وأد القلوب

supplement of part 29 (تكملة 29)

"وأد القلوب"

بقلمي: ورده خُزام

★★★★★★★★★

تكملـــــة بـــارت 29

ناز:

صحيت اني بالمستشفى بابا يمي واحمد ومهيمن وعمر ماما وشهد، فتحت عيني اجو ملهوفين عليه ..

شلونج، شلون صرتي؟ يتسابقون بالسؤال .. واني اريد اجاوبهم صوتي ميطلع انعادت عليه نفس مأساة مازن وصوتي اختفى ..

ضلوا يباوعولي مصدومين الا شهد بس دموعها تنزل
جريت التليفون كتبتلهم: اني مدااگدر احچي شبيه!!
قراها احمد وتقرب لزم ايدي ويگولي: بنيتي لتخافين يرجع صوتج مثل المرة الفاتت بس لا تعبين نفسج

درت وجهي منهم ورجع بذاكرتي همام والي سواه طفرت متهستره شلعت الكانيولا من ايدي الي ضلت تجري دم .. وطلعت من الغرفة اركض واخواني وراي گوة لزموني، اريد افك نفسي منهم ارافس بجسمي وصوت ماكو بس الدموع تكت دگيت على وجهي دكيت ملخت نفسي شلعت شعري

عمر راح يركض صاح ممرض اجه شدلي الكانيولا وهمه كوة مسيطيرين عليه، وين مااحصل فرصه اضرب نفسي ..

شالني احمد خلاني ع السرير گبل اجت عيني بعين الممرض جان لابس كمامة بس هاي عيونه!
اي والله هذا همام اني اعرف عيونه، فكيت نفسي من احمد وگمزت عليه اريد املخه اكله بسنوني بس احمد سيطر عليه حضني الصدره حيل ميخليني اتحرك

گمت بس اباوعله بحقد وعيوني تجري، وهو بس عيونه طالعة حمرررر دم، وگعت دمعه منه بسرعه مسحها.

تقرب ضربني ابره بدت نفسي تهدأ وعيوني تغفي الا ان ماحسيت بشي ..

وره فتره مااعرف شگد گعدت بس احس نفسي عبالك صارلي سنين نايمه ..

اباوع بالغرفه شهوده نايمه يمي وحاطه ايدها على وجها، عمر نايم ع الكرسي، مهيمن فارش بالكاع ونايم ..
باوعتلهم دموعي نزلت يوميه متعذبين بسببي يوميه همه گلوبهم محترگه عليه ومتبهذلين!

مديت ايدي على راس شهد العب بشعرها فزت شالت راسها باوعتلي رأسا بچت، اشرتلها تنطيني تليفونها

اطتنياه كتبتلها: شجابني هنا وشلون ؟
اخذته باوعت بالتليفون وحجتلي : خابر همام عليه يصيح ومتوتر گالي ناز تخربطت
ف گتله جيبها للبيت صعدها لغرفتها ومن تروح اني اگعدهم اگلهم تخربطت ..
وره دقايق خابرني فتحتله الباب الخلفي صعدج للغرفة وضل يبچي جوة رجليج الا ان طردته خاف احد يحس عليه ..

غمضت عيني وافكر لو شهد تدري شسوه جان فضحته من جابني. رجعت نمت وفزيت على صوت احمد يگعدني:

-  نازتي شو اگعدي حبيبتي هاي جبتلج ريوك

فتحت عيني كتله: صباح الخير

فك عيونه مصدووم!!
اني حطيت ايدي على حلگي: عزاا احجي احمد احجي صوتي طلع

حضني يضحك ويكولي: اي يروح اخوج تحجين ولج اخذتي ثلثين عافيتي وتالي وياج يوميه مهبطتني هبطة
عاد خلي اتزوج اشوف خلفتي مو راح تگطعيها للخلفة من وره هبطاتج !