" ဘယ်လို ဘာပြောလိုက်တယ် သားအရိပ် "
သတင်းစာထိုင်ဖတ်နေသည့် ဦးလွှမ်းစက်ရိပ်ခို၏ မျက်ခုံးများပင် ပင့်တက်သွားရ၏။
သူ့နားကိုပင် သူ မယုံနိုင်။
သို့သော် ရှေ့ဘက်မှသားဖြစ်သူကတော့ သိပ်ကိုတည်ငြိမ်လွန်းနေလေသည်။
"ကျွန်တော် ရိုးတွင်းခြင်ဆီလှူမလို့ ပြောနေတာပါ"
" နေပါဦး မင်းက ဘယ်သူ့ကိုလှူမလို့လဲ ဘယ်လိုလဲ သေချာရှင်းပြလေ သားရဲ့"
" ဒီအတိုင်းပဲ သားအတွက်ပဲ အရေးကြီးတဲ့သူလို့ သိထားရင်ရပါပြီ "
သားအပြောကြောင့် လွှမ်းစက်ရိပ်ခို ပြုံးမိသွား၏။
သူ့သားတောင် ဒီလိုပြောတတ်နေမှကိုး
" အဲ့ဒါက ကိုယ်လှူချင်တိုင်း လွယ်လွယ်နဲ့လှူလို့ရတာမျိုးမဟုတ်ဘူးကွ ဆေးစစ်ချက်တွေယူပြီး ကိုက်ညီမှလှူလို့ရတာ"
သူ့မိတ်ဆွေတစ်ဦး ရိုးတွင်းခြင်ဆီကင်ဆာဖြစ်ဖူး၍ မဖြစ်မနေ ရိုးတွင်းခြင်ဆီလဲရခြင်းကို သူမြင်ဖူးနေ၍ အကြမ်းဖျင်းအားဖြင့် အနည်းငယ် နားလည်နေပါ၏။
" သား ဆေးစစ်ထားပြီးပြီ ဒယ်ဒီ အဆင်ပြေတယ်တဲ့"
သားဖြစ်သူ စကားကြောင့် လွှမ်းစက်ရိပ်ခိုမှာ အံ့ဩလွန်း၍ ပါးစပ်ပင် မစေ့နိုင်တော့...
ဒီကောင်လေး အတော်စိတ်အားထက်သန်နေပါလား
" ကဲ ထားပါတော့လေ အဲ့ဒီတော့ သားဖြစ်စေချင်တာက ဘာများလဲ "
" ဒယ်ဒီပြောသလိုပဲ ဒါက သိပ်တော့မလွယ်လှဘူး အုပ်ထိန်းသူထောက်ခံလက်မှတ်ထိုးပေးပါတဲ့ "
" အင်း..."
အရိပ်စကားကို ဒယ်ဒီက ခေါင်းတညိတ်ညိတ်လုပ်ရင်း နားထောင်နေ၏။
" အဲ့ဒါ မနက်ဖြန် လက်မှတ်လိုက်ထိုးပေးနိုင်မလား "
" မနက်ဖြန်..."
ဒီတစ်ကြိမ်တော့ ဒယ်ဒီ့၏မျက်ခုံးတန်းများက စုကျုံ့သွားကာ တုံ့ပြန်မေးခွန်းထုတ်လာ၏။
" ဟုတ်ကဲ့ မနက်ဖြန်ပါ "
" ဒါတော့ မဖြစ်ဘူး နောက်ရက်ထဲမှာ Missရွေးပွဲအတွက် ရွှေလုပ်ငန်းရှင်ရွေးချယ်ဖို့ရှိတာကို မင်းမေ့နေပြီလား အဲ့ပွဲကိုဘယ်လိုလုပ်မလို့လဲ "
YOU ARE READING
Cupid's Compass (Completed )
RomanceCover- edited from Google Start Date - 22.2.22 End Date- 31.12.22 အချစ်ပါ... ဖို, မပဲဆိုငင်ပြီး ဖို, ဖိုချင်း မ,မချင်း တွန်းကန်ရအောင် သံလိုက်မဟုတ်ဘူး ရူပဗေဒ သဘောတရားတွေနဲ့ ကန့်သတ်နေရအောင် Loveက magnetမှမဟုတ်တာ အချစ်လား ရေလို ထည့်တဲ့ပုံစံခွက်အတိုင်း...
