : ههههههههههههههه بغريك عشان توافق
احمد : لا يامه شيلى ايدك ... وبعدين هقولك لا ليه ؟
سلمى : طب ليه
احمد : اولا عشان انا عاوزك تكبرى لوحدك ... تعتمدى على نفسك .. تتعودى ان محدش يقدر يكسرك . لا زوج ولا حبيب ولا اى حد ... مكمله ف طريقك وعارفه هدفك انك تكونى اكبر ست اعمال ف البلد ... وناجحه .. نجاحك من نجاحى .. على فكره على قد منا شرقى جدا وفيا حاجات عبيطه كده لايمكن اتعداها بس مقتنع جدا بكلمه ابويا اللى قالهالى زمان ..
قالى لما تتجوز عامل مراتك كأنها عصفوره ...
اللى من كتر حبها فيك انت فاتحلها القفص ومش عاوزه تسيبك وتطير ...
واقفه على كتفك ..
بتطير فوق شويه وترجع لكتفك ....
السر هنا انك ازاى تخليها تحبك وتحس بالامان وهى على كتفك
ثانيا انتى نسيتى انى خلاص خدت المطعم وهنبدأ شغل فيه كمان شهر ونص
سلمى : عارف ... كان نفسي اشوف ابوك اوى
احمد : هههههههههه اشمعنى
سلمى : اشوف البنى ادم اللى خلف واد زيك كده وخلاه شخصيه كده حلوه .
لولاه هو ماكنتش انت هتبقى موجود ومجننى معاك كده
احمد : بقي انا مجننك ياسلمى ؟
سلمى : اهو شوووووفت ...
شكلك وانت بتقول انا مجننك ياسلمى وضامم حواجبك على بعض ورافع واحد وعينك بتتقفل شويه بشويه بيهبل اللى خلفونى .. ارحمنى ... هو انت هتفضل تتكلم بالطريقه دى بعد جوازنا ... مش هقدر انا على كده يا عم هههههههههههه
احمد : هههههههههههههههههههه
سلمى : اخبار النعناع ايه ؟
احمد : نعناع ايه اللى يخربيتك انا قايم ماشى ....
سلمى : ماتخليك معايا شويه
احمد : الله اكبر ! طب وانا اعمل ف امك ايه دلوقتى وانتى بتقولى خليك معايا شويه وضامه شفايفك على بعض وحواجبك متعقده كده وزعلانه .. المفروض انى يجيلى قلب ازاى دلوقتى وامشى ؟ ... انا كده لما هتجوزك مش هقدر اسيبك وانزل على فكره
سلمى : نعم ياروحى ؟ هو احنا بعد ما نتجوز هتسيبنى وتنزل ؟
احمد : اه عادى .. ما الدنيا كلها بتسيب ستاتها وبتنزل عادى . فيه شغل . فيه قهوه فيه صحاب ههههههههههههه
سلمى : طيب بص ...شغلك على عينى وراسى بس تيجى البيت ده الوقت بتاعنا احنا نكون فيه مع بعض ... نكمل قعادنا ف البيت بقا او نخرج او نتجنن ونعمل اى حاجه ف اى حته المهم نكون مع بعض ....
احمد : طب والمطعم .. ماهو هيكون بالليل ..
سلمى : ماليش فيه . تجيب حد يديره بالليل ... وانت تبقى تروح الصبح الساعتين دول اكون انا خلصت شغل انا كمان ونروح البيت سوا
احمد : ماشى
سلمى : بحبك يا احمد والله
احمد : وانا كمان بحبك يا سلمى
سلمى : يعنى خلاص كلها كم يوم وابقى عروستك ؟
احمد : اه تخيلى .. بعد كل اللى حصل ه هتبقى خلاص عروستى ... شوفى انتى بقي
سلمى : طب عاوزه حضن بقا
احمد : انتى مالك ياسلمى فيه ايه ماكنتيش كده ؟
سلمى : هههههههههههه الله ؟ انت مالك انت . مزعلنى بقالك كم يوم وعلى اعصابى ومش طايقه نفسي وشبه احتمال كنا هنسيب بعض فجأه لقيتك بتصالحنى وعيشتى احلى ليله ف عمرى عاوزنى ابقى طبيعيه ازاى بقي
احمد : طيب لمى نفسك شويه يا حبيبتى كلها اسبوعين واعملى اللى انتى عاوزاه ابو شكلك .. وبعدين خدى هنا .. هو انا اللى كنت مزعلك ؟
سلمى : لا انا ههههههههههههه
احمد : ههههههههه جبانه .. انا هقوم بقا ..
