حب عبر الاجيال

مقتطف من وسط القصة

الكاتبة: - زينب الحربي

حساب الانستكرام

……………………………………

_خليت ادي علئ اجتافة يواشك بوية لا تفتحلهم الطريج لا تشمتهم ببوك الشيخ وتخليهم يتشمتون اكثر تهدئ بوية وفرزن امورك زين لا تسمحلهم يسوون خط بينك وبين ابوك وهم اهو هذا الرايدي

_باوعتلة بغضب هدني عمي هدني ما اسوي شي ياذي ابوي موش انة الاذي بكلمة لجن وصلت حدها لهنانة عمي موش هي عافتني رايحلها اردن اسئلها ليش عافتني وخلتني ببيت ابوي اتعامل معاملة اليتيم موش امي وابوي عايشين هيج انة ثكيل عليهم ليش خلفوني عمي انة يوصلني قصة حبهم تحجي بيها الناس شخلاهم يفترجون رايح اعاتبنها وارد لو اعرف اخسر رويحتي

_يواشك بوية مو هيج الامور تنحل توجد خل افهمنك وانة احجيلك الغصة كاملة من طئطئ للسلام عليكم

_ لا يعمي ولا زغرا بيك. اريدن اسمع كلشي من السانها بلجن تهدا النار الواجرة بفادي

_ روح بوية مودع بالله لجن انتبه من الاخو كبل ابن العم من الصديج قبل العدو  فرزن امورك زين ووجد روحك خليك فطن لا تسمح لحد ياخذ حكوكك الالك لو شما صار انة شتحسبني احسبني ابوك عمك خادم لجدامك احسبني واسمع كلشي اكولنة يبوية الدنيا مو مثل من انت متصورها الدنيا فاينة يبوي وواحد متربص للثاني روح عاتبها بلجن ترتاح ومن ترجع اريدنك واحد ثاني كلها تتعجب من التغيير الحاصل من ترجع ما اريدنك هذا انت اريدنك ترد شيخ بكل هندامك جدام الوادم كلها وانة ابوك لا تفشلني حبيتة من جتافة روح يبوي

_انه اترخص هزيت راسي ومشيت وعاندت ابوي ومرتة واخوي اليبحوشون وراي حتئ يوجعوني بشر اعمالهم انه رايح افهم منها كلشي ورادلكم اصبرولي موش ابن ابوي ان جان ساكتلكم لهسة فالخاطرة لجن من اليوم ماعدكم خاطر عندي عفت عمي ورحت طريت سلفهم لجن محد عرفني وشفت الوادم مستغربة شكلي لجن موش مهم المهم اوصل لمنواي واحصلنة وكفت يم رجال السلام عليكم عمي اشلون حالك ان شاء الله بخير

_بستغراب وعليكم السلام عمي تفضل ان شاء الله خير عسئ ما شر بطرتك سلفنا

_لا يعمي الله يبعد عنك الشر لجن عندي ضايعة بهذا السلف جيت انشد علئ علومها لو عندك خبر بيها

_اتعذرني عمي انه موش الي بهالسوالف ولو سمع الشيخ مطي علوم السلف الواحد غريب يكل للسركال ويصلبني اعلئ الشرجة اليابسة ذيج تعذرني عمي

_ ان كتلك انه من اهل الشيخ وجريبة انه ابن اختة عمي وجيت اسئل اعلئ علوم امي بعد كل هاي السنين رايد احجي وياها واسمع منها كلشي

_ لمعت عيونة هذا انت وجيت اتنشد اعلوم امك بعد اسبعطعش سنة شذكرك بيها عمي وليش تفتح الجروح هاي اذا انسدت لهسة يعمي

_اهواية سوالف يعمي رايد اجعد واعاتبنها موش من شيم الشيوخ لجن ما يبرد كلبي الا بهالطريقة اطني الطريج الصحيح يعمي

_روح للشط من جهتة اليمنة موش اول عجد ولا الثاني روح لثالث عجد تطب بي يا دخلت لنص روح يمنئ تلكة بيت صغير ماذي الزمن هذا بيت امك بعد موت ابوها وعافوها الكل روح بعد ابوك وطيب جروحها

_رايح انه رايح عمي علوم سبعطعش سنة الزوم اعرفنها اليوم وارتاح عفت الرجال ومشيت لجهة الشط المية تخبا والجو يهيم مال اجعد هنا لجن مو مطلبي هذا لكوني فارغ ارتاحيت هنا رحت مثل ما وصفلي طريت نهاية الجهة اليمنة من شط وحسبت تلث اعجود ورحت للثالث ووصلت علئ ايدي اليمنئ وكلبي يخبط ما ادري خوف ما ادري حقد ما ادريبة شنو هذا كل الاعرفنة اريد اعرف كلشي اليوم لزوم انه اعرف كلشي وارتاح وصلت المكان الكلالي عليه موش من عوايدي اخاف هجي لجن خايف من اللقاء اشلون راح يصير اخاف اطلع ضالمها شتصرف وخايف اطلع انه المضلوم وهم شتصرف وصلت بيت واضح جاير اعليه الزمن والهم واضح حيطانة متهدمة من الفراك دكيت الباب واجاني صوت غزال ناعم

_تمهل اجيتك انه منو البالبيت

_انة خطار انتي ياهو

_يا جا هو الخطار يسئل يو اهل البيت عمي انت ياهو

_اني رجال جديم وجاي اعليكم هذا بيت _______ يو انه غلطانة

_يواشك حشاك من الغلط اي هذا بيتها تفضل عمي ان جان محتاج شي هالركبة سدادة

_سلامتج بوية لجن ان جانها موجودة صيحيلياها كليلها غطعة من كلبج بالباب شو انة جاي احجي وسمعت ضحكتها

_خايب غطعة من كلب ياهو هي عمتي باكي عدها كلب حتئ غطعة منة روح عمي روح انجانك من ذولة اليضحكون فاني كاعدة هنا اليوم اتوجدلكم المانيمت الربد براسك بس كونك جاي تضحك عليها وان جان مكصدك خير فاني اتوسف منك

_خايبة يضحكون علئ منو انه _____بس كليلها هي تعرفني
جاي احجي وحسيت بتفكة صارت علئ خاصرني وضربة جوية فتحت راسي _____اخ يا بوية ______

………………………………

مرحبا بنات هاي اني وياكم بقصة جديدة قصتنا تبدي من العهد الملكي

وبطلاتنا حيكونن بزمانات مختلفة يعني ماكو بطلة وحدة لا اكثر من بطلة

طبعا كل وحدة من ذني البطلات حتكون الها قصة حب يحجي بيها ابناء وبنات جيلها

حنبدي باول قصة حب مضلومة اللي هي بالعهد الملكي

ونستمر بتسلسل القصص

كل اللي اريدة منكم هو دعم خاص الي واكون ممنونة

احب الحماس هاي القصة بالذات احسها مسلسل تلفزيوني من يحجولي الاحداث اني شخصيا ما اصدكها بس يقسمولي انو حقيقية وصايرة الا اصدك

اكيد انتو حتكونون مثلي انطو تصويت وتعليق اذا كنتو متحمسين

الكاتبة: - زينب الحربي