روايه ياريت

(الحلقه التاسعه ) ( صحبة غاليه )

(الحلقه التاسعه ) ( صحبة غاليه ) <3
...................
(في الحلقه السابقه )
( بيت صفوت وهشام )
صفوت ( ابو هشام ) : من واقع خبرتى الطويله ف الكلام ده كله يا واد يا عصام احب اقولك ان مافيش غير طريقه واحده تقدر تدخل للعيال دى من خلالها واللى بعدها تقدر تكسر كل واحد فيهم لوحده
عصام : حركه ايه يا باشا
صفوت : انك توقع الاتنين ف بعض الاول وتبعدهم عن بعض وبعد كده تستفرد بكل واحد لوحده
................ ( التاسعه ) <3
عصام : ودى هتعملها ازاى يا باشا ؟
صفوت : ماتشغلش انت بالك .. المهم ماتتأخرش ع المطار بقي طيارة هشام زمانها على وصول
عصام : ماتقلقش يا فندم كله تمام عامل حسابي
.......
( ف الشقه عند البنات )
حبيبه : بس يا سلمى هى دى الحكايه .. ومن ساعتها وانا مش على بعضى . خايفه اصدق وخايف اكدب الخبر
سلمى : بصى يا حبيبتى تأكدى مليون ف الميه ان الكلام ده محصلش
حبيبه : مش عارفه ياسلمى ... انا بجد مش عارفه اعمل ايه ولا اتصرف ازاى ... تصرفات مالك زمان كانت كلها طايشه وماستبعدش بصراحه انه ممكن يكون عمل كده .. قوليلى انتى اعمل ايه
سلمى : بصى ! انتى قبل ما تعملى اى حاجه لازم تتأكدى الاول . وطبعا مش هينفع تروحى تسالى مالك على حاجه زى دى .. انا هقولك تتأكدى ازاى من غير ما يعرف
حبيبه : اوعى تقولى ل احمد يا سلمى . ها اوعى
سلمى : اولا انتى طالما قولتيلى ماقولش لاحمد يبقى خلاص مش هقوله الا بعد اذنك . ثانيا لو كنتى خايفه ان احمد يروح يقول ل مالك ان مراتك بتشك ف كدا ف انتى لسا ماتعرفيهوش ... بالعكس ده هو الوحيد اللى هيقدر يفيدنا ويساعدنا اننا نعرف ده حصل ولا لا
حبيبه : بجد ؟
سلمى : اه والله بجد ... لو كان عارف ف هو هيقولى انه حصل ولو مايعرفش ف هو بصياعه كده ممكن يسال مالك ويعرف منه .. فهمتى ؟
حبيبه : طب خلاص قوليله النهارده وخليه يتصرف بقي ونشوف هنعمل ايه ولا هيطمنا ولا ايه انا مش على بعضى من ساعة ما عرفت والله
سلمى : استنى بس ! هى مين ولا هو مين اللى باعتلك الرساله دى
حبيبه : رقم غريب مش متسجل لا بإسم ولا ببطاقه ولا باى حاجه ... انا مش عارفه العالم ولاد الكلب دول مش سايبينا ف حالنا ليه ؟ انا زهقت وقرفت والله العظيم
سلمى : لا لا ! ماتنكديش على نفسك واتبسطى انتى ومالك ... سبق وقولتلك انا واحمد ان الناس دى مش هتسيبكو . بس اطمنك ان ده اخرهم يعنى وتمامهم .. مايقدروش يقربولكو
حبيبه : ربنا يصبرنى بقي
................
