تائهة في خفايا القلوب

part1🖤 لا أ؏ـلم ڪيـف بدأت قصـتي مـعك ؛🖤 *ولڪنني أدرك جـيدآ أنك أصـبحت روحي

طبعا. اليوم راح ابدي وياكم بقصةجديد لبنية عراقية من اهالي مدينة بغداد جبرهة الزمن انو تعوف منطقتهة الي نولدت وكبرت بيهة ا وتنتقل لغير محافضة اعرفكم عنهة عن لسانهة اني اسمي غيد. عمري 18 سنة. بنية مثل كلة البنات ماعندي شي ماشية بطريقي ما الي علاقة بأي احد فقط عائلتي. ف بيوم من الايام صارت مشاكل بين بابا واهلة فانجبرنة ننتقل لغير محافضة فا اقرباء بابا جان عدهم علم بينة فقترحو علة ابوية انو ينتقل يمهم لمحافضة واسط ف بعد تفكير طويل اقتنع بابا وهنا راح تبدي قصة حياتي ما اعرف شسميهة راح تعرفون بل احداث الي راح تجي
غيد: ماما. ماما بعد شكد ونكمل والله تعبت
سوسن: اصبري ماما ما بقة شي انشالله ونكمل انتن روحن صعدن الغراض بل سيارة ويا ابوجن واني اجيب هل كم شغلة واجي وراجن
غيد: مو طولين امي تعبت ما بية حيل بعد
سوسن: احاول اكمل بسرعة
غيد: حملنة الغراض بل سيارة وجاي نصعد صاحت علية الحجية جيرانة الي جانت. كلش تحب ماما. فنطتني علاكة بيهة خبز وبطالت مي
غيد. : هاي شنو حجية
الحجية: خالة هاي الخبز خاف ترحون وبعدكم مخبوصين مشو بيهن حالكم علة ما تستقرون.
بوستهة وتشكرت منهة. وراحت تودع امي وصار بينهن بجي وكلام جيران عشرة سنين. ف كملت امي واجت صعدت ويانة ومشت السيارة 3 ساعات تقريبن وفتنة للمنطقة الي بيهة بيتنة الجديد وهنا اني فرحت لانو انتقلنة علة بيت جديد. ومنطقة جديدة. باوعت علة بابا. اشوفة ضايج لانو اخوتة. عادو وخلو يترك بيت جدي بسببهم وبسبب حقدهم علة ماما. كاعد بابا وصافن دغتة ماما بكتفة حسن حسن فز من صفنتة اصملة شبيك ابو علي لا تضوج نفسك الله موجود مينسة عبدة.
فرك وجهة بثنين ادية وصفك ايد بايد ونعمة بالله ام علي
شوية ونشوف السيارة. وكفت وصاح علينة بابا
يلة بناتي همن اديجن ساعدن امجن وبدينة ننزل ونزل بل غراض نزلت اني خواتي واخوية زغير عمرة 5 سنين
طبعن عائلتي متكونة من 7 نفرات
ماما. :سوسن
وبابا: حسن
واني: غيد
ونور عمرهة 16
وفاطمة 9
ومنار 12
وعلي 5
ف نزلنة واجو الجيران يعرفون ابوية وهم اقرباء من بعيد يساعدونة بتنزيل الغراض. وفتنة جوة لبيتنة ما شاء الله مساحتة زينة وبسيط علة كدنة واشوف اهل المنطقة اجو يساعدون بابا بل نقل صاحت ماما علية
سوسن: غيد ماما صيحي خواتج وتعالن هنا بل غرفة عيب من الناس الغرب علة ما يكملون نطلع نرتب البيت
غيد: صار ماما
رحت صحت لخواتي واجيت قبل لا ادخل للغرفة اسمع بابا يصيح علي
حسن: غيد تعالي بابا اخذي هاذة الخبز والمي وديهن يم خواتج خاف جاعن عطشن رحت اخذتهن من ايد بابا
واني راجعة جان المح واحد من الولد الي ينزلون الغراض يباوع علي بنضرات غريبة فنزلت راسي. كلت خاف اني متوهمة ورجعت رفعت راسي بعدة يباوعلي عفتة ومشيت دخلت جوة هسة اني بيا حال تعبانة وكلي تراب من السيارة. انطيت الخبز والمي لماما وكعدت متربعة بل باب. كملو الولد وراحو تشكر منهم ابوية وفات جوة وسد الباب. فصاح علينة
حسن: يلة سوسن يلة بناتي همن اديجن خل نكمل حتة نكعد نرتاح نتغدة نام ف بدينة نشتغل من الساعة ب 12 الضهر لل 6 المغرب يالة كملنة ابوية جان طالع ف من اجة جايبلنة عشة ويا ومسواك ومي طلعتلة امي اخذتهن من ايدة ورحنة اني ونور نجهز العشة بل صينية ورتبنا واخذنا كعدنة بل صالة تصير بوسط البييت. البيت متكون من استقبال ومطبخ وغرفتين وصالة وحمام بل صالة وطرمة جبيرة شوية. ف كعدنة نتعشة شوية وحجة بابا
حسن: باجر اروح اكمل مدارس البنات وانقلهن ما اريد يروح عليهن دروس ويتعبن بناتي
سوسن: بكيفك ابو علي
