الهَواجس

الحـلقة السـابعة عشـر

الكـاتبة شهـد 🖤

شفافةٌ كقصيدةٍ شرقيةٍ، كتلاوةٍ للتين و الزيتونِ .

____________________________
رقـية

طلعت من البيت للمدرسة واني الخوف يلعب بگلبي خصوصاً بهاليوم امشي واتلفت ع الجهتين ما شفتهم موجودين ارتاحيت شوية وكملت مشواري للمدرسة طبيعي..

خلص دوامي بين دروس وامتحانات نسيت الي مخوفني وما اهتميت طلعت من المدرسة اني وصديقتي نسولف ونحچي ع الدراسة والامتحانات وشگد صعبة البكلوريا بالنسبة النا..

لحد ما وصلنا محل قريب ع المدرسة گالت صديقتي ربى..

-اوگفي رقية تعالي خلي نشتري منا محتاجة قرطاسية

-لچ والله تعبانة خلي نمشي وباچر من نجي اشتري

-لا تصيرين عجوزية هسه ع السريع نطلع

-لعد فوتي انتِ راح انتظرچ هنا..

-ماشي مو تروحين حبابة

-ديلا بسرعة ولج ميتة تعب

فاتت ربى تشتري واني واگفة بره انتظرها ..
فاتت قريب مني سيارة انفتحت الجامة مال السايق وسأل..

-السلام عليكم اختي..

-وعليكم السلام..

-انتِ رقية بنت ابو محمد

-اي اني اتفضل..

بس نطقت هالكلمتين ماحسيت غير ايد نلفت على خصري وسحلتني من نص الشارع وگدام العالم والطلاب والمشكلة كلها تباوع ومحد حاول يتدخل من الخوف ارافس برجليني واختنگت اجت عيني على ربى وهي واگفة حاطة ايدها على حلگها ودموعها عشرة عشرة ..

شمروني بالسيارة الي گاعد بمقعد السايق وجه سلاح بوجهي نشف الدم بجسمي من الخوف خلست واني ارجع محاوطة نفسي بأديني حركو السيارة واحس صوت الأبرة اذا وگعت ينسمع بيها..

نطقت بعد تردد وخوف ودموعي تنزل..

-شتريدون مني ما مسوية شي والله حتى ما اعرفكم..

-هسسس ولا حرف سدي حلگچ

صرخ الي گاعد بصفي من صوته الخشن وصياحه لزگت نفسي بالباب وسكتت اخاف احاچيهم..

شوية ودگ تليفون واحد منهم رفعه لصديقه وگال..

-استلم يتصل راح يطيح حظنه..

-رد عليه لاتخليه يدگ هسه يضل يصيح..

فتح الخط وعلى گد ما الشخص الي بالطرف الثاني يصيح سمعت صوته وهو حتى ما فاتح مكبر الصوت..

-ولكممم گوا***** يومين صارلكم بـ بنية بگد رجلييي

-سيدي جبناها جايين بالطريق

-ما اريدها تتأذى اضفرها اذا مصبغتة والصبغ راح منه اذبحكم واذبكم للچلاب..

-واضح س...