احمد : الا قولى ياواد يا مالك انت رافع راسنا اليومين دول وشادد حيلك كده ولا ايه اخبار امك دى هههههههههه
مالك : هههههههههههههههه انت ماسمعتش عن الزلزال اللى حصل ف اسكندريه امبارح ولا ايه ياض
احمد : زلزال ايه ده . ؟ انت حسيت بحاجه يا مصطفى ؟
مصطفى : والمرسي ابو العباس ابدا . ده مافيش طوبه اتهزت اساسا
احمد : هههههههههههههههههههه بيقولك زلزال . ياعم اجرى ... انا قلقان منك مش عارف ليه . البت النهارده كان وشها احمر شكلها يا عينى كانت عاوزه تشكى ومش عارفه هههههههههههههههههههه
مالك : انت خدت بالك بردو صح ؟
احمد : خدت بالى من ايه ؟
مالك : من حبيبه . وشها ماكنش عاجبنى النهارده ... كانت سرحانه كده وقلقانه
احمد : لا لا اتطمن دى بتبقى حاله كده بتبقى بعد الجواز على ما تقدر تتأقلم ع الوضع الجديد
مالك : يارب .....
احمد : ماتقرصش ف الزهر يابن النصابه بدل ما اقوم اتغابي على امك
مالك : ياعم هو انا بعرف اقرص اصلا جاتك ستين نيله .. الواد اللى جنبك ده هو اللى نصاب
احمد : ده نصاب ابن نصابه . بس نت بتنصب . ارمى الزهر زى الناس . عاوز اسمع صوت الشخللله بتاعته
مالك : اهو .. بطل حجج
.....................
( فيلا هشام )
صفوت : حمد الله ع السلامه يا هشام
هشام : الله يسلمك يا حبيبى . وحشتنى . وحشتنى يا ماما
ام هشام : اخبارك ايه حبيبى واخبار الجو ف باريس ايه
هشام : لاااا ده كانت عال اوى . الواحد كده كل فتره لازم يطلع يغير جو ف بلد شكل كل مره
صفوت : مين اللى كان معاك هناك
هشام : ماكنش فيه الا ياسر ابن عم طلال كان معايا الشهرين دول
صفوت : ومين تانى ؟
ام هشام : جرا ايه يا صفوت هو تحقيق ماتسيب الواد يستريح
صفوت : اخرسي انتى .. مين اللى كانت معاك وملازماك طول الاجازه
هشام : هو حضرتك بتراقبنى ؟
صفوت : اه لازم اراقبك لما اشوفك ممرمغ اسم العيله ف الوحل بتصرفاتك الصبيانيه دى والمراهقه وانا ممسكك شركه بملايين وفلوس مالهاش عدد وتيجى انت بسبب نزواتك دى عاوز تهدها بسهوله ... فيه ايه . انت مالك ؟
هشام : انا كويس
صفوت : بصلى يا كلب وانا بكلمك وماتدنيش ضهرك ...
هشام : نعم يا بابا هو حضرتك باعت تجيبنى من اخر الدنيا عشان تسمعنى الكلمتين دول ؟
صفوت : انا بسالك سؤال واضح مين اللى كانت معاك ف الاجازه
هشام : واحده ... واحده مصريه عايشه هناك قضينا يومين حلوين مع بعض هناك .. ايه ؟ اجرمت ؟ هى اول مره ؟ ماحضرتك عارف كل خطوط السير بتاعتى من يوم ما اتولدت لغاية دلوقتى
صفوت : طب رد كويس بدل مانت عارف انى ممكن اقلب عليك ... وبعدين انا مش جايبك من اخر الدنيا عشان اسمعك كلمتين زى ما بتقول .. لا انا باعتلك عشان اقولك ان الدنيا رجعت لامورها الطبيعيه ... القضيه خلصت واتقيدت ضد مجهول
هشام : طيب . وايه الجديد ؟ مانا كنت متأكد ان حضرتك هتعمل كده
صفوت : لا انا جايبك عشان احاسبك .... تعالى بقي احكيلى حكاية البت دى وابوها اللى حاولت انك تسجنه عشان تتجوز البت
هشام : هو حضرتك عرفت
صفوت : ( بيضربه بالقلم ) ايوه عرفت بقا تحرق حوالى نص مليون جنيه ف الهوا عشان خاطر تحبس واحد او تتجوز بنته ...؟
هشام : مش بالظبط
صفوت : طب فهمنى ...