سلمى : ماشى يا حبيبى .. خد العربيه طيب خليها معاك
احمد : لاء ... تصبحى على خير
سلمى : هرن عليك شويه كده اشوفك وصلت ولا لا ... وانت من اهله يا حبيبى (بتبوسه من خده )
احمد : ربنا يجبر بخاطرك ههههههههه حاضر انا هكلمك لما اوصل .. بحبك
سلمى : بحبك
..................
احمد : الو ! انتوا فين يا غجر
مصطفى : ع القهوه ياعم انت فين ؟
احمد : انا ربعايه وابقى عندكوا ...عشان عاوزكوا ف موضوع كده
مصطفى : طيب يلا مستنيينك
......................
( ع القهوه )
احمد : اهلا اهلا
مصطفى : اخيرا يا راجل صالحت البت ... بس ايه رأيك ف الحاجات
احمد : رأي ف ايه يا شلحف هو انت اللى جايبهم هههههههههه ؟ منا قولتلك روح لسلطان هيديلك بوكس هاته وتعالى
مصطفى : الله ! بس عملت معاك واجب ..
احمد : تسلملى يا حبيب اخوك
على : ايه ياعم الافلام الهندى ماتبطل بقا . بطل البت خطيبتى مابتردش عليا من ساعه موضوعك انت وسلمى . وهى متعقده م اللى خلفونى وبتقولى انا عاوزاك تبقى زى احمد
احمد : ههههههههههههههه اعملك ايه ؟ انت اللى انسان عادى
على : يعنى ايه عادى دى ولا مؤاخذه ؟
احمد : بص يا علوه وركز انت معايا يا مصطفى ضرورى عشان البت اللى غلبانه مع اهلك دى مابتسمعش منك كلمه حلوه غير ف السنه مره يا حيله
مصطفى : قول ياعم وبطل فضايح ادينا بنتعلم من أهلك
احمد : بصوا
الحياه ! هتتعاش هتتعاش
بحلوها وبمرها هتتعاش
بقرفها وفرحها هتتعاش
يبقى انا كبنى ادم ربنا ادانى عقل وقلب عشان احب بيه وافرح نفسي وافرح اللى حواليا يبقى احزن واقلبها نكد علينا وع اللى خلفونا ليه ؟
يابنى اقسم بالله الدنيا دى حلوه للى عاوزها حلوه ونكد للى مستسلم ليها وخانع وعايشها بخضوع وقله حيله تحت ستار الدنيا ومشاغلها وظروفها والعيال والعيشه واللى عايشينها
معايا كتير هعيش مامعاييش بردو هعيش
هنقابل ناس وهنحب ناس وهنزعل من ناس وناس هتقرب مننا وناس تانيه الحياه هتبعدهم
اوقف حياتى ليه عليهم
اه قلبك يزعل ماشى على فراق حد عزيز عليك سواء موت او فراق او غربه
بس بردو الحياه هتتعاش
يابنى حب عشان تعيش
اتجوز عشان تعيش ،،
لو فهمت معنى الكلمه دى حياتك هتتغير 180 درجه
عارفين !
انا عمرى ما شوفت ابويا مزعل امى
ولا هى عمرها طلعت سره لحد
طب اقولكوا على حاجه اكبر
لما وانا صغير كده كنت لما اجوع مثلا واروح اقول لامى انا جعان عاوز اكل تقولى استنى لما بابا ييجى اقولها ياستى مش قادر هموت
تقولى بردو هتستنى لما بابا ييجى . عود نفسك طول ماهو حسه ف الدنيا ماتروحش ولا تيجى الا بإذنه
قولتلها حتى ف الاكل ؟ قالتلى اه حتى ف الاكل ...
امى كانت راضيه بحياتها مع ابويا وده اللى مخليها لغايه دلوقتى تترحم عليه وكل ما تيجى سيرته عينيها تذرف دم
هتسالونى طب ازاى امى بتحب ابويا الحب ده كله حتى بعد 9 سنين وفاه
هقولكوا هى اتعلمت الحنيه من ابويا
مصطفى : هى الحنيه ممكن نتعلمها ؟ مش المفروض انها موجوده فينا او مش موجوده حسب الشخص
احمد : كنت بقول زيك يا درش
امى مره قالتلى كلمه . قالت انا نفسي اشوفك ف ربع حنيه ابوك
قولتلها ليه يا ماما كان بيعمل ايه ؟
قالت كفايه ان لو كانت بينا مشاكل الدنيا ومتخاصمين انا وهو وزعلان منى او زعلانه منه ييجى يطمن عليا وانا نايمه ويطبطب عليا ويمسح على شعرى ويقولى أكلتى قبل ما تنامى ؟ طب انتى كويسه ؟ وكنا نقوم الصبح نكمل خناق عادى او لسا الزعل بينا زى ماهو ... بس استحاله كان ينيمنى زعلانه او مقهوره ....
