روايه بنت الاكابر

(الجزء الرابع ) (الحلقه السادسه ) ( العين بالعين )

(الجزء الرابع )
(الحلقه السادسه ) ( العين بالعين ) <3
................
(في الحلقات السابقه)
سلمى : انت اللى بتبعت رسايل لاحمد على انك واحده مش كده ؟
حاتم : ايه ؟ اصل اصل .. لا مش انا .. انا معرفش انتى بتتكلمى عن ايه
سلمى : لا انت .... انت احقر بنى ادم شوفته ف حياتى ... ومش عاوزه اشوف وش اهلك تانى
.................
(سلمى وحاتم قاعدين لوحدهم ، واحمد داخل من باب المطعم )
................................ (الحلقه السادسه ) <3
( ساره بتلمح احمد داخل من باب المطعم ): الله أكبر !
( حاتم بيلمح احمد داخل من باب المطعم وبيبدأ يعلى صوته )
حاتم بصوت عالى : بس انا لسا بحبك يا سلمى ومش عاوز حاجه غيرك انتى
سلمى : انت مجنون يا......
احمد : ايه اللى سمعته ده ....؟
سلمى : أحمد !
احمد : بيعمل ايه هنا ده ؟ وقاعده معاه بتاع ايه ؟
سلمى : اصل ...!!!
احمد : انتى لسا هتقولى أصل ،،، اسبقينى على عربيتك
سلمى : يا احمد استنى هفهمك
احمد : اخرسي واسبقينى على عربيتك بدل ما امسح بيك بلاط المطعم ...
سلمى : حاضر ( بعياط )
.....
احمد : انت بتعمل ايه يالا
عماد : ياجماعه استنوا كده واهدوا ...
احمد : لو سمحت يا مستر عماد خرج انت نفسك بره الموضوع
عماد : بس الموضوع ....
احمد : اتفضل حضرتك
احمد : انت بتعمل ايه يالا هنا مع سلمى
حاتم : بينى وبينها شغل وهنكون شركا ف مشروع واحد
احمد : بجد ...! ده شئ عظيم ... (بيجيب كرسي وبيكسره على ضهره )
احمد : طب وكده ... (بيقومه تانى وبيمسكه من ياقه القميص )
(الجرسونات واصحاب المطعم بيتدخلوا يفضوا الموضوع ويبعدوهم عن بعض )
احمد : وحياه روح امك يابن الكلب لو شوفتك ولو صدفه بس مش هخلى حد يعرفك ف اسكندريه يا حيلتها
حاتم : انا كنت خطيبها قبل مانت تكون جوزها . وقرايب .... انت اللى غريب
احمد : انا قولت اللى عندى .... واعتبر ان العلقه دى عربون منى ليك . عشان لو شوفتك تانى انت عارف هعمل فيك ايه .... بس ماتزعلش لو علمت على اغلى ما عندك وخليتك مش نافع ... اوعى انت وهو ... هشوفك تانى قريب .... وساعتها محدش هيلحقك منى يا كلب السكك انت ...
...........................
( عند عربيه سلمى )
احمد : اركبى ياساره مع عماد خليه يروحك .. وانتى اطلعى ع البيت وانا جاى وراك
سلمى : يا احمد افهمنى بس الاول
احمد : هو انا مش قولت اطلعى .... اخلصى بروح امك بدل ما ابهدلك قدام الناس .. اخلصى
ساره : يا احمد
احمد : اخرسي انتى كمان ... يلا يازفته انتى على البيت
سلمى : (بعياط ) حاضر
..............................