هشام : افهمك ايه . ما خلاص الموضوع خلص
صفوت : موضوع ايه اللى خلص ؟ والفضيحه اللى حصلتلنا بسببك دى مالهاش تمن
هشام : حضرتك عاوز منى ايه وخده
صفوت : يا عبيط افهم .... انا مش عاوز منك . انا عاوز منهم واديلك انت
انت اتاخدت منك عروستك قدام الناس ومصر كلها كانت موجوده وانت بكل برود اتنازلت عنها ليه ؟ ده سبب .. والسبب التانى العلقه اللى الواد ده اداهالك قدام الناس بردو ... انا بقي عاوز اعرف اللى حصل بالظبط . عشان عقابى هيكون شديد ع اللى قربلك
هشام : مالوش لزوم انا هعرف اخد حقى
صفوت : اتلهى على عينك ... اقعد احكيلى
........................
( ع القهوه )
احمد : انا بدات ابرد . ما يلا يا جدعان كل واحد ييجى ياخد مراته ويخلع بقي . الواد وحشنى
مالك : الواد بردو ولا ام الواد ؟ ههههههههههههههههه
احمد : ام الواد دى يابنى على طول وحشانى
مالك : انا نفسي افهم الحب اللى مابينك وبينها ده اتكون ازاى يخربيت كده يا جدع دانت عقدت ميتين ابونا ...مش هنسي كلمتك ليا بعد ما انت شوفت سلمى لاول مره وانت بتقولى ده هى . ده هى والمصحف . بقولك هى مين يابنى انت اتجننت ؟ يومها انت قولتلى ده هى اللى بحلم بيها . ببص لعينك لقيت عينك شاحبه كأنك بتستنجد بيا وباصحابك تقولهم دورولى عليها والنبى ...هههههههههههههههههههه
احمد : انت لغاية دلوقتى فاكرنى بهزر صح؟
مالك : هو مش صح اوى بس اقنعنى ... الكلام ده اعتقد انه بيحصل ف الافلام والروايات وبس
احمد : وف الحقيقه والله يا عيال ... انا فعلا كنت كل يوم اشوف منها ملامح
كنت ف يوم احلم بشعرها
ويوم تانى احلم بعينيها
ويوم تانى احلم بخدودها وبلون بشرتها
عمر ما صورتها اتكونت على بعضها قدام منى غير قبل ما اشوفها بيوم . ساعتها كنت قايم مبسوط وفرحان وجيت الجامعه الاقيها ف وشى هههههههههههههههههه ياخرابي دنا دوخت السبع دوخات عشان اشوفها والاقيها من تانى . لغاية ماهى اللى لاقتنى ههههههههههههههه دى سلمى يابنى . سلمى
مالك : يابنى ربنا يخليكو لبعض ويفرحكو بالواد ... بقولك ايه انا لو خلفت بنت هتبقى مرات ابنك انا حاجز ابنك من دلوقتى اهو وحياة امك .
احمد : انت عاوز ابنى يتجوز بنتك ؟ اللى اكيد هتبقى شبهك ؟ ده الواد هيقاطعنى العمر كله هههههههههههههههههههههههه
مالك : طب اتنيل ! دنا البنات كانت عليا كده كده
مصطفى : هههههههههههههههههههههههههه طب بس بس دانت كنت بترزق على حس الواد ده
احمد : فاكر ياض يا مصطفى البت لمياء ههههههههههههههههههههه
مصطفى : ههههههههههههههههههه اسكت همووووووت
مالك : لمياء مين دى انا مش فاكر اى لمياء خالص
احمد : ههههههههههههههههههههههههه
مصطفى : ههههههههههههههههههههههههههههههه بقا يا ظالم تظبط نفسك وتسبسب شعرك وتروح تلاغى البت وتقولها ممكن رقمك ... تقوم كاسفاك وتقولك انا عاوزه رقم احمد صاحبك هههههههههههههههههههههههههههه دانت كان منظرك زباله ياض
مالك : زباله بس ؟ . دنا كنت حاسس انى شفاف . كربون مش موجود . بس بصراحه البت كانت جباره يخربيت امكانياتها ههههههههههههههههههه
مصطفى : امكانياتها ؟؟؟ يانهار اسود ياجدعان دى البت دى بالذات اللى خلتنى احب البت المكلبظه واكره العود الفرنساوى ده للابد هههههههههههههههههه
فاكرين خناقتها مع سلمى ههههههههههههههههههههههههههههه يانهار اسود سلمى مسحت بيها تراب الجامعه ..
