Bukas na Liham para sa aking Kaibigan
Nandito na tayo,
Sa ating panibagong yugto.
Iba na ang landas mo at landas ko,
Magkaiba na tayo ng mundo
Pero sana piliin mo pa rin akong makasama.
Kaibigan mo pa rin sana ako kahit tayo'y magkaiba na.
Sa puntong ito Natatakot ako,
Natatakot ako na baka isang araw 'di mo na ako maalala.
Natatakot ako na baka hindi na tayo magkita.
Natatakot ako na makakilala ka ng bagong kaibigan tapos ako'y baliwala na.
Natatakot akong maiwan sa gitna ng ating paglaban.
Natatakot ako na sa pagmulat ng mga mata 'di na pala ako ang iyong kailangan.
Gusto kitang kunin sa kanila
Gusto kitang bawiin sa kanila
Ngunit kung ikaw na ang kusang lumalayo,
Sino ba naman ako para pigilan ang kagustuhan mo?
Siguro hanggang dito na lang talaga...
Masakit maiwan ng kaibigan lalo na kung di mo alam ang dahilan,
Pero kailangan at dapat nating tanggapin
Na hanggang dito na lang......
Paalam aking kaibigan.
******************************
Mahirap mawalan ng super trusted friend/s pero wala tayong magagawa kundi tanggapin na lang. Hindi natin hawak ang buhay nila. Kaya sa patuloy nilang paglaban ( friends) tayo'y magpatuloy din kahit wala na sila, hindi sa kanila iikot ang mundo natin. Fighting my celimine, kaya at kakayanin natin kahit wala sila.🤍🤍🤍