(ف البيت لسا داخلين واحمد واقف ساكت وبيبصلها )
سلمى : احمد ... انا عارفه انى غلطانه انى قعدت معاه بس هو ده طلع صاحب الشركه الجديده اللى قولتلك عليها واول ما عرفت كنت هسيبه وامشى .. وانا كنت بشتمه والله وانت داخل
احمد :
سلمى : يا احمد رد عليا .. انا اسفه ، ماتبصليش كده
احمد : ( بيضربها قلم جامد على وشها )
ادينى رديت ياسلمى
والقلم ده كان لازم تاخديه من زمان
عشان تعرفى تفرقي بين حياتى وحياتك
حياه سلمى بنت الناس الكبار . بنت الأكابر اللى عادى ممكن تعمل اى حاجه ف اى وقت براحتها .. لكن لا .. انتى متجوزه دكر . وراجل . واقدر اصون بيتى ونفسي واصون مراتى
انا استحاله هشك فيك لانى زى ما قولتلك قبل كده انك حره .. وده اللى خلانى احبك
بس انا عندى الموضوع واحد
طالما قبلتى انك تقعدى معاه بعد ما عرفتى انه صاحب الشركه ده بالنسبالى واحد كأنك خرجتى معاه لوحدكوا حتى لو انتى فعلا وانا متأكد انك كنتى بتشتميه وبتطلعى سلسفيل جدوده .. انتى ليكى راجل ياخد حقك لما انا ابقى اقصر ف انى اخد حقك ساعتها ابقى اعملى اللى على مزاجك
طول الوقت خايفه من رد فعلى ، خايفه تقوليلى كذا عشان مازعلش وده اللى بيخليك كل مره تخافى تيجى تقوليلى ...
انتى طول الوقت شايفه احمد العصبى اللى بيهدا بسرعه
ابن الناس الحنين اللى بيحبك .. اللى مايقدررش على زعلك
اللى بيطلع يطلع وينزل على مافيش
الواد ابو دم خفيف اللى بتحبيه وبتحبي ردوده وافعاله ورومانسيته وبتحبى حبه ليك
اللى بيعمل كل حاجه عشان بس يشوف ضحكتك
شوفتى كل ده .. صح ؟
طب شوفي الوش التانى بقي
هاتى مفاتيح عربيتك .
هاتى تليفونك
باب البيت ده ماتخرجيش منه ولا تفتحيه غير لاهلك واهلى ...
مافيش لا شغل ولا شركه ولا اى زفت على دماغك
ارجع من بره الاقي اكلى ونومتى جاهزين
الاقي البيت نضيف ومترتب ...
الشقه دى تتمسح كل يوم ... ونفسي اشوف ذره تراب واحده ف اى مكان ف الشقه
مافيش خروجات ولا فسح ولا اى حاجه م الحاجات دى
وشي هتلاقيه قالب طول اليوم
لما اقعد اتفرج على التلفزيون او ف البيت عموما مش عاوزك جنبى
وطول منا ف البيت وانتى جوه اوضتك .. ماتخرجيش غير للحمام او للمطبخ لما تيجى تطبخى
عاجبك على كده عاجبك ... مش عاجبك يبقى كل واحد يروح لحاله
عاجبك ولا لا ؟
(بيعلى صوته ) عااااااااااااااجبك ولا لا
سلمى : ( بعيااااااااط ) عاجبنى عاجبنى
احمد : خدى التليفون ده خليه معاك .. ده استقبال بس مش اتصال . انا اللى هبقى اتصل اشوف البيت ناقصه ايه كل شويه
سلمى : حاضر
احمد : قدامك نص ساعه على ما ادخل اخد دش يكون الغدا جاهز .. وياويلك لو مخلصش ف الوقت ده
............................
سلمى : طيب بعد اذنك هات تليفونى عاوزه اسأل على حاجه ف الطبيخ
احمد : مافيش تليفونات ... روحى عكى ف المطبخ اى حاجه ... واخلصى بقي انا عاوز اطفح
سلمى : طيب طيب
.........................
(سلمى بتكلم نفسها ف المطبخ )
سلمى : طب انا اعمل ايه دلوقتى
الرز مش بعرف اظبط الملح بتاعه والفراخ هتاخد وقت ... طب يارب الاقي بانيه ف التلاجه
يادى النيله خلصت ..
طب اطبخ ايه انا دلوقتى ؟
اعمل بطاطس بصلصه طيب مع الفراخ ... طب ب رز ولا عيش ؟
ماهو يوم ازرق انا عارفه مافيش عيش ... هعمل رز وفراخ بسرعه ويصبر بقا هو انا ساحره
لا انا هروح اخد التليفون ماليش دعوه الاكل لو باظ هيضربنى وهو بيتلكك
...............
سلمى : لو سمحت ...
احمد : عاوزه ايه
سلمى : هات تليفونى دقيقتين وخده تانى ...
