خفايا لا تغفر

الحادى عشر

حين مسني طيف بكاء بحثت عنك بذُعر أختبئ بك منه وحين لم أجدك وقع قلبي منكسرًا بخيبة قبل أن يلتهمني التعب.(جورى)

_ عائشة عبد الحميد.

فى أى يا أسر متقلقناش
-انا حاسس ان نفسى مكتوم ومش قادر أتنفس وبحاول ادارى عشان ماما
-يا لهوى يا أسر
-لازم تاخد تنفس صناعى قالتها تقى
-هتعمليهولى أنتى
-اه عادى تعال وانا اعملهولك
-انتى متعودة عالموضوع دة ولا أى قالها بصدمه
-مش فاهمه
-مش مهم يلا تحركوا ثلاثتهم الى غرفه لتطلب من الممرضه انبوبه أكسجين وماسك لم يستمع لها لحديثه مع غزل
-أى يا بنى مش عايزنى لى
-بتقلك هتعملى تنفس صناعى مبتفهميش
-ايوة فيها أى يعنى
-تدخلت تقى بالحديث وهى تدفعه لينام: خليها موجودة فيها أى
كاد بالحديث ليقاطعهم دلوف جاد الذى اتى حينما اخبرته غزل
-الله خد خطيبتك من هنا يا جاد خلى الوليه تشوف شغلها
-شغل أى قالها جاد بأستغراب
-دا هيسأل
-انت فهمنا احنا التلاته مش فاهمين عايزهم يخرجوا لى
كاد بالاجابه لتدلف الممرضه للداخل بالانبونبه: أى دا قالها بصدمه
-انبوبه الاكسجين عشان اعملك التنفس الصناعى
-انتى بتهزرى انتى مش هتعمليلى زى ما عملتى لتقى
فتحت عينيها بصدمه لتعلم مقصده لتصرخ به:  نعم يا روح نسمه عشان كدا عايزهم يخرجوا
فهم غزل وجاد مقصدة ليكتموا ضحكاتهم
-أى يا أسورة نمشى يا حبيبى
-نظر لها بغضب: لا مشيها هى قالها وهو يشير الى تقى لينفجر الجميع ضاحكين
بعد مرور وقت تحدثت غزل: تقى أى اللى فأيدك دة
-دى وحمه قالتها وهى تنظر ليدها
-أمسكت غزل يد جاد: نفس اللى عند جاد بالظبط
-اى دة دى شبها خالص
-فعلا قالها وهو ينظر لها لاحظت غزل نظراته هو فى حاجه
-ها لا هحكيلك بعدين
-الابصحيح يا غزل أى العبارة
-عبارة أى يا أسر
-مراد ونورسين الواد رمى نفسه فالنار عشانها
-بيحبها
-جلس بغيظ على السرير: نعم
-يختى قالتها وهى تضرب رأسها بيدها
-أنت مالك أنت
-ازاى معرفش نورسين اختى يا تقى
-مهى عشان اللى بتعمله دة مراد متكلمش معاك
-انا انا بعمل حاجه قالها ببراءة
-بتعمل ابدا دا انت ملاك نازل من السما كدا قالها جاد بسخريه
-انت بتتريق يا جاد انا اه بغير حبه بس طبعا دول اخوانى ولما يكونوا مبسوطين هفرح
-يعنى لو مراد جه وقالك هتنبسط
-هكسر دماغه طيعا قالها سريعا ليتراجع قصدى لا هنبسط طبعا
-اه واضح قالتها تقى بسخريه
-طيب انت بقه أى العبارة قالتها غزل وهى تنظر الى تقى
-العبارة يا ستى انى هخطبها
-أسر قالتها تقى بخجل
-تحدثت غزل بفرحه: بجد الف مبروك مامى هتفرح أوى عندك أخوات يا تقى اولاد
-للاسف معنديش
-يا خسارة
-وخسارة لى اعتبرينى أخوكى وربنا لتطلع الجديد والقديم عليك قالها جاد سريعا
-وانا موافقه هههههه
-ايوة كدا ليلتك فل
-اخرجوا برة انتو التلاته برررررة
عند نورسين
