ترف بتلخبط : ل لا
الجد : ليه بالعكس احس ودي اشوف عيالكم بالمستقبل
ترف : جدي انا لسى مافكرت بموضوع الزواج انا افكر ف دراستي
"الجد يختبر صبر محمد"
محمد : يع يطلعون قرود بالغلط هههههه
انس : وانت شعليك
محمد : لايكون صدقت انت ؟
الجد : واذا صدق يمحمد ايش بيصير ؟ قل الله يتمم لهم على خير ليه تناقره
محمد : يع ماتخيلهم مع بعض ذي انطوائيه وذاك انطوائي وربي ماعاد نشوفهم يختفون فجاءه
الجد ضحك بنفس الوقت يبي ينرفز محمد لانه شاك فيه : ترف وافقي على انس عشاني
ترف : يجدي انت توك تقول مزح وش اوافق عليه ؟
الجد : بس نخطبكم لبيعض وتملكو بعد ماتخلصين الجامعه تتزوجينه
محمد ماعاد الا بيطير
ترف : لا مابي اتزوج ولا ابي افكر
انس عرف خطت الجد : فكري فيني استخيري يمكن اعجبك هههههه
الجد : يمكن ماتدرين
ترف : جدي بنادي شادن اخطب لها بدالي انا مابي
محمد ضحك وهو يشوفها تحاول تصرفه
الجد : لا ابي اخطب لك انتي لانك اميرتي الاولى
ترف حست ان الموضوع جد وتوترت
الجد : شفيك متوتره عادي عيال خوالك وخالتك جالسين ناخذ رايك بالزواج
ترف : ياجد قلت لا !
الجد مسوي معصب يبي يخوف ترف ويبي يتاكد من محمد: وانا قلت الا ابي ازوجك انا متزوج جدتك وهي عمرها13!
ترف عيونها حمرت ودمعت وقامت الجد : ترف اجلسي!
ترف جلست دون رد
الجد : ردي علي موافقه ولا لا
ترف :.........
الجد : يعني الي افهمه موافقه ؟
ترف بخوف وتوتر حتى ولو عيال خوالها تخاف منهم اذا كان مامعاها البنات : لاااااااا!!!!!
الجد : ليششش
ترف : اكره ماحبه ماعرفه ولا يعرفني ولا ابي اتزوجه خلاصص!!!
محمد عصب بداخله كيف الجد قاعد ينرفزها وعيونه بتطير من الغيره
الجد : ليه طيب تكرهينه ؟
ترف : كيفي
الجد : طيب شوفي نايف ؟
ترف قامت : ماني شايفه فلان ولا علان بنادي لك شادن واخطب لها على كيفك
الجد ضحك عرف انه منرفزها بس ماكشف محمد
شادن : هلا يجد ترف تقول انك تبيني
احمد : الله يعينك مقدماً
شادن : ليه ؟
الجد : اجلسي
شادن : يلا يجد جلست قل شفيه
الجد : بخطبك لاحمد دامه يقول الله يعينك
شادن : تم ماعندي مشكله
الجد: متاكده ؟
شادن : ايوه عشان افتك من طيف الي تسرق اكلي
الجد : شادن ترى مو جاي اطقطق معك
شادن ولا همها : موافقه نتقدم على سنة الله ورسوله نعم انني موافقه
احمد: طيب انا لو اقول اني مو موافق
شادن : مو على كيفك تنغصب
الجد : طيب اجهزي بكره وبعد بكره ملكتك
شادن : ولا لو اني ايش ايش اعطوني شهر اجهز ليه
الجد: ليه شهر؟؟؟
شادن : تعرف يجد انا كسوله وكذا ضروي اطول على بال ما اجهز
الجد : وكيف تتزوجين وانتي كسوله
شادن : يوم علي اطبخ وانظف ويوم عليه الله يعينه
شادن : يوم علي اطبخ وانظف ويوم عليه الله يعينه
الجد : هو عنده دوام وشغل بيتعب وبيرجع
شادن : مشكلته حتى انا بتوظف وبيصير عندي دوام وبتعب
احمد : والله ماطبخ يمكن انظف البيت واشياء بسيطه
شادن : غصب عليك تنضف وعلى فكره ترى ماعرف الا اطبخ اندومي واذا مره مره بيض
احمد: يجد انا ما اعرض حياتي للخطر
الجد : مو على كيفك ملكتكم بعد يومين فاهمين!
شادن حست الموضوع جد : صدق ؟؟
الجد : من اليوم اتكلم واقول ياشادن جد وانتي اعطيتيني كلمتك خلاص
شادن : اهربو ماتشوفون الا غبرتي
الجد ضحك من كلامها وكيف ماخذه الموضوع طقطقه مو نفس ترف وناوي عليها من طريقة ردة فعلها
دخلت طيف بملل : ابي البقاله
عبدالرحمن : لا احلفي ؟
طيف : انت شدخلك
عبدالرحمن: ماحد ما اشتكى منك الكل اشتكى تبلعين اكلهم وتقولي ابي البقاله
طيف : عبدالرحمن اص ولا كلمه
الجد : يلا ي عبدالرحمن قم ناد غزلان وودها دامك تلقفت عليها
عبدالرحمن : لا تكفى قل كل شي الا ذي
الجد : قلت قوم يعني قوم !!!
عبدالرحمن : ابشر
راح عبدالرحمن نادا غزلان وركبو السياره
غزلان : اعرفك على سواقنا عبدالرحمن
طيف : حركاااتتت ماعرفتكم عندكم سواق وبعد سعودي
غزلان : شعرفكك
عبدالرحمن : اقسم بالله لاوديكم ل بقاله فاضيه مافيها شي
طيف : لا لا تكفى خلاص اسفين
غزلان : ماهي ميته ترى تذلنا
عبدالرحمن : اجل خلاص مشينا للبقاله الي ماتعجبكم دام الوضع كذا
طيف بصياح: خلاااصصص قلنا اسفيننن!!!
عبدالرحمن: لاتصيحيينن !
طيف : طيب
عبدالرحمن : زعوله
طيف : طيب زعوله بس ودني بقاله زي الناس
عبدالرحمن : ابشري
غزلان : شاطر اخوي
الجد:احمد بروح هناك والحقني
احمد : ليه يجد
الجد : بتعرف بس تعال
احمد : ابشر
راحو الاثنين لوحدهم
الجد : بطلبك طلب واتمنى تحترمني وتوافق
احمد بتوتر: اذا اقدر ابشر
الجد : احفادي يقدرون على كل شي
ابتسم احمد
الجد : بخطب لك شادن !