احمد : اووووووووووف ... اهو خدى .. ولسا قدامك 20 دقيقه
سلمى : 20 دقيقه ايه . لا مش هلحق
احمد : 19 دقيقه
.........
سلمى : الو ! ساره .. عاوزه اعمل اكل ف ربع ساعه بس وتكون اكله حلوه .. اعمل ايه بسرعه الحقينى
ساره : طلعى اى حاجه م التلاجه حمريها طيب . بطاطس وكوكي ولا بانيه ولا اى حاجه واعملى مكرونه
سلمى : مكرووووووووووونه ! فكرتينى ... انا كنت سالقه مكرونه قبل ما اخرج الصبح وكنت ناويه اطبخها اصلا . بس اتلبخت النهارده ... طب واعمل ايه مع المكرونه طيب مافيش بانيه ولا حاجه مجمده ف التلاجه
ساره : هو لازم ربع ساعه يعنى ولا ايه ؟
سلمى : اه ده ماسكلى الوقت . وهيطين عيشتى لو اتأخرت
ساره : بقولك ايه . حمرى بطاطس مع المكرونه واسلقى بيض ... انتى هتموتى نفسك يعنى
سلمى : يعنى مكرونه وبيض وبطاطس بس ؟
ساره : اه .. هنعمل ايه يعنى
سلمى : طيب ماشى .. اقفلى .. طب لو على صوته بقا وقالى ايه ده الاكل ده اقوله ايه
ساره : معرفش بقي اتصرفى . سلام
سلمى : سلام
......................................
سلمى : اتفضل
احمد : ( بياكل )
سلمى : الأكل عجبك ؟
احمد : هى مش نعمه ربنا .. تبقى كويسه ... اهى اى حاجه تصبرنا على سيادتك .. بدل مانتى خيبه ماتعرفيش حاجه ولا تعرفى تعملى حاجه .... انتى رايحه فين ؟
سلمى : ايه هاكل معاك ؟
احمد : تاكلى معايا فين ؟ قومى يا ماما على اوضتك .. اغرفيلك اكل وادخلى كلى ف اوضتك لوحدك زى الجربانه .. مش عاوز اشوف وشك
سلمى : يا احمد انا ....
احمد : هو اللى هنعيده هنزيده ... ماتقومى ياروح امك مش قولتلك مش عاوز اشوف وشك طول منا ف البيت ... وهاتى التليفون ده . مش خلصتى مكالماتك .. هدخل انام شويه لغايه المغرب كده وانزل على المطعم تانى
سلمى : اهو خده مش عاوزاه
.......................
( بعد العشا )
احمد بيخبط على اوضه سلمى : انتى يا ابله .. البيت ناقصه حاجه اجيبها وانا جاى
سلمى : اه ناقصنا حاجات كتير . عاوزين مجمدات فراخ ولحمه وكفته بقا ... بانيه وطبق بيض وكيسين بطاطس وكيس بصل ...وطماطم و5 مكرونه عاديه و 5 اسباجيتى وشويه جبن بقا تركى وبيضه ..
احمد : طب سلام
.....................
( على باب العماره )
احمد : بقولك ايه يا عاشور ... هات ورقه وقلم كده وروح هات الحاجات دى وطلعهم لمدام سلمى
عاشور : اتفضل يا استاذ احمد
احمد : تجيبلها فرختين صاحيين من عند عظيمه الفرارجى . صاحيين ها اوعى تقوله يدبحهم ولا ينضفهم .. وشوال بطاطس ...
عاشور : بطاطس جاهزه ومتقطعه
احمد : لا يا شيلحف بطاطس بالقشر بتاعها وتجيب 2 كيلو لحمه وتجيب بطه كمان مع الفراخ صاحيه مش مدبوحه بردو ....ونص كيلو كبده .. اه وشوال بصل وطماطم يعنى يا عاشور .. هات الحاجات دى وطلعهالها .اه وهاتلها كورمبه... كورومبه حلوه كده كبيره وكيلو ممبار .واد يا عاشور اوعى تخليه ينضف حاجه . انا عاوز الاكل زى ماهو كده صاحى وطازه لاحسن اطين عيشتة اهلك .. واديها الورقه دى تقراها
عاشور : هههههههههههههه ماشى يا مولانا
احمد : بتضحك على ايه يالا
عاشور : ههههههههههههه لا اصل مدام سلمى مش هتعمل الحاجات دى
.........................
