روايه ياريت

(الحلقه الحاديه عشر ) ( خلينى ف حضنك شويه )

عرفونا مين متابع الروايه بعد اذنكوا فضلا
ياريت_الجزء_التانى
(الحلقه الحاديه عشر ) ( خلينى ف حضنك شويه ) <3
...................
(في الحلقه السابقه )
حبيبه : الحقوووووووووووونى بموووووووووت اااااااااه نفسي مش قادره اخده يا مالك والله الحقنى هههههههههههه هههههههههههه قلبى هيقف والله . ااااااه هههههههههههههه ههههههههههههه هههههههههههههههههه
مالك : تفتكرى البس مريلة لونها ايه وانا بغسل السجاد
حبيبه : ههههههههههههههههههههههههههههههههههههههههه خلاص بقي يخربيتك
............................ ( الحادية عشر ) <3
مالك : فرحانه انتى فيا يا بقره
حبيبه : بصراحه اه هههههههههه
مالك : كده ! طب وحياة امك منا عاتقك وتعالى بقي
حبيبه : لو حصلتنى بقي امسكنى
مالك : يابت شغل الفرهده ده كبرنا عليه بقي اثبتى يابت
حبيبه : ناءه
مالك : يخربيتك يا بعيده ... حاسبي ماتخبطيش ف حاجه وتكسريها لاحسن سلمى تيجى تكسر راسك
حبيبه : مالكش دعوه بسلمى دى حبيبتى وهتسامحنى
مالك : تسامح مين دى كانت بتربينا على اللى يكسر حاجه من حاجتها
حبيبه : ياسلام ياخويا حتى احمد
مالك : الوحيد اللى كان يفضل يكسر ف حاجتها وماكنتش تقدر تفتح نفسها هههههههههههههههه
حبيبه : ازاى بقي هههههههههههه احكى احكى يا اخى دنا بقيت احب حياتى كلها وانت بتحكيلى عنهم كأنى شايفاهم كده
مالك : طب تعالى اقعدى على رجلى واحكيلك
حبيبه : هقعد على رجلك بس ها . يعنى مافيش اى قلة ادب ف الموضوع
مالك : لا والله تعالى بجد .
حبيبه : اهو ( بتقعد على رجله ) احكى بقي ازاى كان بيكسر ف حاجتها
مالك : بصى ! هو مقتنع تماما بجمال البنت لازم يكون طبيعى وهادى
ماكنش يحب يشوف سلمى حاطه روج او مسكرات والحاجات دى وخصوصا زى مانتى عارفه ان وشها ماشاء الله طبيعى احلى واجمل من الميكب اساسا . ما بالك بقي لما بتحط ميكب كانت بتجنن الجامعه كلها بجد يا حبيبه انا بتكلم بجد والله .. وجودها ف اى مكان كان بيلم الولاد حواليها وده اللى كان عامل لاحمد مشاكل كبيره
من ناحيه انه بالنسبالها لسا صاحب وزميل وبس ومحدش فيهم ولاد الجزم دول كان بيقول للتانى بحبك . بس التصرفات كلها كانت بتدل على الحب العظيم ده . ومن ناحيه تانيه انه غيور
ف مثلا بقي ييجى يقعد جنبها كده ويقولها فين شنطتك يا سوسو اما اخد منديل
هى طبعا تفهم انه بيفتش ف شنطتها على اى روج او كحل او مسكره ههههههههههههههههههههه وهيكسرهم دلوقتى واحنا قاعدين
تقوله اهى الشنطه . عاوز ايه
يقولها ايه ده ؟ الروج ده لونه حلو اوى يا سوسو بكام ده ؟
تقوله بالشئ الفلانى .. طبعا سلمى دقات قلبها بتبدا تزيد وتعلى وخايفه لايكسره . والبنات كلها ايه . وصلة ضحك بالعبيط وسلمى بتتحسر على حاجتها وتقول ااااااه يابن الجزمه حاجتى يخربيتك ... يعمل نفسه بقي انه بيلعب ف الروج او حاجه ويقوم فاعصه بايده ههههههههههههههههههههه وهاتك يا ضحك بقا كلنا ... سلمى تشوفيها ياعينى مش قادره تنطق ولا قادره تتنفس .. دى سلمى دى ؟ سلمى اللى لو حد قرب منها بس وهى ماشيه تديله على دماغه
ساره مره قالتلها فيه ايه انتى ساكتاله ليه ؟ قامت سلمى ردت عليها وقالتلها لو مش عاجبك اللى بيعمله ياختى روحىقوليله انتى الكلمتين دول قامت ساره قايله وانا مالى ههههههههههههههههههه
حبيبه : شخصيته غريبه اوى . كانو بيخافو منه ليه ؟
