Wicked Love (COMPLETED)

Wicked Love 6

"LANCHESTER, prepare yourself for the baseball team training," wika ng coach ng baseball team.

Nasa field silang lahat ngayon at dahil si Tyron ang team captain, kailangan siya dapat ng Team.

"Kailan coach? Para matapos ko ang dapat kong gawin sa student council ng College namin." Seryosong sagot nito.

"Monday, start your trainings with your team. Tandaan niyo, hawak ng UNP ang titulo pagdating sa baseball tournament." Sambit ng kanilang coach.

Seryoso lang si Tyron at ang tanging sumagot lamang ay ang kaniyang mga kasamahan.

Naunang umalis si Tyron sa field at iniwan ang kaniyang mga kasamahan. May tatapusin pa siyang report sa student council para sa nalalapit na University tournament ng UNP laban sa ibang University.

Paliko na siya sa daan patungong student council room nang makita niya si Hazel na may kahalikang lalaki.

Napakunot ang kaniyang noo at ipinagsawalang bahala ang kaniyang nakita. Nanatili naman na walang ekspresyon ang kaniyang mukha na dumaan sa bahaging 'yon.

Nagulat naman ang dalawa nang tumikhim ito kaya mabilis na naitulak ni Hazel ang kahalikan.

"Papansin ka ba?" inis na bulyaw niya kay Tyron. Masama ang tingin nito sa kaniya.

Malamig lamang siyang tinignan ni Tyron. "Kung gusto mong gumawa ng kaligayahan, huwag sa paaralan. Dalhin mo ang kalandian mo sa motel hindi sa eskwelahan."

Umigting ang panga ni Tyron nang makaramdam siya ng palad na dumapo sa kaniyang pisngi.

"Masakit ba? Mas masakit pa ang mga salitang binitiwan mo kaysa sa sampal na 'yan. Gago!" inis na sigaw ni Hazel.

"You're breaking the rules, Ms. Cereneo!" pagalit na usal nito. "Akala ko ba matalino ka? Bakit pagdating sa simpleng rules and regulations, nilalabag mo pa?" sarkastikong ganti ni Tyron.

Natamaan sa sinabi ng Governor ng departamento nila.

Napakuyom si Hazel at akma muling magsasalita ngunit biglang sumabat ang lalaking kahalikan nito upang depensahan ang dalaga.

"Ano ba ang pakialam mo, Gov?" maangas na tanong nito. Jergen, he's the team captain of UNP volleyball team. "Gusto mo rin bang humalik sa kaniya?"

Tyron's jaw clenched. He balled his fist because of what Jergen says.

"Huwag mo akong aangasan," malamig na mungkahi ni Tyron. "...baka hindi lang si satanas ang makilala mo kapag hindi ko natantiya ang pananalita mo, gago." Matigas na sambit nito na halos lapitan na niya si Jergen at itulak ang dibdib nito.

Pumagitna si Hazel para manahimik ang dalawa. Aminado siyang kasalanan niya pero iniisip niyang may mali rin si Tyron.

"Tama na 'yan!" suway niya. "Ano ba ang pakialam mo, Tyron? Ano naman kung halikan ko siya, magmake-out riyan sa tabi-tabi? Halikan mo rin kasi ang mga babaeng patay na patay sa iyo!" angil ni Hazel.

Tyron looked at her intently. Ang kaniyang mga mata ay halos mamula na dahil sa galit.

"Huwag mo akong igaya sa iyo! Kulang na lang maghubad ka sa harap ng lalaking 'yan, e!" pasigaw na saad niya.

"So, are you jealous? Ano naman kung maghubad ako sa harap niya? Wala namang magseselos." Giit niya.

Hinila ni Tyron ang palapulsuhan ng dalaga at madiin na hinawakan 'yon at hinila ito palapit sa kaniya.

"Huwag mong hintayin na ako mismo ang puputol sa sungay mo, Ms. Cereneo." Malamig niyang turan. "Don't dare to break the school rules again or else... may kalalagyan kang babae ka." Dugtong niya at marahas na binitawan ito.