(عاشور بيجيب الحاجه لسلمى وبيديها الورقه وبتقراها ومكتوب فيها
احمد : عاوز اتعشى النهارده محشى وبط وممبار ... وبحب اكل بيتى يكون طازه مش يكون مجمد .... تليفونك هتلاقيه تحت مخدتى ... ويمين الله لو الاكل مجهزش او معرفتيش تطبخى لاتنامى النهارده واخده علقه )
سلمى : هههههههههههههههههه اه يابن الجزمه ... يخربيت دم أهلك العسسسسسل ده .هتموتنى هههههههههه
........................
سلمى : الو ! ساره بتعرفى تعملى محشى وبط مش كده
ساره : اه ليه ؟؟
سلمى : طب عدى على اسماء هاتيها وتعالى .. وهاتوا سالى معاكوا عشان انا ف حوسه
..................
( ف المطعم )
مصطفى : انت اتأخرت كده ليه ياعم ... ده كفايه انى مابنامش عشان اجى اقف معاك
احمد : ههههههههههههه وانت بروح امك تقدر ماتجيش
مصطفى : لا ياخويا مقدرش . المهم عملت ايه ف البت النهارده .. اسماء مراتى قالتلى .. ساره كلمت اسماء وسالى وندى ومروه عرفتهم الموضوع ياسيدى
احمد : هما شافوا حاجه منى ؟ وحياه النبى لاخليهم يقولوا حقى برقبتى
هما مفكرين ايه يا جدع البنات دى
مفكرين ان احنا عشان بنسيبهم يعنى يتنصحوا علينا بمزاجنا يبقى احنا على الهامش ولا ايه
انا اديت لسلمى حق انها تكون مسؤوله عن البيت . بل وعملت نفسي انى خايف منها ف موضوع الرساله ده ههههههههههههه وهى فكرت ان احمد بيخاف منى يا ساره ومعرفش ايه وقلبوها ضحك ... هيشوفوا وش تانى منى ....
مصطفى : طب استنى اسماء بترن
احمد : اه .. رد ياخويا عليها هتقولك انها راحه ل سلمى شويه
مصطفى : الو ! . ايوه يا سمسم
اسماء : انا رايحه ل سلمى يا مصطفى شويه
مصطفى : (بيبص لاحمد ) ههههههههههههه ماشى يا روحى .. هتتأخرى
اسماء : مش عارفه لسا .. ع العموم مش هتأخر
مصطفى : ماشى ... مع السلامه
مصطفى : انت عرفت منين انها هتقولى كده ؟
احمد : ههههههههههههههه يابابا انا بلاعبهم كلهم دلوقتى .. تعرف انا سايب سلمى دلوقتى ف البيت بتعمل ايه ؟
مصطفى : بتعمل ايه ؟
احمد : خير اللهم اجعله خير . جايبلها دكر بط صاحى مع جوزين فراخ مع كورومبه كبيره مع شويه ممبار من اللى قلبك يحبهم وقولتلها اجى بالليل اتعشى محشى وبط وممبار ههههههههههههه والا هتبقى وقعتك سوده
مصطفى : ههههههههههههههههههههههههه ياخرابى يامه .... سلمى بنت الأكابر هتطبخ الكلام ده
احمد : هههههههههههههه ما تصحى للكلام يابنى . امال اسماء مراتك رايحالها ليه دلوقتى . وهتلاقي ساره هناك دلوقتى وسالى اختى ..
مصطفى : يا ابن اللاعيبه ... دماغك دى ف الشر مالهاش حل وكتاب الله
مصطفى : طيب سيبك من الضحك بقا .... انت مازعلتش لما ضربتها ...!
احمد : زعلت ....؟
عارف يا مصطفى ... لما ضربتها ولقيتها واقفه بتبصيلى وساكته
انا دعيت على نفسي ف سرى
قولت ياريت كانت ايدى اتشلت ولا مديتها عليك
للحظه حسيت بضيق نفس
حسيت ان ايدى بتتررعش ومش قادر ابصلها ... كانت كل ما تبصيلى كنت انا بشيل عينى من عليها عشان ما تشوفش الحاله اللى انا فيها ....حسيت ان قلبى اتنفض من مكانه ....
