الهَواجس

الحـلقة واحد وعشـرين

الكـاتبة شهـد🖤

أخذني بعيد عن الناس غنيلي وأغنيلك .

____________________________

علي

بهتت من منير گالي هالكلام حسيت نفسي سمعته غلط تقدمت عليه بسرعة وگلت..

-شنو شنو شلون يعني اخوها يريد يغتصبها شبيك تخبلت ولك ..

-لا ما تخبلت هذا اخوها من ابوها متحرش بيها ومن محاول يغتصبها شاردة من البيت..

بلعت ريگي وتأنيب الضمير اكلني لأن طردتها وهو عينه عليه ونضرته غريبة..

-وهسه هي وين عايشة

-ويه صديقتها واني دادورلها على شغل بلكي الگه هالفترة

-امم شوف اذا تريد رجعها لهنا

هز راسه بسرعة وراح جاب گلاص مي شربه كله دفعة وحدة وگال..

-ما تقبل ترجع تگول صديقكم رزلني اذا هو صاحب المحل اني مو عبدة عنده

رفعت حاجبي مستغرب...

-ايباه

-اي والله تره البنية درة بس انت مدري شلونك

-هاي لأن انت معجب بيها صارت درة

-لا مو بس لأن معجب بيها البنية حبابة وبحالها انت الي تخبلت عليها فجأة..

-عوفني من الموضوع اذا صدگ هيچ قصتها ليش ما بلغت على اخوها وشنو سالفة الذهب الي متهمينها بايگته..

گعد ع الكرسي مستند على ايده ونطق..

-لأن نذل وگ*** ونغ****

-هسه شفتهمت اني خلصتها فشاير

هز راسه متأسف ومبين حيل متأذي من الموضوع..

-اول ما طالعة من البيت رايح مبلغ هو عليها بتهمة سرقة وبهالحالة مجرد ما تروح يلقون القبض عليها وما ياخذون بأقوالها وهي المتهمة الوحيدة واذا دافعت عن نفسها وگالت تحرش بيه راح يتهموها بالتهرب من السرقة وهذا حال العراق العظيم دائماً البنية مضلومة...

-تحبها منير

شتت نضره عني بسرعة وگال..

-احبها بس هي ما تحبني

-لعد شلون تگول بينكم علاقة

-ما بينا بس اعترفت الها ورفضت

-لعد شو اتصالات واسرار بينكم وسوالف

-اني گلتلها خلينا اصدقاء وطلبت مساعدتي لأن مالها احد

هزيت راسي وگلت -اممم

صار هدوء مزعج بالمكان لحد ما هو گال اسمي..

-علي

-گول

-هي تحب واحد

وگفت وتقربت منه حطيت ايدي على كتفه وضربته ضربات خفيفة وگلت..