روايه ياريت

(الحلقه الثالثه عشر ) ( حرب بارده )

(الحلقه الثالثه عشر ) ( حرب بارده ) <3
...................
(في الحلقه السابقه )
سلمى : هدى بس
احمد : اهو !
سلمى : استنى !!!
احنا متراقبين يا معلم
احمد : يعنى ايه
سلمى : العربيه السوناتا اللى ورانا دى ماشيه ورانا من ساعة ما طلعنا م المنصوره . لما انت هديت هى هدت ومطلعوش قدامنا
احمد : استنى كده !
اه صح تصدقى ! طب اقفلي ازازك بقي يا حلوه واربطى الحزام انتى وابنك عشان اللى هيحصل دلوقتى
............... ( الثالثه عشر ) <3
سلمى : احمد ! بالراحه عشان الواد
احمد : ماهو لولا انتى والواد كان زمانى جبت ارارهم دلوقتى بالعربيه ... بس انا هاخدهم ع الهادى لغاية دخلة اسكندريه ... امسكى الواد حلو يا سلمى
سلمى : يا بابا اهو ماتقلقش
احمد : الو ! واد يا مصطفى انت فين
مصطفى : ف البيت . انت مال صوتك
احمد : فيه عربيه مدبقانا وماشيه ورانا من ساعة ما طلعنا م المنصوره . احنا قدامنا ربعايه كده ونبقى ف مدخل سيدى بشر
مصطفى : عربيه ايه دى
احمد : معرفش ... هات الواد على وتعالى استنانى على مدخل طريق المنصوره من عند الاسدين . هتوه منه هناك وهنحلق عليهم نشوف مين اللى باعت الكلاب دى
مصطفى : هوا هتلاقينى هناك . هرن على على ومالك
احمد : لا بلاش مالك .... هات على بس
مصطفى : طيب خلى بالك من نفسك وبالراحه عشان سلمى والواد
احمد : على الله
.........
احمد : الو ! ولا يا سيف
سيف ( صاحبه الظابط ) : ايه يا حبي واحشنى ياض والله
احمد : اسمعنى بس ! انا جاى م المنصوره دلوقتى وداخل على اسكندريه
سيف : مع مين
احمد : جاى انا وسلمى وابنى . وفيه عربيه ماشيه ورانا من ساعة ما ركبنا طريق اسكندريه
سيف : بتقول ايه ؟ طب انت فين دلوقتى بالظبط
احمد : على خلاص دخله اسكندريه ... عشر دقايق وهكون ف سيدى بشر
سيف : طيب بص .. هدى نفسك شويه وماتتهورش وبالراحه وهتلاقينى هناك مستنيك .. انا جنبك بلف بالبوكس شويه .. قلبلى نور وانت داخل
احمد : ماتحملش هم . انا كلمت مصطفى وهنزنق عليه بس على الدخله نفسها
سيف : طيب تمام وانا طالع على هناك .. خلى بالك وبالراحه وانت سايق
احمد : على الله
........
طارق : هما راحو فين منك الله يخربيتك
وليد : ماهو كان قدامى اهو شكله جرى ف الزحمه اللى قدام دى
طارق : يا اخى الله يحرقك ده عصام بيه هيفشخنا ... شد شويه الحقه هيكون راح فين يعنى ماهو اكيد قدام
وليد : استنى بس الحمار اللى قدامى ده شكله شارب ولا ايه عمال يتمطوح شمال يمين
طارق : حاول تفاديه وتبعد عنه
وليد : يا طارق مش عارف الواد جاى شمال يمين ولا شكلها ست وبتتعلم السواقه ولا ايه
طارق : اوبس . العربيه اللى بنراقبها ورانا يا معلم . ده شكله كمين
وليد : وبعدين !
طارق : اوعى تقف
وليد : ماينفعش لازم اقف فيه عربيه شرطه قدامنا والعيال دى شكلها بتوصلنا لعندها . روحنا ف داهيه الله يخربيتك
طارق : كانت شوره منيله بستين نيله عليك وعلى نافوخوكو يا ولاد الكلب . انزل انزل
......
