#ملوك
( البارت التانى )
ملوك : استحاله ! استحاله يبقي حر لانه متحصن ومتحاوط بالتعاويذ اللى مقيداه !! إلا بقا لو حد فعلا لقي الصندوق وفتحه .. تبقي مصيبه
احمد : ربنا يستر !! يلا انزلوا وصلنا
..........
هاجر : ( اخت ملوك ) بت يا موكه ! شوفتى انتى واحمد الفستان ولا لسا
بت يا زفته !! انتى يا زفته بتعملى ايه ؟
ملوك : استنى يابت الهبله انتى مش عارفه اكمل ام القصه !
هاجر : قصه ايه !
ملوك : قصه رعب بس تلبش !
هاجر : ده اسمه كلام ده والنبى ! يعنى ده منظر واحده داخله على جواز كمان اسبوعين تلاته ! المفروض ده وقت اللطافه والاكسسوارات والباديكيرات والمونيكرات
ملوك : هاها يا خفه ! احنا حلوين من غير الحاجات دى
هاجر : وهتبقي احلى بالحاجات دى
ملوك : يا نهار اسود ومنيل
هاجر : فيه ايه يا بت . ؟
ملوك : اخر صفحه ف الكتاب مقطوعه ومش باينه
هاجر : ابو شكلك رمه صح . خضتينى
ملوك : لا مانتى لازم تتخضى فعلا هههههههههه دى اهم صفحه ف الكتاب ! هى اللى بتبطل التعويذه
هاجر : تعويذه ايه يابت العبيطه بلاش الكلام اللى يلبش ده بقي . تعويذه ايه
ملوك : تعويذة عزازيل !!! الصفحه دى هى الوحيده اللى قادره تحرره .. بس لو حد قرأها وقدم قربان بالدم لل .... لإبليس
هاجر : استغفر الله العظيم يارب !!! يابنتى قومى .. قومى والله لاحسن اروح اقول لابوك ياخد منك القرف ده . دانتى زباله انتى وروايات وقصصك .
ملوك : هههههههههههههه بهزر معاك بخوفكوا بس ... طلعتوا بتخافوا !!1 احمد بردو بيخاف
هاجر : احمد ابن خالك مابيخافش ! هتلاقيه كان واخدك على قد عقلك
ملوك : والله عارفه احمد اكتر منك يا خفه . ده حب 14 سنه ده من ساعة ما وعيت ع الدنيا وعارفه انه كبير وتقيل ومش اى حاجه تخوفه .. بس بردو اول مره اشوفه مهزوز وعينه مخطوفه كده وانا بتكلم عن الشيطان ده
هاجر : ليه .. ؟
ملوك : لان اسم المخلوق ده فعلا يخض !! وله قصص ف السيره كتير واد ايه انه بشع وانه خارج السيطره ومش اى حد مؤمن يقدر عليه .. وياما قضى على شيوخ وعلماء دين كانو فاكرين انهم هيسيطروا عليه
هاجر : واحمد عارف الكلام ده . ؟
ملوك : طبعا عارفه !! ده هو اللى دخلنى ف سكة قراءه القصص والروايات . وكان بيحكيلى حكايات رعب كتير بس مش بالشكل ده !! دلوقتى بقا بالمحسوس قالى ماتقريش الروايه دى
هاجر : معاه حق !
ملوك : مش قادره مكملهاش .. واهو على وشك اخر صفحه مفقوده ... يارب بس تكون اتقطعت وماوقعتش ف ايد حد يقدر يفك تعويذه المخلوق ده
هاجر : طب قومى ! قومى نتعشي بلا قلة ادب
...............
ايهاب : ايه يا صاحبي !! قاعد كده ليه
احمد : مانت عارف بقي زنقة الجواز . كل يوم يطلعلى خازوق . دا الواحد اتخرب بيته يا أخى
ايهاب : ههههههههههههه ماهى كده ! تخلص حاجه تطلعلك حاجه تانيه !! دنا اتفشخت لما جيت اتجوز !! شحت .. بيعت اللى ورايا واللى قدامى ههههههههههههه
احمد : منا بيعت خلاص
ايهاب : خلصت القاعه يعنى وكل شئ
احمد : من بدرى !! ناقص بس اوصى ع التورته ! وربك يسهل
ايهاب : يارب على خير !! ايه اللى ف جيبك ده
احمد : ايه !! لا دى ورقه كده مكتوب فيها .... مكتوب فيها مصاريف للفرح وكده ماتشغلش بالك
ايهاب : مصاريف فرح ايه ياعم دى شكلها ورقة من كتاب
احمد : لا انا كاتب ف ضهرها ماتشغلش بالك ... قوم قوم نمشي
.................
دايما المقدمات بتفهمك كل حاجه !!
ركز ف اللى فات وانت هتعرف اللى جاى
#أحمد_سعد
أنت تقرأ
قصه ملوك
Ficción General= طيب انت جايبنى البيت ده ليه يا أحمد . ؟ - ماحنا لازم نقابل العرافه دى تشوف ايه الحكايه = عرافة ايه بس وبتاع ايه دا كله نصب ودجل وولاد كلب - الأمر ما يسلمش !! انا بدات جتتى تتلبش ومش مستحمل ليله واحده أقضيها ف الرعب ده .. كفايه امبارح ! = هيكون...