سكتنة كملنة عشة كامت نور اخذت الصينية وغسلت الماعين
وفرشنة فراش النوم بس خليت راسي عل مخدة غفيت من التعب
كعدت الصبح علة صوت دعاء كميل وريحت البخور ونسمة هوة تخبل حسيت بروحي مرتاحة. وخرت الغطة رفعت راسي امي فاتحة الشباك مال الغرفة والباب وتبخر بل بيت ومكملة تنضيف
غيد: صباح الخير ماما
سوسن:صباح النور حبيبتي
سوسن:يلة غيودة كومي غسلي وفرشي اسنانج وتعاي وراية للمطبخ اتريكي
غيد:صار ماما التفتت البنات نايمات بعدهن وعلوش هم نايم يروحي يخبل
عفتهم وطلعت غسلت وفرشت اسناني ورحت للمطبخ لكيت ماما محضرتلي الريوك بيض وطماطة وجبن. وجاي. سميت وبديتت اكل شوية وكعدو الجهال غسلو واجو شاركوني الريوك كملنة وكمت غسلت الماعين
نور: غيودة شتكولين هناك لو هنانة احلة
غيد: باوعت علة ماما كتلهة ماما شتكوولين
سوسن: حبيباتي اهنا ولة هناك احنة بيتنة الحقيقي يم رب العالمين هاي الدنية مجرد اختبار. يومية تتغير منطقة وتتغير ناس بس يبقة بيتنة الوحيد يم. الاله الواحد الاحد
حجينة ثنينة: فعلن ماما
غيد: ماما لعد ابوية وين
سوسن: حبيبتي اتريك وراح باشر بل نقل مالتجن مال مدارس علمود لا تفوتجن هواية دروس
خطية بابا حبيبي فنة عمرة كلة علمودنة
علمود يعيشنة عيشة هنية ويشوفنة مرتاحين وما فكر بنفسة بيوم ابد بحيث حتة من توفو جدو وبيبي كلمن اخذ ورثة وطالب بي الة بابا مقبل كللهم لا تبيعون البيت بي ريحة امي وبوي مقبلو تعاركو ويا وحرمو من الورث عل اساس جدي الله يرحمة كاتبة البيت باسم عمي الجبير. وهوة بكيفة المن يريد ينطي والمن ما ينطي جدي لمن تمرض كلش ابوية جان يشتغل وما يلحك علمود يوفر افلوس العلاج بينما اخوتة جانو يخططون من ورا يقشمرون جدي،ويخلونة يبصم علة اوراق علة اساس يصير تقسيم الحصص بل تساوي بس جذب جانو مسوين البيت باسم عمي الجبير وجدي مريض نضرة ضعيف بصم وبل تالي اتوفة وابوية انحرم من حقة بسبب جشع وطمع اخوتة ف اتعارك وياهم لانو جان رافض بيعة البيت لانو الذكرة الوحيدة من اهلة بس فرطو بيهة ف توعد الهم يترك بغداد ،كلهة
كاعدة بل طرمة وندك الباب جاوبت
غيد: منو
؟؟؟؟؟؟ اني اني ابو علي موجود
غيد: لا مموجود تفضل رايد شي
؟؟؟؟؟؟: لا بس متصيحيلنة الحجية تجي تاخذ الصينية هاذة غدة دزتة الكم امي
رحت باستغراب فتت للمطبخ ماما هاذة ولد بل باب يكول تعاي اخذي الغدة دزتة الكم امي
سوسن: منو مكلج
غيد: لا مكال
طلعت ماما لابسة عبايتهة سلم عليهة الولد وفات للباب مال الطرمة. انطاهة الصينية وكال خالة احنة بيت ام ليث. وبقة واكف منتضر الاماعين نرجعهن الة اني. مادة راسي اباوع من
الشباك. لمحتة هوة نفس الولد الي جان يباوعلي بذيج النضرات الغريبة
رفع راسة وشافني ابتسم ودار عينة للباب اجت امي جايبتلة الاماعين وتشكرت منة
اني وخررت من الشباك فشلانة شكو مديت راسي اباوع امداني غميت نفسي
ورحت جوة نص ساعة واجة بابا
سوسن: الله يساعدك ابو علي تعال اسبح محضرتلك الحمام علة ما اجهز الغدة
حسن: يسعد بختج ام علي اي والله جوعان ميت
صبت ماما غدة وغسلنة واجينة نتغدة حجينة كلنة الله يساعدك بابا
حسن: يروح ابوكم شلونكم انتم
'''''''' زينين
كعدنة نتغدة
حسن: بناتي خلصت كلشي يخص النقل باجر تداومون. اول يوم غيد خامس علمي ونور ثالث متوسط ومنار سادس ابتدائي. وفاطمة. رابع ابتدائي مشة اليوم طبيعي الى ثاني يوم كعدت نشيطة سبحت وبدلت وتعطرت وطلعت بل باب ابوية جان متفق وية ولد ابو خط لانو المدرسة بعيدة شوية عن بيتنة فا سمعت صوت هورن اجة ابو الخط (السيارة) فتح الباب وجان اشوف

شنو حتتوقعون البارت الثاني خليهة مفاجاءة والبارت الي راح يجي حماس اريد تفاعل علة قصة حتة ما اطول عليكم بل نشر فرولاتي 🥰🍓