مالك : مش خوف ! بس كاريزما بنت لذينه ... مسموحله يعمل اى حاجه غيره ماكنش يقدر يعملها ... يعنى عندك انا مثلا استحاله كنت اخلى حد يقرب من شعرى وكنت فعلا ممكن اتخانق فيها واقل ادبى على اى حد يمد ايده على شعرى .. الا ابن الفقر ده هههههههههههههههه كان يشوفنى يقولى ايه يا مالك الجيل ده كله ياض هههههههههههههه وهاتك يا لعبكه ولعب وحاجه مسخره هههههههههههه .... وانا حاطط ايدى ف بؤى وساكت مقدرش اتكلم لاحسن يستلمنى وانتى عارفاه . لسانه مابيسكتش ههههههههههههههه
حبيبه : مالوش نقط ضعف
مالك : له اكبر نقطه ضعف
حبيبه : سلمى ؟
مالك : تؤتؤ .. دموعها
حبيبه : يعنى ايه
مالك : يعنى ممكن يتنازل عن اى حاجه ف الدنيا وقت ماتكون سلمى بتعيط او دموعها هتنزل
حبيبه : احكيلى طيب موقف
مالك : كنا ف سنه تالته
قدام كليه طب بالظبط
معيد ف الكليه كان حاطط سلمى ف دماغه
حبيبه : اوباااااا دى شكل العمليه ولعت وفيها اكشن كتير . احكى احكى ههههههههههههههه
مالك : ههههههههههههههههههه كان حاططها ف دماغه . يعنى اساسا لا هو اصلا معيد ف الكليه عندنا ولا اى حاجه بس بردو كنتى تلاقيه كل شويه ناططتلنا عند كليتنا .. كلنا كنا عارفين ان الواد ده عينه على سلمى . ما عدا مين ؟
حبيبه : مييييييييين ؟ ههههههههههههههههههههه
مالك : المعلم حمو ههههههههههههههههه ماكنش يعرف .
لما كانت سلمى تشوف الواد ده موجود ف الكليه تتصل عليا وتقولى يا موكا احمد معاك اقولها اه معايا اهو تقولى عشان خاطرى معلش ماتخليهوش ييجى الكليه دلوقتى . وفعلا كنت اخد احمد وافضل الف بيه شويه لغاية ما ييجى الاوكى انه غار ف داهيه
لغاية يوم مهبب بستين نيله
حبيبه : ههههههههههههههههههههههههههه ادخل عليا ادخل ايوه كده
مالك : لا مش مكمل بقي خلاص
حبيبه : موكتى ! ( بتبوسه من شفايفه ) كملى يا بيضه ماتعملش فيا كده ههههههههههههههههههههههه
مالك : لغاية يوم مهبب بستين نيله
كنت انا واحمد ماشيين ومعديين على كليه طب كده بيبص بعينه بالصدفه لقينا سلمى قاعده على الكرسي . الكراسي اللى على الجنب دى وعماله تعيط
لقيته بيقولى . ايه ده ؟ مش دى سلمى ياض ؟ وهوب خدها جرى لغاية عندها
قالها وهو مخضوض بشكل كانت دموعه باينه اوى انها هتنزل قالها " فيه ايه يا حبيبتى "
ودى كانت اول مره احمد يقول فيها حبيبتى ل سلمى
البت نسيت العياط وبصتله وهى بتضحك
حبيبه : ههههههههههههههههههههههههههه حاسه بيها والله يخربيت كده . يا واد انت انت طريقتك ف الحكى جباره انا حاسه انى شايفاهم يخربيت كده .. كمل كمل
مالك : قالها " فيه ايه يا حبيبتى " هى طبعا ماصدقتش نفسها وقالتله قولت ايه يا احمد
قالها فيه ايه يا سلمى دموعك دى نازله ليه ؟
قالتله مافيش مصدعه شويه
قام مزعقلها وقالها دمووووعك دىىىىى نازله لييييييييييييييييه بصوت عالى وسط الكليه . واحده صاحبتنا كده اسمها علا كانت مع سلمى قالتله ماهو لازم يعرف يا سلمى قامت قايلاله " المعيد اللى اسمه دكتور زفت عمرو ده كلمها بطريقه بايخه وقالها معرفش ايه ليه مش بتحسي بيا وفضلت البت تحكى وتسخن ف احمد يا حبيبه لغاية ما الواد وصلت بيه الجنونه للتوب بتاعها
حبيبه : عمل ايه عمل ايه
مالك : لا مش مكمل بقي خلاص انا تعبت
حبيبه : انطق ياض بدل ما اغزك فيه ايه اخلص هههههههههههههههههه ( بتبوسه على شفايفه تانى )
مالك : هههههههههههههههههههههههه كان فيه من ضمن الكراسي حتة حديده اللى هى ضهر الكرسي مخلوعه نص خلعه كده . تقوليلى احمد راح شالها ازاى اقولك معرفش ووشه محمر على الاخر وبيطلع نفس وبيخرجه كأنه هيطلع نار .. وطلع على فوق وهو ماسك الحديده دى بس لحسن الحظ ان الكلب ده كان مشى والعيال اللى يعرفوه بلغوه ان احمد مستنيه .. والله العظيم ما دخل الكليه يومين بحالهم وفضل خايف من احمد .. وطبعا ابو سلمى اتدخل ف الموضوع بما انه كان راجل تقيل واتفصل المعيد ده من الجامعه كلها ....
