قلبي بيدهِ

بارت 7

- لأنني أحب السماء كثيراً وهبني اللّٰه غيمة، هذا ما استطعتُ وصف حبيبي به 💙.

عفيه همتجن بنات تصويت وتعليق لدعمي واستمراري🫂

اماني : كعدت الصبح على حس امي وكمت باوعت على الساعه بال ٧ الا ربع يماا تاخرت ركض لللحمام غسلت ورحت ع سريع اكلتلي اي شي وطلعت بدلت ومشيت لكيت البنات احنه ماجنه نطلع سوة بس من صارت الامتحانات اتقفنا على هل شي

كمت امشي وياهن وصلنا الامتحان واني ماخليت شي ماقريته من الخوف دعاء ايات قرآنيه هههه اي شي يخطر بالي اشوفهم يوزعون اسئله وكلبي احسه يريد يطلع من مكانه اني كل يوم بهيج وضع اصير

سلموني الاسئله وبديت احل وماقبلت اطلع من الامتحان الا اني راضيه على نفسي طلعت وعبالك طالعه من معركه ارهاق تعب مع بسمه خفيفه تدل على النصر هههههههه حرب مو امتحان هههه رجعت للبيت بدون غده بسرعه سبحت ونمت سمعت امي تحجي

رسل : يا يمه شسالفه اككلي لكمه ميصير هيج لا يصير بيج ضعف عام

اماني : ماريد يما اريد انام تعبانه ورحت نمت ماكعدت للعصر وضليت على هل وضع اكعد واكل شويه واقرة واروح والكه شي بالباب وربي دخت بهل ورقات شنو سالفتهن مر الاسبوع وشويه عليه

مثل الدهر متت تعب وماشبع نوم وتفكير كلش تعبت لعد بالوزاري شلون اففف بس اخيراً راح تجي عطله نص السنه اووف بعد عناء ههههههههه هل مرة اشوف بابا وين ياخذنا لازم يطلعنا كم يوم وخصيصاً اني احس جو الكئابه عندي يقرة الف

مصطفى : مشى الوقت كلش سريع عليه كضيتها شغل ووتعب وصفيت محل لؤي صار يخبل واسع ويفتح النفس وماشاء الله الظاهر خوش صاروله معاميل

وارجع للبيت صار روتين يومي قبل لا انام اباوعلها وهي بالبلكونه واضل اتامل بيها واذا ماتطلع اكعد اباوع على صورتها الي سويتها بالاستديو صار مكانها جوة مخدتي واذا اطلع بمحفظتي بحيث محفظتي ماكدر افتحها كدام احد اغار عليها هههه لا احد يشوفها و دائماً

اتامل ملامحها يلا اكدر انام اخخخخ بنت الذينه شسوييتي بيه اخ اخ ههه كل يوم اخليلها ورقه بالباب واخليها حايرة بزمانها هههه كلش حلوة باجر من نصير سوة نحجي لاطفالنا هاي سوالف وشفت

احلى طريقه ابدي حبي او مو ابدي لان احبها من زمان اخطي خطوة بهذا الطريق يكون هيج وقررت بعطله نص السنه اعترفلها وتقدملها بس اصير بسمي هاهي لو اضل ١٠ سنوات تدرس انتضر

اجت عطلتها لنص السنه هههه خطيه ذبلت وردة كلبي اشوفها ضعفانه والسواد جوة عيونها اخخخ مدي الزمها واضمها بكَلبي ينمرد حالي من اشوفها هيج بس مابيدي حالياً شي عليها