-أتفضلى قالها جاسر وهو يمد يدة بالعصير
-شكرا يا جاسر قالتها جورى ببسمه
-أى أخبار المدرسه
-ماشى الحال حاسه انى اتسرعت فالشغل دة
-ازاى
-مش عارفه يا جاسر مش عارفه اتحكم بحد الكل بيستهتر بيا كنت فرحانه فالبدايه دلوقت لا
-لا يا جورى لازم تكونى واثقه فى نفسك ثقتك فى نفسك هتخلى الكل يعمل حساب هما بيعملوا كدا لما انتى ظهرتى قدامهم مهزوزه
-مش عارفه يا جاسر مش دى المشكله كمان فى مشكله أكبر
-انصت اليها لتسرد له ما حدث البارحه بساحه المدرسه
فلاش باااااك
كانت تجلس بيدها كراسه الرسم تقوم برسم منظرها المفضل الشمس وقت الغروب فبداخلها هذا المنظر يشبهها كثيرا تهرب مساءا من كل شئ لتختلى بغرفتها لم تنتبه على الفتاه التى اتت وجلست بجوارها الا حينما وضعت يدها عليها التفتت جورى سريعا لتتءكرها فور رؤيتها تلك الفتاه التى كانت تخبئ وجهها بشعرها: أنتى
-ممكن تساعدينى يا مس
-أساعدك قالتها جورى مستغربه
ابعدتت الفتاه شعرها لتنصدم جورى من وجهها الملئ بالكدمات: أى دا مين عمل كدا
-جوزى
صدمه الجمت لسانها زوجها متزوجه وهى لم تتخطى السابعه عشر فوق هذا تتعرض الى العنف
-جوزك ازاى مش فاهمه
-ارجوكى وطى صوتك انا عايزاكى تساعدينى لو سمحتى
-اساعدك
-ايوة انا عارفه انك بنت يونس المغربى واخوكى ظابط شرطه سمعته المدرسه وهى بتتكلم مع المدير عشان كدا جتلك انتى اللى هتقدرى تساعدينى
-ازاى
-جوزى بيكون هانى البحراوى اكيد بتسمعى عنه صاحب شركات البسيونى للتصنيع انا أهلى ناس على قد حالهم ابويا شغال فى شركته بيقدم شاى بدأت تتذكر لقاءها به لتسرد فى يوم كنت عند بابا كنت محتاجه منه فلوس وروحت الشركه وقابلت هانى اول ما شافنى كانت نظراته مرعبه لطفله فى سنى هربت من نظراته بهروبى من الشركه كلها نظراته مرعبه بشكل خلته دايما فى بالى عدى يوم اتنين تلاته اسبوع ونظراته مش مفارقه خيالى كل ما افتكرها بحس ان قلبى مقبوض  فى يوم قعدنا استنينا بابا عالعشا وفجأه لقيناه داخل علينا بأكل عمرنا ما فكرنا ناكله فراخ كنتاكى كفته كباب وسوشى وكميه اتصدمنا كلنا ماما سألته قالها دا هانى بيه كان طالب أكل فالشركه وطلبله معاه لان أخر معاه وفضل قاعد مستنيه كلمات ابويا مكنتش مترتبه والقلق ظاهر على وشه أكلنا طبعا وانا أكلت بصراحه حاجه أول مرة تبقى موجودة قدامى اكلت وسبت قلقى على جنب بعدها بيومين لقيت بابا داخل عليا الاوضه بيطلبوا منى اطلع أشوف اللبس اللى هانى بيه جابه ليا ولاخواتى القلق بدأ يتسرب لقلبى كان عندى ١٦سنه بس فاهمه بقرا روايات كتير بصراحه اللى بتذكر ان رجل اعمال حب واحدة فقيرة وهكذا بس قلت معقول الخيال بتاع الروايه يبقى حقيقى المهم خرجت وشفت مرة ورا التانيه ورجعت من المدرسه فى يوم لقيته فالبيت عندنا بابا طلب أقعد معاهم مكنتش عايزة بس اصرار امى وابويا خلانى أقعد واتفجأه بكلام ابويا وأمى وهما بيكلموه