( مصطفى وعلى بينزلو م العربيه ع العيال بيضربوهم )
مصطفى : انتو مين يا ولاد الجزم انتو وهو
طارق : ايه يا عم انتو عاوزين ايه انتو مين انتو اللى مزنقين علينا بالعربيات
( احمد بيكلم سلمى ف العربيه : سلمى اوعى تنزلى تحت اى ظرف
سلمى : طيب بالراحه بس . مش ده سيف اللى هناك ده
احمد : اه هو هيلف وييجى . ماتنزليش )
.....
احمد : انت مين يا بن الكلب انت وهو بدل ما ادفنكو مكانكو هنا ... انطططططططق
( مصطفى بينزل ضرب فيهم )
( على بيجيب حديده وبيتهجم عليهم )
احمد : مصطفى ! على ! استنو استنو اهدى انت وهو . سيف جاى هياخده ع القسم
سيف : هما دول يا احمد ؟
احمد : ايوه هما . زنقنا عليهم زي ما قولتلك
الروايه ملك حصر ل الكاتب احمد سعد و صفحة الادمن الشخصية
ويتم نشرها في بيدج قصص و روايات للناشر محمد فريد
سيف : هاتهم ع البوكس يابنى انت وهو .. وانت يا احمد وصل سلمى وتعالى ع القسم نشوف حكاية اللى جابوهم ايه دول وتبع مين
احمد : لا انا جاى معاك بالعربيه . مصطفى هخليه يوصل سلمى والواد وجاى وراك
سيف : يابنى روح ارتاح انت جاى من مشوار
احمد : مشوار ايه هى المنصوره مشوار ههههههههههه ماتخلص ياعم انا عاوز اعرف مين دول وتبع انهى مصيبه
سيف : طيب تعالى ورايا
احمد : تمام ... درش وصل سلمى بعربيتك وانا هطلع ع القسم افهم فيه ايه
على : ايوه يلا وانا معاك
احمد : ما تخليك يا علوه مالهاش داعى هعرف بس مين دول
على : ماتخلص يا روح امك هو انا باخد اذنك . اخلص يالا
احمد : هههههههههههههه
...
احمد : سوسو ! انزلى اركبى مع مصطفى وانا هطلع ع القسم اعرف الحكايه ايه
سلمى : طيب يا حبيبى خلى بالك من نفسك
..................
( قسم الشرطه )
سيف : تحبو تتكلمو وتقولو الحكايه بما يرضي الله ولا انفخكو واطلع ميتين اللى خلفوكو والعن سلسفيل جدودكو وبردو هتتكلمو وهتنطقو
طارق : يا باشا احنا مش فاهمين فيه ايه .. احنا مره واحده لقينا العربيتين دول واحده قدامنا وواحده ورانا وبيزنقو علينا وبيقولولنا اقفوا ... لولا حضراتكو وصلتو ف الوقت المناسب مش عارف ايه اللى ممكن يكون حصل
سيف : هههههههههههههههه وايه كمان يا حبيبى انت وهو
وليد : بس يا ريس هو ده اللى حصل
سيف : طب وبالنسبه للواد الصغير والبنت اللى كانت معاهم .. معقوله يعنى هيهاجموكو ومش هيخافوا على ابنهم ولا ع الواد اللى خاطفينه اصلا ده
وليد : معرفش يا باشا انا قولتلك اللى حصل
سيف : ( بيقوم من على مكتبه وبيلف حوالين المكتب وبيقرب منهم )
عارفين اللى كنتو بتراقبوه ده والله اعلم كنتو هتعملو معاه ايه يبقى مين ؟ يبقى ابن عمتى يا ولاد الاوساخ . عليا الحلال من دينى لو ما نطقتو دلوقتى لنا رايح فيكو ف داهيه يا ولاد الكلب .. انططططططق يالا انت وهو
طارق : هقول يا باشا هقول ؟؟ الروايه ملك حصرى ل بيدج هو وهى وصفحة الادمن الشخصيه فقط
وليد : يا باشا احنا شغالين ف شركه H&SS للمقاولات . سواقين غلابه بنوصل طلبيات وبنوصل بضاعه من وإلى . ومالناش دعوه باى حاجه . من يومين الاستاذ عصام مدير مكتب صفوت بيه مدير الشركه اتصل علينا وقالنا عاوزنا ف مصلحه .. والحمد لله هو عارف اننا مش بتاع اذيه ولا بتاع شر . هو قالنا هديلكو عنوان واحد وصورته وتراقبوه بيروح فين وبييجى منين .. يعنى تقدر تقول كده شغل يا ساعة الباشا مش اكتر
سيف : عارف لو بتكدبو عليا هعمل فيكو ايه
طارق : والله العظيم هو ده كل اللى حصل . يا بيه احنا غلابه احنا كنا ماشيين وراه بالعربيه حتى اساله وقوله احنا لو عملنا حاجه واحده غلط نتأدب ونتحاسب وتعمل اللى انت عاوزه .
