Sa bawat segundong lumilipas
Kamay ng tadhana ay humahampas
Isang problemang di ko malutas
Kung kailan at paano ilalabas
Sa tuwinang sasabak ang yong salita
Iba ang nililimbag ng yaring mga mata
Iba ang na sisilayang mithiin
Tila ba may nililingid ka sa akin
Simula pa lang kita ko na
Ang tinatago mong pahina
Gunita ko pa nung dila'y nadulas
Marahuyo mong pumapagaspas
Hindi ko mailathala ng maayos ito
Diko nais iwan kang nag durugo
Ako ay bilanggo ng aking sentro
Hindi ko maipapangako ang inaasam mo
Kaya't tahan na at ika'y gumayak
Malayo pa ang iyong matatahak
Magkikita pa tayong dalawa
Sa dulo ng iyong kabanata
