الكاتبة: - زينب الحربي
حساب الانستكرام:-zienab_alharbi
…………………
أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
لاغرني المدح... بشفاف المحبين
ولاهـمني الشماته اشما حجوا عني
يلتمٌن علــٌيه... امشتتات البال
وانفضهن نفض
وانهض ولا جنــٌي
وليت.. وعف ضميري .. وماكسرت العود
ولـِسـِن.. شبه الزلم .. بالعلن سبــٌني
كـفاني امرح.. ورع.. والتذ بحب الناس
وعملات الكـَبح .. ما يوم خاوني
لا ِزحتْ الحيا... ولاضيٌعت معروف
ولاخنت الوفه.. وربعي اجفلوا مني
ل(عريان السيد خلف)
………………
(ولادة الضيغم)
التاريخ 12/15/1954
العراق /الديوانية/قضاء الشامية /قرية الحميدات
العهد الملكي العراقي الهاشمي
_كعدت وانه دمعتي اعلئ خدي الجو بارد بوسط الشتة صوت الهوئ يعتليني ونكاط المطر تزخ قليل كاعدة بحجرتي الطين وسكفها خوص وسعف جانت يا محلاها بس هسة كلشي مابيها حلو لا انه ولا رجلي ولا اهيلتي ابجي وتجيني حالات الطلوك اونن بسكوت وبالزايد رفعت راسي وباوعت من الرازونة ربي انه بحالة. صعبة رايدة منك العون البشر جافاني حاشة عنك تجافي واحد ربي اني عبدة من عبادك جارت اعليه الدنيا وراجعتلك انجان انه مضلومة فربي جيب حكي ونزل عليهم غضبك وانجان انه ضالمة تاخذ حكهم مني ربي انه ام وبحالة طلوك ويردون ويلادي مني الهي يو تاخذهم وتكسر روحي وادريبهم يمك لو تخليهم ذخر الي الهي ما اجيبنهم وياخذوهم ضلم انه جايتك لا تردني ياربي كعدت وونيت وبجيت حسيت الباب انفتح ما درت وجهي اعليه كلبي جاز منة اجذب لو كلت كارهتة لجن كلبي ما يريدة درت وجهي اعلئ الحايط وونيت بسكوت بعد كل ذاك الحب يعوفني لجل ثار كبل تلاثين سنة اوف شكول اعليكم يالهججتونة وخربتونا سمعت حجة
_شعلامج يحدهن شسدة عليج
_يو يهمك جان عرفت بس شيهمك انت روح فدوة وعوفني بهمي روح اخذ ثارك الراح يبدي مني روح يبوي
_حدهن اني موش ضالم لجن هذا حكم العشاير ترضين يكولون موش رجال
_ وشعلومك الظلم الانه بي يسويكم زلم
_الزمي السانج يحدهن يو ما معزتج عندي جان طريتج لهيلتج من اول يوم عرفت لجن معزتج حجبت عني كلشي
_يا معزة هاي وانت تخيرني بينك وبين اهيلتي وتدري اثنينكم ما اكدر بدونكم ولو ما اختاريتك تاخذ ويلادي مني
أنت تقرأ
حب عبر الاجيال
Tiểu Thuyết Chungفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
