تبدا الروايه يوم كانت جواهر وشهد طالعين من محاضره
جواهر : اففف ما بغينا نخلص احس اني مخنوقه
شهد: هي والله الدكتور مايسكت بس يتفلسف حشى
جواهر : صدقتي انزين اقولج اليوم ترا بنطلع نفس ما قتلج
شهد : والله انج خاينه و بتسحبين علي زعلت
جواهر: تعرفين اني مغصبوه اسير
شهد :هههههه احسن المهم ساعه كم عسبت نرجع البيت وجي
جواهر وهي تشوف فونها
جواهر : شي وقت عادي تعالي بنمر كوفي فخاطري ايس تي
شهد : محد مخربنج غير الايس تي هذا ادماننن
جواهر : بس بس يلاا
ركبوا سياره شهد (فسياره )
جواهر : يالله اليوم حلو
شهد : اقول سكري اغانيج شو جي
جواهر: خفي علينا عاد الي تسمع حيضه وراشد الماجد
شهد : هههه انزين طولي شوي
جواهر : يالله تناقض الي فيج (تطول على صوت )
شهد: يلا يلا فديتج يعمري يقلبي يكل شي نزلي طلبي
جواهر : كنت شاكه انج بتقولين جي انزين انزين
نزلت جواهر من سياره وعبايتها مفتوحه من تحت و الاخت طبعا يوم تسير جامعه ما تلبس مخور لااااا بنطلون و قميص طوال و وساع
*دشت *
جواهر : لو سمحت بغيت فلات وايت و لاتيه و 2 كراسون لو ماعليك امر
كاشير: تمام بيخلص بعد 5 دقايق
جواهر : اوكي شكرا
راحت جواهر تيلس لين ما يخلص طلبها
واحد: ماشاءالله ما كنت اعرف ان قمر موجود ف هكوفي
جواهر :: نعمم !!
واحد : كنت اقول ماشاءالله قمر موجود هني ولا يرمس بعد
جواهر : اا شرايك تنقلع ؟؟ ولا
واحد : افااا ليش
جواهر : بتنقلع ولا افلعك سر توكل يلا يلا مب متفيجه لك
واحد : انزين هدي هدي بلاج كليتيني ؟
جواهر تنرفزت و رشته بلماي
واحد: يلمريضه وش فيج ليش جبيتي الماي علي
جواهر : عشان تتادب مره ثانيه ما تقرب صوبي يلاا انقلعي
كاشير : اختي طلبج خلص
جواهر :يايه
جواهر : كم الحساب
كاشير :........
جواهر : تمام
شلت جواهر الكيس و طلعت من كوفي مطنقره و بالعه العافيه وتبا تطلع حرتها فحد
أنت تقرأ
محبَّتك غَالِية
Novela Juvenilروايه اماراتيه "الحب يجعل رحلة الحياة جديرةً بالعناء". القصه من وحي خيالي✨✨ ان شاءالله تعيبكم ✨💗💗