-متقلقش اعتبر موافقتها موجودة هى هتلاقى أحسن منك فين
انا سمعت جملتهم وقعدت مصدومه مش عارفه أعمل أى سكت لحد ما مشى دخلت أوضتى بسرعه لقيت بابا داخل عليا وفى ايدة علبه دهب بس اللى جواها مش دهب اللى جواها الماظ
-اى دا يا بابا
-دا هانى بيه جايبلك دى هديه
-هو فى أى بالظبط اى هانى بيه جايب أكل هانى بيه جايب لبس ودلوقتى الماظ فى أى وعايز اى من دة كله
-يتجوزك كلمه قالها ابويا خلتنى فقدت الاحساس بكل حاجه حواليا مرجعتش على ارض الواقع غير وأمى بتكلمنى وبتقولى
-هيعيشك ملكه ويعيشنا معاكى شوفى جايبلك الماظ يا بت
-انتو بتقولوا أى دا أكبر منك يا بابا لا مستحيل انا عندى ١٦سنه انا لسه طفله اتجوز وكمان واحد اكبر من ابويا
-يا بنتى اسمعينى بس الراجل هيصرف عليكى وهيدخلك مدرسه أحسن من الحكومى دى وهيعيشك فى مستوى عالى
-ايوة يا بنتى ابوكى معاه حق مهما وصلنا عمرنا ما هنقدر نعيشكوا فى أكتر من اللى عايشين فيه وكمان اخوتك هيعيشوا
رفضت طبعا رفض قطعى بس زى ما بيقولوا الزن عالودان أمر من السحر ومش بس كدا لا دا خلاهم رفدونى من المدرسه مكدبش عليكى زن أمى كان كتير عليا رضخت للواقع ويمكن كمان عشان أعيش ملكه زى أمى ما قالت برضوا خلانى اوافق مفهمتش ازاى اتجوزته بالسرعه دى كل اللى فهمته انهم دفعوا للمأذون لحد ما اكمل السن القانونى وصلت معاه الفيلا مكنتش أعرف أى حاجه عن الجواز انا طفله لسه فى مرحله مراهقه مكنتش لسه حتى عشتها مجربتش شعور ان حد يحبنى او انا أحب متكلمتش معاه خالص طلعنى اوضه
-أوضتنا دى يا جنا
-اوضتنا أنت هتنام معايا
-طبعا امال هنام فين
-لا طبعا شوف أوضه تانيه
طبعا معجبوش الكلام حاول ياخد حقه من طفله مش فاهمه حاجه مرعوبه تحت أيدة بس ربنا ليه ارادة للاسف كبر سنه خلى وجودة زى عدمه
نظرة لها جورى بصدمه لتكمل
عمل المستحيل بس مفيش فايدة قضيت سنه معاه لحد من شهرين وصل أبن أخوة من السفر ومن شهرين عايشه الويل بدأ يضربنى
-لى
-حاسس ان فى حاجه بينى وبين ابن أخوة
-أى قالتها بصدمه
-هو بالفعل فى بس من ناحيتى انا اقدر اقول ان انا بقيت بنى ادمه ومن حقى أحب من لما دخل حياتنا
-انتى ازاى عملتى فى نفسك دة كله
-معرفش صدقينى معرفش انا محتاجاكى تساعدينى أرجوكى أسمى جنا محسن ودة رقمى محدش يعرفه هكلمك منه بس انا أتأخرت عالسواق ولازم أمشى
بااااااك
-أنا عارفه هانى البحراوى
-هتقدر تساعدها يا جاسر أرجوك
-هشوف هقدر أعمل أى
صباح يوم جديد بقى الجميع بالمشفى بجوار نورسين
بدأت فى فتح عينيها بصعوبه
-حمدالله عالسلامه يا نورى قالتها نسمه
-اجابتها بتعب: الله يسلمك يا طنط
اقترب الجميع يهنئها بعودتها فى هذة اللحظات دلف والدها ووالدتها