مصطفى : انت عارف ؟ واحنا صغيرين كنت بحب اجى عندكوا .. عشان ابوك يفضل يسالنى عاملين ايه ف المدرسه ... وكان دايما يدينى ربع جنيه اشبرق نفسي بيه هههههههههههههه حبيبى يا ابو احمد والله واحشنى
احمد : (عينه مدمعه )
مصطفى : حموووووووووو .. خلاص بقا ربنا يرحمه يا صاحبى ويغفرله . وبعدين اللى خلف مامتش مانت طالعله اهو ف كل حاجه .. حنيه ايه وجمال ايه وعيون ايه . دنا لو كنت بنت ماكنتش عتقتك يا اخى ههههههههههههه
احمد : ههههههههههههه الله يحرقك
على : انتوا عارفين ؟
بحمد ربنا انه جمعنى باتنين زيكوا .. اى نعم ضاربين والسلك بتاعكوا ملمس من زمان بس مقدرش استغنى عنكوا ياشويه غجر ، انت يالا سيبتنا 3 سنين وقعدنا من غيرك ازاى نفسي افهم
احمد : هههههههههههه حبيبى يا عليوه ....
مصطفى : ياختى اسم الله عليك وعلى جمالك يا علولى ههههههههههه
على : اتلم ياض .....
احمد : استنوا التليفون بيرن .. دى سلمى ! بقولك ايه يا على بتعرف تقلد صوت بنت صح ؟
على : هههههههههههههههههه افتح بس عليها وانا اخليها تتنطط
احمد : اشطا هههههههههه
احمد : الو !
سلمى : ايه يا حبيبى انت وصلت ولا لسا ؟
احمد : لا والله لسا انا عديت ع العيال اقعد معاهم شويه
سلمى : عيال مين ؟ مصطفى وعلى
احمد : هو فيه غيرهم ( احمد بيغمز لعلى )
على بصوت بنت : (ايه يا احمد لسا كتير ولا ايه ) انا زهقانه
سلمى : احمد ! مين اللى جنبك ؟
احمد : ايه ؟
سلمى : مين اللى جنبكككككككككككككك ؟ انطق
احمد : ولا حد . مافيش الا العيال ؟
سلمى : طب اديهملى
احمد : اديك مين ؟
سلمى : ادينى مصطفى اكلمه
احمد : مصطفى ؟ اصل اصل اصل مصطفى دخل الحمام
سلمى : طب خلص وادينى على
احمد : على ؟
سلمى : اه يا روح امك على
احمد : على قام راح يوصى على كوبايتين شاى
سلمى : طيب انا نازله وجايالك
احمد ومصطفى وعلى بينفجروا م الضحك : هههههههههههههههههههههه
سلمى : ايه ده فيه ايه ؟
احمد : هههههههههههههههه همووووووووووووت تيجى فين يا مجنونه
سلمى : بقا انا مجنونه ؟ مين صوت البت اللى عندك
على بيمسك التليفون : انا على ياسلمى ؟ عجبتك ؟
سلمى : هههههههههههههههه اه يا كلااااااااااب بكرهكوا والله بكرهكوااااااااااااااااا كنت لسا نازله اطين عيشتكو دلوقتى ههههههههههههههههههههههه
احمد : ههههههههههههههههه انا شويه يا حبى وهروح . هكلمك لما اروح بس اقعد مع العيال شويه
سلمى : ماشى ماشى ليك روقه يا استاذ انت .. بطل انت بقا المقالب دى بقا ... اعقل عيب
احمد : هههههههههههههه اعقل مين يا ماما . اللى بيعقل بيكبر ف السن وبيعجز ... انا كده عاجبك ولا مش عاجبك ؟
سلمى : هو انا عاجبنى فيك غير جنانك اصلا يا اخره صبرى
احمد : بحبك
سلمى : ماتتأخرش يا بابا بقا عاوزه ارغى معاك للصبح
احمد : حاضر ..
سلمى :بحبك
...........................
