الكاتبة: - زينب الحربي
حساب الانستكرام:-zienab_alharbi
………………………
تسئلمن علية او وين تلكاني
انه بدمع عينك صار عنواني
بعد دمي علجفك وانته بس متهوم
وبسيفك بعدهن وصل شرياني
اخذت حجايتك عن مثل باب وريح
من ذاك الوكت سديت بيباني
انه زعلان بس مو مثل زعلي الراح
مااقبل بعد ينكسر حلفاني
زرعتك بيدي صح حد ماصرت بستان
بس هسه انتهينه وجنت بستاني
انه السورت روحي بكبر سور الصين
مو طابوك جرحك حجربنياني
شسولفلك تريد ؟احجيلك شسويت ؟
بيدك شككتني شلون تقراني؟
انه بصوتي هذا المايعجك شوف
من ونيتلك بجيت جيراني
انه الشجرة العفتهه بوكت شح الماي
وجفوف الغرب كسرت عوداني
سكف روحك جنت فيك ابصدري ايصير
بردت روحك وذبيت عمداني
بعد ماحب ورد مزروع يذبل خاف
او ينكطع ممكن بيد عدواني
صح ورد الصناعي من ورق مصنوع
بس سهلة من اعوفهه وسهل ينساني
ل(ايهاب المالكي)
…………………………
العراق /الديوانية / الشامية /الشط الفاصل بين السلفين
حدهن:-
احسن بادن رجيلاتي وانه اشوفن اخوي جاي صوبي وصل يمي ولنه يضربني بصمت اديته اعلئ عيني اهيس طفاها اليه اي خوية دسمعني احجيلك اوكف يخوي
_برب…… وانه اكولن شمالها اتوخر واهي تجيب الماي من الشط واجذب مريتي واكولن لا يرضا اخيتك موش هجي اخيتك تربية ابوك بس طلعتي وحدة منزلة راسنا اليوم ذبحج حلال
_دسمعني يخوي احجيلك وروح جدي موش التعرفة موش الوصلتة الك الحية لجن اريدن وليدي ما تعرفون الضيم الانه بي اعلئ وليدي خوية سايمة الله ومحمد اعليك خلني اشوفن وليدي انه احجي بس ولا جن سحلني من حجابي وطاحت عبيتي بس ولا جني اخيتة اريدن استر رويحتي بس ولا جن انه عرضة وشرفي شرفة هسة تمنيت يو ما عندي اخواني الكبار يو انه وحيدة ابوي انه وعليوي ذولة مو زلم عاد هي كتلة كتلة افترت وتفلت بوجهة طاح حظ شواربك الاعليك ان جانم زلمة اكصن اديتي روح الله يبهذل احوالك انت ومرتك تخبل اعليه جرني من حجابي لنص العجد تمنيت الشيخ يطلع ويخلصني من اخوي الجابتة امي خايب هدني منا الوادم هدني يبن امي هدني رضت عنك مريتك شعراتي طلعن وعبيتي وكعت بنص الطريج حسيت اعلئ ايد تجرني شفتة الشيخ تعلكت بذيالة وشردت ورة اضهيرتة
الشيخ: -
اول مرة اشوف مطي هالكبيرتة خايب موش عيب اعلئ شواربك ما مش مستحة جار اخيتك جيف تشوف ارجيلها وبنيها انجان ناسي سويلفاتك وين كضيناك انجانك ناسي انه ما ناسي وانجان ناسي احنا سدينا سالفتك الشينة وي الوادم انه ما ناسي وروح ابوي يو ما عيب من الوادم هسة جسرت عضامك هنا لونك رجال مد ايدك اعليها وروح ابوي اجسرها واعلكها بركيبتك هساعها رادة لبيت ابوها ويو سمعت بيك طاكها انه وياك كوام ويصير الثار ثارين انه محترمكم انت وانجان اخوك لعيون حدهن يو ما حدهن انه هساعة حرككم واخلص الوادم من الثار حيوان
أنت تقرأ
حب عبر الاجيال
Ficción Generalفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