-نورسين بنتى حبيبتى سلامتك يا روحى قالتها شمس بخوف
-ماما قالتها بفتور لاحظه الجميع حمدالله عالسلامه
-عامله أى يا حبيبتى
-بخير يا بابا حمدالله عالسلامه
الله يسلمك يا حبيبتى أنتى عامله أى طمنينى عليكى
-انا بخير البركه فى عمو قالتها وهى تشير الى يونس
-لا يا حبيبتى الشكر لازم يكون لمراد هو اللى دخل وسط النار هو واسر وخرجوكى
-نظرة لها بصدمه لتجدة يبتسم لها بخفوت: شكرا يا مراد
-حمدالله عالسلامه يا شموسه
-الله يسلمك يا نسمه عامله أى عاملين أى يا اولاد
-بخير يا طنط كانت أجابه الجميع عليها
هستأذن أنا بقه عشان ورايا شغل قالتها غزل لتتبعها جورى ومن خلفهم تقى التى بقيت طوال الليل
-معاكى العربيه يا جورى
-لا جيت مع مامى
-هنروح ازاى انا جيت مع جاد وانا مفحوله معاكوا طول الليل لازم تروحونى على فكرة أخوكى الواطى خلع
اقترب منهم جاد: يلا يا حبيبتى أروحك
-انت بيت هنا قالتها جورى بصدمه
-اه لما أسر مشى قلت افضل عشان لو أحتجتوا حاجه كنت قاعد مع جاسر برة
-وكمان جاسر موجود خلاص انا هخلى جاسر يودينى المدرسه وانتو خدو تقى معاكوا باى
-لا مش هينفع هبقى عزول كدا
-يا ستى عزول أى يلا بس
اتى جاد بالسيارة لتركب الفتاتان كان ينظر لها بمرأه السيارة لم يستطع كبح فضوله
-هى الوحمه اللى فأيدك يا انسه تقى متوارثه
-متوارثه ازاى
-يعنى حد من أهلك عندة نفس الوحمه
-لا انا بس
-تتدخلت غزل بالحديث: لى السؤال دة يا جاد
-أصل انا وحمتى بابا الله يرحمه كانت عندة والدكتور لما حبيت أشيلها قال انها وحمه متوارثه وصعب تتشال
-غريبه بس انا مفيش حد من أهلى عندة
-انتى عندك كام سنه
-٢٤سنه
تأكدت ظنونه لن يترك الامر هكذا اوصلها الى المنزل ليتحدث الى غزل
-غزل محتاجه مساعده
+أى يا حبيبى فى أى
-ذكر كلمه حبيبى من فمها جعله يشعر بسعادة عارمه: انا عندى أخت غير جويريه وجد علامات الاستفهام ترتسم على وجهها ليكمل من ٢١سنه أختى ضاعت فالمصيف من بابا وماما كان عندها٣سنين منعرفش راحت فين دورنا كثير ملقينهاش
-أى لازمه الكلام دة مش فاهمه
-تقى حاسسهاا هى جيلان أختى
-مستحيل
-انا متأكد هى نفس العيون نفس الوحمه احساسى من يوم ما شفتها انا متأكد ان هى انا عايزك بس تساعدينى اتأكد
-اساعدك ازاى طيب
-عاييز عينه من شعرها هعمل تحليل DNA
-هحاول يا جاد ويارب تكون أختك
-ان شاء الله هى أختى انا متأكد
تعجبت من ثقته الزائدة لتعزم على مساعدته
_________
اوقف السيارة امام المدرسه ليرن هاتفها بصوت رساله: دى جنا قالتها وهى تنظر الى جاسر
-افتحيها طيب
"السواق قال ل هانى ان انا كنت قاعدة معاكى حاول يعرف كنا بنتكلم فأى بس انا محكتش حاجه خلى بالك من نفسك) نظرة الى جاسر
-متقلقيش أنزلى واى حاجه تحصل كلمينى