احمد : مايغركوش سلمى بردو . سلمى وقت العصبيه والهبل والجنان بتاعها بتقلب الشحات مبروك
مصطفى : ههههههههههههههههههههههههه انت طول عمرك مشحطط البت دى معاك ياض انت حرام عليك
مالك : لا بقي . احكولى خناقتهم سوا لانى ماكنتش موجود يومها واتحكالى من بره بس عاوز اسمع منكو
مصطفى : بصى ياسيدى
انا وحمو وسلمى ومنه وساره وفريده والواد على كنا قاعدين اللى بيشرب شاى واللى بيشرب قهوه واللى بيقرا ف مجلة الاهلى واللى بيقرا مجلة الزمالك وقاعدين مع نفسنا كده وكان البنات واخدين جنب صغنن كده بيتكلمو فيه .. وفجاه لمياء دى جات وقفت قدامنا وراحت لاحمد وقالت يا حمو ممكن ثوانى بعد اذنك
صاحبك بقا يتلفت حوالين نفسه وقالها انتى عاوزانى انا ؟؟
طبعا انا خدت عجله ل ورا كده عشان ابص على سلمى . لقيت سلمى متابعه الحوار والبنات بيحاولو يهدوها
هوب يا معلم احمد قام وراحلها ومعرفش اتكلمو ف ايه ساعتها وفضلو يضحكو ساعتها . وسلمى مازالت بتبص اللى هو ايه كملو كملو اما اشوف اخرتها ... اللى جاب خلاصة الحوار ده بقي ان البت لمياء قررت يا عينى انها تمد ايديها على المعلم من على كتفه كده وقالتله يخربيتك يا حمو عسل
وعينك ما تشوف الا النور ههههههههههههههههههههههههههههههههههههههه مرمطه يا ابو عمو مرمطه . سلمى راحت جابتها من شعرها والبت دى كانت هجمه بردو وفرعه بنت الجزمه كانت تضرب سلمى قلم . تقوم سلمى ضارباها قلمين هههههههههههههههههههههههههههههههههههه وانا بص واقع على نفسي م الضحك .. اللى يضحك اكتر بقي مش ف كده
مالك : ههههههههههههههههههههههههههههههههههه اومال ايه تانى
مصطفى : المعلم بقي كل ما يدخل بينهم عشان يفض ويقولهم عيب يا بنات احنا ف الجامعه تقوم واحده منهم ملطشه فيه وتقوله ابعد انت مالكش دعوه ... يبعد ويقرب تانى يتلطش له بردو هههههههههههههههههههههههههه كانت ليله فضلنا نضحك عليها سنه كامله يخربيت كده
احمد : ههههههههههههههههه كلت انا يومها ضرب من كل ناحيه يخربيت دى معرفه يا اخى هههههههههههههههه
مصطفى : دنا كنت بحكى لاسماء مراتى الحكايه دى من قريب البت وشها اصفر واحمر من كتر الضحك والله وتقولى انا متخيله المنظر ..
....
( بتيجى رساله ل مالك وبيقراها )
" على فكره مراتك اللى بتقول انها بتحبك . بتحب واحد تانى ومعجبه بيه وكل كلامها عنه اليومين دول .. وتقريبا كده هو اللى قاعد معاك دلوقتى "
..................