بس تشوفى خلعة قلب احمد على دموع سلمى تقولى ده الواد هيجراله حاجه
اللى يضحك بقي ف الموضوع هى سلمى
حبيبه : ههههههههههههههههههههههههههه اشمعنى بقي
مالك : بعد كل ده وف عز المشكله وحتى بعد ما خلصت كل شويه سلمى تروح تقول لاحمد . حمو انت كنت قولتلى ايه وانا زعلانه ولقيتنى بعيط هههههههههههههههههههههههههههههههههههه والواد ابدا هههههههههههههه حالف لايطلع عينيها يقولها مش فاكر . تقوله معلش تعالى على نفسك وافتكر قولتلى ايه وانا قاعده وحاطه ايديى على خدى وبعيط وانت جيت قعدت جنبى وقولتلى فيه ايه يا ايه ؟
يقولها يعنى بروح امك فاكره كل ده وجايه ليا عشان افكرك بكلمه .. بقولك ايه عبط ومحن مش عايز ههههههههههههههههههههههههههههه
حبيبه : ههههههههههههههههههههههههههههههههههههههههههه هههههههههههههههههههههه ههههههههههه يخربيت كده يا اخى . طب هما بجد محدش فيهم قال للتانى بحبك خالص ؟
مالك : خااااااااالص . كان بينهم كده لغة تواصل بالعيون
حبيبه : ازاى ؟
مالك : يعنى مثثلا احنا كلنا كنا قاعدين بنتغدى ف مطعم ع البحر وكنا كتير
كانت سلمى ومنه وفريده وساره ومروه واميره واسراء وانا واحمد والواد احمد بتاع المنصوره والواد مصطفى وعلى وحسن الله يرحمه وكان فيه اتنين كمان ماتعرفيهمش وفجأه ف نص الغدا احنا عمالين ناكل وبنتكلم وبنهزر . والاتنين دول قاعدين قصاد بعض بيبصو لبعض وكانو وكتاب الله كأنهم بيكلمو بعض بالعيون .. انا قولت كده كتير يخربيت كده . قومت مميل على فريده كده قولتلها فريده ابقى اسالى سلمى كانت بتبص لاحمد وبتقول ايه وانا هسال احمد نفس السؤال ونشوف حكاية العيال دى ايه
تتخيلى ايه اللى حصل
حبيبه : اوعى تقولى انهم كانو بيكلمو بعض وفاهمين هههههههههههههههههههههههههه واسعه منك دى يا موكا
مالك : والله العظيم تلاته نفس اللى قالته فريده هو اللى احمد قالهولى .. قالى قولتلها بحبك بعنيا قامت مكسوفه وواكله حته جمبرى وقامت باصالى تانى وقالتلى وانا كمان .. بصيت على الجمبرى قولتلها بتحبيه مشوي صح ؟ انا طلبتهولك . قالتلى بعينيها بردو اه حلو ربنا ما يحرمنى منك
حبيبه : مالك ! انت بتتكلم بجد ؟
مالك : وحياة حبيبة عندى بتكلم بجد ... فريده قالتلى نفس الكلام قالت انها سالت سلمى وقالتلها ان احمد قالها بحبك بعينيه وهى اتكسفت وبصت ف الاكل وقالتله وانا كمان وسألها على الجمبرى اللى بتاكله ههههههههههههههههههههههههههههههههههههههههه بصى ! انا والبت فريده كنا ف حالة ذهول بتاع دقيقتين كده مش عارفين احنا رايحين فين ولا جاييين منين ... بصى ! دول لازم يتكتبلهم روايه وتكون روايه جباره ناس كتير تقراها وتتعلم الحب وتتعلم ان الدنيا فيها حب بجد وفيها جمال احنا دافنين نفسنا ف الدنيا ومش عايشينه
حبيبه : طب مانت كده لو كتبت حكايتهم ف روايه اكيد الناس اللى هتقرا هتقول مابيحصلش ده بيحصل ف الروايات وبس
مالك : ومين قالك انه مابيتقالش دلوقتى هههههههههههههههههههههههه
حبيبه : ايه ده يعنى ايه ؟