خرجت من السيارة لتلمح أحمد ينتظرها عند بوابه المدرسه لمحه جاسر ليهبط خلفها
-وجدها أحمد قادمه أقترب منها يصرخ بوجهها: أنتى عملت أى
-لا تفهم مقصده فى اى
-انتى اتخانقتى مع حد مع طالبه ولا حاجه
-لا فى اى
-المدير بلغنى ابلغك أنك مرفودة يا هانم
-اى قالتها بصدمه
-ازاى يعنى قالها جاسر بصدمه
-معرفش بيقول عرفها انها مرفودة وممنوع تتدخلى المدرسه
التفتت الى جاسر معقول هو يا جاسر
-مين هو قالها أح مستفهما
-فى بنت كانت محتاجه مساعدتى أكيد هو السبب عشان يبعدنى عنها
-مساعدة أى مش فاهم
-فى بنت فالفصل قالتلى انها متورطه مع واحد لى أسمه وطلبت مساعدتى
-احنا مالنا تساعديها لى اديكى اترفدتى يا ست هانم
-امسكه جاسرمن قميصه بغضب: انت بتتكلم معاها ازاى كدا انت اتجننت يالا
ابعدته جورى بصعوبه:خلاص يا جاسر
هتعملى أى دلوقت قالها أحمد بغضب
-مش هعمل حاجه انا كدا كدا مش عايزة أشتغل
-ازاى أحنا محتاجين الشغل دة
-وانت محتاجه لى ان شاء الله قالها جاسر بغضب
-انت بتتدخل لى انا وخطيبتى  بنتكلم انت بتتدخل لى
-يالاااا متخلنيش افقد أعصابى قلنا شغل مش هتشتغل يلا يا حورى خلينا نشوف اللى ورانا
تحركت خلفه تاركين أحمد يستشيط غضبا
-هتعمل أى يا جاسر
-هنروح نعمل محضر فالمركز القريب منه
-محضر أى
-ان هو متجوز بنت قاصر بس ابعتى ليها عرفيها كل اللى هيحصل لازم تشهد
-حاضر هبعتلها حالا
بالفعل تحرك معها بأتجاه مركز الشرطه ليأخذ أذن التفتيش ليتحرك بأتجاه فيلا البحراوى
كانت خائفه بشدة منذ ارسال جورى الرساله تخشى ان تؤؤل الامور الى شئ ليس جيد جلست تنتظر مصيرها
بالاسفل كان يجلس هانى مع ابن اخيه
-تمام يا عمى انا هظبط الصفقه واعرفك
-تمام يا زين
-انال جنا فين مشفتهاش انهاردة
-بتسأل لى قالها بغضب
-عادى يا عمى
-عالعموم جنا نايمه بترتاح فوق
-لى فيها حاجه ولا اى قالها بقلق
-نظر له بأستغراب: مالك قلقان عليها يعنى ولا اى
-لا ابدا انا بس بطمن انا همشى بقه
فتح باب الفيلا ليجد جاسر امامه: هانى البحراوى موجود
-ايوة فى حاجه قالها بقلق حينما لمح خلفه لعض رجال يرتدون حليه عسكريه
-اه فى قالها وهو يدلف للداخل بعد ان أزاح زين
-فى أى ومين أنتو
-وزع نظرة فى المكان بأكمله ليعيد نظراته الى هانى
-بالصلاه عالحبيب كدا صلى عليه بس
-عليه أفضل الصلاه والسلام
-الله ينور عليك انا بقه جاسر الفيومى وهنا ليه هتعرف دلوقت التفت الى العسكرى فتش
-أنت اتجننت تفتيش أى
-أهدى يا عمى قالها زين سريعا للسيطرة على انفعلات هانى فى أى حضرتك
-هقلك هانى البحراوى أنت متجوزواحدة قاصر
-قاصر أى انت اتجننت قالها زين بغضب
-لم يجيبه جاسر كان نظرة مسلط على هانى الذى بدا التوتر على وجهه
-أى يا هانى بيه مش هتتكلم
-أكيد فى حاجه غلط انا مراتى عندها 20سنه
-تمام عايزين نشوف قسيمه الجواز
