لگيتك رَاحتي
وحَلي
وضوه العين
والباب
الـ بوجه الريح
ينسَد
صَح حبيتك
من بعيد لبعيد
بَس چانت
صفنتي بوجهك أبعد
- عفيه همتجن بنات تصويت وتعليق لدعمي واستمراري
🫂
مصطفى : وصلت شغلي واني فول اعصاب ومستغرب من الوضع ليش هيج رد فعلها ليش ليششش احس كَلبي انمرد
طبيت وجان يفاتحني ابن عمي بانو جايه بظاعه من تركيا رجاليه ويريدون يساهمون ويانا بالبضاعه شي ع شي البضاعه راح تصير فائضه يمنا ويريد يفتح فرع النا خارج المول وكالي شغلك اليوم ادوريلي محل يشتغل ويانا بملابس رجاليه واني كتله بسيطه موجود كالي روح شوفه اذا تمام الوضع والمحل زين دكلي حتى اخلي العمال يوصلون البضاعه
رحت طلعت من الشغل وكبل على محل لؤي لان مااجه بالي محل غير محله وهو هم صارله فترة واكف محله مايشتغل وكلت هذا اخويه اساعده وهو اوله من الغريب شفته جاي يسفط بمقصان
هااا يول يالكاطع شلونك
لؤي : هلا بيك حمدلله ههههه كاطع شنو هو الصبح صبحت بوجهك الفكر يافكر ليش عفتني ورحت مانتظرتني اروح وياك
مصطفى : هاا دكو عليه على شغل مستعجل وطلعت نسيت ابلغك
ههههههه افا صرت هسة اني الفكر ماتستاهل الخبر الي جايبه الك شلون الوضع يمك
لؤي : ضحكت على كلمه ماتستاهل الخبر عبالي شي عادي لو يضحك عليه هزني سؤالك عن شغلي ومتحملت
عفت القميص من ايدي وكعدت على الكرسي وحطيت اديه على راسي والله يامصطفى شغلي تعبان وبضاعتي قديمه محد يشتريها وماكدر اجيب غيرها اذا مابيعها ماعندي فلوس الجديد غالي والموديلات كثرانه والناس ادور جديد وعلى الموديل
واذا جبت جديد هذا القديم راح اخسر من وراه هواي واني منا اصلاً محتاج فلوس للجديد
وسبحان الله الرزق واكف وحاير شسوي كل ساعه اكول راح اغلق المحل ورتاح من عبئه وساعه اكول اذا سديته وين انطي وجهي وهو تعينات اصلاً ماكو
مصطفى : شفته شلون مهموم ونقهرت عليه صاحبي واعرفه كلش يشيل هم وينقهر يضل يفكر بالمستقبل والعيشه والله وكت خريجين ونشتغل بمحلات ملابس اخخ يهل بلد معقولة هل تعينات ماكو
زيننن حلك عندي واحلى حل واذا اكلك شغلتك بسيطه بس كول نعم وتتغير وضعيتك من وضعك لاحسن وضع تتخيله وتتمناه حجيت وصفنت على ردت فعله اريد اشوف رد فعله شلون
أنت تقرأ
قلبي بيدهِ
ChickLitقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
