سَتطوفين أرجاء العالم وتعوديّن الى أضلُعي
( خَل يكثر عنادچ بَعد تاليتچ تحبيّني )💜
عفيه همتجن بنات تصويت وتعليق لدعمي واستمراري🫂
-طبينا ومن دكينا الجرس طلع عمي جاسم
جاسم : وياهلا والف هلا بالغوالي يولوا شلهل مفاجئه تفضلوا تفضلوا توه نور البيت والمنطقه كلها اشوف كلبي اليوم مفرفح وفرحان ثاري نضر عيوني بالطريق حياكم الله تفضلو تفضلو
محمد : البيت والمنطقه منوره بصحابها شلونك خوية شخبارك وربي مشتاقين
جاسم : هلا بيك هلا والله عيب عليك هيج تكطع بينا عندي عتب عليك حيل جبير بس بالاول اتفضل
محمد : هههههه ولك دايخ من الطريق ارتاح ونتفاهم حقك عليه وماعترض على اي شي منك بس ارتاح
اماني : طبينا واستقبلنا عمنا اني ولؤي تحضن وبوس
-يااا عمووو كبران كلش ما شاء الله صاير زلمه ذاك اليوم رحت من يمنا صغير وطفل
جاسم : ولج تعالي فريختي البارحه عفتج هل كدوتج واليوم اجيتيلي مرة من اروح فدوة لهل جمال تعالي ياعمري خل اشبع من ريحتج افيشششش شمشتاقلكم
اماني : حضني عمو حيل وباسني على راسي وفوتنا للاستقبال ضيفنا مي وراها طبت علينا مرت عمي سهام
سهام : يا هلا
- عمي فاجئتوني ماتوقعت هل جيه هلا بيكم الف هلا ياربي ماتسعني الكاع من الفرح والشوق
رسل : ههههه المهلي بيج خيه والله مشتاقتلج واخذتها بحضني وكعدنه نبجي
جاسم : ههههه اخ من النسوان اسمهن يبجن ويلطمن
محمد : خليهن مشتاقات خطيه خليهن براحتهن يشبعن من بعض هههه هسة شوية نوب تلكاهن يضحكن ويصفطن حجي
سهام : رفعت عيني وشفت وياهم بنيه كلش حلوة وبيضه وعيونها وساع وصفررر تخبل تخبل تنحط بنص الكلب سئلتها انتي اماني هزتلي راسها ب يييي لزمتها وحطيتها بحضني وابوس بيها ياروحي
-يااااا بنيتي كبرانه ماعرفتج صايرة مرة تخبلين من فدوة لله شهل طول شهل جمال عفتها وبستها بخدها وسلمت على لؤي
-يلا خيه عوفو اللزلم وحدهم تعالن طبن جوة ارتاحن حللن ملابسجن تعالن تعالن استريحن هنا
اماني : طبينا جوة واني عيني على كل زاويه ومكان بالبيت اباوع بنظرات دهشة ووتعجب ياربي هذا بيت لو قصر بس بالطابق الجوة اربع غرف واستقبال وصاله ومطبخ وحمام خارجي وداخلي ههههههه دخت يما شسالفه فتر راسي
أنت تقرأ
قلبي بيدهِ
ChickLitقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