-أى قالها بتوتر ظل يوزع نظراته
دلفت جورى فى هذة الاثناء وقفت بجانب جاسر
-أنتى مين أنتى كمان قالها زين
-انا جورى المغربى المدرسه بتاع جنا
-مدام جنا يا جاسر بيه قالها العسكرى وهو يقترب بها
-اقترب منها جاسر: جالنا بلاغ ان حضرتك متجوزة هانى البحراوى تحت السن القانونى صح ولا غلط
-وزعت نظراتها من خلف شعرخا الساقط على وجهها لتتحدث بخوف: ايوة
اجابتها كانت كصاعقه على زين اقترب منها: أنتى بتقولى  اى
تولت عنها جورى الاجابه: جنا عندها 17سنه ودى شهادة ميلادها ولما عمك أتجوزها كان عندها 16سنه
ابعدت الشعر عن وجهها ليجد كدمات تعبئ وجهها ودى نتيجه ان راجل بالاسم يتجوز مراهقه
-فهم زين مقصدها اقترب منها هانى بعد ورفع يدة كادت بالسقوط على وجهها ليمسك يده جاسر ليسدد اليه لكمه برأسه: أيدك لو كانت نزلت اكتر من كدا صدقنى هدفنك فى ارضك هاتوه
-انت أكيد اتجننت انت عارف انا مين
-متخفش هنعرف فالقسم قالها جاسر وهو يرحل وبجوارة جورى الممسكه بيد جنا وخلفهم زين
مر الوقت سريعا وقفت جنا تشكرها
-انا بجد مش عارفه أشكرك ازاى
-دا واجبى يا جنا خلى بالك من دراستك بقه ومن نفسك سلام تركتها وعادت الى جاسر
-شكرا يا جاسر انا مش عارفه من غيرك كنت هعمل أى انا بسببك انهاردة حسيت ان انا عملت حاجه فى حياتى
-انا جنبك دايما يا جورى وفى أى وقت هتحتاجينى هتلاقينى
___________
بقيت يومين فى المستشفى اليوم هو موعد خروجها لم يتركها لحظه منذ دلوفها المشفى
-حمدالله عالسلامه يا نورسين
-اجابته بابتسامه ساحرة: الله يسلمك شكرا يا مراد
-على اى
-وجودك جنبى بجد وجودك بيعنيلى كتير واللى عملته بجد مش عارفه أشكرك ازاى
-عايزة تشكرينى
-اه عايز اى وانا هنفذة
-أمسك يدها يقبلها تحت صدمتها وخجلها: تتجوزينى
-أى قالتها بصدمه لاتصدق ما سمعته لينهى صدمتها والدها الذى استمع للحديث
-انا مش موافق
نظروا له بصدمه ليكمل: نورسين هتسافر معانا خلاص انا سحبت ورقها وجهزت كل حاجه
-توالت الصدمات عليها لكنها لن تسمح أقتربت من أبيها: بابا أنت بتقول أى
-اللى سمعتيه برضاكى غصب عنك هتسافرى معانا
-امتلئت الدموع بعينيها نظرة لجدتها: تيتا
-تحدثت شمس سريعا: يا حبيبتى هناك هتبقى جنبنا وهنبقى مطمنين عليكى
-اه مطمنين عليا عالعموم انا اتعودت على غيابكوا وانا مش موافقه أسافر  معاكوا
-مش برضاكى يا نورسين قالها على بغضب
-لا برضاى قالتها بصراخ انتو ملكوش حق عليا غير انكوا جبتونى الدنيا وصرفتوا عليا فكركوا ان هى دى الابوة تبقوا غلطانين كام مرة احتجت ليكوا جنبى كنتوا فين كام مرة اترجيتكوا ترجعوا كام مرة كان نفسى اترمى فى حضنكوا وابكى كنتوا فين انتو من حياتى ومن احتياجى ليكوا وبسهوله عايزين اسيب حياتى واهلى وارجع معاكوا لا
-يعنى أى
-يعنى انا هفضل مع تيتا