مصطفى : هيييييييييييح
احمد : ايه ده ماله ده ؟ يامتخلف انت متجوز . يعنى المفروض انا وعلى اللى نقول هيييييح دى وبعدين ايه هيييييييييييح دى . المزز بس اللى بيقولوها ههههههههههههه
مصطفى : مزز بس ايه ياعم . نفسي تكون علاقتى مع اسماء زى علاقتك بسلمى كده .. مافيهاش روتين . انتوا الاتنين طاقين زى بعض وخارجين بره الدنيا ... جاتكوا نيله هتعصوا مراتى عليا هههههههههههه
احمد : هو النهارده ايه يا على ؟
على : الخميس ياسطا
مصطفى : لا النهارده التلات
احمد : لا هو الخميس ايش عرفك ... وكام ف الشهر يا على
على : 5 يا كبير
مصطفى : ياعم 5 ايه . النهارده 16
احمد : لا هو 5 ايش عرفك
مصطفى : ههههههههههههههههه ياولاد الهبله انت فاكرنى هحسدك . جاتك خيبه .
احمد : وبعدين يا درش انت بتقول نفسك تكون طاقق مع مراتك ؟ طب ما تطق يا اخى بدل ماهى تطق وتسيبك وتطفش ابو اشكالكو عيال رمم
فالحين بس تفضلوا تسحوا وتعيطوا وتقولوا العيال ومصاريفها ومعرفش ايه ؟ واى كلام ف اى بتنجان جاتكوا الغم عيال سيس .
لما انتوا مش قد الجواز بتتنيلوا على عين اهاليكو بتتجوزوا ليه هههههههههههههههه
اه كل واحد يشوف واحده حلوه يطلع لسانه وبس
ويقول هى دى . ويدوب هو شهر واحد ياخد مزاجه منها وبعد كده يعقد اللى خلفوها ف عيشتها .. فيه ايه لما تكون حياتكوا كلها بعد الجواز زى اول شهر . فيها ايه والله ؟ ماهى هى مراتك اللى كنت بتسهر للساعه 4 الفجر تكلم ف امها وتقولها بحبك وانت بتتاوب على روحك وعاوز تنام وخايف تنام لاحسن هى تزعل وتطلع ميتين اهلك تانى يوم ههههههههههههههههههههه صح ولا لا
مصطفى : هههههههههههههههههه صح والله
على : حضرتك انا دلوقتى ف مرحله الميتين اللى طالع
احمد : ههههههههههههههههه عيال هم اعوذ بالله .. طيب يا حبى كمل خوفك عليها وعلى زعلها . مش علشان ضمنت وجودها يبقى خلاص تعمل اللى انت عاوزه بقا وهى تخبط دماغها ف اتخنها جدار ..
يا حبيب قلبى احنا رجاله ... يعنى اتخلقنا عشان ندلع حريمنا ونهشتكهم ويدلعوا على اللى خلفونا ... هما ليهم مين غيرنا يالا انت وهو يالا
مصطفى : ما خلاص ياعم انت هتقطم اللى خلفونا ليه ؟ وبعدين انا واسماء بنحب بعض وهى عارفه
احمد : وانا عارف انك بتحبها وهى كمان بتحبك . بس حب لوحده من غير اثباته مالوش طعم ... هتبقى عايشه معاك زى اللى محكوم عليها بالعيشه معاك . خليها هى تفرح لما تسمع حسك ف البيت خليها يبقى صوت مفاتيحك ف باب الشقه وانت راجع ده عندها بالدنيا ومافيها ... بعيد عنك فيه ستات بتكره وجود جوزها ف البيت وبتسربه من بره بره عشان تنام او تقعد ف هدوء شويه .. شوفتوا وصلتوا نسوانكوا لايه ؟ اعوذ بالله ... انا قايم ياعم .. هروح اجيب ايس كريم للعيال اخواتى ... اجيبلكوا معايا ؟
مصطفى : تشكر يا ذوووق
احمد : قوم يا حيله هات لمراتك حاجه حلوه وروح اقعد ف حضنها وانت ياض يا على ... هقولك على مفاجأه حلوه تعملها لمنار .. وادعيلى
على : عمى وعم عيالى يا عمنا
احمد : يلا تصبحوا على خير .... المهم انا فرحى الشهرالجاى بكره هكلمكوا واظبط معاكوا هنشوف هنعمل ايه
مصطفى : اوكى ... وانت من اهله يا حب
على : وانت من اهله يا حبيب اخوك
........................
(تانى يوم )
احمد : الو . سلمى ! انتى فين ؟
سلمى : ف الشركه يا حبيبى . انت فين ؟
احمد : بقولك ايه .. بعد العصر هعدى عليك ف البيت تنزليلى
سلمى : ليه بقا ؟
احمد : لما تيجى هتعرفى
.....................
الى اللقاء ف الحلقه ( قبل الأخيره من الجزء التانى )