سيف : طب غورو انتو دلوقتى اما اشوف هعمل ف اللى خلفوكو ايه ..... يا عسكرى . خدهم نزلهم الحجز اما اقولك هنعمل فيهم ايه
..........
( جوه القسم )
احمد : الو ! ايوه يا سيف انت فين مكتبك
سيف : فوق فوق اول مكتب على ايدك اليمين . تعالى
...........
( مكتب سيف )
احمد : ايه يا شق عرفت مين دول ؟
سيف : عيب ! هو انت تايه عنى . هههههههههههههههه وكمان دول جايين يراقبو الغالي
على : هههههههههههههههههههه داحنا قلبنا وقع مكاننا يا جدع لما اتصل علينا وقلنا فيه عربيه بتراقبه وكمان معاه سلمى والواد الصغير هههههههههههههههههههه
احمد : يا حبيبى يا علوه .. خايف عليا
على : ههههههههههههههههه اتنيل . احنا خوفنا ع الواد وامه
احمد : يا شوية اوساخ هههههههههههههههه المهم يابنى مين دول ولا حكاية اللى خلفوهم ايه
سيف : انت تعرف شركه اسمها شركه H&S للمقاولات ؟
احمد : اوبا ! دى الشركه اللى كان شغال فيها الواد مالك ومراته
سيف : تقصد ايه ؟ دول تبع مشكلته الاولانيه
احمد : بالظبط يا معلم ! الناس دى مش سايبانا ف حالنا ومش مطلعينا من راسهم لنا ولا الواد مالك
سيف : طب وبعدين ...
احمد : اول حاجه بس مشى العيال اللى تحت دى . دى عيال شكلها اغلب من الغلب ومش وش بهدله
سيف : انت بتهزر صح
احمد : لا والله يا حبيبى بتكلم بجد . هما كانو فعلا بيراقبونا بس ومعملوش حاجه . انا اللى قلقت يكون في نيتهم غدر ولا حاجه وخصوصا انى قلقت ع مراتى وابنى ف قولت اكلمكو
على : خير ما عملت
سيف : طيب ايه مش هنعمل محضر طيب
احمد : لا لا مشيهم بس هاتهم هنا الاول اشوفهم قبل ما يمشو
سيف : يا محممممد . محممممد . انزل هاتلى العيلين اللى ف الحجز
محمد : اوامرك يا سيف باشا
......................
سيف : اقف هنا يابنى انت وهو
طارق : تحت امرك يا باشا
احمد : مين اللى اتفق معاك وقالكو تراقبونى
طارق : احنا قولنا كل حاجه للباشا
سيف : لا جاوبوا عليه لانه قال انه هيطلعكو لو جاوبتوه
طارق : عصام بيه اللى قالنا على كل ده وقالنا كمان مجرد مراقبه بس من غير اى حاجه وانت اكيد حسيت ان مافيش اى حاجه ولا اى قلق من ناحيتنا
احمد : الصراحه اه . طب وعصام بيه ده يبقى مدير مكتب صفوت بيه ابو هشام صح
طارق : هو حضرتك عارف مستر هشام ؟
احمد : هههههههههههههههههه هشام ده صاحبي بس عيل فقر . اختلفنا انا وهو ف شغل كده ف هو اللى ورا الليله دى وتقريبا هو اللى قال لعصام يقولكو تراقبونى ... هو جه من بره ولا لسا
طارق : اه يا باشا جه من حوالي 4 ايام
احمد : يابن الكلب يا هشام .. من غير ما سلم الواطى ولا يرن عليا .. ع العموم انا قلت ل سيف باشا يمشيكو لانكو واضح انكو فعلا غلابه ولا ليكو ف جو حرب الشوارع والشغل ده ... صحيح نسيت اسالكو . هو بيروح الشغل ولا صفوت بيه هو اللى ماسك الشغل دلوقتى
طارق : دلوقتى صفوت بيه ايام ما كان هشام باشا مسافر . لكن دلوقتى هشام بيه بدا ينزل تانى الشغل من امبارح
احمد : تمام تمام ! خلاص مشيهم يا سيف باشا
..............