بس سلمى كان لازم تفوق من اللى هى فيه وتعرف ايه اللى بيضايقنى وايه اللى مابيضايقينيش
مصطفى : معاك حق ... ربنا يخليكوا لبعض
....................................
(بيت سلمى )
(اسماء وساره وسالى بيدخلوا )
اسماء : ايه ده ان شاء الله ... ايه الحاجات الصاحيه دى
سلمى : ده العشا اللى احمد عايز يتعشى منه
ساره : ههههههههههههههههههه يابن اللذينه .. هو جايبلك العشا صاحى ههههههههههههههههه اه همووووووووت
اسماء : ههههههههههههه دماغ سم اقسم بالله
سالى : المهم القلم اللى خدتيه كان حلو ههههههههههه
سلمى : حلو ايه .. دنا ودانى صفرت .. وبتصفر لغايه دلوقتى .. اخوكى ايديه تقيله اوى يابت انتى ... ماكنتش اعرف انه كده
عارفين يا بنات ....؟
اقولكوا حاجه
النهارده كان اسعد يوم ف حياتى كلها
يمكن حتى اسعد من اول يوم اشوف فيه احمد
واسعد من يوم فرحى حتى
لان النهارده اتأكدت وعرفت انا مكانتى عند احمد عامله ازاى
غيرته المجنونه دى ماتطلعش غير من واحد بيحب
عصبيته وخوفه عليا
حتى العلقه اللى كلتها النهارده ....
على قد ما اخوك ايده تقيله وخدى احمر .. على قد منا وكتاب الله كان قلبى بيزقطط من جوه وفرحااااااااااان لان عارفه ان البنى ادم ده خايف عليا وعمل كل ده عشان بيحبنى
وبعدين هو معاه حق بصراحه ازاى اقعد مع واحد هو مش بيحبه . حتى لو انا كنت بشتمه . ماينفعش بردو . وكمان حاول يوقع بينى وبين احمد
انا حطيت نفسي مكان احمد ثوانى وقولت لو انا اللى قفشته قاعد مع واحده لوحدهم هعمل ايه
لقيت نفسي انى كان ممكن اقتله واقتلها واقوم قاتله نفسي .. ده سبب
ساره : والسبب التانى ..!
سلمى : احمد لما ضربنى .. عينه كان واقف فيها دموعه
وكان بيخبيها منى ومش عاوزنى اشوفها
حسيت انه لما مد ايده قلبه وجعه ... عشان كده انا مفتحتش بؤى ... ومسكت دموع الفرح اللى جوايا وسكت
قولولى بقي . اعمل ايه مع بنى ادم بالشكل ده بحنيته وغيرته وعصبيته ... عصبيته اللى اصلا اصلا مليانه حنيه
سالى : منا قولتلك هو حنين بس قلبته وحشه اوى ... وانتى السبب ...
ساره : هههههههههههههههههه انا هبعت عمر خطيبى يقعد مع جوزك شويه يعلمه الحاجات دى
.................
سلمى : طب ايه . الحاجات دى هنقسمها ازاى ومين هيعمل ايه . الواد شويه وهيقولى انه جاى ده مجنون
اسماء : انا عارفه انه يوم اسود ... اتفضلى شوفيلى حاجه البسها بدل العبايه دى ... كنتى تعرفينى وانا كنت البس لبس بيت تحت العبايه ...
سلمى : خلاص يا اسماء بقا انتى هتقطمينى ... المهم مين هيدبح البط والفراخ
ساره : لا انا مابعرفش ادبح . انتوا ادبحوها ونضفوها وانا اطبخ
سالى : وحياه امك .. طب ما نطبخهالك كمان (سلمى وسالى بيبصوا لاسماء )
اسماء : لا يا حيلتها انتى وهى محدش يبصيلى ، ماتحاولوش
سالى : هههههههههههههه يلا يا سوسكا بقا
اسماء : سوسكا مين مش دابحه حاجه انا ...... نيفر ايفر يا روح امك انتى وهى . على جثتى .. فاهمين ؟ على جثتتتتتتتتى
........................
الى اللقاء ف الحلقه القادمه