مالك : لا ماتشغليش بالك انتى بس هههههههههههههههههههههه خليكو محتارين كده حقيقه ولا مش حقيقه ومين اللى ب يكتب هههههههههههههههههههههههه
حبيبه : طيب ياخويا سمر وندى كلمونى عاوزين ييجو يقعدو معانا يومين كده ولا حاجه
مالك : وماله ياريت . اهو نهيص شويه
حبيبه : طيب اكلمهم يحجزوا بعد بكره ولا ايه عشان بكره مش هيعرفوا
مالك : خلاص . انا كده كده كنت هقولك نرجع مصر بعد بكره لان احمد وسلمى رايحين المنصوره وكنت هحس بزهق بس خلاص كده خليهم ييجو
حبيبه : استنى ياخويا ! هو مين دول اللى رايحين المنصوره
مالك : احمد وسلمى يابت
حبيبه : لو قولت ل ندى وسمر كده مش هييجو ههههههههههههههههههههههههههههههههه دول اساسا جايين عشانهم
مالك : لا لا خليهم ييجو . كده كده احمد وسلمى مش هيتأخروا ف المنصوره . يومين بالظبط وهتلاقيهم هنا ف اليوم التالت .. حوار كده الواد احمد صاحبنا ده عارفاه
حبيبه : اه
مالك : حوار محطوط فيه واحمد رايح يشوف فيه ايه ؟
حبيبه : تمام ... خلاص هكلم ندى وسمر ييجو على يوم التلات احسن يكون احمد وسلمى راحو وجم اشطات
مالك : اشطات يا بطتى .. ماتورينى الحسنه اللى تحت دى
حبيبه : عيب ياض
مالك : لا لا تعالى بس هقولك كلمتين حلوين جوه كده بقالى كتير ماقولتهمش
حبيبه : كتير ايه يا نصاب انت لسا قايلهم من ساعتين
مالك : اصلى بنساهم بسرعه ولازم كل شويه افكر نفسي بيهم
حبيبه : طب تعالى
مالك : تعالى
..............
( شقة احمد )
احمد : ايه يابنات سلمى نايمه جوه
سالى : اه . ماما عملتلها شويه حاجات كده مسلوقه كلتها كده وريحت جوه
احمد : طيب خليكو بقا انا داخللها .. امك فين ؟
سالى : جوه مع طنط ام سلمى
احمد : طيب خليكو هنا بقا داخل ل سلمى
سالى : ايوه ياعم
.......
احمد : خضتينى عليك يا بنوتى
سلمى : حقك عليا اععمل ايه بس ف ابنك اللى كان مستعجل ينزل عشان يشوفك
احمد : ( بيمسك الواد ) بقا ده ابن سلمى ؟
سلمى : لا ده ابنك انت . والله يا احمد انا بحمد ربنا من ساعة ما قومت عشان طلع شبهك
احمد : انتى كنتى بتتوحمى عليا ولا ايه يابت
سلمى : ههههههههههه شوفت بقا
احمد : ( بيطلع على السرير وبينام وبيحط راسه ف حضن سلمى ) من امبارح مانمتش خلينى ف حضنك شويه
سلمى : ( بتدمع ) تعالى .. احكيلك حدوته ؟
احمد : ياريت
سلمى : كان ياما كان . يا ساده يا كرام ...
حمو !
حموتى انت نمت ؟
ياقلبي ! من امبارح مانمتش انت وماكنتش عارف تنام الا ف حضنى انا عارفه
ولا انا والله كنت هعرف انام الا ف حضنك ( بترن على سالى بره تيجيلها )
...
سالى : ايه يا سلمى ... ايه احمد نام ولا ايه
سلمى : هشش وطى صوتك شويه والنبى انا ما صدقت احمد وابنه نامو ... خدى الواد معاكو بره شويه لغاية ما احمد ينام شويه . من امبارح مانمش وانا هحاول انام شويه جنبه
سالى : حاضر حاضر ... هاتيه .. بسم الله الرحمن الرحيم
...................
( فيلا هشام )
صفوت : بقولك ايه هى اللى اسمها حبيبه دى .. اختها اكبر منها بكام سنه ؟
.............
ايه رأيك ف الحلقه ؟ وتفتكر صفوت ممكن يكون بيفكر ف ايه ؟
التفاعل يا جماعه بعد اذنكوا
استنونا ف الحلقه الثانيه عشر بكره