( ف عربيه مصطفى )
سلمى : انا قلقانه على احمد اوى هرن عليه
مصطفى : ايوه رنى . رعبتونى الله يخربيوتكو
سلمى : الو ! ايه يا بابا خلصتو ولا لسا
احمد : اه يا حبيبتى انا عشر دقايق وهكون عندك
سلمى : طيب خلى بالك من نفسك
احمد : وصلتى ولا لسا
سلمى : اه داخله ع البيت اهو
احمد : بقولك ! اوعى تجيبى سيره لاى حد ع الموضوع . هاتيلى مصطفى كده
سلمى : حاضر . خد يا مصطفى احمد عاوز يكلمك
مصطفى : الو !
احمد : ايوه يا درش بقولك . اوعى تجيب سيره لاى حد وخصوصا مالك وحبيبه . اوعى مصطفى : اوعى تقولى ان الموضوع يخصهم
احمد : بالظبط ... ! بس امسك لسانك والنبى مش عاوز العيال تقلق ها . هو موضوع بسيط ان شاء الله بس بردو
مصطفى : لا لا ماتقلقش هعرف اسماء ماتقولش لحد . لانها زمانها قلقانه بردو لانى كنت قاعد معاها وانت بتتصل عليا
احمد : تمام يا درش . انا خلاص اهو خارج انا وعلى
..............
( عربيه احمد )
على : ايه يا كبير بتفكر ف ايه
احمد : ف اللى حصل النهارده
على : عدت على خير الحمد لله
احمد : ماشكلهاش فيها خير يا علوه .... ولاد الوسخه دول مش هيسيبو الواد ف حاله . ده وصل بيهم الامر انهم يعينو اتنين مخصوص يراقبونى وانا ف بلد غير البلد
على : طيب هنعمل ايه دلوقتى
احمد : استنى ! هعمل مكالمه
على : هترن على مين
احمد : ثوانى يا علوه بس . فين التليفون
على : اهو . امسك
احمد : ايوه ! مجدى مجدى مجدى اهو رقمه ....الو !
مجدى : حبيبى حبيبى حبيبى ههههههههههههههههههه ايه يابنى بتتصل عليا وفاكرنى وانت عندك كل الناس
احمد : يا ميجو انت اللى ف القلب يا ميجز ههههههههههههه عامل ايه ياض وازي مراتك عامله ايه
مجدى : كويسه والله .عماله تزن عليا وتقولى عاوزه اروح يومين كده اسكندريه مع مالك وحمو وحبيبه وسلمى
احمد : انت اللى واطى اصلا ماتجيبها ياض وتقعدلك يومين تلاته معانا انا لسا راجع من المنصوره اهو
مجدى : كنت بتعمل ايه ف المنصوره
احمد : هههههههههههههههه كنت عند الواد حموكشه .. حوار كده هبقى احكيلك عليه
مجدى : صحيح سمعت انهم مزز هناك
احمد : مزز ايه يابنى دول حلوياااااااات يا ابو عمو ماقابلناش بنت شكلها وحش هناك هههههههههههههههه حاجه تعقد والله دى سلمى كانت ماسكالى الشبشب ههههههههههههههههههههههههه
مجدى : هههههههههههههههههههههه المنصوره واللى منها يا عم ....
احمد : المهم يا ميجو بقولك !
مجدى : عيونى يا غالى
احمد : انت تعرف الفيلا بتاعة الواد هشام اللى قاعد فيها
مجدى : اه اعرفها روحتها انا ومالك مره من فتره كده قبل اللعبكه والمشاكل اللى حصل .. بس ايه اللى فكرك ب سي زفت ده دلوقتى وعاوز عنوانه ف ايه ؟
احمد : ابعتهولى ابعتهولى !
..................